Tímarit Hins íslenzka bókmentafélags - 01.07.1889, Síða 35

187
og flýðu síðan upp á fjöllin, eins og hinar blönduð-
uðust saman við norrænu tegundirnar og kepptu
við þær. Nú eru norrænu tegundirnar fleiri á fjöll-
unum í hitabeltinu, og heldur Darwin. að þær hafi
optast orðið yfirsterkari; norrænu löndin eru miklu
stærri, og einstaklingafjöldinn var því miklu meiri;
af þessu leiddi, að norrænu jurtirnar þurftu að fást
við meiri samkeppni, hertust því betur og gátu því
orðið hinum lífseigari. A sama hátt sjáum vér, eins
og áður hefir verið getið, að jurtir og dýr frá Eu-
rópu eru yfirsterkari tegundum á suðurhveli jarðar,
þegar þau flytjast þangað af mannavöldum.
pessar breytingar á isöldunum á norður- og
suðurhvelinu hafa sjálfsagt líka haft mikil áhrif á
sædýrin, með því straumarnir i sjónum hafa orðið
fyrir miklum breytingum, og norrænar tegundir hafa
komizt með köldum straumum suður eptir, og hafa
svo haldizt við og tímgazt fram á vora daga á þeim
stöðum, þar sem lífsskilyrðin voru hentug, þó breyt-
ingar á lopthita og hafstraumum siðan séu búnir
að aptra þeim frá öllum samgöngum við hin upp-
runalegu heimkynni. Sumar tegundir urðu eptir í
kaldari pollum dýpra i sjónum, og hafa haldizt þar.
„Straumar lífsins hafa stundum runnið suður, stund-
um norður, og hafa í hvorutveggja skipti komizt að
miðjarðarlínu ; straumarnir að norðan hafa verið
miklu sterkari og hafa því flóð miklu viðar yfir
suðurlöndin. Eins og flóðbylgjurnar skilja eptir
rákir af aur og þangi á sævarströndinni og koma
þeim hæst þar, sem flóðbylgjan ris mest, eins hafa
straumar lítsins skilið eptir lifandi verur á fjöllun-
um í stigandi rák frá sléttum heimsskautanna upp
á fjöllin i brunabeltinu. pessar lifandi verur, sem
strandað hafa á fjöllunum, eru líkar þjóðflokkum,
sem enn þá haldast við í fjalllendum, en hafa áður