Morgunblaðið - 29.10.1999, Page 2

2 FÖSTUDAGUR 29. OKTÓBER 1999
MORGUNBLAÐIÐ
FRÉTTIR
Umfangsmikilli leit á Ytriflóa Mývatns lauk um miðjan dag í gær
Hátt í 200
manns komu
að leitinni
LÍK mannanna tveggja sem leitað
var í Mývatni í gær fundust í gær-
dag skammt hvort frá öðru og ná-
lægt þeim stað þar sem bátur
mannanna þriggja, sem fórust á
þriðjudagskvöldið, fannst. Lík
mannsins sem fannst aðfaranótt
miðvikudags hafði hins vegar rekið
nokkuð frá þeim stað þar sem bát-
urinn fannst.
Kafarar fundu lík annars
mannsins sem enn var saknað um
klukkan tíu í gærmorgun og lík
þriðja mannsins fannst síðan um
klukkan hálffjögur í gærdag.
Erfið leit
Umfangsmikilli leit var haldið
áfram af fullum krafti strax í birt-
ingu upp úr klukkan átta í gær-
morgun. Hópur kafara leitaði í
vatninu og voru fjörur gengnar.
Tóku tugir manna þátt í leitar
störfunum í gær. Leitarskilyrði
hafa verið erfið allt frá því að leit
hófst á þriðjudagskvöldið þegar í
ljós kom að mannanna væri sakn-
að eftir að 15 feta trébátur, sem
þeir voru að vinna á, sökk í mjög
slæmu veðri.
Samkvæmt upplýsingum lög-
reglunnar á Húsavík höfðu þó að-
stæður til leitar batnað nokkuð í
gær, veður var mildara og grugg
farið að setjast til í vatninu. Mikill
kuldi í vatninu gerði köfurum þó
erfitt fýrir en hitastig vatnsins er
aðeins ein gráða og átti til að
frjósa í búnaði þeirra.
Um tíma var í athugun að senda
þyrlu Landhelgisgæslunnar norð-
ur en frá því var horfið. Sam-
kvæmt upplýsingum lögreglunnar
er talið að alls hafi hátt í 200
manns tekið þátt í leitarstörfum
frá því björgunarstörf hófust á
þriðjudagskvöldið og þar til leit-
inni lauk um miðjan dag í gær.
Auk heimamanna tók fjöldi björg-
unarsveitarmanna víðsvegar að af
landinu þátt í leitinni. Einnig voru
sérþjálfaðir leitarhundar notaðir
við leitina.
Maðurinn sem fannst fyrst var í
björgunarvesti en hinir mennirnir
voru ekki í björgunarvestum eða
flotgöllum.
„Okkar bestu og
reyndustu menn“
Ólafur Stephensen, forstöðu-
maður upplýsinga- og kynningar-
mála Landssímans, segir að marg-
ir starfsmanna Landssímans séu í
áhættusömum störfum.
„Við höfum lagt mikla áherslu á
öryggismálin og höfum talið að
þau væru í góðu lagi. I framhaldi
af þessu slysi hlýtur að koma til
rannsóknar á vegum lögreglu og
Vinnueftirlitsins. Þegar þær niður-
stöður liggja fyrir munum við að
sjálfsögðu, eins og alltaf er eðlilegt
að gera í framhaldi af hörmulegu
slysi eins og þessu, taka okkar ör-
yggismál til skoðunar og athuga
hvort einhvers staðar sé hægt að
gera betur.

Morgunblaðið/Kristján
Kafarar og aðrir björgunarmenn stíga á land eftir að lík þriðja mannsins var fundið. Kafarar áttu mjög
erfitt um vik þar sem hitastig vatnsins er aðeins ein gráða og átti til að frjósa í búnaði þeirra.
_ /%■ *

Bræðurnir Jón og Þorsteinn Hjaltasynir voru við leit á kajökum sínum á
Mývatni í gærmorgun. Að sögn Þorsteins voru aðstæður erfíðar en þeir
fóru með ströndinni, þar sem ískrap var hnausþykkt og harðfrosið.
Ég vil leggja áherslu á að þetta
voru okkar bestu og reyndustu
menn. Við höfum aldrei haft og
höfum ekki í tengslum við þetta
hörmulega slys neina ástæðu til að
efast um þeirra dómgreind eða
færni til að meta aðstæður," sagði
hann.
Aðstandendur mannanna sem
fórust hafa óskað eftir því að kom-
ið verði á framfæri kærum þökk-
um til allra þeirra sem tóku þátt í
leitinni að mönnunum þremur og
annarra þeirra sem komu að
björgunarstörfunum við hinar erf-
iðustu aðstæður.
Mennirnir sem fórust á Mývatni
BÖÐVAR Björgvinsson, síma-
verkstjóri hjá Landssíma Islands
hf., til heimilis að Jöldugróf 22,
Reykjavík. Böðvar fæddist árið
1942. Hann lætur eftir sig eigin-
konu og fimm uppkomin böm.
JÓN Kjartansson, símaverkstjóri
hjá Landssíma Islands hf., til
heimilis að Litlagerði 2 á Húsavík.
Jón var fæddur árið 1945. Hann
lætur eftir sig eiginkonu og fjögur
uppkomin böm.
SIGURGEIR Stefánsson, starfs-
maður Kísiliðjunnar í Mývatns-
sveit. Sigurgeh- bjó í foreldrahús-
um að Ytri-Neslöndum í Mývatns-
sveit. Hann var 37 ára gamall og
ókvæntur.
Fjöldi fyrirspurna
um hlaupárið
FYRIRSPURNUM um hvort á
næsta ári sé hlaupár eða ekki
rignir yfír Þorstein Sæmundsson,
stjörnufræðing á Raunvísinda-
stofnun Háskóla Islands og um-
sjónarmann Almanaks Háskól-
ans. „Það er hringt útaf þessu á
hveijum einasta degi og stundum
oft á dag. Svona hefur þetta ver-
ið allt þetta ár,“ segir Þorsteinn í
samtali við Morgunblaðið.
Reglan er sú að hlaupár er
fjórða hvert ár, en aldamótaár
eru undanskilin. Þorsteinn segir
að greinilegt sé að fólk hafi
heyrt þetta og hringi til að
spyija hvort það hafi orðið mis-
tök við gerð almanaksins, því
það gefur til kynna að hlaupár
sé árið 2000. Þarna hafa alls
ekki orðið mistök, bendir Þor-
steinn á, þar sem önnur regla
segir að fjórða hvert aldamóta-
ár er ekki undanskilið reglunni
um hlaupár. „Árið 1800 var ekki
hlaupár og heldur ekki 1900.
Hins vegar er árið 2000 hlaup-
ár, ekki 2100, 2200 og 2300 en
árið 2400 verður hlaupár. Fjórir
þurfa að ganga upp í tvær
fyrstu tölurnar í árinu sem þýð-
ir að þrjú af hveijum fjórum
aldamótaárum eru ekki hlaup-
ár,“ segir Þorsteinn.
Þorsteinn segir að umrædd
fyrirspurn sé orðin sú algeng-
asta sem hringt sé út af í Alman-
akið. Hann segist ætla að koma
þessum upplýsingum á netsíðu
Almanaksins, slóðin þar er
www.almanak.hi.is. Þar er
einnig að finna aðrar upplýsing-
ar um aldamótin sem mikið hef-
ur verið rætt um undanfarið, þá
sérstaklega um hvort þau séu við
upphaf árs árið 2000 eða 2001.
ÁFÖSTUDÖGUM
Ráðning landsliðsþjálfara í knatt
spyrnu skýrist um helgina / C1
••••••••••••••••••••••••••••••
Njarðvíkingar komust í hann
krappan í Hveragerði / C2
Fylgstu
með
nýjustu
fréttum
www.mbl.is