Morgunblaðið - 25.04.1999, Blaðsíða 16

16 SUNNUDAGUR 25. APRÍL 1999
MORGUNBLAÐIÐ
IÞROTTIR
Hnupla Maldini og
félagar tHflinum?
FOLK
■ FABRIZIO Ravanelli hefur af-
ráðið að ganga til liðs við ítalska lið-
ið Fiorentina ef samningar nást við
franska liðið Olympique Marseille,
að því er kom fram í ítölskum fjöl-
miðlum. Ravanelli, sem hefur leikið
með Marseille í vetur, er sagður
hafa náð heiðursmannasamkomulagi
við Fiorentina um þriggja ára samn-
ing sem er 252 milljóna króna virði.
■ RÚMENSKA knattspyrnusam-
bandið hefur dæmt Dínamó
Búkarest og Steaua Búkarest í
heimaleikjabann. Dínamó verður að
leika næstu tvo leiki að minnsta
kosti 60 km frá höfuðborginni og
Steaua verður að leika einn leik að
heiman vegna þess að áhorfendur
trufluðu leik liðanna í undanúrslit-
um rúmensku bikarkeppninnar.
Jafnframt voru félögin sektuð um 70
þúsund krónur.
■ SEGA, tölvuleikjaframleiðandinn,
hefur gert þriggja ára stuðnings-
samning við enska knattspymufé-
lagið Arsenal. Samningurinn mark-
ar endalok 18 ára samstarf hljóm-
tækjaframleiðandans JVC við félag-
ið. Tölvuleikjaframleiðandinn
hyggst eyða um um 7,2 milljörðum
króna til kynningar á nýju vöru-
merki, Dreameast, í Evrópu í haust
og er samningurinn við Arsenal
hluti af þeirri kynningarherferð.
Talið er að Arsenal hagnist um 1,4
milljarða á samningnum.
■ ZINEDINE Zidane ætlar að vera
eitt tímabil til viðbótar hjá Juvent-
us, að sögn forráðamanna liðsins. Zi-
dane hafði látið í Ijós efasemdir um
að hann hygðist vera áfram hjá fé-
laginu fyrir síðari leikinn gegn
Manchester United í Meistaradeild
Evrópu og dagblöð á ítaliu kröfðust
þess að hann yrði seldur eftir leik-
inn. En nú hefur Luciano Moggi,
framkvæmdastjóri Juventus, greint
frá því að Zidane verði áfram hjá fé-
laginu.
■ S UNDERLAND hefúr endur-
heimt sæti sitt í ensku úrvalsdeild-
inni og Peter Reid, knattspyrnu-
stjóri þess, hefur fengið í hendur
tæpa tvo milljarða til þess að kaupa
nýja leikmenn. Hann hefur nú þegar
keypt danska leikmanninn Carsten
Fredgaard, fyrir um 240 milljónir
króna og hefur augastað á Steve
Lomas, frá West Ham, og Garry
Flitcroft, frá Blackbum.
■ GEREMI Njitap, leikmaður frá
Kamerún, hefur gert fímm ára
samning við Real Madrid. Talið er
að tyrkneska félagið Genclerbirligi,
sem leikmaðurinn hefur leikið með,
fái um 330 milljónir króna fyrir að
selja hann.
■ GIOVANNI, brasilíski leikmaður-
inn, er líklega á förum frá
Barcelona. Hann segist þreyttur á
að vera ekki fastamaður í liði
Barcelona og vilji komast að hjá liði
þar sem hann geti verði öruggur um
sæti sitt í liðinu. Ákvörðun leik-
mannsins hefur komið af stað sögu-
sögnum um að hann hafí átt í erjum
við Louis van Gaal, þjálfara liðsins.
Giovanni er einnig sagður hafa átt í
deiium við Bobby Robson, þegar
hann þjálfaði liðið fyrir nokkrum ár-
Paolo Maldini er arf-
taki Francos Baresi í
ítalskri knattspyrnu.
Raunar hefar þessu
verið haldið fram áður,
en frammistaða ítalska
landsliðsfyrirliðans í
vörn AC Milan á leik-
tíðinni hefur tryggt
honum þennan sess í
eitt skipti fyrir öll.
AC frá Mílanó, eitt helsta stór-
veldi ítalskrar knattspymu og
þar með evrópskrar og liðið sem Al-
bert Guðmundsson lék með á sjötta
áratugnum, virðist óðum að vakna af
þriggja ára dvala og gerir nú harða
atlögu að toppsætinu í A-seríunni, -
efstu deild þar í landi. Liðið hefur
eiginlega smokrað sér upp töfluna í
kyrrþey síðustu mánuði á sama tíma
og Fiorentina frá Flórens og Lazio
frá Rómaborg hafa baðað sig í sviðs-
ljósinu og leikið með miklum slink.
Mflanó-liðið sækir Vicenza heim í
dag og rær eflaust öllum árum að
sigri. Bæði Adriano Galliani, forseti
félagsins, og Alberto Zaccheroni,
knattspyrnustjóri þess, hafa þakkað
hinn bætta árangur ótvíræðum leið-
togahæfileikum fyrirliðans Maldinis
og segja hann lykflmanninn í hinu
nýja AC-veldi sem „hnuplað" gæti
titlinum á lokasprettinum af keppi-
nautum sínum tveimur sem frekar
virðast vera að gefa eftir fremur en
hitt.
AC skellti Udinese 1:5 á útivelli
um síðustu helgi og aðeins munar nú
einu stigi á þeim og Rómverjum í
Lazio þegar liðin eiga bæði fímm
leiki eftir í deildinni. Lazio er með 56
stig, AC Milan 55 og Fiorentina í
þriðja sæti með 51 stig. Öll hafa liðin
29 leiki að baki í deildinni á þessari
leiktíð og fímmtán stig eru enn í
pottinum.
„Galdurinn bak við gott gengi okk-
ar á þessari leiktíð er sú staðreynd
að Paolo er loksins orðinn fyrirliði
Milan, sagði Galliani á blaðamanna-
fundi í vikunni. „Paolo hefur
þroskast og nú þegar hann er orðinn
þrítugur hefur hann tekið við af
Franco Baresi. Hann gefst aldrei
upp. Ekki einu sinni á æfíngum -
það er ótrúlegt.“
Fyrir ári leit dæmið töluvert öðru-
vísi út og gleðin var ekki ríkjandi í
herbúðum stóveldisins AC Mflanó.
Maldini hafði verið fyrirliði liðsins á
leiktíðinni undir stjórn Fabio Capell-
os - tekið við fyrirliðabandinu af
Baresi þá um vorið. Magurt gengi
liðsins á leiktíðinni skilaði sér í afar
lítiili stemmningu meðal leikmanna
og spöruðu menn þar síst stóru orð-
in. M.a. sakaði Capello fyrirliðann
Þrjár stúlkur frá
Ohio til Grindavíkur
KVENNALIÐ Grindavíkur í knattspyrnu verður með þrjá er-
lenda ieikmenn í 1. deildinni í sumar. Leikmennirnir, sem heita
Shauna Cottrell, Elisa Donavan og Sara Davidson, koma frá há-
skólaliði Toledo f Ohio í Bandaríkjunum. Shauna, sem er fyrir-
liði háskólaliðsins, hefur verið valin í undirbúningshóp
kanadíska landsliðsins fyrir HM í sumar. Þá er hún á meðal 30
bestu leikmanna í háskóladeildinni vestra og í fylkisliði Ohio.
Þjálfari háskólaliðsins er R.J. Anderson, en hann var að leita að
leikmönnum hér á landi á dögunum.
Stúlkumar þijár era væntanlegar til landsins 15. maí.
VARNARJAXLINN Paolo Maldini er bæði fyrirliði ítalska lands-
liðsins og AC Milan. Hann hefur leikið frábærlega á leiktíðinni
og fyrir vikið hefur AC Milan gengið vel.
um skapleysi eftir tap liðsins gegn
Lazio í bikarúrslitaleiknum - kenndi
honum eiginlega um tapið.
En nú eru breyttir tímar, Capello
var látinn taka pokann sinn og
Zaccheroni, sem gert hafði garðinn
frægan með litla fjármuni með Udi-
nese, var fenginn til að endurreisa
knattspyrnuveldið. Hann var ekki
seinn á sér að leita tfl Maldinis.
„Zaccheroni fól mér ábyrgð. Hann
sagðist vilja skipta sér eins lítið af
hegðan leikmanna og mögulegt væri.
Þannig óx mitt hlutverk til mikilla
muna og af því er ég afar stoltur,“
segir Maldini. Hann þurfti svo sem
að taka á honum stóra sínum í per-
sónulegum samskiptum við félagana,
margfalda milljónamæringa og
prímadonnur. Raunar hafði stemmn-
ingin innan liðsins hrunið í samskipt-
um við þrjá knattspymustjóra á
skömmum tíma, þá Oscar Tabarex,
Arrigo Sacchi og Capello, og menn
höfðu lært að treysta frekar á sig
sjálfa - stjórarnir kæmu og færu. En
þetta allt breyttist við komu
Zaccheronis, hann gerði tveggja ára
óuppsegjanlegan samning og fyrir
vikið komst meiri ró og stöugleiki á í
herbúðum félagsins. Þar er einna
helst Maldini fyrir að þakka.
„Paolo hefur lagt áherslu á að
þétta leikmannahópinn eins og
frekast er unnt. Enginn efast nú um
hver leiðtoginn er í hópnum og unun
er að sjá hversu vel hann hefúr borið
á sárin,“ segir knattspyrnustjórinn,
sem einnig hefur hlotið mikið lof fyr-
ir hinn skjóta bata liðsins. Raunar
hefur því verið líkt við leiktíðina 1988
er Arrigo Sacchi var við stjórnvölinn
og hið stjömum prýdda lið hans
vann upp fjögurra stiga forystu (þá
fengust tvö stig fyrir sigurinn) Roma
og hirti Italíumeistaratitilinn á loka-
sprettinum.
Mflanómenn þurfa að treysta á að
leikmenn Lazio gefi eftir á loka-
sprettinum, nokkuð sem ekki hefði
verið talið líklegt framan af vetri, en
tvö töp í síðustu leikjum hafa gefið
efasemdarröddum byr undir báða
vængi og það er kannski ekki svo
skrítið sé tekið til þess tillit að fram
að því höfðu Rómverjar leikið
sautján leiki samfellt án þess að lúta
í gras.
Spennan verður eflaust mikil í
herbúðum beggja liða fyrir leiki
dagsins og fyrir mótherjana eru leik-
imir einnig afar mikilvægir í fallbar-
áttunni. Lazio er enn án fyrirliðans
Alessandros Nesta, sem er í leik-
banni, og Tékkinn Pavel Nedved er
meiddur. Þá er og athyglisvert að
þjálfari Lazio, Svflnn Sven Göran
Erikson, var lengi við stjórnvölinn
hjá Sampa og gjörþekkir þar allar
aðstæður eins og tveir leikmenn liðs-
ins, þeir Attilio Lombardo og fyrir-
liðinn Roberto Mancini.
Á fimmtudagskvöld tryggði liðið
sér sæti í úrslitum Evrópukeppni
bikarhafa með markalausu jafntefli
gegn Lokomotiv Moskvu og það
hlýtur að auka sjálfstraustið. Það
heldur að minnsta kosti forseti fé-
lagsins, Sergio Cragnotti. „Þetta
ætti að virka sem stökkpallur fyrir
okkur að meistaratitlinum," segir
hann.
Engin meiðsli herja á leikmenn
Mflanó-liðsins, allir eru klárir í bát-
ana gegn Vicenza. Sá leikur verður í
beinni útsendingu Sýnar í dag kl. 17.
Fyrr um daginn má fylgjast með
viðureign Fiorentina og Sampdoria á
Stöð 2 kl. 14.
Sex nýliðar hjá
Englendingum
Kevin Keegan, landsliðsþjálfari
Englendinga, valdi sex nýliða í
22 manna hóp fyrir vináttulandsleik
gegn Ungverjum, sem fram fer í
Búdapest næsta miðvikudag.
Leikmennirnir sem ekki hafa
leikið landsleik eru: Wes Brown,
Manehester United, Jonatan Wood-
gate, Leeds United, Michael Gray,
Sunderland, Kevin Phillips, Sunder-
land, Frank Lampard, West Ham,
og Emile Heskey, Leicester.
Phillips er í fyrsta skipti tilnefndur í
landsliðshóp Englendinga, en hann
hefur skorað 21 mark fyrir Sunder-
land í vetur. Brown er einnig í
fyrsta skipti í 22 manna landsliðs-
hópi Englendinga, en hann er talinn
hafa staðið sig vel með Manchester
United í vetur.
Keegan sagði að í 22 manna
hópnum væru ungir leikmenn sem
ættu framtíðina fyrir sér. Hann
valdi ekki fastamenn eins og Tony
Adams, Arsenal, og David Beck-
ham, Manchester United, vegna
óska framkvæmdastjóra liðanna um
að þeir fengju hvíld fyrir lokaátökin
í ensku úrvalsdeildinni. Engu síður
eru í hópnum fímm leikmenn frá
Manchester United og tveir frá Ar-
senal.
Landsliðsþjálfarinn valdi ekki
Paul Ince, Liverpool, í hópinn en
sagði að leikmaðurinn hefði ekki
leikið sinn síðasta landsleik. „Ég hef
ekki lokað dyrum á neinn leikmann.
Slíkt gerist aðeins ef leikmennimir
útiloka sig á einhvern hátt. Ég veit
hvað Paul [Ince] getur og ég býst við
að hann verði í hópnum gegn Svíum í
undankeppni EM,“ sagði Keegan.
22 manna landsliðshópur Eng-
lendinga h'tur þannig út: Markverð-
ir: David Seaman (Arsenal), Nigel
Martyn (Leeds United).
Vamarmenn: Sol Campbell
(Tottenham Hotspur), Rio Ferdin-
and (West Ham United), Martin
Keown (Arsenal), Graeme Le Saux
(Chelsea), Philip Neville
(Manchester United), Wes Brown
(Manchester United), Gareth Sout-
hgate (Aston Villa), Jonathan
Woodgate (Leeds United), Michael
Gray (Sunderland)
Miðvallarleikmenn: David Batty
(Leeds United), Frank Lampard
(West Ham United), Steve
McManaman (Liverpool), Jamie
Redknapp (Liverpool), Paul Scholes
(Manchester United), Nicky Butt
(Manchester United), Tim
Sherwood (Tottenham Hotspur)
Framheijar: Alan Shearer (New-
castle United), Andy Cole (Manc-
hester United), Kevin Phillips
(Sunderland), Emile Heskey
(Leicester Cify).