Dagblaðið Vísir - DV - 06.08.1987, Page 4

4
FIMMTUDAGUR 6. ÁGÚST 1987.
Fréttir
Jón Baldvin Hannibalsson fjánnálaráðheira:
Söluskattsundanþágur
afnumdar um áramótin
- mistök í samningu reglugerðar ollu misskilningi varðandi mjólkutvörur og söluskatt
„Ég hef ekki bakkað með neitt. Við
gerð stjómarsáttmálans var ákveðið
að mjóikurvörur skyldu undanþegnar
söluskatti en aftur á móti urðu mistök
við gerð reglugerðarinnar um sölu-
skattinn sem olli því að mjólkurdrj’kk-
ir vom settir undir hann en það hefur
verið leiðrétt. Það stóð aldrei til að
ég gengi á bak orða minna frá samn-
ingu stjómarsáttmálans," sagði Jón
Baldvin Hannibalsson fjármálaráð-
herra í samtali við DV en Jón hefur
verið ásakaður fyrir að hafa látið land-
búnaðarforystuna kúga sig.
„Annars er hér um að ræða nokk-
urra mánaða millibilsástand því í
stjómarsáttmálanum er ákvæði um
að fækka enn frekar undanþágum frá
söluskatti um næstu áramót og verða
þær mjög fáar eða nánast engar eftir
það,“ sagði Jón Baldvin.
Undan því er kvartað að óljóst sé
með marga vöruflokka hvort þeir eigi
að vera söluskattslausir, með 10%
skatt eða 25% skatt. Jón var spurður
um það mál.
„Það hlýtur óhjákvæmilega að
verða svo meðan undanþágur em
leyfðar. Það tekur sinn tíma að koma
málunum í rétt horf eftir svona breyt-
ingu. Það er ekki fyir en allar
undanþágur hafa verið afhumdar að
þetta vandamál leysist," sagði Jón
Baldvin Hannibalsson.
-S.dór
„Þetta eru marhnútar og þá er sko ekki hægt að éta,“ sögðu þessir hressu strákar sem DV hitti á bryggjunni
á Tálknafirði. Þeir sögðu að stundum væri hægt að veiða lax við bryggjuna, þegar hann slyppi út frá fiskeld-
isstöðinni í fjarðarbotninum. Ekki amalegur bryggjufengur það! DV-mynd: KAE
Tilraunir með
tveggja stafha
skip í Noregi
burðarmeiri og stöðugri en venjuleg skip
Hjá Rannsóknastofnun fiskiðnaðar-
ins (skipadeild) í Þrándheimi í Noregi
standa nú yfir tilraunir með líkan af
tveggja stafiia fiskiskipi og hafa þær
vakið mikla athygli. Líkanið er þannig
að annað stefiúð er stórt eins og á
venjulegu fiskiskipi en hitt er á minna
hliðarskipi sem er hugsað sem olíu og
vatnstankur og lítið geymslupláss að
auki.
Það sem Norðmenn segja að vinnist
við þetta er að aðalskipið ber meira
af fiski þar sem allir tankar þess em
í litla skipinu og svo verður það mun
stöðugra með tilkomu hliðarskipsins.
í raun er hér um að ræða skip byggt
á sömu hugmynd og suðurhafseyja-
menn notuðu hér fyrrum og réra bara
á annað borðið.
Við tilraunir með líkanið hefur kom-
ið í ljós að veltingur er allt að 40%
minni en á venjulegu skipi og þar af
leiðandi verður öll vinna um borð mun
auðveldari. Auk þess gerir minni velt-
ingur mögulegt að veiða og vinna við
verri aðstæður en áður.
Menn hafa áður gert tilraunir með
tveggja stafna skip en þau hafa alltaf
verið talin eyða mun meiri olíu en
venjulegt skip. Með því að hafa hliðar-
bátinn minni virðist þetta vandamál
vera leyst, ef marka má frásögn af
þessum tilraunum í blaðinu Inform
sem gefið er út af Rannsóknastofhun
fiskiðnaðaiins i Þrándheimi.
-S.dór
Viðtalið
„Blaðamannsreynslan mun
koma sér vel“
- segir Guðmundur Magnússon, aðstoðarmaður menntamálaráðherra
„Ég er viss um að sú reynsla, sem
ég bef öðlast i gegnum blaðamanns-
starf mitt undanfarin ár, á eftir að
reynast mér notadrjúg í þessu nýja
starfi," segir Guðmundur Magnús-
son sem ráðinn hefur verið aðstoðar-
maður Birgis ísleifs Gunnarssonar
menntamálaráðherra og hóf störf í
fyrradag.
Guðmundur er 31 árs, kvæntur
Vöku Hjaltalín og eiga þau tvö böm,
en að sögn hans er það þriðja vænt-
anlegt í næsta mánuði. Hann lauk
BA-prófi í sagnfræði og heimspeki
frá Háskóla íslands árið 1980 og
M.Sc.-prófi í rökfræði og vísindalegri
aðferðafræði frá London School of
Economics érið 1982. Hann hefur
verið stundakennari við Háskóla ís-
lands og kennt við grunnskóla.
Guðmundur hóf sína blaðamennsku
á Dagblaðinu, þar sem hann starfaði
sumrin 1978-’80. Síðan var hann
blaðamaður á Tímanum 1982-’83 og
hóf störf hjá Morgunblaðinu í árs-
byijun 1984 þar sem hann hefur
starfað fram að þessu, nú síðast við
þingfréttamennsku og stjómmála-
skrif.
„Þótt að ég sé menntaður sagn-
fræðingur og heimspekingur er það
kannski mín sérviska að nota ekki
Guðmundur Magnússon, nýráðinn
aðstoðarmaður menntamálaráð-
herra . DV-mynd Brynjar Gauti
þessi starfsheiti. Mér finnst að menn
verði að ávinna sér starfsheiti af
þessu tagi en eigi ekki að öðlast þau
við að taka próf í því eða ganga í
félagsskap af þessu tagi. Mér fellur
best að kalla mig blaðamann og geri
það líklega áfram,“ segir Guðmund-
ur.
„Ef það á að spyija mig um áhuga-
mál þá er ég mikill lestrarhestur
enda hefur það lengstum fylgt blaða-
mannsstarfinu að lesa sér mikið til
til þess að kynna sér og setja sig inn
í mál. Það mætti kannski segja að
ég sé áhugamaður um hugmyndir,
og þá á ég við í öllu mögulegu, list-
um, menningarmálum og stjóm-
málum og fleim sem ég get t.d. nýtt
mér við ritstjóm á tímaritinu Frels-
inu, sem ég hef ritstýrt síðastliðið
ár og hefúr verið gefið út af Félagi
frjálshyggjumanna. Það er ætlunin
að því blaði verði fundinn enn víð-
tækari vettvangur á næstunni
heldur en áður. Það mætti líka segja
að ritstörfin séu hálfgerð árátta hjá
mér.
Ég hugsa að þetta nýja starf sé
ekki frábmgðið blaðamennskunni
að því leyti að bæði störfin em mjög
fjölbreytt og spanna vítt svið. Þess
má geta til gamans að bróðir minn,
Þorsteinn Magnússon stjómmála-
fræðingur, var einnig aðstoðarmað-
ur menntamálaráðherra á sínum
tíma, þegar Ragnar Amalds gegndi
embættinu í vinstri stjóminni
’79-’80. Það mætti kannski segja að
starfið hafi haldist innan fjölskyl-
dunnar,“ sagði Guðmundur.
-BTH
Þannig litur þaö út, tveggja stafna tilraunaskipið.
Búvörusamningurinn
endurskoðaður
- ef dómurinn verður staðfestur
„Fulltrúi fjármálaráðherra í fram-
kvæmdanefhd búvörusamningsins
hefur sagt að verði dómurinn stað-
festur raski hann fosendum samnings-
ins við Stéttarsamband bænda. Ef
forsendum samningsins er raskað
verður að endurskoða hann,“ sagði
Jón Baldvin Hannibalsson fjármála-
ráðherra.
Eins og fram hefur komið féll dómur
í fógetarétti Vestur-Húnavatnssýslu
þar sem Jóni Jónssyni, bónda á Skarfs-
hóli, var heimilað að taka út það kjöt
sem hann hafði lagt inn umfram full-
virðisrétt sinn. Hafa menn haldið því
fram að verði dómurinn staðfestur séu
forsendur búvörusamningsins brostn-
ar.
Jón Baldvin Hannibalsson vildi
minna á að í málefhasamningi ríkis-
stjómarinnar væri ákvæði á þá lund
að ríkisstjómin leitaði endurskoðunar
á búvörusamningnum og því væri ekk-
ert því til fyrirstöðu að það væri gert.
-JFJ