Dagblaðið Vísir - DV - 17.12.1988, Blaðsíða 25

LAUG'ARDÁéÚR 17: DESEMBER Í988.'
25
Smælki
Sæl nú!... Defabie Gibson
er nokkuð óvenjuieg ung
stúlka. Hún er nú við sextán
ára aldur ein helsta popp-
stjama Bandarikjanna og er
búin að selja yfir þrjár milljón-
ir eintaka af fyrstu plötunni
sinni, Out Of The Blue. Þar
samdi hún öll iögin sjáif og
á nýrri plötu, sem hún sendir
frá sér eftir áramótin, bætir
hún enn um betur þvi þar
stjómar hún upptökum lika á
flestum laganna. Fyrsta smá-
skifan af þessari væntanlegu
plötu Debbie Gibson kemur
út 3. janúar og þar gefur að
heyra lagið Lost In Your
Eyes ... Lög úr kvikmyndum
verða æ vinsælli og nú er ný
kvikmynd komin á kreik vest-
anhafs, sem inniheldur lög
með mörgum þekktum lista-
mönnum. Tequila Sunrise
heitir myndin og meðal laga,
sem eflaust eiga eftir að verða
vinsæl, eru SurrenderTo IVIe
með Ann Wilson úr Heart og
Robin Zander úr Cheap Trick.
Andy Taylor og Bobby Darin
eiga lika lög i Tequila Sunr-
ise... Gamli rokkjöfurinn og
píanóskelfirinn Jerry Lee Lew-
is má muna sinn fífil fegri.
Þessi heimsfrægi listamaður
Jerry Lee Lewis.
og höfundur ótal sígildra rokk-
laga er nú í sömu sporum og
mörg íslensk fyrirtæki, eða
gjaldþrota. Og skuldir gamla
mannsins eru á borð við
skuldir meðalstórs íslensks
fyrirtækis; lítlar hundrað
milljónir króna. 22 aðilar hafa
þegar lýst kröfum í þrotabú
Jerry Lee Lewis... Umboðs-
maður Rod Stewart hefur gert
samning við Columbia kvik-
myndafyrirtækið um nafn á
kvikmynd sem byggir að ein-
hverju leyti á texta Stewarts
frá 1971 við lagið Maggie
Mae. Þar segirfrá ungum
istöðulausum dreng sem dreg-
inn er á tálar af konu á besta
aldri... Sögur eru nú á
sveimi i Bretlandi um að hin
framliðna hljómsveit Culture
Club hyggí á endurfæðingu.
Ástæðan fyrir þvi að Boy
George og fyrrum félagar eru
að íhuga endurreisn hljóm-
sveitarinnar er sögð vera
meint blankheit liðsmann-
anna, en sólóferíll þeirra og
vinna hefur ekki gefið það í
aðra hönd sem vonast var
til... velkomin aftur...
-SþS-
Nýjar plötur
Bjartmar Gudlaugsson - Með vottorð í leikfimi:
Mergiaður textasmiður
Bjartmar Guðlaugsson hefur lag á
að setja grín í napra ádeilu eða jafn-
vel sorgarsögur ónafngreindra ein-
staklinga fram á sérlega aðlaðandi
hátt. Og þegar hann nöldrar tökum
við eiginlega ekki eftir því vegna
þess hve hnyttilega nöldrið er sett
fram.
Textarnir á nýju plötunni, Með
vottorð í leikfimi, sýna að Bjartmar
er í stuði um þessar mundir. Nokkr-
ir þeirra eru hreinir gamantextar.
Aðrir þrungnir skilaboðum til hlust-
enda:
í huga þínum riíjar þú upp
þokukennda grámyglaöa myndina.
Fyrirlítur þann sem fyrr á dögum
fann upp ástina og syndina.
Þú veist ekki hver hann er.
Þú veist ekki hvert hann fer.
Né hvort hann skildi eftir í þér
lítinn lífsneista
sem framvegis mun fylgja þér.
Það er sárt að vera sækjandi
og verjandi í dómsmáli
hjá sjálfum sér.
Þetta erindi er úr laginu Ljúft en
sárt og það á sannarlega erindi.
Bjartmar hefur sennilega aldrei ver-
ið jafnmergjaður og þarna.
Með vottorð í leikfimi er plata sem
venst vel. Hún er kannski ekki jafn-
oki í fylgd með fullorðnum sem kom
út í fyrra og kom Bjartmari endan-
lega á kortið. En sú nýja heyrist mér
vera nær tónlistarmanninum
Bjartmari Guðlaugssyni en fyrri
plata. Það er að segja gítarleikaran-
um og trúbadúrnum sem ferðast
einn um landið og skemmtir aðdá-
endum sinum í misstórum og mis-
vistlegum félagsheimilum.
Bjartmar á Sigurði Rúnari Jóns-
syni áreiðanlega margt að þakka fyr-
ir hversu Með vottorð í leikfimi gekk
vel upp. Útsetningar eru fjölbreyttar
en leyfa samt karakter laganna að
halda sér. - Öll koma þau vel út á
kassagitarinn einan. - Hljóðfæra-
leikur á plötunni er flnn enda hafa
flinkustu menn verið valdir í allar
stöður. Einhverra hluta vegna eru
blásararnir mér minnisstæðastir á
þessari stundu. Eini gallinn er eigin-
lega fáeinir falskir tónar aðalsöngv-
arans hér og þar. Skrítið að upptöku-
stjórinn - einn músíkalskasti maður
landsins - skyldi hleypa þeim í gegn.
-ÁT-
Síðan skein sól - Síðan skein sól:
’^^^m^^^^mmmmmmmmmmmmmmm^^^^mmmmmmm^^^^m^^^^^^^^^mmmmmmmmmm^m^^^mm^mmmm^mmmmm^^^^^^mmmmmmmm—^^^mmmmmmmmm^^^mmmmmmmmmmmmm^^mmmmmmmmmmmmmmm^mmm^m—mmmmmmmmmmmmmmmmmmmmmmmmm
Einfalt rokk og áheyrilegt
Fyrst komu Stones. Síðan skein
Stones og nú erum við aldeilis farin
að sjá til sólar. Hljómsveitin Síðan
skein sól er farin að lifa sjálfstæðu
lifl og dafnar bara vel.
Ég hygg að það hafi verið sterkur
leikur aö fá erlendan kunnáttumann
til að fara í saumana á músík hljóm-
sveitarinnar, liðka til um hana og
gefa í sumum tilfellum nýjan hljóm.
Tæplega hefði nokkrum innlendum
upptökustjóra til dæmis dottið í hug
að lauma strengjasveit inn í lag með
Sólinni. En það hljómar bara vel.
Þrátt fyrir slíkar dúllur er tónlistin
á plötunni Síðan skein sól fyrst og
fremst rokk í sinni einföldustu mynd.
Og þótt slegið sé af hér og þar leynir
stefnan sér ekki. Og þar sem hljóð-
færaskipanin er eins einföld og hugs-
ast getur, gítar, bassi og trommur, fer
ekki hjá því að útsetningar dragi dám
af því. Og ég ætla að verða síðasti
maður til að fara að ráðleggja flór-
menningunum í Síðan skein sól
nokkurn skapaðan hlut um breyting-
ar á þeim.
Lögin ellefu á plötunni eru unnin
í samvinnu liðsmannanna fjögurra.
Breiddin í lagasmíðum mætti vera
meiri. Helgi Björnsson söngvari á
hins vegar heiðurinn af textunum.
Formið er knappt, rím- og ljóðstafa-
laust. Dálítið svipað í forminu og er-
iendir rokkarar yrkja allajafna. Sem
sagt öðruvísi textar en gengur og
gerist og þarafleiðandi er gaman að
glugga í þá. Helgi er ekki okkar
snjallasti textasmiöur eða fjölmiðla-
skáld. Hans höfuðkostur er gott auga
fyrir smáatriðum í daglega lífinu.
Síðan má ekki gleyma því að texta-
höfundurinn Helgi semur fyrir
söngvarann Helga og á hann því enn
betra með að túlka texta sína en ella.
Samanburðurinn við Rolling
Stones í upphafi svíður kannski.
Hann var þó fyllilega raunhæfur. Er
það jafnvel enn að vissu marki. En
Stones-stíllinn virðist mér vera á
undanhaldi og Sólarstíll að gægjast
upp við sjónarrönd í staðinn. -ÁT-
Steinar hf.:
Hér þarf engan frostlög
Ungar og efnilegar hljómsveitir
hér á landi hafa löngum átt í erfið-
leikum með að koma frá sér efni á
hljómplötu. Fyrir það fyrsta eiga
þessar hljómsveitir sjaldnast fram-
bærilegt efni til að fylla heila plötu
og í annan stað hafa hljómplötufyrir-
tæki verið frekar treg til þess á síð-
ari árum að gefa þessum hljómsveit-
um tækifæri.
Þess vegna verður ekki annaö sagt
en að sú leið, sem Steinar hf. fara á
plötunni Frostlög, sé aíbragðs vel
heppnuð. Hér gefst átta hljómsveit-
um færi á að koma verkum sínum á
framfæri, það eru: Nýdönsk, Sálin
hans Jóns míns, Greifarnir, Herra-
menn, Sú Ellen, Centaur, Jójó og
Todmobile. Fjórar þær fyrstnefndu
eiga tvö lög hver en hinar eitt.
Vissulega eru þetta ekki allt nýjar
hljómsveitir, en hjá sumum þeirra
hafa orðið nokkrar mannabreyting-
ar síðan síðast. Þannig er áhöfn Sál-
arinnar hans Jóns míns nánast ný;
aðeins þeir Stefán Hilmarsson og
Guðmundur Jónsson eru eftir frá
fyrri liðskipan. Og það verð ég að
segja að Sálin hans Jóns míns stelur
senunni á þessari plötu að öðrum
hljómsveitum ólöstuðum.
Bæði lög Sálarinnar eru eftir Guð-
mund gítarleikara og þarna eru ein-
hver albestu popplög sem heyrst hafa
hérlendis um langt skeið. Þau eru
leikandi létt, melódísk og afar gríp-
andi. Þegar svo viö bætist stórgóður
söngur Stefáns er ekki hægt að búast
við öðru en stormandi vinsældum.
En það eru fleiri góð lög á þessari
plötu, Hólmfríður Júlíusdóttir með
Nýdönsk, Frostrós Greifanna, Eng-
inn Herramanna, Elísa Sú Ellenar,
Veturinn í gær með Centaur og Sam-
eiginlegt með Todmobil. Síðast-
nefnda hljómsveitin er minnst þekkt
af þessum hljómsveitum: eiginlega
óþekkt, en lofar góðu. Söngkonu
sveitarinnar, Andreu Gylfadóttur,
þekkja menn hins vegar frá síðustu
plötu Grafikur og í þessu lagi Todmo-
bil sýnir Andrea og sannar að betri
söngkonur eru vandfundnar hér á
landi.
Að lokum er vert að minnast á
bráðhressan og skemmtilegan blús-
rokkara með Centaur, en sú hljóm-
sveit hlýtur að eiga meira af fram-
bærilegu efni i fórum sínum.
Frostlög eru eiginlega öfugmæli á
þessari plötu því hér eru lög sem ylja
og sýna að bjart er framundan í ís-
lenskri popptónlist.
-SþS-
Artch - Another Return:
Magnað sveinsstykki!
Það er í raun ekkert minna en
magnað að standa frammi fyrir
þeirri óhagganlegu staðreynd að Ei-
ríkur Hauksson - Eric Hawk eins og
hann kallar sig með Artch - er orðinn
söngvari í þungarokkshljómsveit
sem stendur þeim bestu fyllilega á
sporði. Ekki aðeins hefur sá áralangi
draumur Eiríks að syngja með ósvik-
inni þungarokkssveit ræst, heldur
hefur svo vel tekist til með frumraun
Artch að undirritaöur er reiðubúinn
að spæna í sig öll sin höfuðföt ef þessa
norsk/íslenska kvintetts á ekki eftir
að bíða meiriháttar frægð innan
þungarokksins á næstu misserum.
í hreinskilni sagt er ekki oft sem
þungarokkssveitir liafa sent frá sér
jafnmagnaða frumraun og Artch ger-
ir með Another Return. í svipinn
minnist ég aðeins frumrauna Que-
ensryche og Dio síðustu 6-8 árin sem
eru sambærilegar að gæðum. Artch
tekst á snilldarlegan hátt að laða
fram alla bestu kósti þungarokks
nútimans, leidd áfram af frábærum
söng Eiríks Haukssonar.
Rokkið hjá Artch - ef maður á að
skilgreina það á einhvern hátt - er
að stofni til hratt þungarokk. Þó aldr-
ei neitt „speed-metal". Bestu lög plöt-
unnar eru í þeim anda sem verið
hefur ríkjandi á þessum áratug.
Það er erfitt að vera frumlegur i
tónlist í dag, enn erfiðara séu menn
þungarokkarar. Sú tónlist tekur litl-
um breytingum í tímans rás. Artch
sækir áhrif víða að; Metallica, Metal
Church, Y&T, UFO (Schenker),
Helloween, Iron Maiden, Dio og Ac-
cept svo dæmi séu tekin. Ekki leiðum
að líkjast en þrátt fyrir sterk áhrif
víða eru hvergi áþreifanleg dæmi um
hreinar „kóperingar" eins og t.d. hjá
Cinderella og fleiri svipuðum sveit-
um.
Fyrri hlið plötunnar er meira í
hefðbundnum þungarokksstil. Þar
eru líka þrjú bestu lög plötunnar,
Another Return To Church Hill, Lo-
aded og Where I Go. Á þeirri síðari
gætir meira hraðari áhrifa, þar er
einnig aö finna eina slaka lag plöt-
unnar, Living In The Past.
Aðall Artch er sá aö þrátt fyrir
hrátt, hratt og kröftugt þungarokk
er tónlistin melódísk með tíðum takt-
breytingum og hljómaskiptum. Þetta
atriði samfara 100% hljóðfæraleik og
söng og sterkum lagasmíöum gerir
það að verkum aö Artch hefur með
þessari frumraun sinni strax skipað
s.ér í hóp bestu þungarokkssveita
heims. Það eru stór orð en ég stend
við þau hvar og hvenær sem er. Þetta
er jólagjöf þungarokkararns í ár.
SS