Morgunblaðið - 19.12.1999, Qupperneq 4

4 SUNNUDAGUR 19. DESEMBER 1999
FRETTIR
MORGUNBLAÐIÐ
VIKAN 12/12-18/12
Skipulagsstjóri
telur þörf á
umhverfismati
SKIPULAGSSTJÓRI ríkisins hefur
birt þann úrskurð að ráðast þurfi í frek-
ara mat á umhverfisáhrifum af álveri í
Reyðarfirði. Hann telur ekki hafa verið
lagðar fram nægar upplýsingar um
framkvæmd og umhverfisáhrif fram-
kæmdarinnar til að meta hvort hún hafi
í för með sér umtalsverð umhverfisáhrif.
Finnur Ingólfsson, iðnaðarráðherra,
segir að í fljótu bragði virðist sem þessi
niðurstaða þurfi ekki að raska tíma- og
vinnuáætlun stjórnvalda, Norsk Hydro
og Landsvirkjunar.
Stefnir í 38
milljarða við-
skiptahalla
í ENDURSKOÐAÐRI þjóðhagsáætlun
kemur fram að horfur séu á 38 milljarða
króna viðskiptahalla á þessu ári sem er 9
milljörðum meira en gert var ráð íyrir í
haust.
Davið Oddsson forsætisráðherra seg-
ir spá um aukin viðskiptahalla ákveðið
áhyggjuefni en gerir sér vonir um að
mikill tekjuafgangur á ríkissjóði dragi
úr undirliggjandi þenslu á næstu mán-
uðum.
MIKIL þátttaka var í útboði á 15% hlut
ríkisins í Landsbankanum og Búnaðar-
bankanum. Um 55.000 manns skráðu sig
fyrir hlutabréfum og fær ríkissjóður um
5,5 milljarða fyrir söluna.
Um 30.000 skráðu sig fyrir hlutabréf-
um í Landsbankanum og koma líklega
um 70.000 krónur í hlut hvers kaupanda.
Um 25.000 skráðu sig fyrir hlutabréfum
í Búnaðarbankanum og má búast við að
55 til 60.000 krónur komi í hlut hvers
kaupanda.
Mikið mannfall
Rússa
RÚSSAR eru sagðir hafa orðið fyrir
miklu mannfalh er þeir réðust inn í Gros-
ní, höfuðborg Tsjetsjníu, á miðvikudags-
kvöld. Ekki er vitað hvort um var að
ræða raunverulega tilraun til að ráðast
inn í borgina eða hvort rússneska her-
deildin villtist af leið en talið er að allt að
2.000 tsjetsjneskir hermenn hafi setið
fyrir henni. Stóðu átökin í þrjár klukku-
stundir og kvaðst fréttaritari AP-frétt-
astofunnar hafa séð lík 115 rússneskra
hermanna að þeim loknum. Rússnesk yf-
irvöld vísa þessum fréttum samt á bug
og kalla þær lygar vestrænna fjölmiðla.
Rússneska utanríkisráðuneytið hefur
einnig vísað mjög harkalega á bug gagn-
rýni NATO-ríkjanna á stríðsreksturinn í
Tsjetsjníu og segir, að rússnesk innan-
ríkismál muni aldrei verða rædd á al-
þjóðavettvangi, síst af öllu við NATO.
Friðarviðræðum
haldið
áfram í janúar
FULLTRÚAR ísraela og Sýrlendinga
náðu um það samkomulagi á fimmtudag,
að friðarviðræðum þjóðanna yrði haldið
áfram 3. janúar nk. Sagði Bill Clinton,
forseti Bandaríkjanna, er hann tilkynnti
ákvörðunina, að viðræðurnar væru upp-
haf að tilraunum til að koma á víðtækum
friði í Miðausturlöndum. Ekki var skýrt
frá því hvar viðræðumar yrðu eða hve
lengi þær ættu að standa en Farouk al-
Sharaa, utanríkisráðherra Sýrlands,
sagði, að Sýrlendingar stefndu að því að
ná samkomulagi fyrir lok næsta árs. Ótt-
ast var, að mjög harðorð ræða sýrlenska
utanríkisráðherrans við setningarathöfn
viðræðnanna myndi spilla íyrir þeim en
sú varð þó ekki raunin á. Raunar kvört-
uðu ísraelar formlega undan henni en
vel fór á með samningamönnunum þeg-
ar til kom.
► EKKERT verður af sam-
runa símafyrirtækjanna Telen-
or í Noregi og Telia í Svíþjóð
því að stjómvöld beggja ríkj-
anna riftu samningum um
hann. Um hefði verið að ræða
stærsta fyrirtækjasamruna á
Norðurlöndum. Sagt er, að ólík
túlkum Norðmanna og Svia á
samningnum hafi ráðið mestu
um, að hann fór út um þúfur en
Norðmenn vildu t.d. ekki fall-
ast á, að farsímadeild hins nýja
fyrirtækis yrði í Svíþjóð.
► KANNANIR benda til, að
rússneskir kommúnistar og
Eining, sem er nýtt kosninga-
bandalag stuðningsmanna
stjórnvalda í Kreml, hafi álíka
mikið fylgi en þingkosningar
verða í Rússlandi í dag, sunnu-
dag. Samkvæmt síðustu könn-
un ætluðu 19% kjósenda að
styðja kommúnista en 17,6%
Einingu. Önnur könnun fyrir
nokkrum dögum benti til, að
Eining fengi meira en komm-
únistar. Þá virðist fylgi við
miðjubandalagið Föðurland-
Allt Rússland vera á bilinu 9 til
12%. Mikili stuðningur við Ein-
ingu er fyrst og fremst rakinn
til ánægju Rússa með hernað-
inn gegn Tsjetsjenum.
► HELMUT Kohl, fyrrverandi
kanslari Þýskalands, neitaði í
sjónvarpsviðtali á fimmtudags-
kvöld, að hann væri spilltur og
sagðist aldrei hafa hagnast
neitt sjálfur á leynireikningun-
um, sem hann hcfur gengist
við. Kvaðst hann hafa tekið við
fénu, alit að 75 milljónum ís-
lenskra króna, og hefði það
verið notað til að styrkja stöðu
Kristilega demókrataflokksins
í Austur-Þýskalandi.
5,5 milljarðar
fyrir sölu
hlutabréfa
► HORFUR eru á að ríkissjóð-
ur verði rekinn með 15 millj-
arða króna afgangi á þessu
ári, scm er mesti afgangur síð-
an árið 1962.
► STJÓRNARFRUMVARP til
laga um persónuvemd hefur
verið lagt fram á Alþingi þar
sem Iagt cr til að ný sjálfstæð
stofnun, Persónuvernd, taki
við hlutverki Tölvunefndar.
Með þessu á að auka sjálfstæði
eftirlitsaðilans.
► I ÁLYKTUN stjórnar Sam-
taka atvinnulífsins um áhersl-
ur við efnahagsstjórn er tekið
undir þau sjónarmið
Seðlabankans að auka þurfi
aðhald í ríkisfjármálum, áfram
verði aðhaldssöm peninga-
stefna og að gerðir verði raun-
hæfir kjarasamningar.
► FÉLAG endursöluaðila á
internetþjónustu, INTER, hef-
ur kært Islandsbanka, íslands-
síma, Landsbankann, Búnað-
arbankann og Landssímann til
samkeppnisyfirvalda fyrir að
bjóða ókeypis netþjónustu.
► FJÁRHAGSÁÆTLUN
Reykjavíkurborgar fyrir árið
2000 hefur verið samþykkt og
er gert ráð fyrir 3,5 milljörð-
um í afgang frá rekstri. Minni-
hlutinn í borgarstjórn gagn-
rýnir áætlunina harðlega og
fullyrðir að rekstrarhalli verið
um 600 milljónir.
► TILRAUNUM Verkamanna-
sambands Islands til að ná
skammtímasamningi við
vinnuveitendur Iauk í gær með
því að Samtök atvinnuh'fsins
höfnuðu kröfu um að hækka
mánaðarlaun allra verka-
manna um 11.000 krónur. Við-
ræður eru komnar í sama far-
veg og aðrar kjaraviðræður.
Dömsmálaráðherra í umræðum á þingi um Barnahúsið
Aukin úrræði í þessum
málum af hinu góða
STAÐA Barnahússins var til um-
ræðu utan dagskrár á Alþingi í gær.
Margrét Frímannsdóttir, þingmað-
ur Samfylkingar, beindi þeirri
spurningu til Sólveigar Pétursdótt-
ur, dómsmálaráðherra, hvort ekki
væri skref aftur á bak við rannsóknir
kynferðisbrotamála ef börn, sem
sætt hafa kynferðisofbeldi, þyrftu að
fara á marga staði og hitta marga
viðmælendur í stað þess að geta leit-
að á einn stað eins og yrði raunin ef
starfsemi Barnahússins legðist af.
Margrét sagði það afturför ef sú
sérfræðiþekking tapaðist sem safn-
ast hefði í Barnahúsinu. Þingmenn
sem samþykktu lagabreytingar á
meðferð opinbeira mála sl. vor hefðu
ekki séð það fyrir að það gæti haft
áhrif á starfsemi Barnahússins. Þær
breytingar fólu í sér að dómarar
bera ábyrgð á skýrslutökum af börn-
um sem eru meint fórnarlömb kyn-
ferðislegs ofbeldis og í kjölfar þeirra
breytinga hafa dómarar heldur kosið
að yfirheyra í húsnæði héraðsdóms
Reykjavíkur eftir að sérútbúið her-
bergi var tekið í notkun þar í júní.
Sólveig Pétursdóttir dómsmála-
ráðherra kvað umræðuna koma sér á
óvart. Ráðherra kvaðst aldrei hafa
mælt gegn gagnsemi Barnahússins
en aukin úrræði í þessum málum
væru af hinu góða. Með fjárveitingu
til að koma upp sérútbúnum her-
bergjum í héraðsdómi Reykjaness
og á Akureyri væri verið að bregðast
við lögum þar sem bætt væri réttar-
far og stöða brotaþola. Einnig benti
ráðherra á að yfirheyrsluherbergin
nýttust þegar fiillorðnir væru fórn-
arlömb í viðkvæmum málum eins og
kynferðisbrotamálum.
Ráðherra varpaði þeirri spurn-
ingu fram hvort verið væri að halda
fram að aukið fjármagn til sérút-
búinna yfirheyrsluherbergja væri
betur varið annars staðar.
Páll Pétursson, félagsmálaráð-
herra, sagði það hafa komið í ljós
undanfarið að dómarar vilji síður
nota Barnahúsið við yfirheyrslur og
sagði það á valdi þeirra hvort starf-
semi þess yrði fram haldið. Ráðherra
benti á að húsið hefði verið sett á
laggirnar með vitund dómsmála-
ráðuneytis, þar væri besta fagþekk-
ing og aðstaða til staðar og því miður
ef starfsemi þess legðist af.
Jóhanna Sigurðardóttir, þingmað-
ur Samfylkingar, fagnaði afstöðu fé-
lagsmálaráðherra. Málið væri mikil-
vægt og ábyrgð dómsmálaráðherra
mikil. Jón Kristjánsson, þingmaður
Framsóknarflökks og formaður fjár-
laganefndar, sagði það ekki hafa ver-
ið ætlun við samningu fjárlaga að
draga úr gildi Barnahússins.
Rætt um
Fljótsdalsvirkjun í gær
Seinni umræður um þingsályktun-
artillögu iðnaðarráðhen-a um fram-
hald framkvæmda við Fljótsdals-
virkjun hófst á Alþingi um kl. 13.
Gert var ráð fyrir að umræðan stæði
til kl. 19 í gærkvöldi og þráðurinn
yrði tekinn upp á mánudag á ný.
Aftur
prestur í
Gautaborg’
BISKUP íslands hefur auglýst laust
til umsóknar embætti prests meðal
íslendinga í Svíþjóð, með aðsetur í
Gautaborg.
Tvö ár eru síðan prestur hefur
verið starfandi í Gautaborg en að
sögn sr. Þorvalds Karls Helgasonar
biskupsritara þótti ástæða tO að ráða
prest þangað aftur vegna allra
þeirra Islendinga sem búsettir eru í
Svíþjóð. Hann segir íslendingana
ítrekað hafa lýst yfir áhuga sínum og
viija til að fá íslenskan prest aftur til
starfa. Presturinn mun hafa aðsetur
í Gautaborg en þjóna norður til
Stokkhólms og suður til Lundar og
Málmeyjarsvæðisins.
Fyrir fimm árum var ráðinn prest-
ur í Gautaborg í tengslum við sam-
starfsverkefni sjúkrahúsa á Islandi
og sjúkrahússins í Gautaborg vegna
líffæraflutninga. Það samstarf stóð í
þrjú ár en var þá flutt til Kaup-
mannahafnar og voru verkefni þessa
prestsembættis flutt um leið.
Á vegum íslensku kirkjunnar eru
prestar starfandi bæði í Kaup-
mannahöfn og London, einnig er
prestur starfandi á meginlandi
Evrópu og verður þar til í vor en
óvíst er með framhaldið og í Ósló
starfar íslenskur prestur, launaður
af norsku kirkjunni, sem hefur það
hlutverk að þjóna íslendingum.
Morgunblaðið/RAX
OPIÐ í DAG KL»
12*22
Hvað er utan
girðingar?
Börnin í Grindavík una glöð við sitt
í leikskólanum en forvitnilegt getur
þd verið að reyna að skoða heiminn
utan girðingar. Það bíður bara
betri tfma.
—---»♦> --
Óskar H. Ósk-
arsson valinn
VALNEFND hefur ákveðið að
mæla með skipun Óskars Hafsteins
Óskarssonar guðfræðings í embætti
sóknarprests í Ólafsvíkurprestakalli.
Nefndin komst einróma að þessari
niðurstöðu. Einnig sóttu um Auður
Inga Hafsteinsdóttir guðfræðingur
og séra Lilja Kristín Þorsteinsdóttir.
Séra Friðrik J. Hjartar, sem verið
hefur sóknarprestur í Olafsvík frá
árinu 1987, hefur verið skipaður í
embætti prests í Garðabæ.