Eimreiðin - 01.01.1897, Blaðsíða 63

63
er bæði rekur verzlun og iandbúnað. Hefur hann byggt sjer mjög snoturt
hús, og svo er húsbúnaðurinn i því prýðilegur, að jeg þori að fullyrða,
að annar slikur er ekki i húsi nokkurs embættismanns í Rvík. I heim-
leiðinni kom jeg við hjá Arna bónda Sveinssyni (úr Suðurmúlasýslu) og
skoðaði hús hans, sem þá var i smíðum. Er það allmikið hús og i
líkum stíl og hús Friðjóns. Það er úr timbri, en veggirnir kalkaðir
innan. Undir öllu húsinu er steinkjallari, io feta djúpur, og er i honum
hitavjel, sem leitt er frá heitt lopt, til þess að hita með allt húsið. Svo
er og í húsi Friðjóns og víðar. Þann 30. hjelt jeg kyrru fyrir heima,
og komu þá til að heimsækja mig Sigurður bóndi Kristófersson á Grund
og prestarnir sira Hafsteinn Pjetursson, fornvinur minn og skólabróðir,
nú' prestur i Winnipeg, og sira Jón Clemens, prestur þeirra Argylinga.
Er hann bráðungur maður fjörlegur og gervilegur. Flutti hann fyrir 11
árum (þá 11 ára að aldri) með foreldrum sínum frá Rvik til Cbicago,
2. Eimþreskivjel.
og þar hefur hann numið skólalærdóm. Skemmtum við okkur allir lengi
dags við samræður.
Næsta dag (31.) var samkoma mikil á Grund. Eiga Argylingar þar
samkomuhús stórt, en svo var mannfjöldinn þar mikill i þetta sinn, að
rúmið þraut i húsinu, og varð að balda samkomuna undir beru lopti.
Var það heldur ekki neitt neyðarúrræði, því veður var gott. Fóru ræðu-
höldin fram i skógarrjóðri þar rjett hjá, skammt frá stöðuvatni, en aðrar
skemmtanir (hlaup, stökk, glimur og reipdráttur) á grænni flöt við vatnið.
Tóku jafnt konur sem karlar (eldri og yngri) þátt i iþróttunum, og var
útbýtt verðlaunum til sigurvegaranna. Ræður vóru haldnar margar (og
mörg hlý orð til íslands töluð), t. d. af Hafsteini Pjeturssyni, Friðjóni
Friðrikssyni, Sigurði Kristóferssyni, Birni Jónssyni (bróður Kristjáns skálds),
Kristjáni Jónssyni (Björnssonar frá Hjeðinshöfða), mjer o. fl. Kvað mest
að ræðu sira Hafsteins, sem var flutt af mikilli mælsku og andagipt.
Par var mjer og flutt snoturt kvæði af Sigurbirni Jóhannessyni. Inni í
fundarhúsinu fóru fram veitingar. A samkomunni vóru á að gizka 6—700