Morgunblaðið - 18.02.2000, Blaðsíða 55

MORGUNBLAÐIÐ
FRETTIR
FÖSTUDAGUR 18. FEBRÚAR 2000 55
Morgunblaðið/Ásdís
Tveir þátttakendur úr Rcykjavíkurmaraþoni vígja hlaupabrettið;
Berglind Anna Bjarnadóttir og Óli Vernharður Ævarsson. Með þeim
eru Jóhannes Jónsson, eigandi Bónuss, og sjúkraþjálfararnir Helga
Bogadóttir og Steinunn Unnsteindsóttir.
Barnaspítalinn
fær hlaupabretti
BÓNUS, sem var einn af styrktar-
aðilum Reykjavíkurmaraþons í
fyrra, ákvað að gefa Barnaspítala
Hringsins þúsund krónur með
hverju barni sem þátt tók í mara-
þoni eða skemmtiskokki. Alls
hlupu sex hundruð börn og lagði
Bónus því fram 600 þúsund krónur.
I samráði við forráðamenn
Barnaspítalans og Reykjavíkur-
maraþons var ákveðið að nota féð
til að efla endurhæfingu á Barna-
spítalanum og keypt hlaupabretti
fyrir börn ásamt öryggisbúnaði.
Kostaði búnaðurinn alls um eina
milljón króna og lagði Bónus einn-
ig til viðbótarféð og var gjöfin af-
hent nýlega. Tvö börn sem þátt
tóku í maraþoninu vígðu hlaupa-
brettið.
Sýningin
Handverk
og ferða-
þjónusta í
Höllinni
FERÐAMÁLASAMTÖK íslands og
handverksfólk hafa tekið höndum
saman um að sýna fólki það áhuga-
verðasta sem er að gerast í íslensku
handverki og ferðaþjónustu á lands-
byggðinni.
Unnið er að kappi við undirbúning
sýningarinnar sem verður haldin í
Laugardalshöll dagana 28. apríl til 1.
maí. Undirtektir hafa verið góðar og
ljóst er að sýnendur verða fjölmargir.
íslenskt handverk hefur verið í
mikilli sókn undanfarin ár. Fjöldi
fólks um land allt hefur lagt mikla
vinnu í að þróa hugmyndir sínar og
framleiðslu og íslenskar handverks-
vörur njóta æ meiri vinsælda meðal
þjóðarinnar jafnt sem erlendra
ferðamanna.
Handverksfólk frá Grænlandi og
Færeyjum sýnir á sýningunni og
geta áhorfendur borið saman fram-
leiðslu þjóðanna.
Reynt hefur verið að ná til sem
flestra væntanlegra sýnenda, en
þeim sem ekki hafa fengið boð um
þátttöku á sýningunni er bent á að
hafa samband við skifstofu sýningar-
innar, Laugavegi 3, sem allta fyrst til
að tryggja sér öruggt sýningarpláss.
Fundur um
sjávarútvegs-
og kvótamál
ALMENNUR fundur um sjávarút-
vegsmál og kvótamál verður haldinn
laugardaginn 19. febrúar kl. 11 í Al-
þýðuhúsinu, Hafnarfirði.
Framsögu á fundinum hafa: Árni
M. Mathiesen, sjávarútvegsráð-
herra, Hjálmar Árnason, alþingis-
maður og Jóhann Ársælsson, alþing-
ismaður. í pallborðsumræðum
verða, auk ofangreindra: Guðrún
Lárusdóttir, útgerðarmaður og Örn
Pálsson, framkvæmdastjóri Félags
smábátaeigenda. Umræður stjórnar
Guðmundur Árni Stefánsson, alþing-
ismaður.
Lýst eftir
vitnum
LÖGREGLAN í Reykjavík lýsir
eftir vitnum að umferðaróhappi
sem átti sér stað á bifreiðaplani
austan við hús nr. 39 í Síðumúla
16. febrúar milli kl. 18.30 og 19.40.
Ekið var utan í hvíta Renault Meg-
ane bifreið, árgerð 1997 með skrá-
setningarnúmerinu MJ-333. Bif-
reiðin stóð mannlaus í
bifreiðastæði en tjónvaldur ók af
vettvangi.
Þeir sem upplýsingar kynnu að
geta veitt um mál þetta eru
vinsamlega beðnir um að hafa sam-
band við lögregluna í Reykjavík.
Sýning á
loðfeldum
SAMBAND íslenskra loðdýra-
bænda og Eggert feldskeri standa
að sýningu á skinnum og loðfeldum
á Hótel Sögu laugardaginn 19.
febrúar nk. Húsið verður opnað
fyrir almenning kl. 13, verðlauna-
afhending hefst kl. 13.30 og tísku-
sýning á vegum Eggerts feldskera
verður kl. 14. Tríó Ólafs Stephen-
sen leikur undir.
Á sýningunni má sjá skinn frá
allflestum loðdýrabúum á landinu
og verða til sýnis yfir 600 skinn í
helstu litaflokkum sem íslenskir
loðdýrabændur framleiða. Veitt
verða verðlaun fyrir stigahæsta
búnt í hverjum litaflokki, þ.e. búnt
með fimm minkahögnaskinnum eða
þremur refaskinnum, þar sem gef-
in eru stig fyrir stærð, gæði, lit og
hreinleika í litnum. Einnig eru
veitt verðlaun fyrir bestu verkun á
skinnum.
Það er von íslenskra loðdýra-
bænda að sem flestir láti sjá sig á
sýningunni og fræðist um skinna-
framleiðslu, hönnun loðfelda
o.m.fl., segir í fréttatilkynningu.
Barnadagskrá
í Garðabæ
VETRARFRÍ er í grunnskólum
Garðabæjar dagana 21.-23. febrúar.
Af þvi tilefni stendur Bókasafn
Garðabæjar fyrir dagskrá fyrir
börn.
Dagskráin er fjölbreytt og hefst
mánudaginn 21. febrúar kl. 10 með
gátukeppni og myndbandssýningu.
Kl. 14 sama dag kemur Ragnheiður
Stephensen handbolta-„Stjarna“ og
les upp úr uppáhaldsbarnabókinni
sinni. Þriðjudaginn 22. febrúar kl.
10-12 verður sögusmiðja, brandara-
keppni og myndbandssýning. Kl. 14
kemur Gunnar Helgason leikari og
rithöfundur og verður með eitthvað
skemmtilegt sprell í farteskinu, seg-
ir í fréttatilkynningu. Miðvikudaginn
23. febrúar kl. 10-12 verður bóka-
getraun og myndbandssýning og eft-
ir hádegið kl. 14 kemur Helga Þ.
Steffensen og sýnir brúðuleikhús.
Gömlu
dansarnir
GÖMLU dansarnir verða haldnir í
Hreyfilshúsinu 19. febrúar á vegum
Félags harmonikuunnenda.
Leiðrétt kort
ÓNÁKVÆMNI var í korti, sem
birtist í Morgunblaðinu í fyrradag
af lóðinni, sem borgin hefur veitt
Islenskri erfðagreiningu fyrirheit
um í Vatnsmýrinni. Á kortinu tók
lóð IE yfir þjónustumiðstöð gatna-
málastjóra við Eggertsgötu en svo
mun ekki vera, að sögn Stefáns
Hermannssonar, borgarverkfræð-
ings, heldur stendur til að úthluta
fyrirtækinu 18.000 fermetra lóð
austan við þjónustumiðstöðina.
Dekraðu við konuna í lífi þínu
með ROMANCE konudagsilminum.
Hjá okkur færð þú góða þjónustu og gjöf fyrir þig í kaupbæti.
Glæsibær snyrtivöruverslun, s. 568 5170, Hygea Kringlunni, s. 533 4533, Hygea Laugavegi, s. 511 4533,
Libia Mjódd, s. 587 0203, Snyrtivv. Sara Bankastræti, s. 551 3140, Sigurboginn Laugavegi, s. 561 1330,
Andorra Hafnarfirði, s. 555 2615, Bylgjan Kópavogi, s. 564 2011, Bjarg Akranesi, s. 431 2007,
Fína Mosfellsbæ, s. 568 8000, Hilma Húsavík, s. 464 1837, Hjá Maríu Akureyri, s. 462 1730,
Miðbær Vestmannaeyjum, s. 481 1505.