Morgunblaðið - 30.01.2000, Blaðsíða 14

14 SUNNUDAGUR 30. JANÚAR 2000
MORGUNBLAÐIÐ
ÍÞRÓTTIR
Það var létt yf ir Atla Eðvaldssyni við komuna til Noregs á leið sinni með landsliðshóp sinn á Norðurlandamótið á Spáni.
Markmiðið að fævast
upp um styrkleikafiokk
Atli Eðvaldsson, landsliðsþjálfari í knattspyrnu, verður í fyrsta
sinn við stjórnvölinn hjá landsliðinu þegar það mætir Norðmönn-
um á Norðurlandamóti landsliða í knattspyrnu á La Manga á
Spáni á morgun. I viðtali við Skúla Unnar Sveinsson segist hann
hlakka til þeirra verkefna sem framundan eru hjá landsliðinu
og viðurkennir að hann sé alltaf með smáfíðring í maganum
fyrir leiki og segir raunar að þegar það hætti sé tími til
kominn að fara að gera eitthvað annað.
Atli tekur við góðu búi úr höndum
Guðjóns Þórðarsonar, fyrrver-
andi landsliðsþjálfara, sem náði góð-
um árangri með liðið á síðustu leik-
tíð. Atli segir að hugmyndir sínar séu
ekki svo fjarlægar hugmyndum Guð-
jóns, en þó er ljóst að það verður ein
breyting á leikskipulagi því Atli ætl-
ar að láta landsliðið leika með fjóra
menn í vörn, fjóra á miðjunni og tvo
frammi en Guðjón var með fímm í
vöm, þrjá á miðjunni og tvo frammi.
Þýðir þetta að það eigi að fara að
sækja meira en áður?
„Nei, það þarf ekki að þýða það.
Ég hef látið þau lið sem ég hef þjálf-
að leika þessa leikaðferð og ætla að
gera það með A-landsliðið. Ég lék
lengstum í liðum þar sem leikið var
með fjögurra manna vörn, einstaka
sinnum voru þrír í vöminni þó, og
þessi aðferð hentar mér sem þjálf-
ara. Ég held að þetta leikkerfí, sé
það rétt leikið, bjóði upp á sterkari
miðju og skemmtilegri leik. Menn
verða þó alltaf að hafa þá grundvall-
arreglu í heiðri að um leið og við
missum boltan verðum við að komast
sem fyrst aftur fyrir boltann þannig
að við séum tilbúnir að verjast og þó
leikkerfið heiti 4-4-2 þá verða alltaf
sex enn tilbúnir að verjast," segir
Atli.
Máli sínu til stuðnings um ágæti
þessa leikkerfis nefnir hann árangur
KR-inga síðustu tvö árin. „Við feng-
um á okkur níu mörk í deildinni fyrra
árið og 13 það síðara og skoruðum
mikið af mörkum. Ég tel að með því
að leika þetta kerfí séum við að
styrkja miðjuna og leik liðsins í heild
og þetta er kerfi sem ég tel mig
kunna og þarf síðan að koma því yfír
til leikmannanna.“
Nú ert þú að fara að stjóma
landsliðinu ífyrsta sinn, hvaða vænt-
ingar hefurþú tiiþessa móts?
„Það er fyrst og fremst mikilvægt
fyrir mig að fá hópinn saman og
ræða þau leikkerfi sem ég ætla að
nota og fá menn til að skilja þau. Ég
tel það mjög mikilvægt að menn
skilji tilganginn með leikkerfunum,
ekki bara að þeir viti að þeir eigi að
spila svona en ekki hinsegin, þeir
verða að vita hvers vegna þeir eiga
að gera hlutina svona. Ég ætla að
ræða það munstur sem ég vil fá í leik
liðsins og fá strákana til að sam-
þykkja það og nota leikina til að sýna
þeim fram á kosti þessa leikkerfis.
Einnig legg ég mikið upp úr því að
við förum yfir leiki okkar og lærum
af mistökunum sem við gerum, því
ég veit þau verða fjölmörg. Vonandi
verður þróunin þannig að við gerum
flest mistök í fyrstu leikjunum og
fækkum þeim síðan í þeim næstu og
verðum tilbúnir þegar við mætum
Dönum í Kauprnannahöfn."
Nú eru væntanlega nokkrir leik-
menn sem ekki eru hérsem þú hefðir
kosið aðhafa íhópnum þínum, erþað
ekki slæmt fyrirþigþar sem ætlunin
er að koma með nýjar hugmyndir?
„Það hefði verið betra að hafa alla
sem maður hefði kosið, en það er
auðveldara að búa til kerfí og fá síðan
menn inn í það en að búa til kerfi ut-
an um mennina. Auk þess eru þessir
strákar orðnir svo leikreyndir að
þeir eiga auðvelt með að aðlaga sig
breyttum aðstæðum.“
Hvað um þau markmið sem þú
hefur sett þér með liðið á næstu ár-
um?
„Þrátt fyrir mjög góðan árangur á
síðasta ári er eitt markmið sem ekki
hefur enn náðst en alltaf hefur verið
stefnt að, það er að færast upp um
styrkleikaflokk. Að því er stefnt á
næstu árum.“
Langaði að verða
landsliðsþjálfari
Atli lék sinn fyrsta landsleik gegn
Færeyingum árið 1976 undir stjórn
Tonys Knaps og þar sigruðu íslend-
ingar. Síðasta landsleikinn lék hann
undir stjóm Bos Johanssons gegn
Tyrkjum og þar vannst einnig sigur.
„Ég byrjaði vel og endaði vel!“ segir
Atli brosandi og gefur ekkert meira
út á hvernig gengi liðsins var í hinum
68 leikjunum.
Hann hefur leikið undir stjórn
margra þjálfara og segist hann hafa
nýtt sér það, tekið sitt lítið frá hveij-
um og einum og reynt að nýta sér til
góðs, en gekk hann með landsliðs-
þjálfarann í maganum?
„Nei, ekki get ég nú sagt það. Jú,
annars ég gæti best trúað að ég hefði
gert það síðari árin mín sem lands-
liðsmaður. Auðvitað hugsaði maður
ekkert um þetta sem leikmaður, sér-
staklega ekki í byrjun því þá hugsaði
maður ekki langt fram í tímann. Ég
skal hins vegar játa að á seinni hluta
ferilsins fór maður eflaust aðeins að
íhuga þetta. Maður hafði farið í
gegnum allt, verið með mismunandi
þjálfara og hafði reynt að velja það
besta úr hjá þeim. A seinni árunum
sem leikmaður langaði mann stund-
um til að koma með sínar hugmydir
en það er auðvitað þjálfarinn sem
ræður þannig að ég lét það vera. Ég
var ákveðinn í að fara út í þjálfun og
tók þjálfaraprófin í Þýskalandi og til
að koma sínum hugmyndum í fram-
kvæmd verður maður að vera þjálf-
ari.
Ég vonaðist tii að ég fengi ein-
hvem tírria tækifæri til að verða
landsliðsþjálfari, en ekki svona
snemma.“
Atli segist alltaf vera með fiðring í
maganum fyrir leiki, sama hvort
hann sé að spila sjálfur, þjálfa og þá
skiptir ekki máli hvort um félagslið
eða landslið er að ræða. „Þetta er
ákveðin spenna - ekki hræðsla eða
neitt því um líkt. Ég held að þegar
maður hættir að fá fiðring íyrir leiki
geti maður alveg eins farið að gera
eitthvað annað.“
Atli skoraði glæsilegt mark gegn
Norðmönnum í einum af sínum síð-
ustu landsleikjum, hann taldi að
hann hefði skorað eitt gegn Frökk-
um, „nei, síðasta landsliðsmark mitt
var ekki gegn Norðmönnum, eða
hvað. Nei, við lékum við Frakka þar
á eftir og ég skoraði, tók hann með
hælnum! Ég man greinilega eftir-
markinu gegn Norðmönnum og það
er dálítil saga í kringum það. Daginn
fyrir leik þegar við vorum að koma á
æfingu voru Norðmenn að æfa skot
og Eric Torstved var í markinu. Við
sáum eitt skot sem var niðri í hornið
hægra megin við hann. Ég benti
strákunum á að þarna ættum við að
skjóta á hann því hann gæti greini-
lega ekkert þama niðri. Svo kom
hom, ferlega lélegt og ég man að'ég
bölvaði í hljóði. Einhver skallaði ft’á
og boltinn kom út fyrir teig til mín og
ég lét vaða, boltinn lenti í jörðinni og
skoppaði í „lélega“ homið hans
Torstveds."
Atli segist vera með góðan árang-
ur úr viðureignum við Norðmenn.
„Ég hef bara tapað einu sinni fyi’ii'
Norðmönnum, það var í leik með 21
árs landsliðinu og þetta var eini leik-
urinn sem ég lék með því landsliði.
Ég hef unnið þá þrisvar með A-
landsliðinu og einu sinni sem þjálfari
21 árs liðsins,“ segir Atli Eðvaldsson.