Dagblaðið Vísir - DV - 03.12.1990, Page 2

2
MÁNUDAGUR 3. DESEMBER 1990.
Fréttir
Páll Pétursson, formaður þingflokks framsóknarmanna:
Af leit hugmynd að
rjúfa þing strax
- vill fá skýra afstöðu frá hverjum þingmanni
„Ég stefni að því að afgreiöa frum-
varpið frá nefndinni ekki síðar en á
miðvikudag og treysti því að sam-
starf takist við stjórnarandstöðuna
um það,“ sagði Páll Pétursson, for-
maður þingflokks Framsóknar-
manna og formaður fjárhags- og við-
skiptanefndar, sem hefur frumvarp
um bráðabirgðalög rikisstjórnarinn-
ar til meðferðar.
„Mér finnst eðlilegt að fram komi
skýr afstaða frá hverjum og einum.
Atkvæðagreiðsla þarf að fara fram
með nafnakalli. Ég kæri mig ekkert
um að láta sjálfstæðismenn geispa
því framan í mig á einhverjum fram-
boðsfundi að þeir hafi stutt bráða-
birgðalögin þrátt fyrir allt. Ég vil láta
reyna á hvort sjálfstæðismenn eru
jafn ábyrgðarlausir og samþykkt
þingflokksins bendir til. Þetta þarf
að vera til skjalfest.
Það er því mjög nauðsynlegt að sem
flestir þingmenn séu viðstaddir þeg-
ar málið kemur til atkvæða. Það er
sjálfsagt að leita afbrigða hjá forset-
um þingsins til þess að málið komist
á dagskrá sem fyrst,“ sagði Páll.
Náist ekki að afgreiða málið frá
fjárhags- og viðskiptanefnd á mið-
vikudag er sennilegt að það dragist
fram í næstu viku.
Veröi máliö fellt í neöri deild á jöfn-
um atkvæðum taldi Páll að stjórnin
ætti skilyrðislaust að rjúfa þing og
boða til kosninga. Hann taldi hins
vegar að meirihluti þingmanna
styddi frumvarpið þótt ekki væri
hreinn meirihluti i neöri deild. Hann
taldi sjálfsagt að sama ríkisstjórn
sæti óbreytt áfram eftir þingrof.
„Þetta sýnir að löngu tímabært er
aö gera Alþingi að einni málstofu.
Þaö er fráleitt aö 29 þingmenn geti
komið í veg fyrir vilja meirihluta
þings. Það er ekkert lýðræði í því.“
- Nú hafa formenn samstarfsflokka
Framsóknar lýst því yfir að rétt sé
að ijúfa þing þegar í staö. Finnst þér
þaö koma til greina?
„Mér finnst það afleit hugmynd.
Málið þarf að ganga til atkvæða. Af-
staða manna verður að koma fram.
Jón Baldvin og Ólafur eru baráttu-
glaðir og ég lái þeim í sjálfu sér ekk-
ert þó þeir vilji höggva Sjálfstæðis-
flokkinn þegar hann liggur svo vel
viö höggi.“
Komið hefur fram að falli bráða-
birgðalögin á jöfnum atkvæðum í
neðri deild taki samningar BHMR
þegar gildi. Páll sagði í samtali viö
DV að honum þætti ósennilegt að
starfsstjórn setti þegar í stað sam-
hljóða bráðabirgðalög en sagðist telja
vænlegt að setja lög sem frestuðu
gildistöku samninganna fram yfir
kosningar. Fari svo aö þing verði
rofið og boðað til kosninga yrðu þær
tímasettar eftir 4-6 vikur frá þing-
rofi.
-Pá
Vestfirðir:
Þorvaldur haf n-
aði heiðurssæti
Kjördæmisráð Sjálfstæðisflokksins
á Vestfjörðum kom saman til fundar
í gær og gekk frá framboðslista
flokksins fyrir komandi aiþingis-
kosningar. Þorvaldur Garðar Kristj-
ánsson alþingismaöur verður ekki á
listanum.
Þorvaldur hafnaði í fjóröa sæti í
prófkjöri og ítrekaðar tilraunir til
þess að fá hann til þess að taka neðsta
sætið á listanum, sem stundum er
kallað heiðurssætiö, báru ekki ár-
angur. Jörgína Jónsdóttir, húsmóðir
á Tálknafirði, mun skipa fjórða sæti
listans. -Pá
Norðurland eystra:
Steingrímurefst-
ur hjá allaböllum
Gylfi Kristjáiisson, DV, Akureyri:
Kjördæmisráð Alþýöubandalags-
ins í Norðurlandskjördæmi eystra
hefur gengið frá lista flokksins vegna
kosninga til Alþingis. Þetta var gert
á fundi ráðsins í Skúlagarði í Keldu-
hverfi um helgina.
Steingrímur Sigfússon, samgöngu-
og landbúnaðarráöherra, skipar
efsta sæti listans sem fyrr en Ste-
fanía Traustadóttir, félagsfræðingur
úr Reykjavík, skipar annað sætið.
Björn Valur Gíslason, sjómaður og
bæjarfulltrúi á Ólafsfirði, er í 3. sæti,
Örlygur Hnefill Jónsson héraðs-
dómslögmaður í 4. sæti.

Volvobifreið skall harkalega á Ijósastaur við Æsufell síðdegis á laugardag. Kona ók bílnum en hún slasaðist
ekki alvarlega. Bíllinn skemmdist hins vegar mjög mikið og er hann jafnvel talinn ónýtur. DV-mynd S
Þorsteinn Pálsson, formaður Sjálfstæðisflokksins:
Óábyrg vinnubrögð að rjúfa þing strax
„Það væru oabyrg vinnubrögð að
rjúfa þing og boða til kosninga áður
en málið kemur til umræðu þar,“
sagði Þorsteinn Pálsson, formaður
Sjálfstæðisflokksins, í samtali við
DV.
Samhljóða samþykkt þingflokks
sjálfstæðismanna um að greiða at-
kvæði gegn bráðabirgðalögum ríkis-
stjórnarinnar um kjarasamninga
BHMR gæti orðið til þess að lögin
öðluðust ekki gildi. Ríkisstjórnin á
þá engra kosta völ annarra en að
rjúfa þing og boða til kosninga. Dav-
íð Oddsson, varaformaður flokksins,
sat umræddan þingflokksfund eins
og venja en stjórn flokksins og stofn-
anir eiga rétt á áheyrnarfulltrúa á
þingflokksfundum.
„Það er mér vitanlega algjör ein-
hugur um þetta meöal þingmanna
flokksins," sagði Þorsteinn. Hann
taldi það fullkomlega óeðlilegt ef til
þingrofs kæmi aö sama ríkisstjórn
sæti óbreytt áfram.
„Viö höfum lagt á það áherslu að
mynduö yröi ný ríkisstjórn og Sjálf-
stæðisflokkurinn mun ekki skerast
úr leik í því máli.“
í morgun var boðað til fundar meö
forystu í Sjálfstæðisflokknum og
fulltrúum Vinnumálasambands
samvinnufélaganna og Vinnuveit-
endasambands íslands vegna þessa
máls. Þorsteinn sagði flokkinn vinna
að varðveislu þjóðarsáttar áfram.
„Við greiðum atkvæöi gegn bráða-
birgðalögunum á allt öörum forsend-
um. Við erum mótfallnir ólögmætum
og siðlausum vinnubrögðum ríkis-
stjórnarinnar í þessu máli. Við telj-
um að ná megi samningum við full-
trúa BHMR án þess að forsendur
þjóðarsáttar raskist. Þetta og margt
fleira í þessu sambandi þarf að ræða
til hlítar í þinginu áður til þess komi
að það verði rofiö og boðað til kosn-
inga,“ sagði Þorsteinn. -Pá
Garðey SF í miklu hvassviðri við Homaflarðarós:
Brotsjór í stýrishúsið
og báturinn strandaði
- varð stjómlaus þegar stýrið fór úr sambandi
Garðey SF 22 frá Hornafirði fékk á
sig brotsjó við mynni Homafjarðar-
óss um klukkan eitt á laugardag með
þeim afleiðingum að stýrið fór úr
sambandi. Brotsjórinn braut brúar-
glugga og fór sjór inn í stýrishúsið.
Báturinn varð því stjórnlaus og
strandaði viö svokallaða Hvanney.
Skipveijum tókst aö ná bátnum á flot
um þremur klukkustundum síðar.
Báturinn er 116 tonn og eru átta
menn í áhöfninni.
„Þaö var myljandi rok þarna,“
sagði Þráinn Gíslason, skipstjóri á
Garöey, í samtali við DV.
„Það var ólag sem reið yfir bátinn
og gluggi brotnaði. Við vorum hér
um bil komnir inn fyrir. Þaö urðu
ekki miklar skemmdir í brúnni en
rafmagnsstýrið fór út. Það má segja
að það hafi verið mistök að hafa ekki
kúplað inn handstýrinu. Annars var
aldrei nein hætta með karlana þegar
báturinn skorðaðist fastur. Lóðs-
báturinn fór með spotta í land og þar
var hann festur. Dráttarvél dró spott-
ann og svo var hann settur fastur
utan um klett. Okkur tókst svo að
hífa bátinn aftur á flot meö spilunum
um borð. Hann losnaði í rólegheitun-
um,“ sagði Þráinn Gíslason.
Ekki er talið að Garðey hafi
skemmst á botninum enda er sand-
botn þar sem báturinn strandaði.
-ÓTT
Eiður Guðnason:
Kemur vel
rjúfa þing
strax
„Það kemur vel til greina aö
ijúfa þing strax áður en bráða-
birgðaiögin koma til afgreiöslu,"
sagði Eiður Guðnason, formaður
þingflokks Alþýðuflokksins, í
samtali við DV.
„Þetta mál þarf að rannsaka vel
og það verður ítarlega rætt á
þingflokksfundi okkar í dag.
Verði þing rofið strax þá eru
ýmsar lögfræðilegar spurningar
sem þarf að fá svar við. En í ljósi
þessarar furðulegu samþykktar
sjálfstæðismanna þá finnst mér
vel koma til greina að láta á það
reyna hvorn kostinn fólk velur,“
sagðiEiöur. -Pá
Júlíus Sólnes:
Vil ekki rjúfa
þingstrax
„Ég vil ekki ijúfa þing strax.
Þaö verður að leggja þetta fyrir
þingið. Mér fiimst mikilvægast
að verja þjóðarsáttina með öllum
tiltækum ráðum,“ sagði Júlíus
Sólnes, umhverfisráðherra og
formaður Borgaraflokksins, í
samtaliviðDV. -Pá
Margrét Frímannsdóttir:
Vil láta reyna
áafstöðu
þingmanna
sem fyrst
„Séu menn vissir um að frum-
varpið hafi ekki tilskilinn meiri-
hluta er náttúrlega ekkert annað
að gera en ijúfa þing og boða til
kosninga. Mér finnst hins vegar
að við þessar áðstæður eigi for-
takslaust að láta reyna á það
hvort frumvarpið nær fram áö.
ganga og leggja það fyrir þingið
sem fyrst,“ sagði Margrét Frí-
mannsdóttir, þingmaður Alþýöu-
bandalagsins og formaður þing-
flokksins, í samtali við DV.
Tveir þingmenn Alþýðubanda-
lagsins, Hjörleifur Guttormsson
og Geir Gunnarsson, hafa lýst því
yfir að þeir styðji ekki bráða-
birgöalög ríkisstjórnarinnar á
samninga BHMR.
„Sé eifthvaö að marka yfirlýs-
ingar sjálfstæðismanna þá liggur
málið ljóst fyrir. Það er hins veg-
ar sjálfsagt að láta reyna á það,“
sagðiMargrét. _pá
Steingrímur Hermannsson:
„Éghef
þingrofs-
réttinn
en ekki þeir“
„Þetta mál verður ekkert útklj-
áð í fjölmiðlum og ég ræði það
ekki frekar," sagði Steingrímur
Hermannsson forsætisráðherra í
samtali við DV.
- Formenn bæði Alþýöuflokks
og Aiþýðubandalags hafa lýst því
yfir að réttast væri að ijúfa þing
þegar í stað og boða til kosninga.
Kemur það til greina, að þínu
áliti?
»Ég hef þingrofsréttinn en ekki
þeir. Þetta er flókið mál og marg-
ir þættir sem taka þarf tillit tiL
Meira segi ég ekki,“ sagði Stein-
grímur aö lokum.
-Pó