Dagblaðið Vísir - DV - 09.10.1993, Qupperneq 10

10
LAUGARDAGUR 9. OKTÓBER 1993
Helgarferðir til útlanda:
Vonandi bara afþreying
- segja íslenskir kaupmenn sem aetla að mæta samkeppninni
Helgarferðirnar til nálægra borga
eru hafnar og liggur við að færri
komist í þær en vilja. Sums staðar
er landinn boðinn velkominn á ís-
lensku á borðum sem strekktir hafa
verið upp í verslunarmiðstöðvum.
Menn geta jafnvel átt von á því að
vera ávarpaðir á íslensku. Hin
heimsfræga herrafataverslun Slater
í Glasgow hefur í hyggju aö ráða ís-
lending til afgreiðslustarfa til að get-
að þjónað íslendingum sem best.
Þegar tískuverslunin Vero Moda á
Laugaveginum var opnuð í mars síð-
astliðnum og tískuverslunin Blu di
blu í júní var talað um byltingu í
sölu á tískufatnaði fyrir islenskar
konur. Nú þyrftu þær ekki lengur
að fara til útlanda til að fata sig upp
þar sem þær fengju fatnaðinn fyrir
sama verð hér heima. íslenskir kaup-
menn eru ekkert yfir sig hrifnir af
verslunarferðum til útlanda.
Vonandi
bara afþreying
„Maður vonar að fólk sé ekki bara
að fara til að versla heldur frekar til
að lyfta sér upp. Það er kannski kom-
in einhvers konar hefð á haustferðir.
Það væri verra ef fólk væri að koma
heim með töskur fullar af fatnaði
sem hægt er að kaupa hér á sama
verði. Það versta er að það getur
skapást atvinnuleysi hér heima.ef
íslendingar kjósa heldur að gera inn-
kaup erlendis," segir Margrét Jóns-
dóttir, eigandi Vero Moda.
„Það hafa margir sagt mér frá því
að þeir haíi ekki þénað á því að kaupa
erlendis nákvæmlega sömu vöru og
ég sel. Ég veit að ég kem betur út en
Vero Moda verslanir í Kaupmanna-
höfn og Stokkhólmi og ég er sann-
færð um að ég kem betur út en Vero
Moda verslanir á írlandi en ég hef
reyndar ekki látið kanna það,“ bætir
hún við.
Margrét hefur opnað þrjár tísku-
verslanir frá því í mars síðastliðnum
og er ánægð með að geta boðið tísku-
varning á góðu verði samtímis því
sem skapast hefur atvinna fyrir fleiri
við sölu á vamingnum.
Alþjóðlegt
verðhérheima
„íslenskar konur ættu aö njóta
helgarferðanna til útlanda til að
skoða borgirnar og hafa það huggu-
legt og sleppa búðarápinu," segir
Unnur Gunnarsdóttir, einn eigenda
„Það kom stundum fyrir hér fyrr á árum að fólk kom i verslunina mína og bað mig að selja fyrir sig flíkur sem
það hafði keypt erlendis en pössuðu svo ekki,“ segir Margrét Jónsdóttir, eigandi Vero Moda og Jack & Jones.
Helga Ólafsdóttir, verslunarstjóri í Blu di Blu.
Blu di Blu tískuverslunarinnar sem
var opnuð i júní síðastliðnum við
hlið Vero Moda á Laugaveginum.
„Fólk getur keypt sér fatnað á sama
verði hér heima og erlendis. Það þarf
ekki að leita annað til að versla. Úr-
valið er alveg nóg hér. Það er á
heimsmælikvarða og á alþjóðlegu
verði,“ leggur Unnur áherslu á.
„Það er ekki heilbrigt hvernig fólk
hefur látið hingað til. Maður sá gal-
tómar töskur skoppa á gólfinu á
Keflavíkurflugvelli áður en fólk fór
utan. Svo þegar fólk kom heim voru
DV-myndir Brynjar Gauti
töskurnar rifnar og band utan um
af því að þær voru svo úttroðnar. Það
er heldur engin sanngirni í því að
kaupmenn á íslandi borgi virðis-
aukaskatt á meðan almenningur,
sem kemur úr verslunarferðum, fær
hann endurgreiddan áður en komið
er heim.“
Þær Unnur og Margrét segjast full-
vissar um að þær selji vörur á verði
sem er sambærilegt við það sem ger-
ist erlendis.
íslenskar konur hafa þó lýst því
yfir að þó svo að nú sé hægt að fá
vörur á betra verði en oft áður sé
úrvalið ekki nóg. Þær vilji ekki rek-
ast á aðra hverja manneskju í sams
konar fatnaði og þær sjálfar hafa
keypt sér.
Lækka verð
og auka úrval
Hagkaupsmenn, sem ákváðu að
kanna með eigin augum hvað fatnað-
ur kostar í nokkrum þeirra borga
sem íslendingar sækja heim í haust,
ráku sig á að úrvalið af kvenfatnaði
í verslunum þeirra hér heima er ekki
nóg.
„í dömufatnaðinum komum við
ekki nægilega vel út miðað við Du-
blin, Newcastle og Glasgow," segir
Þorbjörn Stefánsson, innkaupastjóri
hjá Hagkaupi. „Við höfum verið að
kaupa meiri breidd, minna magn og
haft örari skipti. En við sáum að við
þurfum að gera meira að þessu og
bjóða þá upp á meiri breidd á hverj-
um tíma til að mæta kröfum kvenn-
anna. í sumum tilvikum er verðiö
hagstæðara á ákveðnum liðum og við
þurfum bara að keppa við það.
Við komum til með að lækka verð
á þessum liöum. Við munum einnig
leggja meiri vinnu í að geta keypt
hagstæðar inn. Við höfum litið á
verslanir erlendis sem samkeppnis-
aðila okkar því íslendingar ferðast
mikið og við verðum að standa okkur
miðað við verslanir erlendis," segir
Þorbjöm.
„Viö teljum okkur koma vel út í
samkeppni í barnafatnaðinum. Ef við
berum saman hliðstæðar vörur hvað
varðar gæði erum við nokkuð sam-
keppnisfær. Ef við tökum herradeild-
ina era gæðin nokkuð svipuð og fatn-
aðurinn er tískulegur. Aftur á móti
er herrafataverslun í Glasgow, Slater
verslunin, sem býður upp á gífurlegt
úrval af jakkafótum og stökum jökk-
um. Við getum engan veginn keppt
við svona verslun í úrvali. En við
getum keppt við hana í verði á
ákveðnum vöruhðum," bendir Þor-
björn á. Hann tekur það fram að
ekki þýði að líta á ísland sem sér-
markað. Það verði að líta á heildina.
-IBS
Eigandi stærstu herrafataverslunar í heimi:
Vill ráða til sín
íslenskan starfsmann
- segir það ,,þægilegra" fyrir Islendinga
„Við vorum meö íslenska stúlku
í vinnu, hana Grétu, en síðan hún
fluttist suður á bóginn ásamt
skoskum eiginmanni sínum höfum
viö verið að leita að öðrum íslend-
ingi til að taka við af henni. Best
væri að komast í samband við ís-
lenskan námsmann í Glasgow sem
gæti verið hér í hlutastarfi og að-
stoðað okkur. íslendingum finnst
svo þægilegt að hafa íslenskumæ-
landi afgreiðslufólk," sagði Ralph
Slater í samtali við DV en hann er
eigandi herrafataverslunarinnar
Slater í Glasgow sem er stærsta
herrafataverslun í heiminum í dag.
Sem dæmi um umfangið má
nefna að í þessari einu verslun í
Glasgow eru seld 2.700 jakkafót í
hverri viku en verslunin er einnig
með nokkur útibú annars staðar í
Skotlandi. „Við leggjum áherslu á
lágt vöruverð sem við náum með
hagstæðum innkaupum, en við
kaupum inn mikið magn í einu.
Við reynum einnig að vera með
fjölbreytt vöruúrval, þ.e. eitthvað
fyrir alla aldurshópa," sagði Slater
sem hefur mikið dálæti á íslending-
um og segir þá sína bestu viðskipta-
vini.
Sjálfur er Slater orðinn rúmlega
sjötugur og sonur hans og dóttir
I stærstu herrafataverslun í heimi, Slater-versluninni i Glasgow, geta
íslendingar átt von á að vera ávarpaðir á íslensku.
hafa að miklu leyti tekið viö rekstr-
inum. „Unga fólkið kaupir inn fyrir
mig, ég er orðinn of gamall tO að
fylgjast með tískunni," segir hann.
Hann byrjaði með litla verslun í
hluta af þessu sama húsnæði fyrir
fjölda mörgum árum og færði
smátt og smátt fært út kvíarnar þar
til hann hafði lagt undir sig tvær
hæðir í öllu húsinu, sem er mjög
stórt, enda verslunin oröin sú
stærsta sinnar tegundar í heimin-
um.
-ingo