Lögrétta - 01.01.1934, Blaðsíða 28

55
LÖGRJETTA
56
Islands skipaði, um undirbúningsnám við
háskólann. Er álit þetta um undirbúnings-
nám í jarðfræði, grasafræði, dýrafræði, eðl-
isfræði, efnafræði, verkfræði, stærðfræði,
stjörnufræði, hagfræði og tungumálum.
Allur þessi kostnaður er áætlaður nál. 26000
kr. árlega.
VTerslunardeUd.
Þá hafa enn komið fram tillögur um að
stofna verslunardeild við háskólann. Ætti
hún að jafngilda verslunarháskólum erlend-
is og má telja mikla nauðsyn á að koma á
þessari kennslu. Hún ætti ekki aðeins að
vera fyrir stúdenta, heldur einnig fyrir þá
kandidata frá verslunarskólanum, er telja
má hæfa til þessa náms. Það er öllum vit-
anlegt, að verslunarskólar vorir hafa verið
mjög ófullkomnir og liggja til þess þær or-
sakir, að bæði hefur of litlu fje verið varið
til verslunarnáms og aðgangskröfur til þess-
ara skóla verið of lágar, en þjóðfjelaginu er
mikill hagnaður að því, að eiga vel mennt-
aða verslunarstjett, en hún hefur fram til
þessa dags staðið mjög að baki verslunar-
stjett nágrannaþjóða vorra. íslenskri versl-
unarstjett er nauðsynlegt að kunna til fulln-
ustu ensku og þýsku, og spænsku verður að
leggja miklu meiri áherslu á í framtíðinni
en hingað til hefur verið gert vegna við-
skifta vorra við Spán. Hæfilegt væri að gera
ráð fyrir tveggja ára námi í þessari versl-
unardeild og ætti nemendur að þeim tíma
loknum að verða fullkomnir í enskum, þýsk-
um og spænskum brjefaskriftum, en auk
þess í bókhaldi og hraðritun. Hagfræði yrði
að kenna þar og vöruþekking og annað, er
til verslunarkunnáttu horfir.
Sumarskóli.
Þá skal jeg loks minnast á tillögu, er er-
lendir vísindam'enn hafa borið fram. Alþing-
ishátíðarsumarið dvöldu hjer tveir amerískir
prófessorar, próf. Gould frá Chicago og próf.
Jackson frá öðrum amerískum háskóla. —
Hugmyndin er það að koma á fót sumar-
skóla við háskóla íslands, þar sem útlend-
ingum væri veitt fræðsla í íslenskum bók-
menntum, sögu og menning. Annar þessara
prófessora getur þess, að höfundur þessar-
ar hugmyndar sje íslendingur vestan hafs,
dr. G. J. Gíslason í Norður-Dakota. Það er
kunnugt, að í mörgum löndum Evrópu eru
slíkir sumarskólar eða námskeið fastur lið-
ur í starfsskrá háskólanna. Það er vitanlega
inarkmið háskóla vors, að hann verði í
framtíðinni miðstöð norrænna fræða og er
því eðlilegt, að þeim verði gerður greið-
ur aðgangur að háskóla vorum, er
kynnast vilja íslenskri menning og háttum.
íslensk tunga er nauðsynleg hverjum þeim,
er kynnast vill sambandi germanskra mála,
og má því búast við, að marga útlenda stúd-
enta og fræðimenn myndi fýsa að koma hing.
að að sumarlagi, ef þeir ætti kost á að njóta
á meðan háskólafræðslu í íslenskri tungu,
bókmenntum og sögu. Próf. Gould komst m.
a. svo að orði: „Ef ísland vill verða miðstöð
skandinaviskra fræða, þá er greiðasta leiðin
sú, að háskólinn taki upp hugmyndina um
sumarskólann. Það er hægt að fá sæmilega
vísindalega mentun nálega alstaðar, en
kunnáttu í íslenskri tungu nútímans er
hvergi hægt að fá nema á íslandi. Hver
maður myndi fara þangað til verklegra æf-
inga“.
Á sama þingi, 1931, og borin var fram til-
laga um að láta rannsaka, hvemig koma
mætti á fót undirbúningskenslu við háskól-
ann í þeim námsgreinum, sem þar eru ekki
kendar nú, til þess að stytta nám í þeim
erlendis, var einnig borin fram tillaga um
að láta rannsaka, hvort ekki væri hægt að
koma upp sumarnámskeiði í sambandi við
Háskóla íslands, einkum handa þeim útlend-
ingum, sem nema vilja íslensk fræði, og
kynnast Islandi og Islendingum .Stjóminni
var falið að bera fram um þessi atriði frum-
varp eða frumvörp á næsta þingi. Stjórnin
hefur ekki sint þessari tíll. og fór um hana
eins og margar aðrar, að ekkert hefur orðið
úr framkvæmdum. Einn þingmaður ljet sjer
aftur á móti sæma fyrir nokkrum árum að
bera fram tillögu um að skerða háskólann
og sameina heimspekideild og lagadeild í
eina deild. Úr því varð þó ekki.
Jeg hef þá sýnt fram á:
Þarfir háskólans.
1) að nauðsynlegt er að víkka starfssvið