Eimreiðin - 01.09.1908, Síða 7

167
hrepp. Fyrir öll sín störf fá þeir að auki borgun, eftir reikningi,
frá hlutaðeigendum. Sú borgun ætti í mörgum tilfellum að vera
ákveðin með lögum, líkt og t. d- og nú er fyrir verk lækna.
Búast má við, að hreppstjórum — löggæzludómarar eða frið-
dómarar væri líklega réttara nafn — fjölgi dálítið, bæði við fjölgun
bæja með bæjarréttindum, og ef hreppum er skift í tvent, en
landsjóðslauna hækkun til þeirra getur ekki vaxið, svo neinu
verulegu nemi fyrir það. Laun þeirra eru mest innifalin í auka-
tekjum. Ef þeir gjöra ekki neitt, fá þeir ekkert í aðra hönd; en
fyrir það, sem þeir gjöra, fá þeir borgun frá hlutaðeigendum. I
Bandaríkjunum fá þessir menn enga borgun af opinberu fé. í öllum
bæjum mundu lögregluþjónarnir, sem bærinn hefur og kostar,
hafa á hendi nokkuð af störfum hreppstjóranna t. d. taka fólk fast
o. fl.; en störf þeirra í bæjunum yrðu allmikil fyrir það, og tekjurnar
auðvitað að sama skapi.
Ur því ég mintist á lögregluþjóna, þá væri ekki úr vegi að
minna bæina á íslandi á það, hversu langt þeir eru á eftir sið-
uðum mönnum í öðrum löndum í því að velja lögregluþjóna.
Bæði hér í Ameríku og í öðrum löndum verða þeir menn,
sem vilja gjörast lögregluþjónar, að vera bæði stórir og sterkir.
feir mega ekki vera lægri en 5 fet og 11 þml. eigi léttari en 180
pund, og ennfremur verða þeir að vera reyndir að afli; og verða
að standast það próf til að fá stöðuna. Manni dettur líka ósjálfrátt
í hug fornir kappar, þegar lögregluþjónar ganga hér eftir götunum.
Á íslandi hafa þessir menn, eins og kunnugt er, verið oft krafta-
laus væskilmenni, sem hver meðalmaður gat hæglega farið með
eftir vild, og enginn maður gat haft neinn beyg af, nema stórir
hópar væru við höndina til hjálpar. Þessu þurfa bæirnir að kippa
í lag, því bæði er það hlægilegt, að sjá lögreglumenn í bæjum,
sem eru væskilmenni, - og svo eru meiri líkur til að t. d. druknir
menn og pörupiltar óttist frekar manninn, ef þeir sjá, að þeir eiga
ekkert erindi í hendurnar á honum, heldur en ef þeir treysta sér
til að leggja hann ofan í einhverja rennuna. Islendingum er ekki
svo aftur farið, að ekki séu til nægilega stórir og sterkir menn,
sem fáanlegir • mundu í þessar stöður. Hér í Winnipeg eru 5
íslendingar lögregluþjónar.
Næst á embættaskránni eru sýslunefndir. Þær gætu verið
með alveg sama fyrirkomulagi og nú eru þær, yfirstjórn sýslunnar,
og hennar sérmála. Kosinn 1 maður af öllum atkvæðisbærum