Dagblaðið Vísir - DV - 07.11.1987, Blaðsíða 9

LAUGARDAGUR 7. NÓVEMBER 1987.
9
Fjölimðlar
Þau (eóginin fá hin ýmsu mál til umfjöllunar og miserfið. Þau sigra samt að lokum.
Show á árunum 1960-1968. Margir
muna eftir þeim þáttum hér á landi
síðan Kanasjónvarpið var opið. The
Andy Griffith Show voru grínþættir
og Andy var kenndur við húmorista.
Hann vildi snúa sér að alvarlegri
hlutum enda voru grínþættir ekki
eins vinsælir á þessum tíma og þeir
höfðu áður verið. Það gekk samt ekk-
ert sérlega vel fyrir hann að fá
alvarlegri hlutverk. Árið 1973 fékk
Andy Griffith hlutverk í kvikmynd-
inni Pray for the Wildcats þar sem
hann lék ruddamenni. Hann segist
hafa fengið martröð nóttina fyrir
töku myndarinnar. „Mig dreymdi að
ég væri að drepa Don Knotts. Ég
gerði það. Ég vaknaði upp morgun-
inn eftir og samviskan var að drepa
mig. Ég kallaði í Don en hann svar-
aði ekki og ég fann hann ekki. Ég fór
í vinnuna og fór að lesa upp með
stúlku sem var mótleikari minn. Allt
í einu stóð ég upp og sagði: Ég var
með hræðilega martröð í nótt, ég
held ég hafi uppgötvað hvað það var.
Ég held að ég hafi verið að drepa
ímyndina um Andy Taylor og mér
létti - ég vissi að þannig hafði þetta
verið.“
Ífínuformi
Andy Griffith vill hafa nóg að gera
og veit ekkert leiðinlegra en að sitja
aögerðalaus. Hann átti við sjúkdóm
að stríða fyrir nokkrum árum og átti
þá að hafa hægt um sig. Núna segist
hann vera búinn aö jafna sig. „Ég er
í fínu formi,“ segir Andy Griffith.
Hann fæddist árið 1926 í Norður-
Karólínu og var skírður Andrew
Samuel Griffith. Hann hafði snemma
ákveðið að verða prestur en hugur
hans tók aðra stefnu. Andy varð
mikill tónlistarmaður og síöar leik-
ari. Hann söng sveitasöngva við
miklar vinsældir og hóf að leika á
sviði árið 1950. Eins og fleiri áhuga-
samir leikarar í þá tíð fór hann til
Hollywood og árið 1957 lék hann í
myndinni A Face in the Crowd. Andy
Griffith lék í nokkrum bíómyndum
á næstu árum og var orðinn vel
þekkt nafn í Hollywood. Mestar vin-
sældir hefur hann þó fengið út á
sjónvarpsleik.
Ekki slegið í gegn
Með Andy Griffith í þáttunum um
Matlock eru þau Linda Purl, sem
leikur dótturina, Charlene, en hún
hefur einnig lesið lög, eins og faðir-
inn, og svo Kene Holliday sem leikur
aðstoðarmanninn, Tyler Hudson. Ef
einhver talar um Matlock sem Perry
Mason þá er Charlene Della Street.
Matlock fékk ágætar viðtökur í
byijun hjá bandarískum áhorfend-
um en hann hefur ekki slegið í gegn,
eins og sagt er. í einu bandarísku
blaði mátti lesa að þáttur sem þessi
væri ekkert nýtt fyrir sjónvarpsá-
horfendur. Þetta væri í raun gömul
lumma en engu að síður væru vel
gerðir afþreyingarþættir alltaf kær-
komnir. Matlockþættirnir eru sagðir
vel gerðir og Andy Griffith þykir
skfía hlutverki sínu með sóma.
Flestir bandarískir blaðadómar eft-
ir frumsýningu þáttanna hjá NBC
voru jákvæðir. Flestir eru sammála
um að Matlockþættirnir minni á
aðra svipaða þætti en Griffith virðist
bjarga þeim og einn gagnrýnandinn
segir að Andy Griffith sé besti lög-
fræðingur í sjónvarpi síðan þeir
Clinton Judd og Owen Marshall voru
í slíkum hlutverkum.
Góð tilbreyting
Nú þegar hefur sjónvarpið sýnt sjö
þætti en tveir þeir síðustu voru fram-
haldsþættir. I þessari syrpu, sem
sjónvarpið sýnir núna, eru tólf þætt-
ir en þegar hefur verið framleidd
önnur sams konar þáttasyrpa. Fram-
leiðandi þáttanna hefur fengið ýmsa
gestaleikara til að vera með í þáttun-
um og má þar nefna Dick Van Dyke
sem var í fyrsta þættinum. í síðustu
tveimur þáttum var gestaleikari Jose
Ferrer sem er vel þekktur leikari en
hann var í hlutverki gamla manns-
ins, Nicholas Baron.
Vinsældir þáttanna hér á landi
stafa sennilega af því að hér hafa
ekki verið sýndir slíkir þættir lengi.
Mörgum finnst eðlilegt að hér sé
komin upp góð andstaða við allar
þær lögreglumyndir sem hafa tröll-
riðið dagskrá beggja stöðva undan-
farna mánuði. Matlock er því
kærkomin tilbreyting fyrir íslenska
sjónvarpsáhorfendur.
-ELA
^ l *
GARÐSHORNI
Pottaplöntuútsala.
20-50%
afsláttur af öllum pottaplöntum.
20 %
kynningarafsláttur
af
jólastjörnum og alpafjólum.
Sj álfvökvunarpottar
20% kynningarafsláttur.
Gróórarstöðin
GARÐSHORNig
SUÐURHLÍÐ FOSSVOGI, sími 40500
OPIÐ 10-12 ALLA DAGA VIKUNNAR.