Morgunblaðið - 19.12.1999, Blaðsíða 31

MORGUNBLAÐIÐ
i
SUNNUDAGUR 19. DESEMBER 1999 31
Gallerí Reykjavíkur er nær eingöngu með verk eftir núlifandi lista-
menn.
Verslunin Litir og fóndur er gamalgróið fyrirtæki sem Guðfinna segir
að fylgist vel með nýjungum á markaðnum.
Gallerí Reykjavík
gamall draumur
Guðflnna segir að það hafi verið
erfitt að reka verslunina á tveimur
stöðum því skilin á milli myndlistar-
og föndurvara séu ekki alltaf ljós.
„Þetta gráa svæði var í rauninni gat-
an,“ segir hún. „Við þurftum stund-
um að senda viðskiptavinina á milli
verslananna, sem var óþægilegt fyr-
ir þá, auk þess sem þetta fyrirkomu-
lag var óhagkvæmt rekstrarlega.
Við vorum farin að velta fyrir okk-
ur öðrum lausnum þegar örlaga-
nornirnar tóku í taumana. Húsnæðið
sem vefnaðarvöruverslunin Vogue
var lengi í við Skólavörðustíg 12 var
sett í sölu. Við keyptum húsnæðið og
fengum það afhent 1. júlí á þessu ári
og vorum flutt inn þremur vikum síð-
ar.
Við seldum húsnæðið á Skóla-
vörðustíg 14 og vorum að hugsa um
að selja verslunarrýmið á númer 16
til að létta greiðslubyrðina, en þá
ákvað ég að láta annan gamlan
draum rætast; að setja á laggirnar
gallerí sem kennt er við Reykjavík
og var opnað menningarnóttina 21.
ágúst síðastliðinn. - Eg er í því að
láta draumana rætast komin á sext-
ugsaldurinn,“ bætir hún við hlæj-
andi.
„Þegar ég byrjaði með galleríið
hafði ég samband við þá myndlistar-
menn sem ég hafði kynnst í gegnum
tíðina og bauð þeimað vera með verk
sín í umboðssölu. Á skrá hjá okkur
eru nú fjörutíu myndlistarmenn á
ýmsum aldri og í galleríinu er að
finna allar stíltegundir. Ætlunin er
að bjóða ár hvert nokkrum nýjum
myndlistarmönnum úr Listaháskóla
Islands að vera með verkin sín hjá
okkur. Við erum eingöngu með verk
eftir núlifandi listamenn, að einum
undanteknum, Hring Jóhannes-
syni.“
Það kemur fram í máli Guðfinnu
að hún vill gefa myndlistarfólkinu
sem selur verk í galleríinu tækifæri
til að kynna sig. „í því skyni höfum
við verið með það sem við köllum
stuttsýningar. Þá fær einn listamað-
ur í senn hluta gallerísins undir verk
sín í viku. Við höfum líka verið með
það sem mætti kalla myndlistar-
mann mánaðarins, en þá gefst mynd-
listarmönnum tækifæri til að kynna
verk sín einn laugardagseftirmið-
dag. Þetta hefur gefist vel.“
Hún segir galleríið hafa farið
ágætlega af stað. íslendingar séu
alla jafna í meirihluta viðskiptavina
en erlendir ferðamenn, sem komi við
á leið sinni um Skólavörðustíginn,
séu tíðir gestir. „Hér ríkir mikil sam-
keppni því galleríin eru mörg við
Skólavörðustíginn en samkeppnin er
bara af hinu góða. Við sem höndlum
hér með list virðum nærveru hvert
annars. Sem dæmi um það er að eng-
inn myndlistarmaður selur list sína í
tveimur galleríum við Skólavörðu-
stíginn. Það er styrkur að því að hafa
mörg gallerí á sama svæðinu, fólk
veit þá hvert það á að leita,“ segir
hún.
Við víkjum aftur að versluninni og
Guðfinna segir að áhugi á föndri sé
alltaf að aukast. Jafnhliða því séu
vörurnar orðnar fjölbreyttari og
ekki þurfi að fara með hlutina í gegn-
um sérhæft ferli til að fullvinna þá.
„Tökum postulíns- og silkimálun
sem dæmi, en þessar greinar eru
mjög vinsælar. Nú fást sterkir litir
til postulínsmálunar og glerlitir sem
fólk getur brennt í bakarofni heima
hjá sér í stað þess að þurfa að brenna
munina í sérstökum ofnum með há-
um hita til að gera þá það sterka að í
lagi sé að þvo þá í uppþvottavél. í
silkimálun gildir það sama. Hægt er
að fá liti sem festast í efninu þegar
straujað er yfir það eða efnið er sett í
þurrkara. Áður fyrr þurfti að festa
litinn með sérstakri gufumeðhöndl-
un. Þannig er búið að einfalda ferlið
svo ekki aðeins atvinnumenn geti
stundað þessar greinar heldur einn-
ig áhugafólk.
Mér finnst mjög skemmtilegt að
fylgjast með unga fólkinu nú til dags.
Þrátt fyrir að fólk hafi meira á milli
handanna verð ég vör við það hjá
ákveðnum hópi fólks að það vill búa
til sínar gjafir sjálft. Þarna kemur til
sú þörf og áhugi á að skapa eitthvað
sjálfur og búa til persónulegar gjaf-
ir.“
Opnar nýjan
sýningarsal
Þrátt fyrir að Guðfinna sé í námi
sér hún um fyrirtækið og tekur allar
helstu ákvarðanir viðvíkjandi rekstr-
inum. Hjálmar Axel, sonur hennar,
er verslunarstjóri og sér um inn-
flutninginn. Auk þeirra og Gríms Jó-
hanns starfa við verslunina fimm
starfsmenn. „Samstarf okkar
þriggja er gott og það er óskaplegur
léttir fyrir mig að finna að ábyrgðin
er ekki öll á mínum herðum. Ég gæti
ekki látið gamla drauminn minn um
námið rætast ef ég ætti ekki svona
góða og trausta að.“
Þegar hún er spurð um afkomutöl-
ur segir hún að salan í myndlistar-
og föndurvörum sé nokkuð jöfn.
Sama sé að segja um veltu fyrirtæk-
isins, sem hefur verið jöfn milli ára
undanfarin ár, en fyrirtækið velti um
50 milljónum árlega. j
„Rekstur gallerísins lofar einnig
góðu. Við ætlum að gefa því rúman
tíma til að sanna sig. Við erum með
starfskraft þar í fullri vinnu sem hef-
ur haldgóða þekkingu á myndlist. Ég í
vinn við galleríið á milli þess sem ég
sinni námi mínu og list minni. Ég
hagræði öllu eins og mögulegt er, ég
verð til dæmis með vinnustofu í sama
húsi og galleríið."
Þrátt fyrir annríkið er Guðfinna
ekki hætt öllum framkvæmdum því
verið er að innrétta 150 fm sýningar-
sal í kjallara Gallerís Reykjavíkur
sem verður opnaður með sýningu 15.
janúar næstkomandi. Verður salur-
inn leigður út fyrir myndlistarsýn-
ingar. „Við höfum ekki auglýst sal-
inn, samt eru komnar margar
bókanir," segir hún.
„Við höfum í hyggju að bjóða upp
á líflega starfsemi í salnum samhliða
myndlistarsýningunum. Sem lið í
þeirri áætlun verðum við með ljóða-
kvöld, bjóðum upp á tónlist, upplest-
ur og fleira í þeim dúr, en þá starf-
semi eigum við eftir að móta enn
frekar.
Ég hef lært að skipuleggja tíma
minn vel,“ segir Guðfinna þegar hún
er spurð að því hvernig hún ætli að
fara að því í framtíðinni að sinna fyr-
irtækjunum og listagyðjunni í
þokkabót. „Ég er að gera það sem ég
hef ánægju af. Ég hef ávallt haft
ánægju af starfi mínu og nýt þess að
vera í náminu og er sæl með mína
fjölskyldu. - Þegar maðurinn er
ánægður með það sem hann er að
gera, frískur, hamingjusamur og
sáttur við sitt, fæst aukið úthald og
hann finnur síður fyrir þreytu."
Þaö er alltaf þörf

fyrir kærleiksklink
Umhyggja, félag langveikra barna, þarf
á þér að halda á aðventunni. Þú getur
sýnt þína umhyggju i verki með því að leggja
inn á tékkareikning Umhyggju númer
0101-26-24 í Landsbankanum
Austurstræti. Sýndu þína
umhyggju í verki og leggðu þitt
á vogarskálarnar til stuðnings
langveikum börnum fyrir jólin.
LandstKinkinn