Óðinn - 01.07.1932, Blaðsíða 23

ÓÐINN
71
Svo hljótt varð í salnum, og þögnin þá
varð þyngri við viðarbrakið,
svo drengirnir þóttust svipi sjá,
er svalviðrið hvein um þakið.
Og þegar í ljórunum hrykti og hvein,
sig hrollur læsti um merg og bein,
sem sitraði svalt niður þakið.
Lengi menn sátu saman þar
og sögn varð á enda spunnin,
og kynta bálið þá kulnað var
og kalviður nær útbrunninn.
Þá kveikt voru ljós og með kaffið inn
var komið, og hver fjekk í bollann sinn,
það voru sem verkalaun unnin.
Að enduðum drykk hin æðsta bók
var opnuð, en drengir sungu
fyrst sálm, er þeim unað sannan jók;
hann svall þeim frá hjarta’ og tungu.
Svo lesið var orð um ást og náð,
um eilíft líf og Guðs föðurráð,
sem sáð fyrir sálirnar ungu.
Siðan var gengið í svefnhús inn
og sofið i ljúfum draumi,
svo dýrðlega endaði dagurinn
með draumsæld frá æskuglaumi.
En skógurinn hjelt um skálann vörð
og skjól veitti sveina’ og fuglahjörð,
hann raulaði lag í leyni.
Alt þetta leit jeg í anda mjer,
er einmana sat jeg heima,
og hugurinn brá að heiman sjer;
hann hefur það til að sveima.
Og inn 1 framtíð hann fljótt sjer brá,
þar fann hann skálann, sem byggjast á,
ef dáð eigi drengir gleyma.
í rjóðri jeg sá hann risinn hátt,
þar runnarnir kringum stóðu,
og pilta þar inni sitja’ í sátt,
þeim sólblik í augum glóðu, —
Og rætast mun dýrust draumsýn mín,
ef drengirnir muna heitin sín,
sem gerð voru’ af hjarta góðu.
Friðrik Friðriksson.
Gestur Einarsson á Hæli.
Gestur Einarsson bóndi á Hæli í Árnessýslu
var á sinni tíð annálaður dugnaðarmaður og
gáfumaður og mundi hafa látið mikið til sín
taka, ef honum hefði orðið lengra lifs auðið.
Hann var fæddur á Hæli 2. júní 1880, sonur
Einars bónda Gestssonar þar og Steinunnar Vig-
fúsdóttur sýslumanns Thorarensen. Höfðu föð-
urfrændur Gests
búið á Hæli alt
frá 1740. Hann
kvæntist 27. júlí
1906 Margrjeti
Gisladóttur bónda
frá Ásum í Gnúp-
verjabreppi og tók
þá við búi af föð-
ur sínum. Eign-
uðust þau sjö
börn og lifa sex
þeirra, 5 drengir
og 1 stúlka. Gest-
ur andaðist 23.
nóvember 1918.
Hann var aðal-
stofnandi flokks
»óháðra bænda« árið 1916. Bar sá flokkur fram
lista við fyrstu landskosningarnar hjer það ár
og kom að Sigurði Jónssyni á Ytstafelli, sem var
ráðherra f fyrstu þriggja manna stjórninni, sem Jón
Magnússon myndaði um áramótin 1916—17, og
hafði Gestur umsjón með fyrstu blöðunum, sem
studdu þessa flokksmyndum og málefni þau, sem
flokkurinn beitti sjer fyrir, en þau blöð voru,
fyrst »Suðurland«, sem gefið var út á Eyrar-
bakka, og síðar »Pjóðólfur«. Varð »Tíminn«
svo aðalmálgagn þessa fiokks, eftir að hann var
stofnaður.
Jónas Þorbergsson á Laxamýri hefur sent
»óðni« grein þá um Gest heitinn, sem hjer fer
á eftir, og er hún skrifuð rjett eftir andlát Gests,
en hefur ekki birtst á prenti fyr en nú:
»Nóttina eftir að jeg frjetti lát hans, átti jeg
andvökunótt. Sú spurning reis hvað eftir annað
upp í huga minum: Er það mögulegt að hann
Gestur sje dáinn? Hann, sem var svo lífmikill,
og því svo sennilegt að margra ára elli hefði
þurft til þess, að eyða lífi hans og kröftum.
Geslur Einarsson.