Morgunblaðið - 25.04.1999, Síða 4

4 SUNNUDAGUR 25. APRÍL 1999
FRETTIR
MORGUNBLAÐIÐ
VIKAN 18/4 - 24/4
►MAÐUR um fímmtugt slas-
aðist talsvert þegar eins
hreyfils flugvél, sem hann
flaug, brotlenti skammt frá
flugvellinum á Tungubökk-
um í Mosfellsbæ á miðviku-
dag. Maðurinn, sem var einn
í vélinni, festist í brakinu og
þurfti tækjabíl slökkviliðs til
að losa hann.
► KYNNT voru úrslit í vali á
bók aldarinnar á degi bókar-
innar á föstudag, 23. apríl, á
fæðingardegi Halldórs Lax-
ness. Var skáldsagan Sjálf-
stætt fólk eftir Halldór Lax-
ness valin bók aldarinnar.
Bókasamband Islands gekkst
fyrir valinu og lagði könnun
þess efnis fyrir íslensku
þjóðina fyrr í vetur. I öðru
sæti var Islandsklukkan eftir
sama höfund og Englar al-
heimsins eftir Einar Má Guð-
mundsson lenti í því þriðja.
►FYLGI Samfylkingarinnar
fer úr 31,9% í 24,1% sam-
kvæmt mánaðarlegri skoð-
anakönnun DV, sem birt var
á föstudag. Fylgi Sjálfstæðis-
flokks eykst hins vegar úr
39,9% í 43,6% og Vinstri-
hreyfingin - grænt framboð
eykur fylgi sitt úr 6,1% í
8,8%. Þá fer Fijálslyndi
flokkurinn úr 2,6% í 4,5% en
Framsóknarflokkurinn fer
úr 18,6% í 17,9%.
► ÓLÆTI brutust út meðal
350 farþega af 450 um borð í
Júmbóþotu Atlanta flugfé-
lagsins, sem var í þjónustu
Nigerian Airwys þann 13.
apríl sl. þegar farþegarnir
komust að því að vélin hafði
ekki lent með þá á áfanga-
stað þeirra í Nígeríu.
Forseti Lettlands
heimsækir ísland
FJÖGURRA daga opinber heimsókn
Guntis Ulmanis, foi-seta Lettlands, til
Islands hófst á sunnudag og lauk á mið-
vikudag. Forsetinn kom ásamt Ainu
Ulmanis, eiginkonu sinni, og tuttugu
manna fylgdarliði, þar á meðal utam-ík-
isráðherra og landbúnaðar- og sjávarút-
vegsráðherra.
Forsetinn sagði á öðrum degi heim-
sóknai- sinnar, að til að tryggja öryggi
Lettlands væri afar mikilvægt fyrir
landið að gerast aðili að Atlantshafs-
bandalaginu.
Nýtt afbrigði
lungnapestar í sauðfé
NÝTT afbrigði lungnapestar hefur kom-
ið upp í sauðfé á bæ í Borgarfirði. Af-
brigðið hefur ekki greinst áður og er
talið alvarlega en það afbrigði sem
þekkt er hér. Að sögn Sigurðar Sigurðs-
sonar, dýralæknis á Keldum, þarf að
bólusetja nokkur þúsund sauðfjár vegna
pestarinnar. Á fundi borgfirskra bænda
á þriðjudag var tillaga þess efnis sam-
þykkt með öllum greiddum atkvæðum
og var bóluefnið afhent á sama fundi.
Lungnapestarsýkillinn veldur bólgu
og drepi í framendum lungnanna og
brjósthimnubólgu og getur dregið sauð-
fé til dauða á hálfum sólarhring.
Sláandi niðurstöður
lestrarkönnunar
í NIÐURSTÖÐUM lestrarkönnunar
Bókasambands Islands, sem kynnt var
á þriðjudag, kemur m.a. fram að þeim
íslendingum fer fjölgandi sem ekki lesa
neinar bækur í frístundum sínum og af-
kastamiklum lestrarhestum hefur
fækkað á síðustu ellefu árum. Þröstur
Helgason, formaður Bókasambands ís-
lands, segir niðurstöður könnunarinnar
sláandi.
NATO stígur skref í
átt að landhernaði
ATLANTSH AFSBANDALAGIÐ
(NATO) hefur haldið áfram árásum sín-
um á skotmörk í Júgóslavíu af fullri
hörku í þessari viku en meira en fjórar
vikur eru nú síðan árásirnar hófust. Á
miðvikudag voru gerðar árásir á höfuð-
stöðvar Sósíalistaflokks Slobodans
Milosevics Júgóslavíuforseta í Belgrad
og á fimmtudag var fyrrverandi heimili
Milosevics lagt í rúst. Sökuðu Serbar
NATO um að reyna að ráða Milosevic
af dögum. Aðfaranótt fóstudags fórust
síðan a.m.k. tíu þegar flugskeyti hafn-
aði í byggingu sem hýst hefur
serbneska sjónvarpsstöð. NATO virðist
nú hafa stigið skref í þá átt að hefja
landhemað í Kosovo en Javier Solana,
íramkvæmdastjóri NATO, hefur heim-
ilað æðstu yfirmönnum herja NATO að
endumýja áætlanir þar að lútandi sem
gerðar vom í fyrra. Hátíðarfundur
NATO, í tilefni fimmtíu ára afmælis
bandalagsins, hófst í Washington í gær
og voru þar staddir leiðtogar allra
nítján aðildarlandanna. Árásirnar á Jú-
góslavíu settu hins vegar mark sitt á
hátíðahöldin og virtust leiðtogar banda-
lagsins einhuga um að árásum yrði ekki
hætt fyrr en Milosevic gengi að öllum
skilyrðum NATO.
Blóðugl ódæðisverk
í Colorado
TVEIR piltar, sautján og átján ára
gamlir, gengu berserksgang og myrtu
þrettán skólasystkin sín í menntaskóla í
bænum Littleton í Colorado í Banda-
ríkjunum á þriðjudag, áður en þeir réðu
sjálfum sér bana. Piltarnir, Dylan Kle-
bold og Eric Harris, réðust með skot-
vopnum inn í skólann og skutu handa-
hófskennt á þá, sem þeir töldu hafa
gert á hlut sinn, en einnig þeldökka
samnemendur sína og íþróttamenn.
Talið er að piltarnir hafi verið nýnasist-
ar en ekki var enn orðið ljóst í gær
hvort fleiri hefðu verið í vitorði með
drengjunum. Þeir höfðu komið fyrir á
fjórða tug heimatilbúinna sprengna á
skólalóðinni og tók það lögreglu langan
tíma að finna allar sprengjurnar og
gera þær skaðlausar.
► FLOKKUR þjéðernissinn-
aðra hægrimanna (MHP)
vann óvæntan sigur í þing-
kosningum í Tyrklandi, sem
fram fóru um sfðustu helgi,
og jók fylgi sitt úr 8% í
18,8%. Flokkurinn er þar
með næststærstur flokka á
tyrkneska þinginu en flokkur
Bulents Ecevits forsætisráð-
herra (DSP) hlaut 22,1% at-
kvæða. Þótt flokkarnir tveir
hafi á árum áður eldað grátt,
silfur saman er talið líklegt
að mynduð verði þriggja
flokka stjórn MHP, DSP og
Föðurlandsflokks (ANAP)
Mesuts Yilmaz, fyrrverandi
forsætisráðherra, sem fékk
13,4% greiddra atkvæða.
►RÍKISSTJÓRN Atals
Beharis Vajpayees í Indlandi
féll með eins atkvæðis mun
síðastliðinn sunnudag f at-
kvæðagreiðslu í indverska
þinginu og reyndi Sofia
Gandhi, leiðtogi Congress-
fiokksins, f vikunni að mynda
nýja stjórn með þeim flokk-
um sem aðstoðuðu Congress
við að fella Vajpayee. Þetta
gekk brösuglega og hélt
flokkur Vajpayees uppi lát-
lausum þrýstingi á Gandhi.
Virtist í gær sem óhjákvæmi-
legt væri að boðað yrði til
nýrra þingkosninga.
►ÞJÓÐVERJAR tóku þing-
húsið í Berlín, Reichstag, í
notkun á nýjan leik á mánu-
dag sem aðsetur þýska Sam-
bandsþingsins eftir gagnger-
ar endurbætur, en á tímum
kalda strfðsins stóð húsið
autt í skugga Berlínarmúrs-
ins. Reichstag var fyrr á
þessari öld aðsetur tveggja
einræðissljórna í Þýskalandi
en Gerhard Schröder, kansl-
ari Þýskalands, sagði í ræðu
sinni á mánudag að þótt tími
nýs „Berlínarlýðveldis" væri
runninn upp þyrftu nágrann-
ar Þýskalands ekki að óttast
að Þjóðveijar hyrfu af braut
lýðræðis.
Skýrsla IMD um samkeppnishæfí landa
Island hefur hækk-
að um tvö sæti
ÍSLAND hefur hækkað um tvö
sæti í könnun IMD (International
Institute for Management Develop-
ment) frá þvi á síðasta ári og er nú í
sautjánda sæti af 47. Island hefur
verið þátttakandi í könnuninni frá
árinu 1995 og hefur hækkað um
átta sæti á þeim tíma.
Öll helstu markaðslönd heimsins
eru meðal þátttakendanna 47 í
könnun IMD, sem metur sam-
keppnishæfi landanna út frá þeirri
umgjörð sem fyiirtækjum þeirra er
búin. í skýrslu IMD er þjóðum rað-
að upp eftir samkeppnishæfi og ár-
angur þeirra birtur í þeim átta efn-
isþáttum sem rannsakaðir eru.
Bandarfkin í fyrsta sæti
Efnisþættirnir eru eftirfarandi,
með árangri íslands í hverjum
þeirra innan sviga: mannauður (3.
sæti), styrkleiki hagkerfisins (5.
sæti), innviðir þjóðfélagsins (12.
sæti), stjórnsýsla (14. sæti), stjórn-
un (19. sæti), tækni og vísindi (21.
sæti), fjármál (26. sæti) og alþjóða-
væðing (37. sæti).
Að fengnu meðaltali úr árangri
íslands í framangreindum efnis-
þáttum kemst ísland í sautjánda
sætið, en næst á eftir koma Taívan,
Austurríki, Nýja-Sjáland og Frakk-
land. Bandaríkin eru hins vegar í
fyrsta sæti í ár sem og í fyrra og í
öðru sæti er Singapúr sömuleiðis.
Finnland er í þriðja sæti og í fjórða,
fimmta og sjötta sæti er Lúxem-
borg, Holland og Sviss.
Kærustu-
parið hirti
öll verð-
launin
ÞÓTT almennt hafi verið
reiknað með því að Þór Jón-
steinsson myndi sigra í skeifu-
keppninni á Hvanneyri þar sem
keppt var um Morgunblaðs-
skeifuna á sumardaginn fyrsta
varð raunin ekki sú. Eigi að
síður mun skeifan eftirsótta
prýða hillur á framtíðarheimili
hans því kærasta hans Sigríður
K. Sverrisdóttir gerði sér lítið
fyrir og vann skeifuna á hryssu
sinni Golu frá Skriðu. Þór
keppti á hestinum Sókratesi frá
Tungu en hann vann ásetuverð-
laun Félags tamningmanna.
Sigríður fékk einnig Eiðfaxa-
bikarinn sem veittur er fyrir
Ekki hefur enn verið myndaður nýr
meirihluti í Borgarbyggð
Viðræður
ganga hægt
Skoðanakönnun um
kosningabaráttuna
Snýst um
menn
RÚMLEGA 57% kjósenda, sem af-
stöðu tóku í nýrri skoðanakönnun
Gallup, telja að kosningabaráttan
snúist aðallega um menn.
Rúmléga 28% teija að hún snúist
um málefni, 7% að hún snúist um
hvort tveggja og 8% nefndu önnur
atriði.
Konur eru hlutfallslega fjölmenn-
ari í hópi þeirra sem töldu menn
skipta mestu í kosningabaráttunni
en karlmennirnir fleiri í hópi þeirra
sem töldu hana snúast mest um
málefni.
ENN hefur ekki verið myndaður
nýr meirihluti í Borgarbyggð, en
Borgarbyggðarlistinn hefur átt í
viðræðum við Sjálfstæðisflokk und-
anfama daga. Óli Jón Gunnarsson,
fulltrúi Sjálfstæðisflokks og fyrr-
verandi bæjarstjóri, sagði viðræð-
urnar ganga hægar en hann hefði
viljað.
Guðrún Jónsdóttir, fulltrúi
Borgarbyggðarlistans, sagði að eft-
ir viðræður við Framsóknarflokk-
inn á sunnudagskvöld hefði Borg-
arbyggðai’listinn ákveðið að athuga
hvort grundvöllur væri fyrir sam-
starfi við Sjálfstæðisflokkinn.
Hún sagði að flokkarnir væru
þessa dagana að kynna sér hvor
annars málaflokka og að þeirri
vinnu væri ekki lokið. Brugðið gæti
til beggja vona með niðurstöðuna.
Þótt nú stæðu yfir viðræður við
Sjálfstæðisflokkinn sagði Guðrún
að ekki væri búið að útiloka neinn
og þar með ekki þann möguleika að
viðræður við Framsóknarflokk
yrðu teknar upp á ný.
Flokkarnir kynna
sér málaflokka
Óli Jón telur ágæta möguleika á
því að Sjálfstæðisflokkur og Borg-
arbyggðarlisti fari í meirihlutasam-
starf. Hann sagði að á fundi flokk-
anna hefði ekkert komið upp sem
ekki væri leysanlegt.
Fimmtudaginn 15. apríl slitnaði
upp úr samstarfi framsóknar-
manna og sjálfstæðismanna, en
þrír fulltrúar Framsóknarflokks og
tveir fulltrúar Sjálfstæðisflokks
mynduðu meirihluta í bæjarstjórn
Borgarbyggðar.