Skírnir - 01.01.1913, Síða 87

Frá útlöndum.
87
Serbar og Búlgarar, eru taldar þar hálf ónnur miljón. Hjá þeim
þjóðum eru trúarbrögðin mismunandi; sumir eru Múhameðstrúar,
en fleiri þó kristnir. Yestast í Makedóníu búa margir Albanar.
Þeir eru taldir þar þrír fjórðu hlutar úr miljón, og má eiginlega telja
þann hlutann, sem þeir búa mest í, til Albaníu. Makedónía er nú
öll á valdi sambaudsþjöðanna. Þar hafa verið aðalherstöðvar Serba
og Grikkja og þeir hafa tekið þar allar helztu borgirnar, svo sem
Saloniki, Monastir, Yskyb og margar fleiri. Það er sjálfsagt talið,
að Makedóníu allri verði skift upp á milli þeirra, en hvernig sú
skifting verði er enn óséð.
I Þrakíu eru Tyrkir miklu fjölmennari en í hinum landshlut-
unum. Ibúar eru þar um 2 miljónir, og þar af helmingurinn í
Konstantínópel. Þó er þar einnig mjög margt af hinum þjóðflokk-
unum öllum, sem nefndir hafa verið hór á undan. I Konstantínó-
pel eru einkum Grikkir mjög fjölmennir. Aðalviðureign Búlgara og
Tyrkja hefir farið fram í Þrakíu, og sjálfsagt má nú telja, að Tyrkir
haldi henni ekki allri, því mikið af henni er nú í höndum Búlg-
ara. En líklega halda Tyrkir Konstantínópel og einhverri land-
sneið þar fyrir vestan.
Búlgaría er stærst og voldugust af sambandsríkjunum, þótt
yngst só hún í tölu ríkjanna. Hún er 100 þús. ferkílómetrar að
stærð og íbúatalan 5 miljónir. Framfarir hafa verið þar mjög
miklar á siðustu áratugum og herbúnaður Búlgara er í bezta lagi,
eins og fram hefir komið nú í str/ðinu. Búlgarar voru upphaflega
finskur þjóðflokkur, er lagði undir sig landið á 6. öld e. Kr., en
rann svo saman við slavneska þjóð, er þar var fyrir, og tók upp
hennar mál. Um tíma laut Búlgaría gríska keisaranum í Konstan-
tínópel. ’ En Tyrkir lögðu landið undir sig 1399 og róðu því síðan
öldum saman. 1876 varð uppreisn í Búlgaríu og leiddi til ófrið-
arins milli Rússa og Tyrkja, en að honum loknum varð Búlgaría
að mestu sjálfstætt furstadæmi. Til t'ursta var valinn Alexander
af Battenberg, hinn mesti ágætismaður, og á Búlgaría honum mikið
upp að unna, þótt ekki sæti hann lengi að völdum. Eftirmaður
hans er Ferdínand I., er hóf Búlgaríu upp í tölu konungsríkjanna
1908 og nú er talinn aðalmaðurinn í Balkansambandinu, og lik-
astur til þess að verða höfuð þess, ef ekki slitnar upp úr því um
leið og viðureigninni við Tyrki lýkur. Ferdínand konungur er
prins af Koburg og var offiseri í her Austurríkismanna áður hann
varð Búlgar/ufursti. Hann er nú liðlega fimtugur, fæddur 1861.
Það þykir merkilegt, hve Búlgarar hafa verið fljótir að rótta