Morgunblaðið - 19.11.1999, Blaðsíða 16

MORGUNBLAÐIÐ
16 FÖSTUDAGUR 19. NÓVEMBBR 1999
AKUREYRI
+
Engar umsóknir um lausar einbýlishúsalóðir
Ein umsókn um 7000 fermetra
þjónustusvæði við Langholt
ENGAR umsóknir bárust um laus-
ar einbýlishúsalóðir en þær voru
auglýstar nýlega og rann frestur til
að sækja um út í vikunni. Ekki bár-
ust heldur umsóknir um raðhús-
parhús og lóð undir tveggja hæða
fjölbýlishús í Giljahverfi.
Alls voru auglýstar lóðir undir
einbýlishús við nokkrar götur í
Síðuhverfi, Brekku-, Borgar- og
Bakkasíðu og þá voru einnig lausar
lóðir undir einnar og tveggja hæða
einbýlishús í Giljahverfi, m.a við
Urðargil, Valagil, Vesturgil og Vík-
urgil og ein við Stórholt. AIls eru
lausar lóðir undir einbýlishús á
þessum svæðum 46 talsins.
7000 fermetra þjónustusvæði
við Langholt
Ein umsókn barst um rúmlega
7000 fermetra stóra lóð við Lang-
holt en þar er fyrirhugað að hefja
atvinnu- og þjónustustarfsemi.
Fjórar lóðir í nýju iðnaðarhverfi í
Nesjahverfi í Krossaneshaga eru
lausar, allar við Baldursnes en eng-
ar umsóknir um þær bárust nú. Að-
ur en lóðirnar voru auglýstar hafði
verið spurst íyrir um þær þannig
að áhugi er íyrir að byggja iðnaðar-
húsnæði á þessum slóðum að sögn
Knúts Karlssonar formanns bygg-
inganefndar Akureyrar.
Einnig voru auglýstar lausar lóð-
ir á öðrum svæðum, m.a. við
Freyjunes á sama stað og þá var
auglýst lóð á hafnarsvæðinu við Ós-
eyri sem og lausar lóðir undir ver-
búðir í Sandgerðisbót. Að þessu
sinni bárust engar umsóknir um
þessar lóðir. Hins vegar bárust um-
sóknir um lóðir við Frostagötu und-
ir iðnað eða þjónustu, þ.e. sitt hvor
umsóknin um lóðir númer 4a og 4b.
Úrval byggingalóða til reiðu
Knútur sagði það stefnu bygg-
inganefndar að hafa ævinlega nokk-
urt úrval byggingalóða. Margar ein-
býlishúsalóðanna hefðu verið lausar
lengi, jafnvel svo árum skipti, en
aðrar skemur. „Við vildum vekja at-
hygli á þeim lóðum sem til staðar
eru og auglýstum þær allar í einu,“
sagði Knútur. „Ég óttast ekkert þó
umsóknir hafi verið fáar núna, við
höfum þessar lóðir, þær eru lausar
og þeir sem hug hafa á að byggja
hafa þá úr einhverju að velja.“
Morgunblaðið/Kristján
Árni Másson og Jón Hansen, starfsmenn Akureyrarbæjar, við dýptar-
mælingar við Langholt, en þar er fyrirhugað að reisa um 7000 fer-
metra atvinnu- og þjónustusvæði, en ein umsókn barst um lóðina sem
nýlega var auglýst.
Stjórnarmenn
í Verði
Afsökun-
arbeiðni
vegna
ályktunar
STJÓRNARMENN í Verði, félagi
ungra sjálfstæðismanna á Akureyri
hafa sent frá sér afsökunarbeiðni
vegna ályktunar sem samþykkt var
í síðustu viku um íslenskukennslu
nýbúa. Beðist er afsökunar á þeim
skilaboðum sem lesin hafa verið út
út ályktuninni og þá segir að titli
hennar, Island fyrir Islendinga, hafi
ekki verið ætlað að vísa til þess
smánarbletts sem nasisminn er á
mannkynssögunni.
„Sú hugsun sem ályktuninni var
ætlað að koma á framfæri, komst
ekki til skila í henni. Hugsunin vai’
og er sú að tryggja nýbúum mennt-
un í íslensku og gera íslenskukunn-
áttu að skilyrði fyrir veitingu ís-
lensks ríkisborgararéttar. Nýbúar
eru góðir og gegnir einstaklingai' í
íslensku samfélagi. Það er öllum tú
hagsbóta að nýbúum verði gert
kleift að verða virkari þátttakendur
í íslensku þjóðlífi," segir í frétt frá
Verði og jafnframt að stjómarmenn
voni að félagið muni ekki bíða
hnekki af ályktuninni, „og lýkur
málinu hér með af okkar hálfu“.
Morgunblaðið/Benjamín
Benedikt Hjaltason ásamt iðnaðarmönnunum, Bolla Ragnarssyni, Davíð Hafsteinssyni, Guðmundi Karlssyni
og Sigurjóni Helgasyni við nýbreyttan mjaltabás þar sem 140 kýr verða mjólkaðar í hvert mál.
Stærsta kúa-
bú landsins á
Hrafnagili
EyjaQarðarsveit. Morgunblaðið.
BENEDIKT Hjaltason og Mar-
grét Aradóttir á Hrafnagili í
Eyjafjarðarsveit reka nú stærsta
kúabú landsins. Þau hafa á þessu
ári keypt 175.000 lítra mjólkur-
kvóta og eru því samtals með
515.000 lítra greiðslumark.
Kýrnar eru 140 talsins og naut-
gripir alls tæplega 300 á búinu.
Þau hjón hafa verið að breyta
innréttingum í fjósi að undan-
förnu og í hlöðunni er kominn
vélgengur fóðurgangur þar sem
hægt er að fóðra kýrnar á
skömmum tíma. Kýrnar eru laus-
ar allan sólarhringinn en hafa
hver og ein legubás til afnota.
Benedikt sagði að einnig hefði
orðið að breyta mjaltabásnum og
er hann nú þannig útbúinn að
hægt er að hleypa hverri kú út
strax að loknum mjöltum og fá
nýja kú inn í staðinn. Þannig er
hægt að stytta mjaltatímann sem
er mikilvægt þegar kúafjöldinn
er orðinn svona mikill.
Feng-Shui er forn kínversk aðferð sem jafnar „Chi" (lífsorku) í umhverfi okkar.
Feng-Shui hefur óhrif ó heilsu, samskipti og farsæld.
Afstaðan er mæld með kínverskum „lopan" (óttavita) til að nó fram því besta í hverju
húsi, heimili eða fyrirtæki. Grundvallarlögmól Feng-Shui er að skapa jafnvægi í
kringum okkur svo að umhverfið styðji og vinni með okkur en ekki ó móti.
Athena er fædd í Kanada en hefur verið búsett ó íslandi í mörg ór og talar íslensku.
Hún fer um allt land og heimsækir heimahús og fyrirtæki til að bæta og auka heilsu,
hamingju og farsæld í peningomólum.
Athena lærði Feng-Shui í American Feng-Shui Institute undir leiðsögn Larry Sang,
heimsþekkts Feng-Shui meistara. Hún starfar með og er í stöðugu sambandi við
stofnunina. Athena hefur einnig verið i einkakennslu hjó Kartar Diamond. sem er mjög
þekktur róðgjafi fræga fólksins í Los Angeles.
Skýrsla og óbendingar eru ó íslensku eða ensku ef óskað er.
Athena Spiegelberg, sími 862 4477,
fax 461 5130, E-mail: athena@est.is
Námskeið, fyrirlestrar og ráðgjöf
Jólabærinn Akur-
eyri opnaður
JÓLABÆRINN Akureyri verður
formlega opnaður á morgun, laug-
ardaginn 20. nóvember, kl. 17 í
miðbæ Akureyrar.
Athöfn hefst við Akureyrar-
kirkju og munu börn úr grunn-
skólum Akureyrar og nágranna-
byggðum safnast saman í kirkju-
tröppunum og syngja jólalög undir
stjórn Snorra Guðvarðarsonar og
Ingibjargar Stefánsdóttur,
leikkonu. Takmarkið er að hafa
syngjandi börn í hvem einustu
kirkjutröppu og eru grunnskóla-
börn því hvött til að mæta, en þátt-
takendur eru beðnir að mæta á
staðinn kl. 16.45.
Sr. Svavar A. Jónsson sóknai--
prestur flytur hugvekju og að því
loknu verður kveikt á „Jólatré allra
bama“ við Akureyrarkirkju. Jóla-
tréð og jólaljós í kirkjutröppunum
eru gjöf Kaupfélags Eyfirðinga til
bæjarbúa.
Jólasveinar skemmta börnum og
verða í forystu í blysfor frá Foss-
hótel KEA og að Ráðhústorgi þar
sem Kristján Þór Júlíusson bæjar-
stjóri flytur ávarp og setur form-
lega fjölbreytta dagskrá sem verð-
ur í miðbænum allar helgar fram
til jóla. Athöfninni lýkur með söng
Kórs Menntaskólans á Akureyri.
Þess er vænst að bæjarbúar taki
virkan þátt í að skapa skemmtilega
jólastemmningu í bænum með því
að setja upp jólaljós í glugga og
garða um næstu helgi.
Dagskrá Jólabæjarins Akureyr-
ar er skipulögð af nýstofnuðum
Miðbæjarsamtökum og er í sam-
starfi við Atvinnuþróunarfélag
Eyjafjarðar, Markaðsskrifstofu
Akureyrar og fleiri.
Darraðar-
ljóð og
írsk örlög
HERMANN Pálsson, prófessor
í Edinborg, flytur fyrirlestur
um Darraðarljóð og írsk örlög í
Háskólanum á Akureyri, stofu
16, í Þingvallastræti 23 á morg-
un, laugardaginn 20. nóvember,
og hefst hann kl. 14.
Fyrirlestur sinn flytur Her-
mann í boði kennaradeildar Há-
skólans á Akureyri. Allir eru
velkomnir meðan húsrúm leyfir.
Kvenfélag
Akureyrarkirkju
Kaffisala og
kökubasar
KVENFÉLAG Akureyrar-
kirkju efnir til kaffísölu í safn-
aðarheimilinu að lokinni hátíð-
arguðsþjónustu sunnudaginn
21. nóvember. Einnig verður
kökubasar þar sem á boðstólum
verður úrval af heimabökuðum
kökum. Til glaðnings fyrir börn
á öllum aldri verða til sölu hinir
sívinsælu lukkupakkar. Félagið
væntir þess að Akureyringar
komi í safnaðarheimilið, njóti
góðra veitinga og eigi saman
góða stund.
Kirkjustarf
LAUFÁSPRESTAKALL:
Kyrrðar- og bænastund í Sval-
barðskirkju sunnudagskvöldið
21. nóvember kl. 21.
MÖÐRUVALLSPRESTA-
KALL: Barna- og fjöl-
skylduguðsþjónusta verður
næstkomandi sunnudag, 21.
nóvember, kl. 11 í Möðruvalla-
kirkju í Hörgárdal. Fermingar-
börn aðstoða. Æfing fyrir að-
ventukvöld strax á eftir. Þeir
sem áhuga hafa á að vera með í
Lúsíukórnum eru hvattir til að
mæta.