Kirkjutíðindi fyrir Ísland - 01.01.1879, Blaðsíða 9

9
sköpunarinnar. Forsjón Guðs kemur einkum fram í
sögunni og endurlausninni.
Sjötti kaflinn er um englana, og er hann
stuttur og greinilegur. í 51. greininni er það talið
með störfum englanna, að þeir flytji sálir trúaðra í
Paradís. En eigi sje jeg, að það sje nauðsynlegt, að
innræta börnum að trúa því, og má hverjum kristnum
manni nægja, ef hann á þeirri síðustu stundu getur sagt:
„Faðir, í þínar hendur fel jeg minn anda“ (Lúk. 23, 46).
Sjöundi kaflinn er um syndina. Er slcýrtfrá
uppruna syndarinnar og synda-ástandi allra manna.
Eigi er skýrt frá þvi, hvað sá eiginlega gjörir, sem
syndgar, að hann metur sjálfan sig og heiminn meira
en Guð og hans vilja og hans ríki. Eigi þykir mjer
það nákvæm útskýring á synd með hugrenningum, að
„hugsa“ illt, nema í það sje lagt, að girnast jafnframt.
Freisting eða freistni er eigi nefnd. í útskýringunni
um stærð syndanna (62. gr.) er eigi getið um syndir af
fávizku eða fáfræði, en jeg álít það nauðsynlega kenn-
ingu fyrir þá ungu, að Guðs lögmál heimtar sinn rjett,
hvort sem vjer vanrækjum að þekkja það eða ekki
(I.úk. 12, 48). Greinirnar 64—67 eru veruleg umbót í
samanburði við Balles lærdómsbók.
Áttundi kaflinn er um endurlausnina, og er
hann víða vel fram settur. Skipting á lífi Krists í upp-
hefðar- og niðurlægingarstöðu tel jeg tvísýnt, að vert
sje að hafa í barnalærdómi, þó það sje títt í vísinda-
legri trúfræði. Jeg tel það jafnvel tvísýnt, að barn fái
ljósari hugmynd um endurlausnarverk Krists, þó því
sje skipt í spámanns-, æðsta prests- og lconungsembætti.
J>ær hugmyndir, sem þau orð eru tengd við, eru barn-
inu eigi ljósar, og þurfa útskýringar. En það, sem
mjer einkum þykir að framsetningu endurlausnarlær-
dómsins er það, að Krists starfsama hlýðni (obedientia
activa) kemur lítt eða ekki fram. Jeg veit að vísu, að