Morgunblaðið - 18.02.2000, Blaðsíða 12

12 FÖSTUDAGUR 18. FEBRÚAR 2000
MORGUNBLAÐIÐ
FRÉTTIR
jPnumdrög að
í Vatnsmýrínni
Athafm
Öskjuhlíð
■_____^ ^
íbúðarsvæði
Ibúðarsvæði
íbúðarsvæðH ’)
Fossvogur
Ærslast
í snjón-
um
BÖRNIN kunna svo
sannarlega að meta snjó-
inn og þykir hann einkar
hentugur í hvers konar
leiki, enda er hægt að
renna sér á sleða í hon-
um, gera snjókarl úr
honum, eða bara ærslast
um í honum.
Ekki hefur skort snjó í
höfuðborginni síðustu
daga og hafa borgar-
börnin svo sannarlega
kunnað að meta það. Svo
er bara að laga aðeins
húfuna áður en ærsla-
gangurinn hefst að nýju.

Morgunblaðið/Þorkell
Borgarstjóri um tillögur
Samtaka um betri byggð
Lofsvert framtak
að setja fram nýj-
ar hugmyndir
INGIBJORG Sólrún Gísladóttir
borgarstjóri segir það lofsvert
framtak Samtaka um betri byggð
að vinna og setja fram hugmynd-
ir að skipulagi í Reykjavík en
samtökin hafa kynnt nýjar tillög-
ur að skipulagi vestan Elliðaáa.
Borgarstjóri sagðist enn ekki
hafa kynnt sér tillögurnar nema
af fréttum en mikilvægt sé að fá
svona innlegg inn í þá umræður
sem þurfi að fara fram um þróun
Reykjavíkur og alls höfuðborgar-
svæðisins í tengslum við Svæða-
skipulag höfuðborgarsvæðisins
og Aðalskipulag Reykjavíkur
sem ætti að fara í endurskoðun.
Fáir mótað
framtíðarsýn
„I raun hafa mjög fáir tekið
sér það fyrir hendur að móta ein-
hverja framtíðarsýn fyrir borg-
ina og borgarsamfélagið," sagði
Ingibjörg Sólrún. „Við höfum
veitt þeim þá aðstöðu sem þau
hafa beðið um en þetta er þeirra
vinna og við komum ekki að því
máli enda eru þetta grasrótar-
samtök, sem eru að setja fram af-
gerandi skoðun. Ég held að það
sé mjög mikilvægt.
Ýmislegt orkar
tvímælis
Það má segja að ýmislegt orki
tvímælis en það er mjög mikil-
vægt að fá fram afgerandi skoð-
anir, sem geta ýtt við umræð-
unni. Svona viðfangsefni eins og
þessi dreifða byggð á höfuðborg-
arsvæðinu, sem þýðir að við
göngum mjög á umhverfið, auk-
um umferð og erfiðleika í al-
menningssamgöngum svo dæmi
séru tekin. Það er því mjög mikil-
vægt að setja þessa umræðu á
dagskrá þannig að við horfum
heildstætt á þetta. Við erum svo
upptekin af því að ræða einstök
mál, ein gatnamót, eina byggingu
eða eina lóð án þess að horfa á
hlutina í heild,“ sagði Ingibjörg
Sólrún borgarstjóri
Ráðgjafar um skipulag höfuðborgarsvæðisins
Kanna kosti og galla þess
að flytja flugvöllinn
RÁÐGJAFAR Samvinnunefndar
um svæðisskipulag átta sveitarfé-
laga á höfuðborgarsvæðinu, fagna
drögum að skipulagi í Vatnsmýr-
inni, sem vinnuhópur Samtaka um
betri byggð hefur unnið. Þar er mið-
að við að flugvöllurinn verði fluttur
en forsenda þeirrar vinnu sem ráð-
gjafamir miða við er að flugvöllur-
inn verði óhreyfður til ársins 2016
og jafnframt að þeir kanni kosti
þess og galla að hann verði fluttur.
Komnir niður
á jörðina
„Þetta er lofsvert framtak og gott
innlegg í umræðuna," sagði Richard
Briem arkitekt. „Þetta eru drög og
hátt svifið eins og við gerðum einnig
í fyrstu en segja má að við séum
komin niður á jörðina í okkar tillög-
um. Munurinn er aðallega sá að við
verðum að fmna og leggja fram
raunhæfar tillögur. Þarna er farið
út á ystu nöf og tillagan sett fram
sem valkostur gegn okkar tillög-
um.“
Byggð í norður
eða suður
Benti hann á að ráðgjafahópur-
inn, en hann samanstendur af
dönskum og íslenskum ráðgjafar-
fyritækjum undir heitinu Nesplan-
ers, hafi fyrst og fremst verið að
velta upp hugmyndum að nýrri
byggð á norður- og suðursvæðum
höfuðborgarsvæðisins en hugmynd-
ir Samtaka um betri byggð miði að-
allega að þéttingu byggðar á nesinu.
„Forsenda okkar vinnu er að flug-
völlurinn verði óhreyfður út skipu-
lagstímabil aðalskipulags Reykja-
víkur, sem nær tfi ársins 2016,“
sagði hann. „Það er ólíklegt að flug-
völlurinn verði færður fyrir þann
tíma þótt það sé ekki útilokað og
rétt að ræða þann möguleika strax
því fimmtán ár líða fljótt og mikið
fyrirtæki að flytja flugvöll."
Kostir og- gallar
Sagði hann að ráðgjafahópurinn
væri að kanna kosti þess og galla að
færa flugvöllinn og skipuleggja þar
byggð. „Að flytja flugvöllinn er eitt
og annað er að koma þar fyrir
byggð og sjá um samgöngur að
svæðinusagði Richard.
„Það verður að hugsa um byggð-
arlagið í heild og hvað hentar best,“
Skerjafiörður
sagði Peder Boas Jensen arkitekt.
Sagði hann að þau drög sem hann
kynnti nú væru fyrstu frumdrög að
skipulagi í Vatnsmýrinni, sem lagt
yrði fyrir framkvæmdanefnd um
svæðaskipulag á höfuðborgarsvæð-
inu. Sagði hann að munurinn á hug-
myndunum væri ekki mikill. Báðar
gerðu ráð fyrir þéttingu byggðar-
innar en hans hugmynd miðaði við
10 þús. íbúa byggð ef svæðið yrði
allt lagt undir íbúðabyggð en milli 7
og 8 þús. íbúa ef hluta yrði ráðstaf-
að undir atvinnuhúsnæði fyrir um 5
þús. störf. Sagði hann að tillagan
næði ekki lengra en til þess að
leggja út svæðið og segja til um
fjölda íbúa og starfa. I tillögu Sam-
taka um betri byggð er gert ráð fyr-
ir allt að 40 þús. manna byggð í
randbyggingum með garði í miðju
og sagði hann að sú tillaga minnti
um margt á skipulagshugmyndir
eftirstríðsáranna en í dag væri leit-
ast við að draga bæjarmyndina inn í
landslagið og taka tillit til umhverf-
isins.
* 8 4'
Formaður þjóðminjaráðs segir rekstrarvanda Þjóðminjasafns ekki stafa af flutningum safnsins
\
i
Fullnægjandi skýr-
ingar ekki fengist
á 30 milljóna halla
GUNNAR Jóhann Birgisson, for-
maður þjóðminjaráðs og bygging-
arnefndar Þjóðminjasafnsins, segir
að það standist ekki að íjárhags-
vandræði safnsins séu yfirfærð á
flutningskostnað sem til hefur orðið
vegna þreytinga á húsnæði safnsins
við Suðurgötu. Þá segir Gunnar Jó-
hann að engar fullnægjandi skýr-
ingar hafi fengist á því hvers vegna
endurskoðuð fjárhagsáætlun, sem
samþykkt var í september 1999,
hafí ekki staðist og að Þjóðminja-
safnið hafi farið 30 milljónir fram
úr þeirri áætlun.
Að sögn Gunnars Jóhanns brá
meðlimum þjóðminjaráðs mjög
þegar umframútgjöldin komu í ljós
í bráðabirgðauppgjöri fyrir 1999,
án þess að viðhlítandi skýringar
fylgdu með. Af þeirri ástæðu ákvað
þjóðminjaráð að óska eftir því við
menntamálaráðuneytið að fjárreið-
ur Þjóðminjasafnsins yrðu skoðað-
ar, til þess að botn fengist í ástæð-
ur fjárhagsvandræða safnsins.
Fjárhagsáætlun safnsins í upp-
hafí ársins 1999 gerði ráð fyrir
rekstrarútgjöldum að upphæð 142
milljónir. „Endurskoðuð fjárhags-
áætlun, sem menn fóru í að gera á
miðju ári þegar ljóst var að fjár-
hagur safnsins var að fara úr bönd-
unum, gerði ráð fyrir útgjöldum
sem voru um 170 milljónir. Þarna
var um talsvert mikla framúr-
keyrslu að ræða og menn höfðu
miklar áhyggjur af því að útgjöldin
hefðu farið svona mikið úr böndun-
um.“
Marklausar fjárhagsáætlanir
og ófullnægjandi skýringar
1 greinargerð fjármálastjóra á
þeim tíma kemur fram að nánast
allur sá kostnaður sem stafar af
fráviksatburðum hafí fallið til á
fyrri hluta ársins og sé þegar kom-
inn fram í bókhaldi safnsins. A móti
séu sértekjur safnsins fyrst og
fremst bundnar við mitt ár og
seinni hluta ársins og því hafí mjög
lítill hluti þeirra verið kominn fram.
Gunnar Jóhann segir að það hafi
meðal annars verið vegna þessara
ástæðna sem þjóðminjaráð sam-
þykkti endurskoðaða fjárhagsáætl-
un upp á rúmar 170 milljónir, og
var sú áætlun endanlega afgreidd í
september.
„Það sem síðan gerist og olli auð-
vitað vonbrigðum og kom mönnum
á óvart var framúrkeyrslan hjá
safninu eftir að þessi áætlun hafði
verið samþykkt. Og þegar bráðab-
irgðauppgjör ársins 1999 var kynnt
í upphafi þessa árs í þjóðminjaráði,
þá kemur í ljós að þessi endur-
skoðaða áætlun upp á 170 milljónir
stenst ekki, heldur er áætlunin þá
komin upp í 202 milljónir. Full-
nægjandi skýringar á því fengu
menn aldrei. Menn sátu hins vegar
uppi með marklausar fjárhagsáætl-
anir og skýringar, sem menn töldu
ekki nægjanlega góðar.“
Þjóðminjaráð ákvað því að á
fundi sínum 4. febrúar sl. að beina
því til menntamálaráðuneytis að
leita að fullnægjandi skýringum og
ástæðum fyrir þessari framúrk-
eyrslu, þannig að hægt væri að taka
ákvarðanir um frekari meðferð
málsins. Sú athugun stendur nú yf-
ir.
Verðum að geta
treyst starfsfólkinu
Að sögn Gunnars Jóhanns stenst
það engan veginn að fjárhagsvand-
ræði safnsins séu yfirfærð á flutn-
ingskostnað vegna breytinga á hús-
næði safnsins við Suðurgötu. Hann
segir að jafnvel þó að byggingar-
nefndin hefði tekið að sér að greiða
allt sem eyrnamerkt var flutningi
safnsins, þá stæðu menn engu að
síður eftir með gríðarlegan vanda.
Byggingarnefnd er þegar búin að
greiða 6 milljónir og er búin að
ábyrgjast greiðslu á 7,6 milljónum -
til viðbótar, en í upphafi lá fyrir
fjárhagsáætlun frá safninu um að '
kostnaður vegna flutninganna yrði
4,5 milljónir. „Og þó svo að bygg-
ingarnefnd taki á sig að greiða ein-
hverjar 13 milljónir í viðbót, þá er
vandi safnsins ekkert leystur," seg-
ir Gunnar Jóhann.
Vegna þeirra ábendinga starfs-
manna um að þjóðminjaráð beri
ábyrgð á fjárhagsvanda safnsins
segir Gunnar Jóhann að ráðið verði
að geta treyst starfsfólkinu fyrir
því að áætlanir standist, enda geti *
þjóðminjaráð á engan hátt fylgst
með fjárreiðum safnsins frá einum
mánuði til annars.
„Við verðum að treysta starfs-
fólkinu þarna, og það er verið að
leggja fram endurskoðaða fjárhags-
áætlun í september og það er eng-
inn sem hafði áhuga á því að vekja
athygli þjóðminjaráðs á því að þessi
áætlun standist ekki. Að halda því
fram að okkur hafi átt að vera þetta
ljóst er náttúrlega bara þvaður."