Skírnir - 01.01.1913, Qupperneq 8

8
Jón Borgfirðingur.
komið, fór hann fyrst norður að Kaupangi í Eyjafirði til
að læra bókband hjá Erlendi bónda og bókbindara Olafs-
syni og var hjá honum í tvö ár og tók sveinsbréf. Þá
fluttist hann aftur til Akureyrar til að setjast þar að og
kvæntist 13. júní 1856 önnu G-uðrúnu Eiríksdóttur, bónda
á Vöglum og í Botni í Eyjafirði; var hún ættuð af Seltjarn-
arnesi og úr Borgarfirði
Á Akureyri lifði Jón á bókbandsiðninni og tók nú auk
þess sjálfur að gefa út bækur, t. d. Rímnaflokka eftir Sig-
urð Breiðfjörð, nokkra af fornsöguþátram Espólíns (Scipions-
sögu hins afríkanska, Sólons og Platons sögur) o. fl. Sjálf-
ur fór hann síðan í bóksöluferðir víðsvegar um sveitir bæði
fyrir sjálfan sig og aðra. Laust fyrir 1860 fór liann tví-
vegis landveg austur í Múlasýslu og sumarið 1861 suður
og austur um land fyrir sjálfan sig og Svein Skúlason,
sem þá var ritstjóri Norðra og rak prentsmiðjuna á Ak-
ureyri. Ritaði Jón dálítið söguágrip áf þeirri ferð, sem
enn er til í handriti, og að ýmsu leyti fróðlegt. Lagði
hann upp frá Akureyri 20. júni í fylgd með Jóni Sigurðs-
syni frá Gautlöndum og Sveini Skúlasyni, sem þá voru
á leið til alþingis. Var ferðinni fyrst heitið til Þingvalla,.
því þar var þá fundur haldinn 27. júní, en heldur var
hann fásóttur, eitthvað um 50 manns og flestir þeirra úr
Árnesþingi. Þar skildist Jón við förunauta sína og hélt
austur um sveitir, um Laugardal og Grímsnes og svo hið
neðra um Rangárvöllu austur í Mýrdal. Síðan fór hann
aftur hið efra með Eyjafjöllum og Fljótshlíð vestur yfir
til Þingvalla, og síðan norður aftur með sömu mönnunum.
Vel gekk honum bókasalan og var hann að mestu slyppur
orðinn þegar hann kom í Fjótshlíðina á vesturleið. Hann
gerði sér mikið far um að koma á sem flesta forna sögu-
staði á leiðinni, og af ágripinu er auðséð að hann heflr
veitt öllu nákvæma eftirtekt, sem fyrir bar, bæði stað-
háttum, híbýlaháttum og eigi sízt fólkinu, og lét hann
yfirleitt vel yflr ferðinni, nema hvað honum blöskraði
niðurníðslan á Skálholti.
Bókasalan gekk þó annars skrykkjótt hjá honum á