Dagblaðið Vísir - DV - 09.01.1996, Side 8

8
ÞRIÐJUDAGUR 9. JANÚAR 1996
Útlönd
Norðaustanverð Bandaríkin:
Samgöngur lamaðar
vegna mikils fannfergis
Bandarískar ríkisstofnanir voru
lokaðar annan daginn í röð í dag
vegna fannfergis á norðaustur-
strönd Bandaríkjanna. Flugvellir
voru lokaðir og raskaðist því flug
víða um Bandaríkin. Neyðarástandi
hefur verið lýst yfir í átta ríkjum.
í Fíladelflu sló snjókoman öll met
þar sem 75 sentímetra nýfallinn
snjór var í gær. í Central Park í
New York var snjódýptin yfir hálfur
metri. Sums staðar í borginni var
snjórinn enn dýpri og að sögn Giuli-
anis borgarstjóra er snjókoman nú
sú mesta í sögu borgarinnar. Lestar-
samgöngur í New York og samgöng-
ur strætisvagna lágu nánast niðri í
New York. Margir borgarbúa
renndu sér á gönguskíðum til að
komast leiðar sinnar. Skólar voru
lokaðir og því freistuðu sleðaferðir
margra í Central Park.
Alls hafa 38 manns látist af völd-
um veðrahamsins. Margir létust í
bílslysum eða fengu hjartaáfall við
snjómokstur. Fimm ára drengur í
New York er í lífshættu eftir að hafa
orðið fyrir snjóplóg sem faðir hans
ók. Foreldrar átta ára drengs, sem
bjargað var í New York frá meint-
um mannræningja, voru stranda-
glópar í St. Louis vegna veðursins
og varð því ekki strax af endur-
fundi. Lögreglan hafði fundið dreng-
inn eftir að auglýst hafði verið eftir
honum í sjónvarpsþætti.
Á meðan New York-búar og aðrir
á norðausturströndinni skulfu úr urhluta Kaliforníu. Þar var hitinn þessum árstíma í þrjá áratugi.
kulda svitnuðu landar þeirra í suð- 30 stig og hefur ekki verið hærri á Reuter
New York-búar spenntu á sig skíði til að komast leiðar sinnar.
Símamynd Reuter
Flugslysiö í Zaire:
Talið að rússneska flug-
vélin hafi verið ofhlaðin
Trúr þremur
konum
Fram til síðustu stundar var
Mitterrand trúr þremur konum,
eiginkonunni Danielle, lagskon-
unni Anne Pingeot og dóttur
þeirra Mazarine sem er tvítug.
Mitterrand eyddi jólunum í
Aswan í Egyptalandi með Anne
og Mazarine. .
Forsetinn fyrrverandi fagnaði
hins vegar nýju ári með eigin-
konunni og sonum þeirra Gil-
bert og Jean-Christophe og öðr-
um nánum ættingjum í Latche í
suðvesturhluta Frakklands.
Mitterrand lést í íbúð í eigu
stjórnvalda sem var við hlið
skrifstofu hans nálægt Eiffel-
turninum. Eiginkona Mitt-
errands hélt heimili í íbúð
þeirra í Latínuhverfinu. Reuter
Rannsókn er nú hafin á flugslys-
inu í Zaire er rússnesk flutningavél
hrapaði á fjölfarinn markað i Kins-
hasa, höfuðborg landsins. Að
minnsta kosti 250 manns fórust er
vélin hrapaði á markaðinn. Flest
fórnarlambanna voru konur og
böm.
Vélin plægði jörðina um 100
metra eftir markaðnum áður en
hún stöðvaðist. Brak úr vélinni
dreifðist um allt svæðið og fólk
- 250 manns fórust
hljóp um skelfingu lostið og leitaði í
örvæntingu að ættingjum og vinum.
Vélin var á leið frá Ndola-flugvell-
inum sem er skammt frá markaðn-
um og komst aðeins í nokkra metra
hæð.
Samgöngumálaráðherra Zaire
kvaðst þeirrar skoðunar að flugvél-
in hefði verið ofhlaðin. Ofursti í
flughernum í Zaire, sem var á flug-
vellinum er slysið átti sér stað,
sagði að svo hefði virst sem.vélin
hefði verið ofhlaðin og þess vegna
ekki náð hæð.
Fjórir flugliðar lifðu slysið af en
tveggja er saknað. Ofsareiðir borg-
arbúar kröfðust hefnda og reyndi
hópur fólks að komast inn í sjúkra-
hús þar sem gert var að sárum flug-
liðanna.
Flugliðarnir voru fluttir á lög-
reglustöð og að sögn ríkissaksókn-
ara var það gert til þess að stofna
ekki öryggi þeirra í hættu. Reuter
Frangois Mitterrand:
Arkitekt evrópskrar einingar
Franpois Mitterrand, fyrrverandi
Frakklandsforseti, sem lést í gær-
morgun af völdum krabbameins,
hafði verið forseti í fjórtán ár er
hann lét af embætti á síðasta ári.
Hafði hann því setið í Elysée-höll-
inni lengur en nokkur annar forseti
lýðveldisins.
Ári áður en Mitterrand lét af
embætti lét hann þessi orð falla:
„Hugsið ykkur. Ungt fólk á aldrin-
um 15 til 20 ára hefur ekki séð ann-
an forseta. í þess sporum væri ég
orðinn ansi þreyttur."
Mitterrand fæddist í Cognachér-
aði 1916. Hann var fimmti í röðinni
af átta börnum stöðvarstjóra. Mitt-
errand lagði stund á laganám og
stjórnmálavísindi í París. Hann
barðist í síðari heimsstyrjöldinni og
var tekinn til fanga af Þjóðverjum.
Hann flúði fangabúðirnar og leitaði
athvarfs í Vichy þar sem leppstjórn
Þjóðverja var með aðsetur. í bók
sem rituð var 1994 kemur fram að
Mitterrand var vinur illræmds lög-
Mitterrand Frakklandsforseti lést af
völdum krabbameins sem greindist
fyrir tveimur árum. Símamynd Reuter
reglustjóra í Vichy og þótti ýmsum
sem miður fögur mynd hefði verið
dregin upp af forsetanum.
Stjórnmálaferill Mitterrands
spannaði hálfa öld. í upphafi ferils-
ins var hann á hægri væng stjórn-
málanna en varð síðar fyrsti sósí-
alistinn sem náði kjöri sem forseti.
Á árunum 1947 til 1958 gegndi
Mitterrand ellefu sinnum embætti
ráðherra. Hann vann lengi að
sameiningu vinstri manna og stofn-
aði Sósíalistaflokkinn árið 1971. Tíu
árum seinna sigraði Mitterrand Va-
léry Giscard d’Estaing í forseta-
kosningum og vinstri menn döns-
uðu á götum úti.
Mitterrand hafði boðað þjóðfé-
lagsbreytingar og sósíalisma. Fyrir-
tæki voru þjóðnýtt, útgjöld til fé-
lagslegra málefna stóraukin, sumar-
leyfi lengt og vinnuvikan stytt, lág-
markslaun hækkuð og eftirlauna-
aldur lækkaður. Dauðarefsing var
afnumin og dregið úr áhrifum ríkis-
ins á fjölmiðlun.
En verðbólga jókst og fjárlaga-
hallinn varð erfiður. Atvinnuleysi
varð talsvert og þrisvar varð að
fella gengi frankans á tveimur
árum.
Mitterrand breytti um stefnu og
einbeitti sér að ströngum aðhalds-
aðgerðum. Kommúnistar yfirgáfu
stjórnina þegar Mitterrand skipaði
Laurent Fabius forsætisráðherra.
Sósíalistar misstu þingmeirihluta
1986 og Mitterrand varð að sætta sig
við að deila völdum með hægrist-
jórn undir forystu Jacques Chiracs.
Eftir að hafa sigrað Chirac i forseta-
kosningum 1988 boðaði Mitterrand
til kosninga á ný og sósíalistar sigr-
uðu. Þeir héldu völdum til 1993.
Mitterrand lagði mikla áherslu á
samstarfið við Þýskaland og mótaði
ásamt Kohl kanslara framtíð Evr-
ópusambandsins. Aðspurður vildi
Mitterrand láta minnast sín sem
arkitekts evrópskrar sameiningar
og manns sem hélt uppi merki
Frakklands á alþjóðavettvangi.
Mitterrand ákvað að hætta kjarn-
orkutilraunum Frakka 1992. í eina
skiptið sem hann gaf út pólitíska
yfirlýsingu eftir að hann lét af emb-
ætti var það til að gagnrýna Chirac
fyrir að hefja tilraunir að nýju.
Reuter
Stuttar fréttir i>v
Skattl frestað
Franska ríkisstjórnin ætlar
að fresta um mánuð gildistöku
nýs skatts sem á að eyða hallan-
um á velferðarkerfi landsins.
Dini fastur fyrir
Lamberto Dini, forsætisráð-
herra Ítalíu, lét að því liggja í
gær. að hann ætlaði ekki að láta
af embætti nema þingið bolaði
honum burt.
Ræða saman á ný
Bill Clint-
on Banda-
ríkjaforseti
og leiðtogar
repúblikana
á þingi láta
óveðrið á
austurströnd
Bandaríkj-
anna ekkert á sig fá og ræddu
um leiðir tfl að koma böndum á
fjárlagahallann fyrir árið 2002
og varð nokkuð ágengt.
Óveður í Portúgal
Að minnsta kosti tveir týndu
lífi í úrhellisrigningu og roki í
Portúgal í gær.
Játar misgjörðir
Forseti Suöur-Kóreu hefur
játað á sig misgjörðir vegna fjár-
hagsstuðnings sem hann fékk
áður en hann tók við embætti
árið 1992.
Þrýstingur í Grikklandi
Sósíalistaflokkurinn í Grikk-
landi er undir þrýstingi frá
stjórnarandstöðunni um að
velja nýjan leiðtoga í stað Pap-
andreous forsætisráðherra sem
er fársjúkur.
Aftur í slippinn
Lech Wal-
esa, fyrrum
forseti Pól-
lands, íhugar
nú hvort
hann eigi að
taka aftur
upp fyrri
störf í skipa-
smíðastöðinni í Gdansk þar sem
hann var rafvirki áður en hann
hóf afskipti af verkalýðsbaráttu
og stofnaði Samstöðu.
Króatar snupraöir
Öryggisráð SÞ snupraði
Króata fyrir mannréttindabrot
gegn óbreyttum borgurum
Serba.
Hóta fjöldaflótta
Leið'togar Bosníu-Serba hafa
hótað að efna tO göldaflutninga
óbreyttra borgara ef ekki verður
orðið við kröfum þeirra um að
fresta afhendingu Serbahverfa í
Sarajevo.
í loftbelg
Bandaríkjamaður lagði af
stað umhverfis jörðina í loftbelg
í gær.
Loforð í Búrúndí
Sendimaöur SÞ segir að
stjórnvöld í Búrúndí hafi lofað
að veita starfsmönnum hjálpar-
stofhana vemd.
Afsögn í ísrael
Yfirmaður ísraelsku leyni-
þjónustunnar Shin Bet sagði af
sér í gær, þremur dögum eftir
að eftirlýstur palestínskur
sprengjumaður var drepinn.
Ofsótti Madonnu
Maður,
sem ofsótti
poppstjörn-
una
Madonnu og
hótaði að
skera hana á
háls ef hún
gengi ekki að
eiga hann, var fundinn sekur í
gær og á hann yfir höfði sér aUt
að tíu ára fangelsi.
Sigur í Gvatemala
Kaupsýslumaðurinn Alvaro
Arzu sigraði naumlega í forseta-
kosningunum í Gvatemala og
fékk rétt rúmt 51 prósent at-
kvæða. Reuter