Tímarit Hins íslenzka bókmentafélags - 01.07.1889, Page 22

174
heiminum; en þó hafa öll þessi héruð svipað dýra
og jurtalíf, sem er alveg ólíkt því, sem finna má á
líkum stöðum og í sama loptslagi í hinum gamla
heimi. Ef vér á suðurhveli jarðar berum saman
löndin á 25 — 350 s. br. í Australíu, Suður-Afríku og
á vesturströnd Suður-Ameríku, þá sjáum vér fljótt,
að eðli og náttúra þessara landa er mjög svo lík,
en þó eru dýr og jurtir gjörsamlega frábrugðnar
hver annari; héruðin i Suður-Ameríku fyrir sunnan
350 s. br., og í Norður-Ameríku fyrir norðan 250 n.
br. eru mjög ólík, hvað loptslag snertir; þó er
dýra- og jurtalíf í þessum fjarlægu og ólíku héruð-
um miklu skyldara en í þeim hlutum af Afríku og
Australíu, þar sem loptslagið er eins og lífsskilyrð-
in hin sömu.
Vér sjáum einnig, að lífinu eru víða takmörk
sett og að jurtir og dýr eiga bágt með að komast
yfir ýmsar þvergirðingar; þess konar takmörk geta
því haft mikil áhrif á útbreiðslu tegundanna. Tak-
mörkin geta verið margvísleg, höf og firðir, fjall-
garðar og eyðimerkur og stundum jafnvel stór fljót.
Höfin milli Suður-Ameríku, Australíuog Afríku eru
sá þröskuldur, sem dýr og jurtir ekki komast yfir,
og því er lffið svo mismunandi í þessum álfum ;
langir fjallgarðar á fastalöndunum og eyðimerkur
hafa reyndar mikil áhrif á útbreiðslu tegundanna,
en eru þó ekki eins torsótt yfirferðar eins og út-
höfin. f*egar vér lítum á dýralífið í sjónum, þá
sjáum vér, að það greinist sundur á líkan hátt; sæ-
dýrin við austur- og vesturströnd Suður-Ameríku eru
mjög ólík hvert öðru ; Gúnther hefir sýnt, að fisk-
arnir beggja megin við Panamaeiðið eru tÖluvert
líkir hver öðrum (30% af sömu tegundum), og halda
náttúrufræðingarnir þvi, að þar hafi áður veriðsund
á milli. Fyrir vestan Ameríku er opið haf eyja-