Dagblaðið Vísir - DV - 22.02.1992, Page 11

.seet HAUÍtHÍTí ,SS ÍIUOAOHAOUAJ
LAUGARDAGUR 22. FEBRÚAR 1992.
Bjami Arason vill syngja með stórhljómsveit vestra:
Gömlu lögin
eiga best viö mig
Bjami Arason syngur um Karen í Söngvakeppni Sjónvarpsins. Bjarni vann karaoke-keppni með gamla góða
„My way“ og hefur hug á að syngja með stórhljómsveit í Bandarikjunum síðar. DV-mynd Brynjar Gauti
„Mér líkar langbest við allt þetta
gamla í tónlistinni og sú tónlist á
best við mig sem söngvara. Söngv-
arar eins og Elvis Presley og Tom
Jones eru í miklu uppáhaldi hjá
mér. Ég er farinn að huga að nýrri
plötu og geri ráð fyrir að hún verði
í gamla stílnum með rokkabillí-
tónlist eða slíku. Það er mikill áhug
á gamla rokkinu hér eins og aðsókn
að rokksýningum með gömlu lög-
unum sýnir. Gömlu rokklögin lifa
lengst meðan tískusveiflur eins og
hipp-hopp, break og fleira dettur
upp fyrir og gleymist. Það eru um
200 ár síðan Mozart samdi sína
tónlist og ég er sannfærður um að
gamla rokkið verður ekki gleymt
að 200 árum liðnum," sagði Bjami
Arason söngvari í samtali við DV.
Bjarni tekur þátt í Söngvakeppni
Sjónvarpsins sem fram fer í kvöld
og syngur þar lagið Karen. Þetta
er í annað skipti sem Bjarni er með
í söngvakeppninni en í fyrra skipt-
ið, 1988, söng hann lag Jakobs
Magnússonar, Aftur og aftur.
Bjarni hefur ekki verið mikið í
sviðsljósinu síðustu misserin en þó
tekið þátt í rokksýningum á Hótel
íslandi og sungið inn á lög fyrir
safnplötur.
Keppnin í kvöld verður send út í
beinni útsendingu, söngvaramn
þurfa ekki að „míma“ (hreyfa var- i
irnar með) eins og síðast þegar
Bjarni var með.
„Þetta leggst mjög vel í mig núna.
Það er allt annað að syngja „live“
en að „míma“. Það er náttúrlega
mikið stress í kringum þannig
þætti en menn verða bara að gera
sér grein fyrir því að ef þeir geta
ekki sungið „live“ í beinni útsend-
ingu í sjónvarpssal geta þeir varla
sungið á sviðinu í úrslitakeppninni
í Svíþjóð."
Harður bransi
Bjarni vakti fyrst verplega at-
hygli þegar hann vann í Látúns-
barkakeppni Stuðmanna sumarið
1987. Árið eftir söng hann í hljóm-
sveitinni Búningunum, ásamt Lát-
únsbarka þess árs, Amari Frey
Gunnarssyni. Það ár sendi Bjarni
frá sér sólóplötuna Þessi eini þarna
sem fékk þokkalegar viðtökur. Síð-
an hefur lítið borið á Bjama. Af
hverju?
„Ég ákvað að draga mig út úr
þessum bransa. Ég var aðeins á
sextánda aldursári þegar'ég vann
í Látúnsbarkakeppninni og fannst
ég alls ekki tilbúinn að takast á við
jafn harða og miskunnarlausa at-
vinnu. Nú hef ég fengið tíma til að
ná betur áttum og finnst ég betur
undir þetta búinn.“
Bjarni vann við ýmis störf eftir
að hann dró sig í hlé, var til dæmis
sendibílstjóri um tíma og vann við
dagskrárgerð á Aðalstöðinni. Hann
sleit aidrei tengslin við tónlistina
og komst aftur í fréttimar þegar
hann sigraði í karaoke-söngkeppni
útvarpsstöðvanna.
Karaoke í Newcastle 1
„Útvarpsstöðvamar ákváðu að |
reyna með sér í karaoke-söng og t
mátti hver stöð senda tvo keppend- |
ur.ÉgfórfyrirAðalstöðinaogvann |
keppnina með laginu My way sem 1
Frank Sinatra hefur gert ódauð-
legt. í verðlaun var ferð fyrir tvo á
stóra karaoke-keppni á vegum
bjórverksmiðju í Newcastle í Eng-
landi. Keppendur komu alls staðar
að en voru þó aðallega breskir. Þar
söng ég My way aftur og sigraöi.
Þetta var mjög skemmtilegt."
- Hvernig er fyrir atvinnusöngv-
ara að syngja í karaoke?
„Það er náttúrlega allt ööruvísi
en að syngja á sviði en mjög
skemmtilegt. Þá uppgötvast ágætis
söngvaraefni í karaoke."
Vestur um haf?
Bjarni hefur verið að kanna
möguleikana á að fá að syngja með
stórhljómsveit „big band“ í Banda-
ríkjunum. Hefur hann notið að-
stoðar konu sem búið hefur þar
ytra í 30 ár og þekktir hljómsveitar-
stjóra slíkrar hljómsveitar. Þau
áform segir hann ekki tengjast ár-
angri hans í karaoke-keppnum.
„Þetta er ekki hljómsveit í Glenn
Miller stílnum heldur meira í ætt
við Presley og Tom Jones. Þeir
hafa báðir notast mikið við stór-
hljómsveitir. Hugmyndin er að
spila á skemmtistöðum og í klúbb-
um en þetta er allst svo óljóst enn-
þá að ég vil sem minnst um það
segja. Ég lifi af söngnum í dag en
hef áhuga á að gera það til fram-
búðar.“
Bjarni var á kafi í undirbúningi
fyrir söngvakeppnina þegar DV
ræddi við hann. Hann vildi engu
spá um hvernig laginu Karen
gengi, sagðist ætla að gera sitt
besta. Meira væri ekki hægt að
gera. Það væri síðan þjóðarinnar
að dæma.
-hlh
FJOLSKYLDUBILL A FINU VERÐI
Lada Samara er ódýr og sparneytinn 5 manna
fjölskyldubíll sem hentar vel bæði innanbæjar og í
ferðalagið. Hann er léttur í stýri og þýður í akstri.
Farangursrýmið má stækka til muna efaftursæti er
velt fram. Lada Samara er framhjóladrifinn og er
fáanlegur bæði með 1300 cnf og 1500 cm3 vél.
Hægt er að velja um 3 eða 5 dyra bíl.
1LADA SAMARA

BIFREIÐAR & LANDBUNAÐARVELAR HF.
Ármúla 13108 Reykjavík Símar 6812 00 & 312 36