Morgunblaðið - 23.05.2000, Blaðsíða 60

<)0 ÞRIÐJUDAGUR 23. MAÍ 2000
I DAG
MORGUNBLAÐIÐ
FRETTIR
Morgunblaðið/Jón Svavarsson
Utskriftarnemendur frá Fjölbrautaskólanum í Garðabæ.
Brautskráning frá
Fj ölbrautaskólan-
um í Garðabæ
46 NEMENDUR voru brautskráðir
laugardagin 20. raaí frá Fjöl-
brautaskólanum í Garðabæ, 43
stúdentar og þrír nemendur af
styttri brautum. Athöfnin fór fram
í Vídalínskirkju. Þorsteinn Þor-
steinsson, skólameistari, flutti
ávarp og afhenti nemendum próf-
skírteini.
Skólameistari ræddi um starfið
á liðnum vetri og hlutverk skólans.
Samkvæmt samningum við
menntamálaráðuneytið verður
skólinn fyrst og fremst bóknáms-
skóii með öflugu listnámi og
nokkrar stuttar brautir tengdar
starfsnámi. Þessar brautir eru í
boði: Félagsfræðabraut, málabraut
og náttúrufræðibraut til stúdents-
prófs. Þriggja ára listnámsbraut
með möguleika á framhaldi til stú-
dentsprófs. Starfsnámsbrautirnar
íþróttabraut, uppeldisbraut og við-
skiptabraut með framhaldi til stú-
dentsprófs og loks almenn braut
fyrir þá sem eru óákveðnir, þá
sem þarfnast betri undirbúnings
eða vilja skipuleggja stutt nám í
samráði við skólann.
Skólameistari nefndi einnig að
skólinn stefndi að því að verða
virkt afl í bæjarfélögunum tveim-
ur sem að honum standa, Garðabæ
og Bessastaðahreppi, með því að
bjóða aðstöðu til samkomuhalds,
námskeiða og fyrirlestra. Þá
nefndi hann öflugt forvarnastarf
innan skólans og aðrar nýjungar í
skólastarfinu, s.s. starf fyrir fatl-
aða og sérþjónustu við framúr-
skarandi nemendur. Innan skólans
ættu allir að rúmast. Sá skóli sem
næði að gegna því hlutverki af
kostgæfni væri fyrirmyndarskóli.
Skólameistari ávarpaði nemend-
ur þegar brautskráningu var lok-
ið. Hann hvatti nemendur til að
taka því sem á vegi verður sem
gjöfum sem geta kennt eitthvað
um okkur sjálf eða annað. Það
skipti ekki aðeins máli að setja sér
markmið heldur væri mjög mikil-
vægt að vinna af heilindum að því
markmiði, standa vörð um hug
sinn og hjarta, rækta dómgreindina
og vega og meta innihald hlutanna
en missa ekki sjónar á sjálfum sér
og hinu sanna inntaki hlutanna.
Ásta Lúðvíksdóttir deildarstjóri í
dönsku kveður nú skólann eftir
langt og gott starf frá stofnun hans.
Skólameistari færði henni gullmerki
skólans í kveðjuskyni og var henni
þakkað með hlýju lófataki.
Formaður skólanefndar, Þórður
Ingason, flutti hinum nýbraut-
skráðu nemendum kveðju og Gunn-
ar Þór Geirsson flutti ávarp fyrir
hönd nýstúdenta.
Dúx skólans var Stefán Bogi
Sveinsson, stúdent af hagfræði-
braut, og hlaut hann viðurkenning-
ar fyrir besta námsárangurinn að
þessu sinni og fyrir ágætan árangur
í íslensku, ensku og sögu. Guðrún
Jóna Sigurðardóttir, sem lauk bæði
félagsfræðilínu og sálfræðilínu fé-
lagsfræðabrautar, hlaut viðurkenn-
ingu fyrir flestar námseiningar og
einnig fyrir ágætan námsárangur í
félagsgreinum, þýsku og ensku.
Veitt voru verðlaun á sviði hand-
íða og myndmennta en vegur skól-
ans i þeim greinum hefur farið mjög
vaxandi. Þau hlutu Guðríður Guðna-
dóttir og Laila B. Nielsen fyrir mjög
góðan árangur í greinum fata- og
textflhönnunar og Ingibjörg Sigur-
björnsdóttir fyrir góðan árangur í
myndlistargreinum.
Aðrir nemendur, sem hlutu viður-
kenningar, voru Björn Sighvatsson
fyrir ágætan árangur í stærðfræði
og eðlisfræði, Sonja Guðbjartsdóttir
fyrir norsku, Hrönn Margrét Magn-
úsdóttir og Karen Lilja Sigurbergs-
dóttir fyrir markaðsfræði og Auður
Jónsdóttir, Ásgeir Örn Jónsson,
Elva Hrund Ingvadóttir og Laila B.
Nielsen fyrir frábæra skólasókn.
Við athöfnina lék Ásrún Hildur
Kolbrúnardóttir á saxófón og söng
eitt lag en Kolbrún Ósk Óskarsdótt-
ir lék með á píanó. Að lokum sungu
allir viðstaddir Island ögrum skorið
og skólameistari sagði Fjölbrauta-
skólanum í Garðabæ slitið í sext-
ánda sinn.
Fyrirlestur á vegum
Foreldrafélags
misþroska barna
FYRIRLESTUR á vegum For-
eldrafélags misþroska barna verð-
ur haldinn miðvikudaginn 24. maí.
Davíð Bergmann Davíðsson ung-
lingafulltrúi fjallar um unglinga í
áhættuhópum, ástæður og ein-
kenni og hvaða leiðir eru færar til
forvarna og íhlutunar.
I fréttatilkynningu segir: „Davíð
starfar nú sem unglingaráðgjafi á
Norðurlandi og vinnur ásamt öðr-
um að samtengingu skóla- og fé-
líigsþjónustu í Dalvíkurbyggð og
Ólafsfirði. Davíð hefur mikia
reynslu af hópstarfi með ungling-
um í vanda í Reykjavík og þekkir
bæði ferlið, ummerkin og afleiðing-
arnar. Hann segist þekkja ofvirkn-
ina persónulega og kemur þar með
nýjan þátt inn í þessa umræðu sem
er bæði athyglisverður og fræð-
andi. Við hvetjum bæði foreldra og
kennara eindregið til að koma og
hlusta á fróðlegan fyrirlestur sem
gæti orðið okkur hollt veganesti
inn í sumarið þegar margt vill
ganga í í lífi unglinganna.“
Fyrirlesturinn er haldinn í safn-
aðarheimili Háteigskirkju miðviku-
daginn 24. maí kl. 20, gengið inn
frá bílastæðinu. Fundurinn er öll-
um opinn og aðgangur er ókeypis.
VELVAKAMDI
Svarað'í síma 569 1100 frá 10-12 og 13-15
frá mánudegi til föstudags
Sama hvaðan
gott kemur
MIG langar deila smá-
reynslu, sem ég varð fyrir
stuttu og kom vel á vondan.
Síðastliðið hálft ár hef ég
haft vondan verk í fæti.
Bólgur og ef til viU slit segir
læknirinn. Meðhöndlun erf-
ið og væntingar um bata
ekki tryggðar. Faðir minn
hefur sofið á dýnu sem er
alsett segli og hefur hann
talað um að sér líði mun
betur eftir að hann fór að
nota hana, en ég hef efast
og í raun talið þetta ein-
tóma auglýsingamennsku,
en ánægð með að karli líði
betur. Eg var stödd fyrir
stuttu í Lyfju og heyrði þar
sölumann fara mikinn um
mátt segulsins. Eg lét til-
leiðast og keypti mér eitt
stykki plötu sem ég límdi
með plástri á meinið, sem
sagt keypti skrumið. Svo er
nú komið fyrir mér, að
verkurinn er horfinn og
göngulagið taktfast. Hvað
sem veldur, þá er sama
hvaðan gott kemur.
H.Ó.
Ég óttast ekkert
Á FORSÍÐU Dagblaðsins
8. maí sl. var forsíðumynd
af Össuri Skarphéðinssyni
nýkjömum formanni Sam-
fylkingarinnar. Mottó og
yfirskrift var: „Ég óttast
ekkert.“ Össur var glaður
yfir kosningaúrslitunum og
óttaðist ekkert. Við lestur
viðtalsins varð þessi staka
til: Össur sætan sigur vann/
syngur hress og glaðuiVSá
sem ekkert óttast kann/er
ekld vitur maður.
Pálmi Jónsson.
Metnaðarfull
stjórn í borginni
ÉG ER ánægð með fram-
gang stjórnar á Reykjavík-
urborg vegna þess að dag-
lega eru metnaðarfullar
framkvæmdir í þágu fólks-
ins. Lögreglan, kennarar og
yfirvöld vinna saman fyiár
fólkið. Ég veit að í Granda-
skóla fræða fullorðnir þá
yngri, það færir kynslóðirn-
ar saman. Mér finnst Ingi-
björg Sólrún borgarstjóri
sanngjörn í sínum málflutn-
ingi, en það eru sjálfstæðis-
menn ekki. Ég er ekki hissa
á þvi að aðeins 14 manns
hafi mætt á fund í Grafar-
vogi, sem haldinn var á veg-
um sjálfstæðismanna.
Bergljöt
Aðalsteinsdóttir.
Stóð á gati
ÉG HEYRÐI í litlum
krökkum í útvarpinu Sam-
félagið-nærmynd. Það er
gaman að hlusta á þau. Þau
voru m.a. spurð um merk-
ingu orða. Mig langar að
koma því á framfæri að ég
spurði hana sonardóttur
mína, sem er að verða 5 ára,
hvort hún vissi hvað þýddi
„að aka bifreið". Hún stóð á
gati. Einu sinni var reynt að
skíra útvarpið „hljóðvarp",
það tókst ekki.
Góðu fjölmiðlamenn,
þetta er bara árangurs-
laust. Þessi orð að keyra bíl
og útvarp eru orðin föst í
málinu. Gengi nokkuð betur
að taka upp Nýja-Jórvík,
jarðepli og glóaldin í stað
New York, kartöflur og
appelsínur? Ég er hrædd
um að börnin stæðu á gati.
Vigdís Ágústsdóttir.
Leiðarkerfi Strætis-
vagna Reykjavíkur
SIÐAN leiðarkerfinu hjá
Strætisvögnum Reykjavík-
ur var breitt er yonlaust að
komast upp í Ármúla. Ég
átti leið þangað um daginn
og þurfti að fara úr vagnin-
um á Suðurlandsbrautinni.
Þaðan er illmögulegt að
komast upp í Armúla nema
að klífa holt og hæðir og
klöngrast á milli húsa. Mér
finnst leiðarkerfið hafa
versnað síðan nýi forstjór-
inn tók við. Er ekki eitthvað
hægt að gera til þess að
bæta samgöngur í borg-
inni? Það er alltaf verið að
hvetja fólk til þess að taka
strætisvagna, en leiðarkerf-
ið verður þá að henta fólk-
inu.
Margrét Matthíasdóttir.
Tapad/fundid
Blár gallajakki og
eyrnaskjól fundust
BLÁR gallajakki og grænt
eymaskjól fundust þriðju-
daginn 16. maí sl. á gatna-
mótum Stakkahlíðar og
Barmahlíðar. Upplýsingar í
síma 562-6251 eða 552-6674.
Kvengleraugu
töpuðust í Kópavogi
KVENGLERAUGU týnd-
ust laugardaginn 20. maí sl.
á leiðinni Hlíðarhjalli um
Álfaheiði, Þverbrekku og
Grænatún. Gleraugun hafa
sennilega dottið upp úr vas-
anum.
Fundarlaun. Gleraugun
eru eigandanum mikils
virði. Upplýsingar í síma
864-9744.
Svört harteygja
tapaðist
SVÖRT hárteygja með
fjólubláum pífum týndist á
Laugaveginum laugardag-
inn 13. maí sl. Upplýsingar í
síma 696-7151.
Morgunblaðið/Ómar
Víkverji skrifar...
VÍKVERJI dáist að framtaki ein-
staklinganna sem beittu sér
fyrir gerð Hvalfjarðarganga í hvert
skipti sem hann ekur um göngin.
Framtak þeirra er einstakt og lýsir
mikilli framsýni. Og raddir þeirra
sem gagnrýndu þessi áform sem
harðast eru löngu þagnaðar. Göngin
hafa stytt leiðina norður og vestur
um land mun meira en nemur krókn-
um fyrir Hvalfjörð því nýja leiðin er
miklu öruggari og greiðfarnari en sú
gamla. Víkverji getur í því efni sagt
litla sögu af sjálfum sér. Honum
fannst hann vera orðinn allt of seinn í
afmæli sem vinkonur hans héldu há-
tíðlegt með mikilli veislu í Borgar-
nesi um helgina. Það var því ekið
nokkuð greitt en leiðin reyndist
miklu greiðfærari en Víkverji innst
inni trúði, þrátt fyrir allgóða reynslu
hans af henni, og svo fór að hægja
varð á ferðinni þegar Borgarnes sást
til þess að gestirnir mættu ekki
óþægilega snemma.
xxx
REYNSLAN af Hvalfjarðargöng-
um og öðrum samgöngubótum
á síðustu árum gerir það að verkum
að Víkverji dagsins er mjög ánægður
með öll verekefni sem uppnefnd eru
gæluverkefni í vegagerð. Betrum-
bætur á vegakerfinu eru liður í innri
uppbyggingu þjóðfélags okkar, eins
og Davíð Oddsson forsætisráðheiTa
vakti athygli á í viðtalsþætti á Skjá
einum um helgina. Alltaf þarf þó að
forgangsraða framkvæmdum, ekki
síður á þessu sviði en öðrum, og Vík-
verji er ekki alltaf ánægður með nið-
urstöðuna.
Lagning nýs Þverárfjallsvegar
sem liggur þvert yfir Skaga, milli
Austur-Húnavatnssýslu og Skaga-
fjarðar, er hér nefnd sem dæmi um
ranga forgangsröðun að mati Vík-
verja. Þegar Vegagerðin og sam-
gönguráðuneytið lögðu fram tillögu
að langtímaáætlun í vegagerð fyrir
nokkrum árum, áætlun sem síðar
var samþykkt af Alþingi, var Þverár-
fjallsvegur ekki talinn svo brýnn að
hann rúmaðist innan tólf ára áætlun-
ar, þrátt fyrir mikinn þrýsting þing-
manna kjördæmisins um að ráðist
yrði í framkvæmdina. Þingmennirn-
ir fundu hins vegar smugu og með
því að færa saman heimildir sem þeir
höfðu og fresta ýmsum framkvæmd-
um gátu þeir komið undirbúningi
framkvæmda í gang, þrátt fyrir það
sem var á undan gengið og lagning
vegarins er að hefjast. Fyrir þá sem
ekki þekkja til þá skal upplýst að
Þverárfjallsvegur kemur íbúum
Sauðárkróks einkum til góða, það
styttir fyrir þá leiðina til Reykjavík-
ur. Vissulega tengir hann saman
þéttbýlisstaðina í Austur-Húna-
vatnssýslu, Blönduós og Skaga-
strönd, og Sauðárkók og er einnig
mjög þörf framkvæmd af þeim
ástæðum. Þess má hins vegar geta
að fyrir er ágæt leið á milli hér-
aðanna, um Vatnsskarð, og í raun til-
tölulega skammur tími liðinn frá því
þar var gerður almennilegur vegur.
XXX
EIR sem leið eiga um þessar
slóðir vita af eigin raun að ekki
er síður þörf á því að laga Hringveg-
inn um Norðurárdal í Skagaftrði og
taka af stórhættulegar einbreiðar
brýr þar og víðar í Skagafirði og
Húnavatnssýslum. Það hefði átt að
vera forgangsverkefnið á þessum
slóðum, að mati Víkverja, þótt áhugi
Sauðkrækinga, fleiri íbúa héraðanna
og þingmanna þeirra á Þverárfjalls-
vegi sé skiljanlegur. Þá má Víkverji
til með að geta þess að sumir heima-
menn eru hræddir um að erfitt verði
að reka veginn yfir Þverárfjall á
vetrum. Þar séu mikil sjóþyngsli og
iilviðri á köflum. En það gerir svo
sem ekki mikið til, ef menn eru ekki
að þvælast þarna á þeim tímum, því
leiðin yfir Vatnsskarð er yfirleitt
greiðfær. En hvort sem þessi hrak-
spá rætist eða ekki er ljóst að dýrara
hlýtur að vera að moka tvær leiðir en
eina.
En vonandi fer eins fyrir Víkverja
og þeim sem spáðu hraklega fyrir
framkvæmdum við Hvalfjarðar-
göngin.