Morgunblaðið - 26.01.2000, Blaðsíða 14

14 MIÐVIKUDAGUR 26. JANÚAR 2000
MORGUNBLAÐIÐ
HÖFUÐBORGARSVÆÐIÐ
Sýslumaður fylgist með þara-
tekju við Lambhúsatjörn
Garðabær
SÝSLUMAÐURINN í Hafnarfirði hefur
nú til skoðunar þaratekju fiskeldisstövar-
innar Sæbýlis hf. í Vogavík við
Lambhúsatjörn í Bessastaðahreppi
vegna kvartana umhverfismálanefndar
Garðabæjar yfir þaratekju fyrirtækisins
í tjörninni sjálfri, sem er á Nátturu-
minjaskrá vegna auðugs lífríkis.
Umhverfismálanefnd Garðabæjar
taldi sig hafa vitneskju um að þarinn
hefði verið tekinn úr Lambhúsatjöm og
leitaði eftir áliti Náttúruverndar ríkisins
á því hvaða áhrif þaratekja gæti haft á líf-
ríki Lambhúsatjamar og hvort þaratekja
væri leyfisskyld.
I bréfi frá Náttúruvernd ríkisins til
umhverfismálanefndar í júní sl., kemur
fram að Sæbýli segist vinna þarann í
Lambhúsatjörn, Ósabotnum og í Hafnar-
firði. Stofnuninni var ekki kunnugt um að
Sæbýli hefði aflað nokkurra leyfa, álits
eða umsagnar um þaratekju, hvorki á
náttúruminjasvæðum né öðram svæðum.
Stofnunin taldi að þaratekja af þeirri
stærðargráðu sem um ræddi, 600 tonn á
ári, væri ekki réttlætanleg nema að rann-
sóknir sýndu að hún ylli ekki skaða á líf-
ríki þeirra svæða sem um ræddi.
Þarinn er notaður í fóður handa
sæeyra, skeldýri, sem Sæbýli hf. hefur til
ræktunar.
Engar áþreifanlegar sannanir
Málinu var vísað til rannsóknardeildar
lögreglunnar í Hafnarfirði, sem kannaði
málið um tíma, en vísaði því til Guðmund-
ar Sophussonar, sýslumanns í Hafnar-
firði. Hann sagðist í samtali við Morgun-
blaðið engar áþreifanlegar sannanir hafa
í höndunum fyrir þaratekju Sæbýlis i
Lambhúsatjörn. Forsvarsmenn fyrir-
tækisins hafi við skýrslutökur sagt að
þara væri ekki að finna í tjörninni sjálfri
en þari hafi verið tekinn rétt utan við
mynni tjarnarinnar, sem ekki tilheyri því
svæði sem umhverfismálanefnd Garða-
bæjar segi að njóti verndar. Umhverfis-
málanefnd telji sig hins vegar hafa sann-
anir fyrir þvi að Sæbýli hafi seilst inn
fyrir mynni tjarnarinnar til þaratekju.
Við svo búið verður fátt aðhafst af
hálfu embættisins nema nýjar upplýsing-
ar leiði í ljós augljósa þaratekju í sjálfri
tjörninni.
Lögreglunni í Hafnarfirði og Garðabæ
hefur verið falið að fylgjast með því eins
og kostur er hvort farið sé inn á umrætt
svæði til þaratekju.
Þótt Lambúsatjöm sé á náttúraminja-
skrá er tjörnin ekki friðuð, en svæði á
náttúraminjaskrá njóta þó ákveðinnar
verndunar og ber því að fara varlega um
þau og leita umsagnar Náttúrafræðist-
ofnunar vegna framkvæmda við þau.
Ibúi við Alfatún segir múgæsingu foreldra ráða mótmælum
Bæjarstjóri um mótmæli barna
Mikil þörf fyrir
leikskólann
í Álfatúni
Kópavogur
NÝR einkarekinn leikskóli í
Álfatúni 2 í Kópavogi mun
hefja starfsemi í mars, en
hann mun vista um 50 börn.
Þetta kom fram í samtali
Morgunblaðsins við Sigurð
Geirdal, bæjarstjóra Kópa-
vogsbæjar, en í blaðinu í
gær kom fram að þrír 11
ára krakkar, sem byggju í
grennd við fyrirhugaðan
leikskóla, hefðu safnað und-
irskriftum til að mótmæla
áformunum.
Sigurður sagði að undir-
skriftirnar myndu ekki
breyta neinu um þau áform
að starfrækja leikskóla í
Álfatúni, því mikil þörf væri
fyrir leikskóla í hverfinu.
Skólinn yrði í stóru einbýlis-
húsi, sem verið væri að inn-
rétta sem leikskóla.
Mótmæli krakkanna voru
m.a. byggð á þeim rökum að
besta skiðabrekkan yrði
ónothæf, en Sigurður sagði
að brekkan myndi lítið sem
ekkert skerðast.
„Það er bara gott að börn-
in sýni þessu máli áhuga því
þau hafa sinn rétt eins og
aðrir,“ sagði Sigurður. „Ég
fæ oft herskara af krökkum
í viðtalstímana til mín og
það er bara gott mál og sýn-
ir að ungmennin hér í Kópa-
voginum fylgjast vel með.“
Sé ekki annað en
gott við leikskólann
Kópavogur
„ÞETTA er múgæsing for-
eldra, sem era á móti þessum
leikskóla," segir Halldóra
Guðmundsdóttir, íbúi við
Alfatún, um lista undirskrifta
sem börn í hverfinu hafa safn-
að gegn byggingu nýs leik-
skóla í íbúðarhúsi við Álfatún
2.
„Eg fór á opinn fund, sem
var haldinn um þessa leik-
skólabyggingu á sínum tíma,
og þar var fjöldi fólks, sem
var fyrirfram á móti, áður en
forráðamenn höfðu lagt fram
sínar tillögur og rökfærslur.
Mín upplifun var sú að fólk
væri fyrirfram búið að kveða
upp þann dóm að þetta væri
ómögulegt,“ segir Halldóra.
„Eg sé ekkert annað en
gott við þennan leikskóla.
Þarna verður til stærðarinnar
leiksvæði sem fólk getur farið
á með börnin sín um kvöld og
helgar, vetur og sumar, og
notið þess, sem þarna verður
til viðbótar við það sem er að
fínna í dalnum.“
Halldóra er þroskaþjálfi og
leikskólakennari en segist
engra hagsmuna eiga að gæta
varðandi þennan leikskóla í
Álfatúni. „Það vantar leik-
skólapláss í Kópavoginn og ég
sjálf, með mína fagmenntun,
sé ekki annað en þetta sé af
hinu góða. Mér finnst ótrú-
legt hvernig ráðist hefur ver-
ið á það unga fólk, sem er að
stofna þennan leikskóla, og
vil hrósa þeim fyrir að þora að
halda áfram þrátt fyrir öll
þessi mótmæli.“
Börnin sem komu með und-
irskriftalista sinn á Morgun-
blaðið sl. föstudag sögðu að
besta skíðabrekkan í hverfinu
færi undir leikskólann en
Halldóra sagði að þessi
brekka væri mjög lítið notuð;
þarna sæist einn og einn
krakki stöku sinnum yfir all-
an veturinn. „Dalurinn sjálfur
er mikið notaður til skíða-
ferða, aðallega á gönguskíð-
um, en auk þess eru brekkur
fyrir neðan þannig að það er
engin hindran fyrir skíðafólk
að þessi brekka sé tekin undir
annað,“ sagði Halldóra.
Morgunblaðið/Sverrir
Jarðvegsvinna við lóð leikskólans umdeilda við Álfatún er hafín.
Átak til að fækka flækingsköttum í Reykjavík hefst í Vesturbæ
Kettir gera sig
heimakomna
íókunnum
húsum
Vesturbær
BORIST hafa margar kvart-
anir til Reykjavíkurborgar frá
íbúum vegna flækingskatta,
sem gera sig heimakomna í
ókunnum húsum og athafna
sig þar að vild. Þetta kom fram
í samtali Morgunblaðsins við
Guðmund Bjömsson, verk-
stjóra hjá Meindýravömum
Reykjavíkurborgar, en borgin
hefur nú bragðist við þessum
kvörtunum og hafið átak til að
fækka flækingsköttum.
„Það er geysilegt ónæði
vegna katta í borginni og
margar kvartanir hafa borist,“
sagði Guðmundur. „Það er
ekki óalgengt að dýrin komi
inn um glugga í ókunnum hús-
um og athafni sig þar að vild,
borði mat og geri þarfir sínar
og það era ekki allir sem kæra
sigumþetta."
Guðmundur sagði að kvart-
animar væra ekki einskorðað-
ar við einstök hverfi heldur
hefðu þær borist frá Mum
víðsvegar í borginni. Hann
sagði að þetta væri ekki í
fyrsta skipti sem borgin hefði
ákveðið að bregðast við vand-
anum með þessum hætti.
„Það var gert allt þar til í
mars í fyrra, en þá var því
hætt og samin reglugerð um
málið, sem við eram nú að
fylgja eftir.
Þetta snýst aðallega um að
handsama dýr sem era til
vandræða. Ef hringt er og
kvartað förum við á viðkom-
andi stað og leggjum búr á lóð-
ina og veiðum kettina þannig.
Við förum sem sagt ekki út í
hverfin til að leita að flækings-
köttum nema það berist kvart-
anir.“
Kettimir geymdir
í Kattholti
Átakið er unnið í samvinnu
Hreinsunardeildar Reykjavík-
Morgunblaðið/Asdís
Margar kvartanir hafa borist vegna flækingskatta í borg-
inni og nú er svo komið að ákveðið hefur verið að fara út í
sérstakt átak til að sporna gegn vandanum.
urborgar og Kattavinafélags
íslands. Guðmundur sagði að
þegar búið væri að handsama
dýrin yrðu þau flutt upp í
Kattholt til geymslu, hvort
sem þau væra merkt eða ekki.
„Samkvæmt reglugerðinni
skal geyma kettina í viku, en
eftir þann tíma er heimilt að
finna þeim nýtt heimili eða af-
lífa þá. Ef eigandinn er ekki
farinn að leita að kettinum eft-
ir viku þá er það ekki ábyrgur
eigandi."
Guðmundur sagði að tveir
starfsmenn Meindýravama
Rey kj avík urborgar myndu
sinna þessu verkefni, en það
hefst þriðjudaginn 1. febrúar í
Vesturbænum. Borgarbúar
era hvattir til að fylgjast með
auglýsingum frá Hreinsunar-
deild Reykjavíkurborgar, en
sjö dögum áður en aðgerðir
hefjast í hveiju hverfi era
auglýsingar um þær birtar í
dagblöðum. Þannig birtist í
gær auglýsing um að átakið
væri að hefjast í Vesturbæn-
um.
Guðmundur sagði mikil-
vægt að kattaeigendur héldu
dýrunum inni á meðan aðgerð-
ir í viðkomandi hverfum stæðu
yfir. Þá era kattaeigendur
hvattir til að merkja ketti sína
annaðhvort með hálsböndum,
þar sem fram koma upplýsing-
ar um eiganda, heimilisfang
og símanúmer, eða láta ör-
merlq'a þá eða eymamerkja
með húðflúri hjá dýralækni.
Hópur tekur út
tölvur í skólum
Garðabær
BÆJARYFIRVÖLD í
Garðabæ hafa skipað starfs-
hóp til að gera úttekt á bún-
aði og kennslu í tölvunotkun
og upplýsingatækni í grunn-
skólum bæjarins.
„Hluti af verkefni starfs-
hópsins er að gera úttekt á
núverandi stöðu,“ sagði
Gunnar Einarsson, forstöðu-
maður fræðslu- og menning-
arsviðs bæjarins.
Hann sagðist telja bæinn
þokkalega staddan að þessu
leyti; tölvuver eru í Flata-
skóla, Hofsstaðaskóla og
Garðaskóla en það síðast-
nefnda þarfnist endurnýjun-
ar. Fjöldi tölva var keyptur
fyrir alla skólana þrjá fyrir
um tveimur áram en „tvö ár
er mjög langur tími í þessu
upplýsingasamfélagi. Við
þurfum að vera á tánum varð-
andi búnað, kennslu og ekki
síst endurmenntun kennara
þannig að þeir tileinki sér
tölvukennslu og tölvunotkun í
kennslu," sagði Gunnar.
Hann sagði að samkvæmt
aðalnámskrá grunnskóla
væri eitt meginhlutverk
grannskólans að búa nem-
endur undir starf í því þjóðfé-
lagi sem þeir muni tilheyra
sem fullorðnir einstaklingar
og þar væri vaxandi áhersla á
kunnáttu í tölvunotkun og
upplýsingatækni veigamikill
þáttur.
„Beiting upplýsingatækni
og tölva er verklag sem setur
svip á allar greinar þjóðlífsins
og það er nauðsynlegt að
þetta skipi viðunandi sess í
grannskólum,“ sagði Gunnar.
„Við viljum skoða stöðuna
og setja okkur ákveðin
markmið að ná um leið og við
uppfyllum markmið aðalnám-
skrárinnar."
Af hálfu bæjaryfirvalda
hefur starfshópnum verið fal-
ið að koma með tillögur að
samræmingu og samfellu í
kennslu í tölvunotkun og upp-
lýsingamennt í grunnskólum
Garðabæjar. Hópurinn mun
leggja mat á núverandi stöðu
með því að gera úttekt á vél-
búnaði, hugbúnaði og nám-
skrám, kanna kunnáttu og
leikni kennara á tölvunotkun
og upplýsingatækni og notk-
un tölva í öllum námsgrein-
um. Einnig er, samkvæmt
upplýsingum frá Gunnari,
rætt um að kanna tölvueign
heimila og tölvunotkun nem-
enda og tölvueign kennara.
Starfshópnum ber að skila
tillögum fyrir lok mars.