Dagblaðið Vísir - DV - 18.05.1991, Blaðsíða 10

io;
LAUGARDÁGDE Á m1ÝL'Í99L. í í 1 [
Myndbönd
DV
Það ríkir mikill stöðugleiki á list-
anum þessa vikuna, aðeins ein ný
kvikmynd kemur inn á listann,
framtíðarþrillerinn Steel Dawn
með Patrick Swayze í aðalhlut-
verki. Ekki má búast við aö sú
mynd fari hátt á listanum en önnur
mynd með Swayze, Ghost, sem
nýkomin er út, er nokkuð örugg
um að fara í efstu sæti listans og
sjálfsagt alla leið á toppinn. Að
öðru leyti er fátt um fína drætti í
útgáfumálum þessa dagana, en síð-
ast í maí er von á einhverri bestu
kvikmynd sem gerð var á síðasta
ári, Goodfellas eftir Martin Scor-
sese.
1 (1) Bird On a Wire
2(2) Young Guns II
3(3) Darkman
4(5) Impulse
5(6) Wild at Heart
6(3) Another 48 Hours
7(10) Blue Heat
8(7) Freshman
9(8) Breaking In
10 (-) Steel Dawn
★★!4
Mordótt vélmenni
HARDWARE
Útgefandi: Háskólabíó
Leikstjóri: Richard Stanley
Aöalhlutverk: Stacey Travis, Dylan
McDermott og William Hootkins
Amerisk - 1990
Sýningartimi - 90 minútur
Bönnuö innan 16 ára
Það er ýmislegt hægt aö segja um
þessa kvikmynd. Margir hafa orðið
tii þess að bera lof á hana, sérstak-
lega þeir sem unna hrollvekjum og
kvikmyndum gerðum eftir vísinda-
skáldsögum og vissulega fá þeir
hinir sömu talsvert fyrir sinn snúð.
Sagan er ekki merkileg eöa frum-
leg. í óskilgreindri framtíð berst
mannkynið við geislavirkni, of-
fjölgun og fleiri fylgikvilla sið-
menningar sem einhvers staðar á
leiðinni hefur farið hastarlega úr
böndunum. Hirðingi sem reikar
um geislavirka eyðimörkina fínnur
torkennilegt járnarusl, Alvy, Mo
og Shades, sem braska með brota-
jám og skylda hluti, kaupa draslið
og Mo fer með það heim til þess að
gefa vinstúlku sinni í jólagjöf. Fljót-
lega kemur í ljós að blikkhrúgan
er frumgerð morðóðs vélmennis
sem getur sett sig saman sjálft og
eftir þaö skrifar sagan sig sjálf.
Það sem hins vegar er allrar at-
hygli vert er meðferð leikstjóra og
kvikmyndatökumanns á efninu.
Með markvissri og vel hannaðri
leikmynd, lýsingu og kvikmynda-
töku tekst að gera úr þessu þvælda
efni verulega hrollvekjandi frásögn
sem heldur áhorfandanum dá-
leiddum lungann úr þessum 90
mínútum. Draugaleg sviðsetning
ásamt sannfærandi brellum í öm-
urlegri framtíðaríbúðinni þar sem
varnarlítil kvenvera berst viö vél-
mennið getur skotið þaulvönum
hrollvekjuglápurum skelk í bringu.
Látum vera þó býsna margt sé
fengið að láni enda myndin sýni-
lega af vanefnum gerð. .
Ef til vill fer þessi kvikmynd á
spjöld sögunnar sem fyrsta mynd
leikstjóra sem á eftir að gera stór-
kostlega hluti. Um það skal engu
spáð en vissulega benda handtökin
tilþessaösvogetiverið. -Pá
★★
Svikamylla
WEB OF DECEIT.
Útgefandi: ClC-myndbönd.
Leikstjóri: Sandor Stern.
Aóalhlutverk: Linda Purl, James Read
og Barbara Rush.
Bandarísk, 1990 - sýningartími 92 mín.
Bönnuð börnum innan 16 ára.
Web of Deceit er gerð fyrir sjón-
varp og sýnir að Bandaríkjamenn
geta gert boðlegar sjónvarpskvik-
myndir. í Web of Deceit, sem er
gamaldags sakamálamynd, ganga
hlutirnir hratt fyrir sig og þótt
handritið sé ekki fullkomið gengur
dæmið upp en aðeins er farið að
draga úr spennunni í lokin.
í byijun fylgjumst við með hvern-
ig ungur bifvélavirki flækist óaf-
vitandi inn í morðmál og er ákærð-
ur saklaus fyrir morðið. Móðir bif-
vélavirkjans ein trúir á sakleysi
hans og fær til liðs við sig mjög
færan lögfræðing, Laureen Hale.
Hale bregur þegar hún sér hver er
ákærandinn, en þar er komin
æskuást hennar og líður ekki á
löngu þar til hún fellur fyrir hon-
um aftur.
Hale ásamt einkalöggu sem hún
ræður sér til aðstoðar, kemst fljótt
að því að það er margt gruggugt
við málsrannsókn og ákæran er
vafasöm. Eftir því sem nær dregur
réttarhöldunum berast böndin að
háttsettum mönnum í Atlanta þar.
sem atburðirnir gerast, mönnum
sem eru góðborgarar á yfírborðinu
en spilltir undir niðri...
Web of Deceit er ágætlega gerð
mynd. Handritið er bæði vel skrifað
og plottið kemur á óvart lengi fram
eftir myndinni þótt sjálfsagt marga
gruni hið rétta áður en yfir lýkur.
Óhætt er að mæla með Web of Dec-
eit sem prýðisafþreyingu. -HK
I hefndarhug
DARKMAN
Útgefandi: ClC-myndbönd.
Leikstjóri: Sam Raimi.
Aöalhlutverk: Liam Neeson, Frances
McDormand og Larry Drake.
Bandarisk, 1990-sýningartími 102 min.
Bönnuö börnum innan 16 ára.
Sam Raimi þótti með Evil Dead
sýna ótvíræða hæfileika við gerð
hryllingsmynda og það verður ekki
af honum skafíð að kvikmyndavél-
in leikur í höndum hans og þótt
Darkman sé ósköp saklaus miðað
við Evil Dead þá kemur hann
áhorfandanum oft á óvart með
sjokkerandi atriðum sem kvik-
mynduð eru á áhrifaríkan hátt.
Hugmyndin að Darkman er göm-
ul og má nefna Phantom of The
Opera sem eina fyrirmyndina.
Liam Neeson leikur ungan vísinda-
mann, Peyton Westlake, sem er á
góðri leið með að uppgötva hvernig
lækna megi mikil líkamslýti á full-
kominn máta. Herslumuninn vant-
ar og það er nóg. Westlake á sér
Auðfengnir
peningar
MONEY TALKS
Útgefandi: Bergvík hf.
Leikstjóri: James Scott.
Aðalhlutverk: Robert Lindsay, Molly
Ringwald og John Gielgud.
Bresk, 1990 - sýningartími 90 mín.
Leyfð öllum aldurshópum.
Einhverra hluta vegna er Money
Talk látin gerast á sjötta áratugn-
um. í raun skiptir tíminn í mynd-
inni engu máli. Eins og hún kemur
fyrir sjónir þá gætu atburðirnir
allt eins gerst í nútímanum.
Robert Lindsay leikur ungan
skrifstofumann, Ian Bertram, sem
er snillingur með tölur. Á fórnum
vegi hittir hann hina amerísku
Cary Porter. Þau verða ástfangin
og ætla sér að giftast. Þetta berst
til eyrna yfirmanns Bertrams og
hann vill að þau gifti sig með stæl
í Monte Carlo á hans kostnað. Þau
fara til Monte Carlo og skrá sig á
dýrt hótel en bossinn lætur ekki
sjá sig. Nú koma til góðir reikni-
hæfileikar Bertram. Hann finnur
út hvernig á að græða í hinum
freistandi spilavítum í Monte Carlo
og verður algjörlega háður spila-
fíkninni, tilvonandi brúður hans til
mikils ama.
Money Talk er í heild frekar
grunn og innihaldslítil. Þemað er
gamalkunnugt og hefur myndin
fátt nýtt fram að færa i þeim mál-
um, en myndin er sæmileg afþrey-
ing þar sem leikarar fara ágætlega
meö hlutverk sín. Senuþjófurinn
er eins og svo oft áður John Gi-
elgud. Forstjórinn verður að aumk-
unarverðu gamalmenni í meðför-
um hans þótt á yfirborðinu vilji
stjórinn láta líta út fyrir að lífið sé
einn leikur og jörðin leikvöllurinn.
-HK
kærustu sem skilið hefur eftir
verðmæt plögg í rannsóknarstofu
hans, plögg sem hinn ófyrirleitni
Durant ætlar sér. Hann kemur
ásamt ófríðu liði í rannsóknarstof-
una, fmnur plöggin, kveikir síðan
í öllu saman og heldur að hann
hafi gengið frá vísindamanninum
fyrir fullt og allt, svo er þó ekki.
Westlake lifir af brunann en er
mikiö brenndur og kýs aö fara í
felur.
Hann reynir að byggja aftur til-
raunastofu sína til að fullgera vís- •
indatilraun sína á sjálfum sér en
mistekst. Þá snýr hann sér að því
að hefna hörmunga sinna og geng-
ur betur í þeim efnum...
Darkman er mjög hröð og við-
burðarík kvikmynd. Raimi veit
nákvæmlega hvað má bjóða áhorf-
endum og einstaka klúður hverfur
í hraðanum í atburðarásinni. Ef
einhver mynd hefur skilið eftir op
fyrir framhald þá er það Darkman.
Liam Neeson leikur vísinda-
manninn mjög vel og ber höfuð og
herðar yfir aðra leikara, þá kemur
leikur Larry Drake sem sjón-
varpsáhorfenfdur þekkja úr Laga-
krókum á óvart. Illmennið verður
að hálfgerðri ófreskju í meðfórum
hans. -HK
Flugnahöfðinginn
LORD OF THE FLIES
Útgefandi: Arnarborg
Leikstjóri: Harry Hook efitr handriti
Sarah Schiff byggðu á skáldsögu Will-
iam Golding
Aðalhlutverk: Paul Balthazar Getty,
Chrish Furrh og Daniel Pipoly
Amerisk - 1990
Sýningartími - 95 mínútur
Bönnuð innan 12 ára
Hópur amerískra herskóladrengja
verður skipreika á eyðieyju og
verður að standa á eigin fótum.
Þeir reyna eftir bestu getu að líkja
eftir hátterni fullorðinna og mynda
einhvers konar siðmenntað sam-
félag en það er stutt í frummanninn
og áður en lýkur lýtur hópurinn
frumstæðari lögmálum en meðal-
skátafélag.
Þessi kunnuglega og afar vand-
aða saga William Golding er mörg-
um að góðu kunn því hún hefur
lengi verið kennd í neðstu bekkjum
menntaskóla í ensku. Sagan hefur
áður verið kvikmynduð, nánar til-
tekiö 1963 undir stjórn Peters Bro-
ok, og þótti þá hörkugóð. Þessi end-
urgerð bætir svo sem engu við
meistaraverk Goldings en líður
heldur ekkert fyrir samanburð af
neinu tagi við eldri myndina.
Styrkur myndarinnar liggur í
vandlegri uppbyggingu þar sem
aðeins lítillega er vikið frá upprun-
anum og sagan færö örlítið til nú-
tímans. Drungalegur siðaboðskap-
urinn missir ekki slagkraft sinn við
þá meðferð og því í rauninni ekk-
ert nema gott um þessa kvikmynd
að segja. -Pá
Geimverur í heimsókn
COMMUNION
Leikstjóri og framleiöandi: Philippe
Mora
Handrit: Whitley Strieber eftir eigin sögu
Aðalhlutverk: Christopher Walken,
Lindsay Crouse, Frances Sternhagen,
Andreas Katsulas, Terri Hanauer og
Joel Carlson
Amerisk - 1990
CtíRfSTOPfiER V>AI k?\
COMMUNION
Sýningartimi - 105 minútur
Bönnuö innan 12 ára
Þetta er skrýtin saga um rithöfund
sem er ofsóttur af einkennilegum
verum utan úr geimnum sem rann-
saka hann eins og við myndum
rannsaka maur undir smásjá. Eins
og fara gerir verður rithöfundur-
inn hálfruglaður af þessum sökum
og við fáum að fylgjast með hinum
ýmsu fiölskylduárekstrum í kjölfar
þessa og meðferð skríbentsins hjá
sálfræðingi.
Gallinn er sá að þetta er litlaus
saga og botnlaus. Strieber sem
skrifaði handritið eftir eigin sögu
mun halda því fram að hér sé um
raunverulega atburði að ræða sem
hann hafi sjálfur upplifað. Hvaö
sem því líður þá rennur myndin
einhvern veginn út í sandinn og
lognast út af í ekki neitt.
Eini ljósi punkturinn er leikur
Walkens í aðalhlutverkinu en jafn-
vel hann nær ekki að láta ljós sitt
skína í þessu svartnætti tómleik-
ans. .pá