Morgunblaðið - 21.02.1999, Qupperneq 4
4 SUNNUDAGUR 21. FEBRÚAR 1999
MORGUNBLAÐIÐ
VIKAN 14/2 - 20/2
► KR-INGAR minntust á
þriðjudaginn aldarafmælis
félagsins með fjölmennri
móttöku i Ráðhúsi Reykja-
víkur. Flutt voru ávörp í til-
efni dagsins, félaginu færð-
ar kveðjur og gjafir og
kynnt var bók um sögu fé-
lagsins „KR - fyrstu hund-
rað árin.“
► LANDSBANKI íslands
hf. var í Héraðsdómi
Reykjavíkur í gær dæmdur
til að afhenda ríkisskatt-
stjóra upplýsingar um inni-
stæður, vaxtatekjur og af-
dregna staðgreiðslu 1.347
einstaklinga á árinu 1997.
Bankinn hafði áður hafnað
þessari beiðni ríkisskatt-
stjóra og borið fyrir sig
bankaleynd.
► FÉLAG fasteignasala
hefur sent Páli Péturssyni
félagsmálaráðherra skeyti
þar sem segir að ófremdar-
ástand ríki á fasteigna-
markaðnum. Stjórnin krefst
þess að ráðherra grípi taf-
arlaust til aðgerða vegna
langvarandi tafa á af-
greiðslu umsókna hjá
Ibúðalánasjóði.
► VISTORKA, nýtt íslenskt
fyrirtæki, hefur tekið hönd-
um saman við stórfyrirtæk-
in DaimlerChrysler, Norsk
Hydro og Shell um að
stofna hér á landi íslenska
vetnis- og efnarafalafélagið
ehf. Félaginu er ætlað að
kanna framleiðslu- og notk-
unarmöguleika vetnis, sem
framtíðarorkugjafa.
Þingflokkar Samfylk-
ingar sameinaðir
NÝR 17 manna þingflokkur var stofn-
aður á fimmtudag úr þingflokkum Al-
þýðubandalags, Alþýðuflokks og
Kvennalista. Rannveig Guðmundsdótt-
ir, var kjörin formaður þingflokksins.
Formaður Alþýðuflokksins, lagði til í
vikunni að Margrét Frímannsdóttir,
formaður Alþýðubandalagsins, yrði
talsmaður Samfylkingarinnar í kosn-
ingabaráttunni.
Ahöfn Vatneyrar
yfirheyrð
SKÝRSLUTÖKUR vegna veiða Vatn-
eyrar BA umfram kvóta fóru fram hjá
ríkislögreglustjóra á miðvikudag en
skipið landaði afla á Patreksfirði á
þriðjudag. Að loknum skýrslutökum
verður gagnaöflun haldið áfram.
Ákveður saksóknari síðan hvort gefin
verður út ákæra á hendur útgerðinni.
Svavar Guðnason útgerðarmaður sagði
að með veiðunum væri verið að mót-
mæla kvótakerfínu.
Viðbúnaður á
Vestfjörðum vegna
snjóflóðahættu
NOKKUR hús voru rýmd á Vest-
fjörðum á fimmtudagskvöld vegna
snjóflóðahættu. Ákvað Veðurstofan í
samráði við sýslumanninn á ísafirði og í
Bolungamk að rýma hús á hættusvæð-
um. Á ísafirði voru hús undir Selja-
landshlíð og Súðavíkurhlíð rýmd, en í
Bolungarvík voru átta íbúðarhús rýmd.
Tyrkir handsama
Abdullah Öcalan
ABDULLAH Öcalan, leiðtogi Verka-
mannaflokks Kúrdistan (PKK), var
handsamaður í Naíróbí í Kenýa og flutt-
ur til Tyrklands að-
faranótt þriðjudags.
Öcalan hefur verið á
flótta frá því í október
síðastliðnum. Bylgja
harkaiegra mótmæla
útlægra Kúrda reið yf-
ir Evrópu er fregðan-
ist að Grikkir hefðu
sleppt vemdarhendi af
Öcalan og hann væri
kominn í hendur Tyrkja. Þrír ráðherrar
í grísku ríkisstjóminni neyddust til að
segja af sér. Israelskir öryggisverðir
skutu þrjá Kúrda til bana er hópur
Kúrda réðist til inngöngu í Berlínarúti-
bú sendiráðs Israels í Þýzkalandi. í
Lundúnum héldu 90 Kúrdar gríska
sendiráðinu á valdi sínu í þrjá daga.
Samtök Kúrda og ýmis vestræn ríki
hafa skorað á Tyrki að efna til heiðar-
legra réttarhalda yfir Öcalan og ábyrgj-
ast mannréttindi hans en Tyrkir kváð-
ust ekki mundu líða nein erlend afskipti.
Endasprettur
Kosovo-viðræðna
Á HÁDEGI í gær, laugardag, rann út
fresturinn sem samningamönnum
Serba og Kosovo-Albana vom gefnir af
Tengslahóp stórveldanna til að ná sam-
komulagi um framtíð héraðsins í við-
ræðunum í Rambouillet-kastala í
Frakklandi. Litlar líkur virtust til þess í
gærmorgun að niðurstaða næðist áður
en fresturinn rynni út, en samningavið-
ræður stóðu óslitið alla nóttina. Slobod-
an Milosevic, forseti Júgóslavíu bauð
stórveldunum birginn og sagðist á
fóstudag hvergi hvika í afstöðu sinni og
heldur vilja þola loftárásir NATO.
Öcalan
► KOSNINGAR til græn-
lenzka heimastjórnarþingsins
fóru fram á þriðjudag. Si-
umut, grænlenzki jafnaðar-
mannaflokkurinn undir for-
ystu Jonathans Motzfeldts,
missti eitt sæti á þinginu, þar
sem samtals 31 á sæti, og
Atassut, borgaralegur sam-
stjórarflokkur Siumut, missti
tvö sæti. Sigurvegari kosn-
inganna var bandalag óháðra
frambjóðenda, sem flestir
eru mjög ungir og fylgis-
menn grænlenzks sjálfstæðis.
Vinstriflokkurinn Inuti
Ataqatigiit, sem lengi liefur
verið í stjórnarandst öðu,
bætti við sig þingmanni.
► ENGIN ástæða er til að
fresta frekar afnámi toll-
fijálrar verzlunar innan Evr-
ópusambandsins (ESB), sem
til stendur að gerist um mitt
þetta ár, að mati fram-
kvæmdastjórnar ESB. Að
þessari niðurstöðu komst hún
eftir að hafa kannað, að
beiðni leiðtoga ESB-ríkjanna,
hvaða áhrif bann við fríhafn-
arverslun á feijum og í flug-
höfnum sambandsins hefði á
vinnumarkaðinn og hvort
fýsilegt væri að heimila slíka
starfsemi enn um sinn.
► YFIRVÖLD sjávarútvegs-
mála í Noregi og Rússlandi
verða að loka Barentshafi að
hluta. Einar Johansen, vara-
formaður i Norges Fiskarlag,
helztu hagsmunasamtökum
norskra sjómanna, lýsti þessu
yfir á fimmtudag. Sagði hann
lokun svæðisins einu Ieiðina
til að koma í veg fyrir stór-
fellt dráp á smáþorski.
FRÉTTIR
Friðrik Sophusson um stækkunarmöguleika Landsvirkjunar
Tæknileg'a tilbúnir að
tvöfalda raforkufram-
leiðslu fyrir árslok 2006
FRIÐRIK Sophusson forstjóri
Landsvirkjunar segir í viðtali við
Reuters fréttastofuna í vikunni að
fyrirtækið sé tilbúið að tvöfalda
orkuframleiðslu sína, frá því sem
hún er nú, fyrir árslok 2006, eða úr
7,7 terawattstundum í 14,9 ter-
awattstundir.
I fréttinni kemur fram að virkjað
vatns- og gufuafl á landinu árið
1996 hafi verið 5,1 terawattstund.
Að meðtöldum þeim vatns- og
gufuaflsvirkjunum sem fram-
kvæmdir eiga að hefjast við á
þessu ári verði árleg orkufram-
leiðsla hins vegar komin í 7,7 ter-
awattstundir, og eru Búðarháls-
virkjun, Svartsengi og Vatnsfells-
virkjun inni í þeirri tölu, að sögn
Friðriks.
Friðrik sagði í samtali við Morg-
unblaðið að ekki væri um að ræða
áætlanir Landsvirkjunar heldur þá
aukningu sem Landsvirkjun teldi
sig tæknilega undirbúna að ráðast í
á tilteknu tímabili. Það væri hins
vegar að sjálfsögðu háð orkukaup-
endum, útkomu úr mati á umhverf-
isáhrifum og leyfi Alþingis hvort
ráðist yrði í þessar framkvæmdir.
Ekki áætlanir Landsvirkjunar
heldur tæknilegur möguleiki
Að sögn Friðriks miðast aukning
raforkuframleiðslu í 14,9 terawatt-
stundir á ári við framkvæmd Fljóts-
dalsvirkjunar, N orðlingaölduveitu,
Skaftárveitu, virkjunar í Bjarn-
arflagi og Kárahnúkavirkjunar.
„Þetta er það sem er tæknilega
mögulegt að áliti Landsvirkjunar
fram til loka árs 2006 en í okkar
áætlunum er ekkert á fram-
kvæmdastigi nema Vatnsfellsvirkj-
un, Búðarhálsvirkjun og Svartsengi
sem við framkvæmum ekki heldur
kaupum raforku af. Við höfum lýst
áhuga okkar á virkjun í Bjam-
arflagi, Norðlingaalda er enn á við-
ræðustigi og Kárahnúkavirkjun er á
frumstigi, en talsverðum fjármun-
um verður veitt í rannsóknir við
Kárahnúka á þessu ári,“ sagði Frið-
rik í samtali við Morgunblaðið í
gær.
I viðtali Friðriks við Reuters
fréttastofuna segir einnig að ef
samningar við Norsk Hydro gangi
upp verði um að ræða 120,000 tonna
álver með möguleika á að vera
stækkað í 360,000 tonn. Til þess að
mæta þeirri orkuþörf sem þar skap-
ast þurfi að fara út í tvær nýjar
virkjanir, og er þar átt við Fljóts-
dalsvirkjun og Kárahnúkavirkjun,
að sögn Friðriks.
S Morgunblaðið/Kristinn
Áfram norðan strekkingur
BUIST er áfram við norðan strekkingi víða um urhæðar í gær og fyrradag hefur verið erfitt um
land í dag með talsverðu frosti norðanlands en samgöngur en tveir jafnfljótir skila mörgum um
heldur minna frosti syðra. Vegna snjókomu og veð- drjúglangan veg þegar á þarf að halda.
Breyttar aðferðir við innheimtu hjá tollstjóranum
í Reykjavík skila betri árangri
Bætt innheimta skilaði
650 milljónum til ríkisins
ÁRANGUR innheimtumála hjá toll-
stjóranum í Reykjavík batnaði á síð-
asta ári í kjölfar breytinga sem
gerðar vöru í innheimtunni. Bætt
innheimta skilaði ríkissjóði 650
milljónum meira á árinu en ef inn-
heimtan hefði verið með óbreyttum
hætti. Fjárnámsbeiðnum hjá emb-
ættinu hefur fækkað um helming og
gjaldþrotaskiptabeiðnum um þriðj-
ung.
Þessar upplýsingar koma fram í
svari fjármálaráðherra á Alþingi við
fyrirspum frá Guðmundi Hallvarðs-
syni alþingismanni.
Gjaldheimtan í Reykjavík var
lögð niður 1. janúar 1998 og inn-
heimta á vegum hennar flutt til
embættis tollstjórans í Reykjavík.
Jafnframt var starfsemi innheimtu-
sviðs embættisins endurskoðuð með
það að markmiði að auka skilvirkni í
innheimtumálum, samræma störf
innheimtumanna, draga úr dýrum
innheimtuaðgerðum vegna lágra
fjárhæða og tryggja jafnræði gjald-
enda. Sett var á stofn sérstök milli-
innheimtudeild, sem var ætlað að
gefa gjaldendum upplýsingar um
vanskil og gefa þeim kost á að leysa
mál sín án þess að til frekari og
kostnaðarsamari innheimtuaðgerða
þyrfti að koma.
Minna um fjárnám
og gjaldþrot
Þær breytingar sem gerðar voru
leiddu til þess að fjámámsbeiðnum
fækkaði úr um 16.000 árið 1997 í
8.164 árið 1998. Útlagður kostnaður
við fjárnámsbeiðni er að lágmarki
3.500 kr. og því hafa sparast a.m.k.
28 milljónir kr. vegna færri fjár-
námsbeiðna. Sá sparnaður er aðal-
lega hjá gjaldendum. Gjaldþrota-
beiðnum fækkaði um 286 milli ára
sem er 31% fækkun. Jafnframt
fækkaði uppkveðnum úrskurðum
um gjaldþrotaskipti um 86, sem er
23% fækkun milli ára. Þegar mál
eru tekin til gjaldþrotaskipta þarf
tollstjóri að leggja fram 150.000 kr.
tryggingu fyrir greiðslu kostnaðar
við skiptin. Tollstjóri áætlar að
þessi fækkun hafi sparað ríkissjóði
8 milljónir króna á síðasta ári.
Fjármálaráðherra segir í svari
sínu, að þegar ákveðið var að leggja
Gjaldheimtuna niður og færa verk-
efni hennar til tollstjóra hafi verið
reiknað með að innheimtuárangur
versnaði fyrst um sinn. Þetta hefur
hins vegar ekki gerst heldur þvert á
móti hefur hann almennt batnað
milli ára. Innheimtuái-ar.gui- toll-
stjórans í Reykjavík á þinggjöldum
félaga batnaði um 5,44%. Arangur
varðandi innheimtu þinggjalda ein-
staklinga batnaði um 5,07%. Inn-
heimta á virðisaukaskatti batnaði
um 0,45%, en innheimtuárangur á
staðgreiðslu opinberra gjalda
versnaði um 0,18%.
„I heild hefur bættur innheimtu-
árangur tollstjórans í Reykjavík í
framangreindum gjaldflokkum leitt
til þess að innheimt hefur verið um
það bil 650 milljónum kr. meira á
árinu 1998 en verið hefði ef inn-
heimtuárangur hefði verið óbreytt-
ur miðað við árið 1997 að teknu til-
liti til lakari innheimtuárangurs í
staðgreiðslu opinberra gjalda,“ seg-
ir í svari fjármálaráðherra.