Kirkjutíðindi fyrir Ísland - 01.01.1879, Blaðsíða 46

46
og verndi trú vora, eins og vora helgustu eign og
dýrasta meðal oss til velferðar og farsældar, og að
trúin helgi landsstjórnina og þjóðlífið, og sýni í því
sfna blessunarríku ávexti.
Eitt af því, sem skylt er þessu máli, og opt er
hreift í blöðum vorum, er það, að söfnuðirnir kjósi
sjer presta. En þetta getur að voru áliti ekki orðið,
meðan kirkjan er sameinuð þjóðfjelaginu, svo sem nú
er. Eða er í nokkru meiri ástæða til að söfnuður kjósi
sjer prest, en að sýslufjelag kjósi sjer sýslumann ?
Konungurinn er, eins og nú er statt hjá oss, æðsti
yfirmaður jafnt kirkjunnar og þjóðfjelagsins. Presta-
efnin eru menntuð, eins og önnur embættismannaefni,
að meira eða minna leyti á kostnað þjóðfjelagsins og
undir umsjón stjórnarinnar. Hún á að annast um, að
þau sjeu öll hæf, hún á að dæma um mismunandi verð-
leika þeirra, og skipa hverjum þar, sem hann er rjett-
ast og bezt settur. Er þá nauðsynlegt að breyta öllu
þessu fyrirkomulagi, og er víst, að betur fari, þó breytt
sje ? þ>ó gallar kunni að vera á þessu fyrirkomulagi,
eins og það nú er, verður því þá breytt svo, að það
sje án galla? þó vjer segjum þetta, er það eigi álit
vort, að það sje með öllu ónauðsynlegt og ógjörlegt,
að breyta í neinu um stjórn kirkjunnar, og að veita
söfnuðum og prestum nokkra hluttöku í henni, og mun
því áður en langtlíður hreift í riti þessu. En þó yfir-
stjórnin haldist óbreytt, þá höldum vjer því fast fram,
að prestar og söfnuðir fái sem fyrst rjett til að hafa
sem mest afskipti af andlegum og kirkjulegum málum,
hver í sínum söfnuði. Vjer viljum hvorki í þessu nje
öðru breyta öllu í einu, hvort sem það er nauðsynlegt
eða ekki, heldur breyta því, sem nauðsynlegt er £ið
breyta, og í þá stefnu, sem það fer betur.
þ. Böðvarsson.