Morgunblaðið - 26.08.2000, Síða 12

12 LAUGARDAGUR 26. ÁGÚST 2000
FRETTIR
MORGUNBLAÐIÐ
Lögreglan telur að góður árangur hafí náðst á „slysalausum degiu
ÁRANGUR „slysalauss dags í um-
ferðinni", sem lögreglan í Reykjavík
stóð að á fimmtudag, var kynntur í
gær. Haldinn var blaðamannafundur
í höfuðstöðvum lögreglunnar, þar
sem yfirstjóm hennar ásamt Sól-
veigu Pétursdóttur dómsmálaráð-
herra gerðu grein íyrir árangri
átaksins og beindu augum fram á
veginn í umferðaröryggismálum.
Umferðaróhöpp
langtum færri
Samkvæmt upplýsingum lögreglu
urðu 11 umferðaróhöpp á fimmtudag.
Gera má ráð fyrir því að raunveruleg-
ur fjöldi óhappa sé eitthvað meiri þar
sem þau koma ekki öll til kasta lög-
reglu.Hinn 26. ágúst fyrir ári voru
umferðaróhöppin 25, sem skráð voru
hjá lögreglunni. Tryggingarfélögin
skráðu áftur á móti 39 tilfelli þann
dag. Að meðaltali hefur lögreglan
skráð 16 tilfelli það sem af er þessu
ári.
Tvö slys en ekki alvarleg
Því miður varð dagurinn ekki
slysalaus. Tvö slys urðu en í hvorugu
tilvikinu voru meiðsl talin alvarleg.
Ekið var á níu ára gamlan dreng í
Einholti í öðru tilvikinu en í hinu var
ekið á hjólreiðamann í Fellsmúla.
Samanburðardaginn í fyrra urðu þrjú
slys. Lögreglunni eru það viss von-
brigði að ekki tókst að gera daginn al-
veg slysalausan en hún er ánægð með
þann árangur sem náðist í að fækka
umferðaróhöppum.
Fleiri teknir á of miklum hraða
Óhöppum fækkaði verulega en
mun fleiri voru kærðir fyrir hrað-
akstur sl. fimmtudag en í fyrra. Er
það væntanlega hertu eftirliti að
þakka, að fleiri voru gripnir nú, frek-
ar en að fleiri hafi ekið hraðar.
Hvemig túlka skal slíkar tölur verður
þó alltaf álitamál. 26 voru kærðir fyr-
ir hraðakstur nú en 10 í fyrra. Einn
var gripinn ölvaður við akstur nú. Á
heildina litið, þá komu upp 62 brota-
mál í umferðinni fyrir utan óhöpp og
slys. I fyrra voru slík mál 68 talsins.
14 skemmd ökutæki á móti 92
í fyrra skemmdust 92 ökutæki
samanburðardaginn 26. ágúst og
kostuðu skemmdirnar tryggingafé-
lögin nær 10 milljónir. Samkvæmt
nýjustu upplýsingum lögreglunnar
skemmdust 14 ökutæki sl. fimmtu-
dag. Endanleg tala verður þó ekki
ljós fyrr en að nokkrum dögum liðn-
um, þegar upplýsingar frá trygginga-
félögum liggja fyrir.
Böðvar Bragason, lögreglustjóri í
Reykjavík, sagðist á blaðamanna-
fundinum vera ánægður þrátt fyrir
að dagurinn hefði ekki verið að fullu
áfailalaus. Hann höfðaði til ábyrgðar
ökumanna sjálfra og sagði, að ef
landsmenn fylgdu reglum um há-
markshraða, ækju ekki drukknir og
notuðu ávallt öryggisbelti, þá sýndi
tölfræðin okkur það, bæði héðan og af
Norðurlöndunum, að það væri meira
en góður möguleiki til þess, að alvar-
legum slysum og dauðsföllum fækk-
aði strax um helming.
Skref í átt til bættrar umferðar
Sólveig Pétursdóttir dómsmála-
ráðherra óskaði lögreglunni og borg-
arbúum til hamingju með vel heppn-
aðan umferðardag. Sagði hún að
þrátt fyrir góðan árangur væri átak
sem þetta einungis eitt skref í átt til
meira umferðaröryggis og bættrar
umferðarmenningar og við ættum
mörg skref eftir.
Sólveig sagði að tökin í umferðar-
málum hefðu verið hert allverulega
og minnti á umferðarátak það, sem
dómsmálaráðherra boðaði til í sam-
starfi við ýmsa aðila undir yfirskrift-
inni „bætt umferðarmenning - burt
með manníórnir".
„En við höfum séð á atburðum í
sumar, að við þurfum að taka enn bet-
ur á; því miður hefur verið allt of mik-
ið um alvarleg slys. Og engin af þess-
um aðgerðum, sem við höfum staðið í
sameiningu fyrir, hefur verið hugsuð
sem einhvers konar skyndilausn.
Þær eru hluti af langtímaverkefni,
sem miðar að slysalausri umferð. Það
er vissulega stórt verkefni. En þessi
góði árangur, sem náðist í gær, sýnir
Eram á gdðri
leið en langt er
í lokatakmarkið
Umferðaróhöpp voru mun færri en endranær sl. fimmtudag, er
lögreglan í Reykjavík stóð fyrir umferðarátakinu „slysalaus dagur
í umferðinni“. Ellefu umferðaróhöpp voru skráð hjá lögreglu og
einungis urðu tvö slys, án alvarlegra meiðsla.
Morgunblaðið/Ámi Sæberg
Sólveig Pótursdóttir dómsmálaráðherra og yfirstjórn lögreglunnar í Reykjavík kynntu árangur umferðar-
átaksins „slysalaus dagur í umferðinni" á blaðamannafundi í gær.
okkur hvers megnug lögreglan er og
árangurinn er sýnilegur í fækkun
slysa og umferðaróhappa." Sólveig
sagði ennfremur að það væri ekki síð-
ur mikilvægt að átakið hefði styrkt
tengslin á milli lögreglunnar og al-
mennings, sem hún teldi ákaflega
mikilvægt.
„Slysalausa daga“ um allt land
Sólveig sagðist telja hinn góða ár-
angur í Reykjavík gefa tilefni til þess,
að lögregluembætti úti um allt land
beittu sér fyrir álíka degi og „slysa-
lausum degi“ í Reykjavík. Hún myndi
beita sér fyrir því að svo gæti orðið og
að hún myndi innan skamms senda
erindi til allra lögreglustjóra á land-
inu. Benti hún á að framundan væri
upphaf skólaárs og af því bæri að
taka mið.
Dómsmálaráðherra fannst ástæða
til að þakka fjölmiðlafólki sérstaklega
fyrir áhuga þeirra á umferðar-
átakinu. Stuðningur þeirra væri mjög
mikilvægur. Undir þetta tók Geir Jón
Þórisson yfirlögregluþjónn. Sagði
hann að umfjöllun fjölmiðla næstu
daga á undan sjálfum átaksdeginum
hefði strax leitt til þess að umferðar-
slysum fækkaði. „Þetta segir okkur
það, að þegar við þurfum að koma
mjög skýrum, afmörkuðum, ákveðn-
um skilaboðum til almennings, þá
þurfum við að eiga mjög gott sam-
starf við fjölmiðla. Þai- er fagfólk og
mjög áhugasamt fólk um það, sem við
erum að gera.“
I yfirlýsingu lögreglunnar vegna
átaksins kemur fram, að ef tekið sé
mið af því tímabili, sem lögreglan og
samstarfsaðilar hafa haft uppi sér-
stakan áróður og hvatningu til öku-
manna, þá hafi umferðaróhöppum
fækkað um helming.
Mikill fjárhagslegiir ávinningnr
Geir Jón sagði að ef miðað væri við
þriggja daga tímabil, sl. fimmtudag
og næstu tvo daga á undan, þá væri
nær helmingsfækkun á óhöppum. I
fyrra hefðu þau verið 85 en í ár 44.
Mismunur á skemmdum ökutækjum
væri 89 ökutæki. Sagði hann að þetta
sýndi að með samstilltu átaki og sýni-
leika löggæslunnar væri hægt að
lyfta grettistaki. „Við höfum svo sem
bent á það að ef við værum vel mann-
aðir, þá gætum við gert stóra hluti í
þessum málum.“
Sagði Geir Jón að hann liti svo á, að
með fækkun óhappa undanfama
daga væru ökumenn að leggja inn á
reikning hjá tryggingarfélögunum og
ef vel tækist til í framhaldinu, ættu
ökumenn myndarlega og mikla inn-
eign sem þeir ættu heimtingu á að fá
aftur til baka næst þegar tryggingar-
iðgjöld yrðu ákveðin.
Lögreglumenn fleiri
en verkefnin einnig
Er dómsmálaráðheiTa var spurður
að því hvort það, að ljóst þætti að
aukinn viðbúnaður lögreglu bætti
umferðina, gerði ekki kröfu til stjóm-
valda um að auka fjárveitingar til lög-
reglunnar, þá svaraði hún því til að
það væri mál, sem væri velt upp á
hverju ári og væri í stöðugri endur-
skoðun. Nú væri það svo, að það hefði
verið fjölgað í lögreglunni en verk-
efnum lögreglunnar hefði að sama
skapi fjölgað, t.d. mjög alvarlegum
fíkniefnamálum. Sagði hún að sjá
þyrfti til hvað aðstæður leyfðu í þessu
tilliti.
Ökutækjum fjölgar mikið í septem-
ber, að sögn Geirs Jóns, með því, að
framhalds- og háskólanemai' utan af
landi streyma til borgarinnar. I ljósi
þess, sem framundan er, mun lög-
reglan viðhafa sérstakt eftirlit með
umferð í grennd við grannskóla eins
og venja er á þessum tíma árs og
koma til að mynda Iögreglumenn úr
rannsóknardeildum til hjálpar við
umferðareftirlit á þessum árstíma.
Einnig hefur lögreglan gott samstarf
við gangbrautarverði við grannskól-
ana. Geir Jón lagði áherslu á það, að
þrátt fyrir góðan árangur nú, þá
dygði ekki að fyllast værðarlegri sig-
urvímu. Það yrði að beijast áfram og
það hvíldi ekki eingöngu á herðum
lögreglunnar eða dómsmálaráðu-
neytisins að bæta umferðarmenning-
una, það væri vinna okkar allra og við
þyrftum að virkja alla til samvinnu í
þessu verkefni. Lögreglan í Reykja-
vík væri að byrja á nýjum áherslum
og ætlaði að fylgja þeim eftir. „Og við
ætlum að gera allt, sem í okkar valdi
stendur - allt - til að skapa betri um-
ferðarmenningur hér á okkar svæði.
Við eram á góðri leið en það er langt í
lokatakmarkið."
Málm-
bræðslan
seld úr landi
MÁLMBRÆÐSLA íslenska stálfé-
lagsins hefur verið seld erlendum
aðilum, að sögn Haralds Þ. Ólafs-
sonar, framkvæmdastjóra og eig-
anda brotajárnsvinnslunnar Furu,
en fyrirtækið keypti bræðsluna
úr þrotabúi stálfélagsins sem lok-
aði henni sex mánuðum eftir að
fyrirtækið hóf starfsemi árið
1989. „Það kostaði tvo milljarða
að byggja bræðsluna á sínum
tíma,“ segir Haraldur. Að sögn
hans hefur bræðslan verið seld
aðilum í Tyrklandi og ísrael.
„Bræðslan samanstendur af
mörgum mismunandi hlutum, svo
sem ofni, dælu- og hreinsibúnaði
og steypuvél. Dælu- og hreinsi-
búnaðurinn var seldur til ísrael
en ofninn og steypuvélin til Tyrk-
Iands,“ segir Haraldur, en verið
var að lesta 4000 tonna skip í
Hafnarfjarðarhöfn í gær sem flyt-
ur hluta búnaðarins til kaupanda.
Morgunblaðið/Halldór Kolbeins
Stórt skip liggur nú í Hafnarfjarðarhöfn sem flytur búnað úr stálbræðslunni til kaupanda.