Dagblaðið Vísir - DV - 09.11.1991, Side 22

22
LAUGARDAGUR 9. NÓVEMBER 1991.
Kanaútvarpið fjörutíu ára:
„Hérhef ég alltaf
kunnað við mig“
- segir Sigurður Jónsson yfírmaður sem byggt hefur upp stöðina og er ráðgefandi fyrir herstöðvar víða mn heim
„Ég hóf störf hér í bragganum fyrir
rúmum þrjátíu árum, árið 1959. Þá
var ég nýkominn heim frá Banda-
ríkjunum þar sem ég var í tækni-
skóla. Reyndar var ég búinn að ráða
mig hjá tölvufyrirtæki ytra og ætlaði
því aðeins að stoppa stutt hér. Ég
hafði menntað mig í útvarps- og sjón-
varpstækni. Þar sem ég vissi af stöð-
inni hér langaði mig að skoða hana.
Þeir buðu mér hins vegar strax
vinnu sem var reyndar íjarri mér
þá,“ segir Sigurður Jónsson, fram-
kvæmdastjóri útvarps og sjónvarps
á vellinum, þegar helgarbiaðið fór í
heimsókn í stöðina sl. fimmtudag.
Sigurður þykir mikill tæknisnill-
ingur og hefur byggt upp stöðina
nánast frá grunni og verið óspar á
að finna upp nýjungar á því sviði.
Kunnátta Sigurðar hefur spurst út
því árið 1989 var hann gerður að ráð-
gjafa herútvarps og sjónvarps í allri
Evrópu og er fyrsti útlendingurinn
sem gegnir slíku embætti.
Næsta fóstudag, 15. nóvember,
verður haldið upp á afmæli í eina
bragganum sem eftir er á Keflavíkur-
velli. Bragginn sá hefur í fjörutíu ár
hýst útvarp varnarliðsmanna, Kana-
útvarpið, sem æska landsins lá yfir
í fjölda ára. í dag eru í bragganum
fimm útvarpsstöðvar og miðstöð
fjórtán sjónvarpsrása. Að öllu þessu
hafa fimm þúsund manns, sem búa
á vellinum, aðgang. Þó að bragginn
láti ekki mikið yfir sér þar sem hann
stendur einn og yfirgefmn er hann
búinn svo fullkomnum tækjum að
furðu vekur.

Sérstakt
leyfisbréf gefiö út
Fyrir nákvæmlega fjörutíu árum
var aðeins ein stöð á vellinum og hún
náði ekki út fyrir svæðið. Sú stöð var
aðeins 25 vött. 1. maí 1952 var hins
vegar sett upp sterkari stöð, 250 vött,
sem náði um allt Suðurland. Þá var
gefiö út sérstakt leyfisbréf, undirrit-
að af Jónasi Þorbergssyni útvarps-
stjóra. Allir íslendingar þekkja
Kanaútvarpið og margir muna eftir
Kanasjónvarpinu. Það olli talsverð-
um deilum meðal manna í lok sjö-
unda áratugarins eða stuttu eftir að
íslenska sjónvarpið hóf göngu sína.
Þá var lokað fyrir útsendingar Kana-
sjónvarps utan vallarins.
Sigurður segist vilja leiörétta mis-
skilning sem ríkt hefur í fjölmörg ár
varðandi lokunina. „Það voru ekki
þeir sextíu menn, sem skráðu sig á
lista, sem höfðu áhrif á lokunina,"
segir hann og gott að það geti komið
fram. „Herstöðvamar kaupa sjón-
varpsefni með því skilyrði að það sé
ekki notað í samkeppni við aðrar
stöðvar heldur í lokuðum stöðvum.
Þegar íslenska sjónvarpið hóf göngu
sína var því engin spurning um að
loka þyrfti fyrir útsendingar utan
vallai' því herinn mátti ekki fara í
samkeppni við það,“ segir Sigurður.
Nú hefur völlurinn verið kapal-
lagður og hermenn og aðstandendur
þeirra geta valið um fjórtán sjón-
varpsstöðvar. Þar á meðal eru tvær
sem búnar era til á vellinum, fyrir
utan textavarp og veðurrás. Auk
þess hefur völlurinn fimm útvarps-
rásir, þar af fjórar á FM.
Sigurður Jónsson hefur unnið mikið afrek i uppbyggingu útvarps- og sjónvarpsstöðva fyrir bandaríska herinn og fengið verðlaun fyrir. Hér er hann ásamt
útvarpsstjóranum á vellinum, Thomas E. Jones. — DV-myndir Gunnar V. Andrésson
Brautryðjandi
á sínu sviöi
Segja má að Sigurður Jónsson sé
brautryðjandi á íslandi í sjónvarps-
rekstri. Hann kom upp litsjónvarpi á
vellinum árið 1974. Og í næsta mán-
uði verður byrjaö á stereosendingum
þar. Sigurður sá um tengingu stöðv-
arinnar við gervihnattasjónvarp árið
1983 og hannaði stjórnkerfi sem gerir
kleift að sjónvarpa á tveimur rásum
samtímis. Um þessar mundir er Sig-
urður að hanna nýja klippitækni.
Árið 1989 hlaut Sigurður eftirsótt
verðlaun er hann var valinn „fjöl-
miðlamaöur ársins" samkvæmt út-
nefningu bandarískra útvarps- og
sjónvarpsstöðva. Verðlaunin heita
Tom Lewis-verðlaunin og eru veitt
árlega þeim er þykir skara fram úr
á þessu sviði. Þetta er æösta viður-
kenning sem starfsmönnum Banda-
ríkjahers getur hlotnast. Þá þegar
var búið að gera Sigurð að sérstökum
tæknilegum ráðgjafa um rekstur út-
varps- og sjónvarpsstöðva flotans í
Evrópu, á Nýfundnalandi og á
Bermúdaeyjum.
„Það má segja að ég sé nokkurs
konar lykilmaður þar sem skipt er
um menn í öllum stöðum á þriggja
ára fresti en ég er hér alltaf,“ segir
Sigurður. Auk Sigurðar hefur Teitur
Albertsson tæknimaður starfað hjá
stöðinni nánast jafnlengi og nýlega
hóf störf Friðrik Haraldsson tækni-
maður.
Undirbjó litsjónvarp
og kapalvæðingu
Hermennimir sjá síðan um dag-
skrá. Einn fréttamaður sér um að
senda fréttir út í útvarpi. Hann fer
út og aflar þeirra, klippir og sendir
út. I sjónvarpinu er hálftíma frétta-
Þrir íslenskir tæknimenn vinna hjá Kanaútvarpinu. Sigurður Jónsson og Fréttamaður Kanaútvarpsins les fréttir sem hann hefur aflað sjálfur.
Teitur Albertsson hafa báðir starfað þar í rúm þrjátíu ár en Friðrik Haralds-
son hóf nýlega störf.