Morgunblaðið - 15.01.1999, Síða 22

22 FÖSTUDAGUR 15. JANÚAR 1999
MORGUNBLAÐIÐ
Steingrím-
ur stjórnar-
formaður
Remex
VIÐSKIPTI
Úrskurðarnefnd fjarskipta- og póstmála um kæru Landssímans
Póst- og fjarskiptastofn-
un skorti lagaheimild
ÚRSKURÐARNEFND fjarskipta-
og póstmála hefur fellt úr gildi
bráðabirgðaúrskurð Póst- og fjar-
skiptastofnunar um að Landssíman-
um beri að innheimta gjöld fyrir
millilandasímstöð Tals hf. Telur úr-
skurðamefndin að Póst- og fjar-
skiptastofnun hafi ekki tilgreint
lagaleg rök fyrir bráðabirgðaúr-
skurði sínum.
Úrskurðarnefndin bendir á að í
forsendum Póst- og fjarskiptastofn-
unar liggi ekki fyrir mat á hugsan-
legu tjóni sem Tal hefði af því; að
beðið væri endanlegrar efnisákvörð-
unar. Þá segir að ekki sé að fínna í
ákvörðuninni upplýsingar um hvort
Tal hefði ekki sjálft getað annast
innheimtu fyrir millilandasímtöl,
sem lögð var á herðar Landssímans.
Ennfremur segir að ekki liggi fyrir
hver kostnaður Landssímans annars
vegar og Tals hins vegar verði af
slíkri innheimtu. Úrskurðarnefndin
fellst ekki á að bráðabirgðaákvörðun
helgist af neyðarrétti vegna yfirvof-
andi hættu er skyndilega beri að.
Póst- og fjarskiptastofnun kvað
upp þann bráðabirgðaúrskurð 31.
desember síðastliðinn að Landssím-
anum bæri að tengja millilandasím-
stöð Tals við almenna símkerfið.
Einnig ákvað stofnunin að Lands-
símanum bæri að innheimta fyrir
hringingar úr almenna símkei-finu í
gegnum millilandasímstöð Tals.
Landssíminn kærði úrskurð Póst-
og fjarskiptastofnunar til úrskurð-
arnefndar.
Vinnubrögðum Póst- og
fjarskiptastofnunar áfátt
Ólafur Þ. Stephensen, talsmaður
Landssímans, segir að úrskurðar-
nefnd hafi tekið undir öll sjónarmið
Landssímans. „Niðurstaðan stað-
festir að vinnubrögðum Póst- og
fjarskiptastofnunar hafi verið áfátt
og úrskurðurinn, sem hafi verið
íþyngjandi fyrir Landssímann, ekki
haft lagaheimild." Landssíminn mun
hætta þeirri vinnu sem hafin var við
undirbúning að innheimtu símgjalda
fyrir Tal.
Ólafur sagði ekki útilokað að
Landssíminn tæki að sér innheimtu
fyrir önnur fjarskiptafyrirtæki í
framtíðinni „Við höfum hins vegar
lagt áherslu á að Landssíminn verði
ekki þvingaður til að innheimta fyrir
keppinauta. Ef úrskurður Póst- og
fjarskiptastofnunar hefði staðið
óhaggaður hefðu fleiri getað opnað
millilandasímstöðvar og látið Lands-
símann sjá um að innheimta sím-
gjöld.“
Arnþór Halldórsson, fram-
kvæmdastjóri sölu- og markaðssviðs
Tals, segir ákvörðunina ganga gegn
hagsmunum neytenda. „Með úr-
skurðinum er slegið á frest að sím-
notendur hér á landi geti hringt til
útlanda á 20% lægra verði en
Landssíminn býður. A ársgrundvelli
er um að ræða 350 milljóna króna
sparnað í millilandasímtölum."
Landssimi sýnir
lítilsvirðingu
Arnþór segist furða sig á að
Landssíminn vilji veikja úrskurðar-
vald Póst- og fjarskiptastofnunar.
„Með þessu sýnir Landssíminn
stofnuninni lítilsvirðingu sem er alls
ekki í samræmi við yfirlýsingu for-
ráðamanna Landssímans um mikil-
vægi hennar.
Póst- og fjarskiptastofnun mun á
næstunni kveða upp efnislegan úr-
skurð um beiðni Tals um að Lands-
síminn innhemti gjöld fyrir milli-
landasímtöl. Ólafur Þ. Stephensen
hjá Landssímanum segir að fyrir-
tækið muni færa ítarleg rök fyrir af-
stöðu sinni að ekkert í íslenskum
lögum eða reglum Evrópska efna-
hagssvæðisins skyldi fyrirtækið til
að innheimta gjöld fyrir keppinauta
og að ekki felist samkeppnishömlur í
því að fjarskiptafyrirtæki þurfi
sjálft að innheimta gjöld af við-
skiptavinum sínum.
Gústaf Arnar, forstjóri Póst- og
fjarskiptastofnunar, lýsir í samtali
við Morgunblaðið vonbrigðum sín-
um með úrskurð úrskurðarnefndar
póst- og fjarskiptamála. Hann segir
að áfram verði unnið að málinu og
reynt verði að sætta deiluaðila.
Dregur úr niöguleikum
stofnunarinnar
I fréttatilkynningu frá Póst- og
fjarskiptastofnun segir að úrskurð-
arnefndin hafi dæmt að Póst- og
fjarskiptastofnun hafi ekki laga-
heimild til bráðabirgðaákvarðana til
að framfylgja þeim markmiðum laga
um fjarskipti sem miða að því að
tryggja frelsi og samkeppni á fjar-
skiptamarkaðinum. „Þessi niður-
staða dregur óhjákvæmilega úr
möguleikum stofnunarinnar til að
tryggja að jafnræði ríki milli sam-
keppnisaðila að því er varðar að-
gang þeirra að markaðinum og
möguleika notenda til þess að not-
færa sér frá fyrsta degi þá þjónustu
sem þeir bjóða,“ segir í tilkynning-
unni.
Samkvæmt lögum er lengsti
frestur til að ná samkomulagi um
málamiðlun milli fyrirtækjanna 6
mánuðir en að þeim tíma liðnum
eða fyrr ef aðilar leggja fram beiðni
þar um, mun stofnunin taka
ákvörðun í málinu. Slíka ákvörðun
má kæra til úrskurðarnefndar, seg-
ir í tilkynningunni frá Póst- og fjar-
skiptastofnun.
STEINGRÍMUR Hermannsson,
fyrrum seðlabankastjóri, var í gær
kosinn stjórnarformaður í fyrirtæk-
inu Remex.
Fyrirtækið er ársgamalt og hefur
fram að þessu unnið að undirbúningi
fyrir sókn á alþjóðamarkað á sviði
stoðtækjaframleiðslu. Hluthafar í
Remex eru nú sautján talsins, inn-
lendir og erlendir, og er hlutafé 23
milljónir.
Steingrímur Hermannsson sagði í
samtali við Morgunblaðið að sér hafi
þótt fyrirtækið athyglisvert og því
hafi hann ákveðið að vera með í upp-
byggingu þess. „Remex vinnur að
mjög mannvænum verkefnum sem
er aðstoð við þá sem eru hreyfihaml-
aðir eftir slys eða af öðrum orsök-
um. Þetta er fjölþjóðaíyrirtæki sem
stefnir á alþjóðamarkað og frá
stofnun hefur verið unnið að undir-
búningi þeirrar sóknar,“ sagði
Steingrímur.
Að sögn Steingríms er fyrirhugað
að fjölga hluthöfum í 25 og fá fyrir-
tækið skráð sem fyrst á opinn verð-
bréfamarkað. „Ætlunin er að sam-
eina undir einu merki Stoð hf. og
Stoðtækni Gísla Ferdinandssonar
ehf., en síðarnefnda fyrirtækið er
stór hluthafi í Remex. Þessi fyrir-
tæki munu ásamt stóru fyrirtæki í
Flórída og fleiri erlendum aðilum
framleiða og markaðssetja undir
einu merki, fullkomin stoðtæki og
íþróttavörur sem fyrirbyggja
meiðsl," sagði Steingrímur.
Hagnaður Apple
meira en tvöfaldast
Cupertino, Kaliforníu.
HAGNAÐUR tölvuíyrirtækisins
Apple á síðustu þremur mánuðum
ársins í fyrra rúmlega tvöfaldaðist
vegna góðrar sölu iMac einkatölv-
unnar og hefur fyrirtækið skilað
hagnaði fimm ársfjórðunga í röð.
Hagnaðurinn til desemberloka
jókst í 123 milljónir dollara, eða 78
sent á hlutabréf, úr 47 milljónum
dollara, eða 33 sentum, einu ári áð-
ur. Sala jókst um 8,4%, í 1,171 millj-
arð dollara úr 1,68 milljörðum doll-
ara.
Eftir minnkandi markaðshlut-
deild mestallan þennan áratug hafa
orðið mikil umskipti hjá Apple undir
stjórn Steve Jobs aðalframkvæmda-
stjóra, sem hefur dregið úr kostnaði
og komið fram með nýjungar eins og
iMac tölvuna, sem var kynnt í ágúst.
Alls voru seldar 519.000 iMac tölvur
á þremur síðustu mánuðum ársins í
fyrra.
„iMac hefur staðið sig mjög vel og
eftirspurn eftir G3 borðtölvum var
góð,“ sagði sérfræðingur Brown
Brothers Harriman, sem taka „hlut-
lausa“ afstöðu til hlutabréfa í Apple.
Apple hafa sent frá sér 800.000
iMactölvur síðan vélarnar voru
kynntar 15. ágúst. Fyrr í þessum
mánuði kynnti fyrirtækið hraðvirk-
ari iMac tölvur í fimm litum, sem
fást á 1199 dollara.
Konu í fyrsta sæti
á Austfjörðum!
Landssamband sjálfstæðiskvenna
HERTA Þorsteinsdóttir, framkvæmdastjóri Vöruveltunnar, Hreggviður Jónsson, forstjóri Islenska út-
varpsfélagsins, og Þórólfur Árnason, forstjóri Tals, hlutu viðurkenningar frá ímarki. Með þeim á mynd-
inni ei-u Ólafur Ragnar Grímsson, forseti íslands, og Ingólfur Guðmundsson, formaður fmarks.
Tal hlaut markaðs-
s
verðlaun Imarks
IMARK - félag íslensks markaðs-
fólks veitti Tali hf. í gær mark-
aðsverðlaun félagsins 1998 en
auk Tals voru Islenska útvarpsfé-
lagið og Vöruveltan, 10-11 til-
nefnd til verðlaunanna. Valur
Valsson, bankastjóri Islands-
banka, var við sama tækifæri val-
inn fulltrúi Islands í vali á mark-
aðsmanni Norðurlandanna.
I ræðu formanns Imarks, Ing-
ólfs Guðmundssonar, kom fram
að miklar breytingar hafi orðið á
fjarskiptamarkaði. Þar hafi Tal
náð góðuin árangri í markaðs-
setningu á skömmum túna þrátt
fyrir ýmsar takmarkanir varð-
andi útbreiðslu. „Islenska far-
símafélagið fékk starfsleyfi fyrir
GSM símaþjónustu í júlí 1997.
Unnið var að uppbyggingu kerf-
isins fram til 5. maí í fyrra en þá
hófst sala áskrifta. Á þessum
tíma höfðu margir efasemdir um
möguleika fyriitækisins á þess-
um markaði og settu spurningar-
merki við þá markaðsnálgun sem
það fór af stað með. En strax
þremur mánuðum síðar hafði
fyrirtækið náð 10% markaðshlut-
deild og nú eru viðskiptavinir
þess um 12 þúsund og markaðs-
hlutdeildin um 16%,“ sagði
Ingólfur.
Norrænu markaðsfélögin hafa
allt frá árinu 1933 valið á þriggja
ára fresti markaðsmann Norður-
landa. Til stendur að gera þetta
að árlegum viðburði og var þess
farið á leit við Imark að tilnefna
fulltrúa Islands. Einn Islendingur
hefur fengið þessa viðurkenn-
ingu en það var Jón Óttar Ragn-
arsson sem var útnefndur mark-
aðsmaður Norðurlandanna árið
1989. Útnefning á markaðsmanni
Norðurlandanna fer væntanlega
fram í október nk. en þá heldur
danska félagið upp á 75 ára af-
mæli sitt.
Að sögn Ingólfs er Valur Vals-
son fulltrúi þeirrar greinar sem
hvað stórfelldustum breytinguin
hefur tekið á síðustu misserum,
„hann hefur verið leiðandi frum-
kvöðull á mörgurn sviðum bæði
hvað varðar þróun og markaðs-
hugsun í greininni. Markaðsstarf
fyrirtækisins undir hans sljórn
hefur skilað jákvæðum rekstrar-
árangri undanfarin ár og hlut-
höfum hárri ávöxtun. Enda hefur
hann ávallt lagt mikla áherslu á
faglegt innra- og ytra markaðs-
starf. Hann er jafnframt æðsti
stjórnandi stórfyrirtækis sem
hefur í langan tíma haft mark-
aðsmál fyrirtækisins á sinu
borði."