Dagblaðið Vísir - DV - 09.01.1996, Blaðsíða 6

6
ÞRIÐJUDAGUR 9. JANÚAR 1996
Fréttir
Fiskverkafólk á Flateyri:
Borgar fyrir afnot
af vegavinnuskúrum
- hef ekki heyrt neinar óánægjuraddir, segir framkvæmdastjóri Kambs
DV, Akureyri:
Fiskverkafólki sem starfar hjá
Fiskvinnslu Kambs hf. á Flateyri er
gert að greiða eitt þúsund krónur á
viku fyrir afnot af vegavinnuskúr-
um sem eru í eigu Landsvirkjunar.
Talsverð ólga mun vera meðal
þeirra sem búa í þessum vegavinnu-
skúrum, enda hafi Flateyrarhrepp-
ur fengið skúrana endurgjaldslaust
frá Landsvirkjun.
Landsvirkjun lánaði vegavinnus-
kúrana til Flateyrar í kjölfar hörm-
ungaratburðanna þar í haust, en
sveitarstjómin á Flateyri lét Kamb
hf. siðan hafa skúrana endurgjalds-
laust, og fiskverkafólkinu finnst það
skrýtið að þurfa að borga fyrir að fá
að sofa í skúrunum.
„Það þarf að bera kostnað af þess-
um húsum, m.a. þarf að hita þau
upp og þess vegna er þessi leigu-
kostnaður til kominn. Fyrirtækið er
ekki að græða neitt á þessu því raf-
Fiskverkafólki Kambs á Flateyri er gert að greiða 1000 krónur á viku fyrir afnot af vegavinnuskúrum í eigu
Landsvirkjunar. DV-mynd Guðmundur
magnið er ekki ókeypis hérna og
fólk þarf að borga húsaleigu hvort
sem það býr í heimahúsnæði eða í
öðru húsnæði," segir Magnea Guð-
mundsdóttir, oddviti á Flateyri.
Hinrik Kristjánsson, fram-
kvæmdastjóri Kambs, segir það í
hæsta máta eðlilegt að fólk greiði
fyrir afnot af vegavinnuskúrunum,
enda sé búið að leggja í kostnað við
að gera þar vistlegt. „Ég hef ekki
heyrt óánægjuraddir minna starfs-
manna vegna þessa fyrirkomulags.
Við erum með fimm önnur hús þar
sem fólk býr og tökum þúsund krón-
ur í leigu á viku. Þama höfum við
komið upp eldhús- og hreinlætisað-
stöðu, setustofu með sjónvarpi og
við leggjum til öll áhöld í þessar
vinnubúðir. Ég sé ekki hvernig það
er framkvæmanlegt að fólk sem
þama býr greiði ekki fyrir það eins
og gert er í öðrum verbúðum okk-
ar,“ segir Hinrik.
-gk
Hægt aö taka upp á tuttugu kassettur í einu:
Bannað að mynda
hljóðverið í Lang-
holtskirkju
„Þetta er bara venjulegt hljóðver
en ég leyfi ekki að það sé myndað,“
sagði Guðmundur E. Pálsson, for-
maður sóknarnefndar í Langholts-
sókn, við DV í gær eftir að ljós-
myndari blaðsins kom' að læstum
dyrum í Langholtskirkju í gær er
hann hugðist mynda hljóðverið.
Starfsmaður kirkjunnar bannaði
einnig myndatökur en vísaði á for-
mann sóknamefndar, hann einn
gæti leyft slíkt.
í Langholtskirkju er hljóðkerfi
sem Stefán Guðjohnsen hljóðtækni-
fræðingur hannaði og digitalhljóð-
ver þar sem hægt er að taka upp á
20 kassettur i einu. Ríkisútvsfrpið
keypti kerfi af sömu tegund síðar.
Stefán seldi einnig hluta af tækja-
búnaði til kirkjunnar á sínum tima.
Hann hefur hannað hljóðkerfi í
margar kirkjur, einnig Perluna,
Leifsstöð og fleiri staði. Stefán
Guðjohnsen er í stjórn orgelsöfnun-
arnefndar Langholtskirkju ásamt
Ólöfu Kolbrúnu Harðardóttur og
Jóni Stefánssyni.
Jón Stefánsson telur að hljóðver-
ið hafi borgað sig upp. Af því komi
tekjur og einnig af útleigu sala
kirkjunnar. -ÞK
Guðmundur E. Pálsson, formaður
sóknarnefndar Langholtssóknar.
Hann bannar að hljóðverið í kirkj-
unni sé myndað. DV-mynd GS
Fær Björk Grammy-
verðlaunin?
Hin árlegu Grammy-verðlaun
fyrir tónlistarflutning verða af-
hent þann 28. febrúar í Shrine
Auditorium í Los Angeles. Meðal
þeirra sem tilnefnd er til Grammy-
verðlauna er Björk Guðmunds-
dóttir. Það er fyrir flutning henn-
ar á plötunni Post og er hún í
flokki tónlistarmanna sem feta
ekki troðnar slóðir.
Björk mun þar eija kappi við Foo
Fighters, Pj Harwey, Nirvana og
The Presidents of the United States
of America. Þeir tónlistarmenn
sem tilnefndir eru til flestra verð-
launa eru Mariah Carey og Alains
Morisette. Carey meðal annars fyr-
ir bestu plötuna og bestu söngkon-
una en Morisette fyrir besta nýja
tónlistarmanninn. DÓ
íslensk ígulker og SH:
Ætla aö sækja inn
á markaöinn meö
fullunna rækju
DV, Suðurnesjum:
„Við munum eingöngu vera
með vinnslu á rækju til að byrja
meö. Viö reiknum með aö fúll-
vinna tvö tonn á dag í neytenda-
pakkningar sem fara síðan beint í
verslanir og veitingahús í Japan,“
sagöi Ellert Vigfússon, annar eig-
enda íslenskra ígulkera í Njarð-
vík, í samtali við DV.
íslensk ígulker hafa átt sam-
starf við Sölumiðstöð hraðfrysti-
húsanna við undirbúning og stofn-
un rækjuvinnslu. Þetta er sam-
starfsverkefni þeirra og SH.
Eigendur íslenskra ígulkera
hafa ákveðið að rækjuvinnslan
verði í sama húsnæði og ígulkera-
vinnslan. Nýttur verður annar af
tveimur vinnslusölum fyrirtækis-
ins undir rækjuvinnsluna. Hann
er 600 m2 aö stærð og hefur salur-
inn staðið ónotaður um skeið.
Stefnt er að því að hefja rækju-
vinnsluna þegar ígulkeravertíð
lýkur í byrjun maí: Þeir 30-40
starfsmenn sem vinna við ígulker-
in fá vinnu áfram við rækjuna.
Þegar ígulkeravertíöinni lauk
áður voru starfsmenn atvinnu-
lausir frá maí til september en þá
hefst ígulkeravertíðin aftur. Ellert
telur að 70-100 manns fái vinnu
við rækjuvinnsluna þegar hún er
komin á fullt skrið.
„Rækjan hefur verið flutt óunn-
in úr landi í talvert miklu magni.
Við ætlum að sækja inn á markað-
inn með fullunna rækju,“ sagði
Ellert Vigfússon sem segir að ýms-
ir aðilar hafi áhuga að gerast hlut-
hafar í rækjuvinnslunni.
Ofbeit vegna hrossa:
Erfitt aö fá hross til
slátrunar á vorin
„Frá aprílbyrjun til júlíloka und-
anfarin tvö ár hefur verið erfitt að
fá hross til útflutnings,“ segir Aron
Reynisson, markaðsstjóri Sölumið-
stöðvar hraðfrystihúsanna. Mikið
hefur verið rætt um ofbeit á íslandi
og að hrossin í landinu séu að ganga
endanlega frá því. Fækka þarf
hrossum um helming að margra
áliti en framboð er afar lítið til út-
flutnings á hrossakjöti frá apríl til
júli.
Ástæðuna fyrir því að erfitt reyn-
ist að fá hross til útflutnings segir
Aron vera að hrossin gangi úti nán-
ast allt árið og séu orðin horuð á
vorin. Bændur þurfa að halda
hrossunum á góðum fóðrum til þess
að þau henti til sölu.
„Á vorin eru mörg hrossanna
orðin mögur og þess vegna viija
bændur ekki senda þau í sláturhús.
Að vísu er þeim gefið úti en það er
mjög takmarkað sem menn eiga af
heyjum og stundum verða bændur
uppiskroppa. Hrossin verða út und-
an ef hey eru lítil og horast þvi nið-
ur fyrr en ella. Hrossin eru i svo lé-
legu ásigkomulagi að bændur
treysta sér ekki með þau í sláturhús
á þessum tíma. Þeir fá minna fyrir
hrossin ef þau eru horuð en allt
snýst þetta líka um markaðsverðið.
Bændur eru fyrst og fremst að
rækta reiðhesta og verðið, sem er
greitt fyrir hesta í sláturhúsi, stend-
ur ekki undir kostnaðinum af því
að fóðra hrossin," segir Aron.
-em