Morgunblaðið - 14.03.2000, Qupperneq 13

MORGUNBLAÐIÐ
PRIÐJUDAGUR 14. MARS 2000 13
HÖFUÐBORGARSVÆÐIÐ
Borgarlögmaður um gögn sem Framarar hafa lagt fram í deilu um Safamýrarsvæðið
Safamýri
Hefðbundin úthlutun
til íþróttastarfsemi
HJÖRLBIFUR Kvaran
borgarlögmaður segir að sér
sýnist að gögn þau sem
Sveinn Andri Sveinsson, for-
maður Fram, segir staðfesta
eign félagsins á svæðinu við
Safamýri styðji þá skoðun að
svæðinu hafi verið úthlutað á
hefðbundinn hátt undir
íþróttastarfsemi. I því felist
að félagið geti ekki selt landið
undir aðra starfsemi. I dag
mun borgarráð fjalla um bréf
sem Fram hefur skrifað með
ósk um samþykki við því að
félagið selji félagsheimili sitt
við Safamýri.
„Því hefur aldrei verið hald-
ið fram af Reykjavíkurborg að
Fram væri þarna í heimildar-
leysi, þannig að þetta eru eng-
ar fréttir fyrir borgaryfir-
völd,“ sagði Hjörleifur um
frétt Morgunblaðsins af því að
Framarar hefðu fundið gögn
sem staðfestu eign félagsins á
félagssvæðinu við Safamýri.
„Það kemur fram í viðtalinu
við Svein Andra að þeim hafi
verið úthlutað þessari lóð á
sínum tíma og það kemur al-
veg heim og saman við okkar
bækur. Það hefur aldrei verið
ágreiningur um það og er al-
veg ljóst að Fram er þama
með fullri vitund, vitneskju og
samþykki Reykjavíkurborg-
ar.“
Þá sagði Hjörleifur að sér
sýndist enginn ágreiningur
geta verið um hvers eðlis rétt-
indi félagsins til svæðisins
væru. „Þarna er um að ræða
hefðbundna úthlutun eins og
önnur félög hafa fengið og það
kemur þama fram að borgar-
ráð hafi samþykkt að úthluta
þeim þessu svæði. Þetta er
eins og hver önnur úthlutun
sem önnur íþróttafélög hafa
fengið. Þetta er fyrir starf-
semi Fram og ekkert annað
og ef félagið þarf ekki á þessu
svæði að halda þá skilar það
landinu aftur til borgarinnar.
En þeir selja þetta ekki undir
einhverja aðra starfsemi.
Samkvæmt aðalskipulagi er
þetta íþróttasvæði og ef
íþróttafélag hættir starfsemi
sinni þá fellur þetta svæði aft-
ur til borgarinnar."
Að sögn Sveins Andra kem-
ur fram í skjalinu, sem er frá
borgarstjóratíð Gunnars
Thoroddsen, að félagið eigi
rétt til lands beggja vegna
Miklubrautar. Hjörleifur
sagðist ekki hafa skoðað það
en svæði félagsins hefði verið
afmarkað og hann kvaðst ekki
telja að ágreiningur væri um
það. „Mér er ókunnugt um ef
það er ágreiningur um hvaða
svæði það er sem Fram hefur
til afnota. I það minnsta hafa
menn ekki verið að halda því
íram gagnvart borginni að
það sé ágreiningur um hvem-
ig svæðið lítur út.“
Bréf um sölu á
félagsheimili
Hjörleifur sagðist ekki vita
til þess að Fram hefði átt í við-
ræðum við borgina um svæðið
í Safamýri en sagði að í dag
yrði tekið fyrir í borgarráði
bréf þar sem Fram fer fram á
að mega selja félagsheimili
sitt á svæðinu. Áður hefur
komið fram í Morgunblaðinu
að hugmyndir séu uppi um að
rekstur félagsmiðstöðvarinn-
ar Tónabæjar verði færður yf-
ir í Framheimilið. „Þeir óska
heimildar til að mega selja
féalgsheimilið og ég held að
það sé rétt af þeim að þeir
þurfa að bera það undir
Reykjavíkurborg, og væntan-
lega ríkið líka, sem hafa borg-
að stærsta hlutann í þessu fé-
lagsheimili. Ég held að það sé
rétt af þeim að bera undir
borgina hvort hún heimili fyr-
ir sitt leyti sölu. Þetta hús er
samþykkt sem félagsheimili
og ég held að það verði ekki
selt undir hvaða starfsemi
sem er og að þeir selji það
ekki nema að fengnu sam-
þykki Reykjavíkurborgar
bæði vegna þess hvemig stað-
ið var að byggingunni og fjár-
mögnun hennar og líka vegna
þess að, nema einhver annar
ætli að reka þarna félags-
heimili, þarf þetta sérstaka
skoðun skipulagslega og það
er ekki síður mikilvægt."
Rætt við kjötborð
Nýkaups
Hjörleilúr sagðist þannig
engan veginn telja að plaggið,
sem Framarar hafa fundið,
styddi að félagssvæðið væri
eignarland félagsins enda
kæmi fram í samtali Morgun-
blaðsins við Svein Andra síð-
astliðinn laugardag að það
hefði falast eftir 50 ára leigu:
lóðarsamningi við borgina. „í
slíkum samningi er landið
leigt undir íþróttastarfsemi
og ekki neitt annað, hvorki
verslunarstarfsemi né annað.
Önnur starfsemi en íþrótta-
starfsemi er ekki heimiluð.
Það er slíkur samningur sem
hægt væri að gera við Fram,“
sagði Hjörleifur. Hann sagði
að það hefði á sínum tíma tafið
viðræður við félagið að svæðið
var ekki endanlega afmarkað
en svæði félagsins hefði verið
skert í góðu samkomulagi við
Framara þegar undirgöng
voru gerð undir Miklubraut
vegna beygju að Kringlunni.
„En ég held að það eigi alveg
að liggja fyrir hvemig svæðið
lítur út.“
Þá sagði Hjörleifur að
Sveinn Andri hefði sagt að
engin andstaða væri í ráðhús-
inu við gerð 50 ára leigusamn-
ings en sagðist aðeins hafa
rætt málið lauslega einu sinni
við Svein Andra þegar báðir
biðu eftir afgreiðslu við kjöt-
borðið í Nýkaupi. „Það voru
engar formlegar viðræður
milli Fram og Reykjavíkur-
borgar sem þar fóru fram,“
sagði Hjörleifiir.
Fram hefur komið að Fram
kunni að hafa áhuga á í fram-
tíðinni að leita fyrir sér með
samstarf eða samvinnu við t.d.
Fjölni í Grafarvogi eða Þrótt í
Reykjavík og Hjörleifur var
spurður hvort tilkall félagsins
til Safamýrarsvæðisins væri
ekki til marks um að það væri
að reyna að auka verðmæti
svæðisins í viðræðum við
borgina um flutning í annað
hverfi. Hann sagði að það
væri annað mál. Borgin væri
nýbúin að ganga í gegnum
slíkt ferli með Þrótturum,
sem fluttu starfsemi sína úr
Sæviðarsundi á stærra svæði í
Laugardal.
„Þá var samið um að landið
í Sæviðarsundi gengi til
Reykjavíkurborgar og við lét-
um þeim í té í staðinn ágætis
aðstöðu í Laugardalnum. Síð-
an tók borgin landið í Sævið-
arsundinu til sinna nota, bjó
til skipulag og seldi lóðir. Það
gerði Þróttur ekki. Borgin
keypti félagsheimilið Þrótt-
heima af Þrótti og lét þá í
staðinn hafa annað hús inni í
Laugardal, sem borgin byggði
með Þrótti og fyrir Þrótt.
Þannig vinna menn þessi mál.
Þegar menn þurfa ekki lengur
á svæði að halda eða vilja
flytja sig, kemur borgin inn í
það og aðstoðar félögin.“
Um hugsanlega afgreiðslu
borgarráðs á erindi Fram um
heimild til sölu á félagsheimil-
inu sagði Hjörleifur að það
kæmi í ljós en sagði að sér
skildist að félagið teldi sig
ekki þurfa á félagsheimilinu
að halda og geta komið starf-
semi sinni fyrir í íþróttahús-
inu við Safamýri. „Það getur
verið mikil skynsemi í því að
vera ekki að reka tvö hús,“
sagði Hjörleifur.
Morgunblaðið/Ómar
Matmálstími í Laugardal
GEITIN er dýr mánaðarins í Húsdýragarðin-
um og leggur starfsfólk garðsins nú áherslu á
fróðleik um geitur, auk þess sem fyrstu kiðl-
ingar ársins fæðast væntanlega einhvern
næstu daga. En þótt geiturnar fái nú að vera í
sviðsljósinu þurfa aðrir íbúar garðsins sitt og
sem fyrr finnst áhorfendum gaman að fylgj-
ast með því þegar selimir gæða sér á síldinni.
Samstarfsnefnd um afbrota- og fíkniefnavarnir í Reykjavík starfar áfram
Áhersla á forvarnir
og liverfalöggæslu
Reykjavík
ÁKVEÐIÐ hefur verið á
fundi borgarráðs að sam-
starfsnefnd um afbrota- og
fíkniefnavamir í Reykjavík
starfi áfram næstu tvö árin.
Tilgangur nefndarinnar er að
skapa vettvang fyrir þverfag-
legt samstarf þeirra aðila sem
starfa í þessum málaflokkum
og að tryggja samræmda
stefnu í þeim. Þannig er
nefndinni ætlað að draga úr
neyslu fíkniefna og auka ör-
yggi borgaranna. Á þessu ári
verður lögð megináhersla á
að styðja við og efla þverfag-
legt forvarnarstarf í hverfum
borgarinnar.
Ástandið í mið-
borginni batnar
Samstarfsnefnd Reykja-
víkurborgar um afbrota- og
fíkniefnavarnir, SAF, var
skipuð í ársbyrjun 1998 og
tók við verkefnum vímuvarn-
arnefndar ásamt nýjum verk-
efnum á sviði afbrotavarna.
Nefndin var á sínum tíma
skipuð til tveggja ára. Á fund-
um nefndarinnar hefur verið
rætt hvort að tímabært væri
að hún léti af störfum, en sök-
um þess hve fíkniefnavarnir
og önnur öryggismál eru orð-
in umfangsmikil og vaxandi
verkefni, er talin full ástæða
til að framlengja starf nefnd-
arinnar um tvö ár til viðbótar.
Á fjárhagsáætlun borgar-
innar lyrir þetta ár er gert
ráð fyrir að fjárveiting til
nefndarinnar verði 10 millj-
ónir króna, sem er sama upp-
hæð og nefndin hafði yfir að
ráða á síðasta ári.
Nefndin hefúr lagt fram
greinargerð um afbrota- og
fíkniefnavarnir á árinu 1999,
ásamt starfsáætlun fyrir árið
2000. I greinargerðinni kem-
ur fram að ástandið í miðborg
Reykjavíkur hafi batnað
mjög. Ölvun og mannsöfnuð-
ur er þar mun minni, mjög lít-
ið beri á unglingum undir lög-
aldri og samsöfnun eldri
unglinga. Þetta er samkvæmt
upplýsingum lögreglu, starfs-
manna borgarinnar og félaga-
samtaka sem starfa í miðborg
Reykjavíkur.
Þennan árangur þakka
menn öryggismyndavélum,
lengdum afgreiðslutíma vín-
veitingahúsa og því að for-
eldrar virði útivistartíma
barna og unglinga.
Á þessu ári verður lögð
áhersla á að efla þverfaglegt
starf í hverfum borgarinnar. I
flestum þeirra starfa sam-
ráðsnefndir um málefni barna
og unglinga og eru skipaðar
m.a. af fulltrúum félagsmið-
stöðva, skóla, félagsþjónust-
unnar, lögreglu og æskulýðs-
og íþróttafélaga. I starfsáætl-
un SAF kemur fram að þetta
samstarf hafi reynst afar vel
og að vilji sé fyrir því í hverf-
unum að tengsl þessara aðila
verði aukin og styrkt.
Hverfastarf með
þátttöku íbúanna
Innan SAF hefur verið
samþykkt að skipta borginni í
8 svæði eða hverfi með tilliti
til samstarfs um forvamir.
SAF mun beita sér fyrir því
að ákveðið verklag varðandi
forvarnir verði tekið upp í
hverfunum og að verkefni
samráðsnefndanna verði að
vinna að samræmdri for-
vama- og vímuvarnaráætlun
fyrir hvert hverfi. SAF mun
síðan styðja kynningu og út-
gáfu áætlunarinnar með
ákveðinni fjárveitingu og að-
stoða við öflun og miðlun upp-
lýsinga og úrvinnslu rann-
sókna.
Samkvæmt tillögu SAF
verður borginni skipt í eftir-
talin hverfi vegna samstarfs
um forvarnir: Grafavogs-
hverfi með félagsmiðstöðv-
amar Gufunesbæ, Fjörgyn
og Sigyn, Árbæjarhverfi/
Kjalarnes með félagsmiðstöð-
ina Ársel, Breiðholtshverfi
með félagsmiðstöðvarnar
Miðberg og Hólmasel, Bú-
staða-, Smáíbúða- og Háaleit-
ishverfi með félagsmiðstöðina
Bústaði, Voga-, Heima-,
Langholts-, Laugarness- og
Laugalækjarhverfi með fé-
lagsmiðstöðina Þróttheima,
Hlíða- og Mýrahverfi/gamli
Austubær/Þingholtin með fé-
lagsmiðstöðina Tónabæ,
Vesturbær/Miðbær/Skerja-
fjörður með félagsmiðstöðina
Frostaskjól og áttunda hverf-
ið er síðan miðbærinn.
Nú þegar er í gangi sveit-
arfélagaverkefni í Vestur-
bænum, sem er undir hand-
leiðslu SÁÁ með sérstökum
styrk frá Forvarnarsjóði.
SAF átti fmmkvæði að verk-
efninu, sem hófst í mars á síð-
asta ári og lýkur nú í vor.
Hverfalöggæsla skilar
góðum árangri
í nóvember á síðasta ári
hófst undirbúningur sam-
starfsverkefnis um öruggara
og betra líf í Efra-Breiðholti
undir heitinu Efra-Breiðholt
- okkar mál. Ráðinn var verk-
efnisstjóri í hálfa stöðu og
skipaður stýrihópur með
þeim fulltrúum stofnana
borgarinnar sem starfa í
hverfinu. Markmið þessa
verkefnis er að afla upplýs-
inga, þróa hugmyndir og
hrinda í framkvæmd verkefn-
um sem eru til þess fallin að
bæta líðan og ánægju íbúanna
í hverfinu, og er þetta starf
unnið með þátttöku íbúanna.
Á vettvangi SAF var á síð-
asta ári fjallað um fyrirkomu-
lag fjölskylduráðgjafar, en
niðurstaðan varð sú að Fé-
lagsþjónustan í Reykjavík tók
að sér framkvæmd málsins og
var stefnt að því að Félags-
þjónustan og Fjölskyldumið-
stöðin myndu hefja rekstur
fjölskylduráðgjafar á þessu
ári. Markmiðið með því er að
gefa reykvískum barnafjöl-
skyldum kost á faglega
sterkri, aðgengilegri og við-
bragðsskjótri þjónustu með
fjölskylduráðgjöf og/eða með-
ferð eftir viðtal eða tilvísun.
Tilraunaverkefni lög-
reglunnar um hverfalöggæslu
í Bústaða- og Háaleitishverfi
hélt áfram á fyrstu mánuðum
síðasta árs. Það þótti takast
vel og í greinargerð lög-
reglunnar er það talið hafa
skilað góðum árangri, þann
tíma sem það varði. Verkefnið
var lagt af í byjun sumars
vegna manneklu og fjár-
hagsvanda lögreglunnar.
I starfsáætlun SAF er gert
ráð fyrir að halda áfram með
samstarfsverkefnið hverfa-
löggæslu, þar sem að unnið
verði að því að hvetja lög-
regluna til að auka hverfa-
bundið starf og að lögreglan
verði sýnileg. Þá verði einnig
lögð áhersla á að sömu lög-
reglumenn starfi í ákveðnum
hverfum.