Eimreiðin - 01.01.1905, Blaðsíða 68

68
borgar eru þeir síra Sigurður Stefánsson í Vigur á ísafirði og Stefán
Stefánsson kennari við gagnfræðaskólann á Akureyri).
Móðir Magnúsar lögmanns var Þórunn dóttir Ólafs bónda Bjam-
arsonar að Sellandi í Blöndudal. Móðir Ólafs var Þórunn Helgadóttir.
bónda í Þverárdal, og alsystir Arna Helgasonar að Fjalli £ Sæmundar-
hlíð, föður Sigþrúðar móður Jóns í’orkelssonar fyrrum rektors í Reykja-
vík. En móðir Þórunnar (móður Magnúsar lögmanns) var Sigríður
Henriksdóttir, systir Henriks föður Jóns (eldra) í Múla.
Sumarið 1874 fluttu
þau hjónin Brynjólfur og
Þórunn með öll börn sín
vestur um haf, (til Kanada),
og dvöldu þau í Kinmount
og Lindsay í Ontaríó-fylki
veturinn 1874—1875. En
vorið 1875 fluttu þau sig
til Nýja-Skotlands (Nova
Scotia), og dvöldu þar
þangað til sumarið 1881;
þá tóku þau sig upp þaðan
og fluttu vestur til Duluth
í Minnesota og þaðan (eftir
vetrardvöl) til Pemþína-
héraðs í Norður-Dakóta.
A meðan Magnús
Brynjólfsson var í Nýja-
Skotlandi, gekk hann um
hríð á skóla þar, og fékk
þar góða undirstöðu til
mentunar sinnar. Hann
var snemma námfús og
skilningsgóður, var sérlega
fljótur að nema og gleymdi
því trauðla, er hann einu
sinni lærði. Báru þeir
bræður (Magnús og Björn)
að gáfum langt af öðrum
íslenzkum ungmennum,
sem gengu á skóla í Nýja-
Skotlandi, og munu þó flest ungmenni, som þar voru, hafa verið
vel í meðallagi gáfuð. — En þótt Magnús lærði mikið þann tíma,
sem hann gekk á skólann, þá lærði hann tifa.lt meira, þegar hann
tók til að lesa utan skóla; enda átti hann hauk í horni, þar sem
faðir hans var, því hann er einhver sá gáfaðasti og bezt mentaði ís-
lenzkur bóndi, sem sá, er þetta ritar, hefir nokkurn tíma kynst.
iírið 1887 byijaði Magnús að lesa lög hjá lögfræðingi George H.
Megquier í Pembína. Las Magnús svo kappsamlega, að hann tók
próf í lögum tveim árum si'ðar; og 9. sept. 1889 voru honum veitt
fullkomin réttindi sem málaflutnings-manni í Dakóta. Settist hann þá