Skírnir - 01.01.1913, Síða 93

ísland 1912.
93
Vestmannaeyjar, og bátur fórst um haustið með 5 mönnum á
Steingrímsfirði. Loks fórst skömmu fyrir áramótin skonnortan
»Hekla« með 5 mönnum, en hún var á leið frá Svíþjóð með timb-
urfarm og rak hana á hvolfi upp undir Mýrar við Faxaflóa. Sex
færeyskir fiskimenn druknuðu snemma í marz við Landeyjasand.
Útlend skip hafa farist ekki fá hór við land á árinu. I febrúar
strandaði franskt botnvörpuskip á Þykkvabæjarfjöru og frönsk fiski-
skúta við Skeiðarársand. í apríl strandaði enskt botnvörpuskip við
Sólheimasand og í nóv. þýzkt botnvörpuskip úti fyrir Öræfum.
Manntjón hefir lítið verið við þessi strönd. En tveir enskir botn-
vörpungar, sem ekki hefir spurst til lengi, er talið að farist hafi
hór með öllu.
Hvalveiðar eru nú orðnar miklu minni hór við land en áður
var. Hvalveiðamennirnir H. Ellefsen og Dahl seldu í vor veiði-
stöðvar sínar við Austurland. Kaupendur beggja voru Norðmenn.
Nokkrir íslenzkir menn hafa ráðist til hvalveiða í suðurhöfum með
Norðmönnum þeim, sem áður hafa veitt hór.
Sjö botnvörpuskip, sem eru íslenzk eigu, hafa á árinu bæzt
við þau, sem fyrir voru, og er það mikil aukning. 5 af þessum
skipum eru ný, hafa verið smiðuð í Englandi, en 2 voru keypt
brúkuð. Þessi vaxandi botnvörpuskipaútgerð á síðustu árum er hér
nú stærsta framfaramerkið.
Af öðrum framfarafyrirtækjum má fyrst og fremst telja það,
að byrjað hefir verið á hinni fyrirhv.guðu áveitu á Suðurlands-
undirlendinu. Hún var byrjuð á þann hátt, að tekið var fyrir
nokkurt svæði til reynslu áður en ráðist yrði í aðaláveituna. Þvf
verki er nú lokið, og hefir verið veitt á Miklavatnsmýri, mestan
hluta Gaulverjabæjarhrepps og nokkrar jarðir í Yillingaholtshreppi.
Hafði kostnaður við þetta verið áætlaður 36 þús. kr., en varð miklu
minni, lítið yfir 20 þús. kr., svo að reynslan, sem af þessu hefir
fengist, ætti að vera mjög hvetjandi til áframhalds. Nú er og
talað um breytingu á hinni upphaflegu áætlun um verkið, sem befir
það í för með sór, að vatn næðist á nokkru minna land en gert hefir
verið ráð fyrir, en færir hins vegar kostnaðinn mjög mikið niður.
Hefir nefnd manna þessar nýju uppástungur til yfirvegunar, en
ennþá er ekki afráðið, hvernig við þeim verði snúist.
Hafnargerðarmál Reykjavíkurbæjar er nú það á veg komið, að
samið hefir verið við danskan hafnarverkfrœðing, Monberg, um
verkið. Það var gert seint á árinu og á verkið að byrja á næsta
ári, en því að vera lokið áður fjögur ár sóu liðin frá þvf að samn-
ingar voru gerðir.
34. ágúst var vígð ný brú á Rangá í Rangárvallasýslu. Það
er ein af stærstu brúm landsins, járnbrú, og hefir verið smíðuð
að öllu leyti hór heima af verkfræðingi landsins, Jóni Þorlákssyni.
Var verkstæði landsins í Reykjavík stækkað og aukið mikið síðastl.
vetur, og brúin smíðuð þar. Á Haffjarðará í Hnappadalssýslu var
gerð steinsteypubrú, og sömul. á Hrútafjarðará, Köldukvísl í Mos-
fellssveit, Hróarslæk á Rangárvöllum og Víðidalsá í Steingrfmsfirði,