Dagblaðið Vísir - DV - 01.03.1983, Blaðsíða 35

DV. ÞRIÐJUDAGUR1. MARS1983.
35
DÆGRADVÖL
DÆGRADVÖL
DÆGRADVÖL
„Eg gat ekki hugsað mér neitt viðbjóðslegra en lögbrot á þennan hátt og ég myndi
ekki horfa á fínasta djassprógramm í heimi, ef það kæmi frá Videoson,” segir Jón
Múli Arnason, sem ekki er myrkur í máli frekar en endranær. En sitt sýnist
hverjum og Steingrímur Sigurðsson, sem býr í sama stigagangi og Jón Múli að
Stífluseli 1, kann vel að meta unaðssemdir myndbandavæðingarinnar.
Svona lögbrjóta
á að taka í gegn
— segir Jón Múli Árnason,
sem ekki horfir á Videoson
,,Sem Reykvíkingur á þessu svæði
hef ég ekkert af Videoson að segja,”
sagði Jón Múli Árnason, „vegna þess
að þegar verið var að leggja Videoson-
ruslið í þetta hverfi, þá afþakkaði ég
það meö öllu, vegna þess aö ég gat ekki
hugsað mér neitt viöbjóðslegra en lög-
brot á þennan hátt tii þess að henda um
mann rusli og jafnvel klámi. Sé nokkur
maður i þessu hverfi sem gleðst
sannarlega yfirþvíaðnúerloksveriö
að taka þetta i gegn og hreinsa svolítið
til í þessu, þá er það ég náttúrlega, því
ég er eins og forfeður mínir hérna áður
fyrr — þeir sögðu: með lögum skal
land byggja. Svona lögbrjótarsem eru
að leyfa sér svona viðbjóð, þar sem
Ríkisútvarpið hefur einkarétt á þessu,
— mér er kunnugt um það, ég vinn þar
— það á að taka þá í gegn, það á að
dæma þá til refsingar.”
— Þúertsvonaharður, já?
,,Já, ég er nú svona harður.”
— Nú er mér sagt aðVideosonhafi
sýnt um dagana ansi góða djassþætti.
„Það kemur ekkert málinu við. Ef
djassþættir eru ólöglegir, pá hef ég
ekkert við þá að gera. Ég nennti ekki
einu sinni að hlusta á Duke Ellington,
ef hann kæmi héma í hermannabún-
ingi. Eg myndi ekki fara héma upp á
næstu hæð til þess að horfa á fínasta
djassprógramm í heimi, ef það kæmi
frá Videoson.”
— En segðu mér nú, Jón, ef þetta
veltur nú svo að þetta verður allt gert
löglegt áður en langt um liður, mynd-
irðu þá geta hugsað þér að horfa á
þetta?
„Ef ég hefði eitthvað að segja um
þessi mál, þá er ég algjörlega á móti
því að rofinn verði einkaréttur Ríkisút-
varpsins á þessum hlutum — ég held
að þaö sé allt til spillingar og hins
versta.”
Ég er ekkert
hneykslaður
og það er margt hættulegra en video
—segir Steingrímur Sigurðsson listmálari
„Eg er ekkert hneykslaður á video,
ég er langtum hneykslaðri á ýmsu öðra
og mér finnst þetta þröngsýni og
raunar íslensk öfundarhyggja, sem
liggur á bak við þessa aðför gegn Video-
son,” sagði Steingrímur Sigurðsson
listmálari og lífslistarmaður og var
kátur í bragði þegar við höfðum tal af
honum, því að sýningin hans í
Ásmundarsal gekk skínandi vel og
málverkin rannu út eins og heitar
lummur. Hvort velgengnin varð til að
mýkja hug hans til Videoson vitum við
ekki, en hann kvaðst margsinnis horfa
á bíómyndimar sér til afþreyingar,
ekki síst vegna þess að hann væri
maður kvikmyndaglaður í meira lagi,
en ekki hefði gefist ráðrúm til þess að
fara oft í bíó hér á árum áður , þegar
hann bjó fyrir austan f jall.
„Yfirleitt finnst mér myndbanda-
kerfin ekki hóti meira siðspillandi en
margt af því sem verið er að troöa upp
í trantinn á Islendingum; þvert á móti
er ýmislegt mjög menningarlegt í
videoinu en það er vitaskuld sori þarna
líka eins og gengur í mannlífinu.”
— Ertu vanur að horfa mikiö á
video?
„Það er nokkuð misjafnt. Mér finnst
gaman að kvikmyndum en kemst ekki
alltaf i bíó og mér finnst notalegt að
horfa á video, en undanfarna mánuði
hef ég lítið horft á bæði sjónvarp og
video, vegna þess að ég hef verið að
undirbúa sýninguna. Eg hef ekki einu
sinni gefið mér tíma til þess að horfa á
Dallas-þættina, eins og mér finnst þeir
interessant.”
— Hvers konar myndir horfirðu
helstá?
,,Eg fyrir mitt leyti vil kynnast sem
flestu, en auðvitað verða menn að hafa
þroska til þess að velja og hafna, hver
eftir sínum smekk. Það er ákaflega
margt á ferli í þjóöfélaginu sem er
langtum hættulegra en video, til dæmis
það sem fyrir börnum er haft í skólum
af lélegum kennuram með illa slæmt
mentalítet. Mönnum væri nær að gefa
því gaum heldur en að ráðast með
offorsi gegn Videoson,” sagöi Stein-
grímur og vatt sér í frakkann og
snaraðist út, því að nú var aö hefjast
áríðandi leynifundur í ABC-félaginu og
þá er ekki vel gott að höfuðpaurarnir
séu víðs fjarri.
Steingrimur Sigurðsson er ekkert hneykslaóur á video og hefur öðruvísi skoöanir á málunum en granni hans, Jón
Múli. Steingrimur býr á 2. hæð, Stifluseli 1, en Jón Múli á hæðinni fyrir neðan.
Frábær samskipti við Videoson
— segir Emmy Becker,
videof römuður í Breiðholti
„Fólk er búiö að ræða þetta bak og
fyrir og upp og niður og það eru allir
óskaplega reiðir út af þessu,” sagöi
Emmy Becker, til heimilis að Yrsu-
felli 7 í Breiðholti, en hún er mikill at-
kvæðamaður í videomálum þar um
slóðir. ,,Mér finnst þetta blátt áfram
skerðing á persónufrelsi. Það hefur
enginn reynt aö þvinga þessu
myndbaridakerfi upp á fólk, en nú
ætlar hið opinbera að svipta menn
réttinum til þess að velja og hafna.
Fólk tekur þessu sem persónulegri
árás sem vonlegt er og mér leikur
hugur á að vita hvort sækja eigi til
saka hvert einasta kapalkerfi í land-
inu — þau eru nú orðin ansi mörg.”
— Hvernig hafa þín samskipti við
Videoson veriö?
„Alveg frábær — eftir að Dagblað-
iðtókviðsko.”
— Ertu vön að láta í þér heyra
þegarþú ert óánægð með dagskrána?
,,Já, ekki hefur staðið á mér að
kvarta þegar ástæða hefur verið til.
Það er nú líka oftast svo að
nágrannarnir hringja til mín þegar
eitthvað bjátar á, og þá er ég vön að
komaþvíáleiðis.”
— Hvemig hafa þeir tekið
umkvörtunum?
„Þeir hafa alltaf bragðist afskap-
lega vel við og þeir reyna aö gera
eins vel og þeir frekast geta, það er
ekki að efast um það. Þaö er náttúr-
lega í allra þágu að fólksé ánægt.”
— Hefurðu eitthvað hringt og
beðið um sérstakar myndir?
„Eg hef nú lítið gert af því. Einu
sinni bað ég um eina mynd, svona
fyrir mig prívat. Það var „Ocean
Eleven”, eldgömul mynd með Frank
Sinatra, svona grín- og spennu-
mynd.”
— Nú hefur Videoson sett dáh'tinn
svip á mannlífið hér í Breiðholtinu.
„Það hefur gert það og ekki bara
innan veggja heimilanna, heldur líka
út á við. Þegar húsmæðurnar úr
blokkunum héma hittast úti í búð-
inni, þá fara þær að ræða saman um
myndina í gærkvöldi og þannig
greiðir videoið fyrir samskiptum
manna. Það er einhvern veginn allt
öðruvísi meö ríkissjónvarpiö —
aldrei færa menn að stinga saman
nefjumumþað.”
— Nú halda sumir því fram að
video sé ekki par æskilegt fyrir
krakkana.
„Bíómyndirnar um helgar era
sýndar eftir dagskrá sjónvarpsins og
hvaða böm eru eiginlega á fótum
þá? Á virkum dögum hef jast sýning-
ar klukkan 22.40 og ég segi nú fyrir
mig að þá eru mín börn komin í
rúmið svo að ekki held ég að videoið
hafi nein áhrif á þau. En mér finnst
þessi aðför gegn Videoson undarleg í
meira lagi. Fyrst leyfir hið opinbera
mönnunum að leggja kapla um allt
hverfið og sýna myndir árum saman
og svo er allt í einu ráöist á þá. Þama
er verið að vega að rétti fólks til aö
velja og hafna,” sagði Emmy Becker
að lokum.
„Aöförin gegn Videoson er skerðing á persónufrelsi, "segir Emmy Becker, videofrömuður iBreiðholti.
DV-mynd GVA.