Dagblaðið Vísir - DV - 13.02.1996, Blaðsíða 6

6
ÞRIÐJUDAGUR 13. FEBRÚAR 1996
Fréttir
Hjónin sem ekki fengu fæðingarorlof
Fá aðstoð
við umsókn
í Svíþjóð
- segir lögfræðingur Tryggmgastofnunar
„Við ætlum að aðstoða hjónin til
þess að sækja um fæðingargreiðslur
frá Svíþjóð. Við höfum spurst fyrir
um réttindi þeirra og munum skrifa
aftur fyrir þeirra hönd. Ef þau fá
synjun munu þau væntanlega áfrýja
því þar. Þau voru búsett í Svíþjóð
þegar barnið fæddist og falla því
undir sænsk almannatryggingalög,"
segir Hildur Sverrisdóttir, lögfræð-
ingur Alþjóðadeildar Trygginga-
stofnunar, í samtali við DV.
DV greindi frá hjónum í gær sem
segjast hvorki fá fæðingarstyrk né
orlof frá Sviþjóð né íslandi þar sem
þau bjuggu tímabundið í Svíþjóð.
Barn þeirra fæddist í Svíþjóð en til
þess að fá fæðingarorlof á íslandi er
nauðsynlegt að hafa búið hér í eitt
ár og fæða barnið hér á landi. Hjón-
in sóttu ekki um fæðingargreiðslur
í Svíþjóð áður en þau fóru þar sem
þau væntu þess að fá fæðingar-
greiðslur á íslandi.
„Ríkisborgararéttur skiptir engu
máli í þessu sambandi. Allir sem
eru búsettir hér og/eða hafa starfað
hér í meira en sex mánuði eru
sjúkratryggðir hér á landi,“ segir
Hildur. -em
Arkitektar mótmæla:
Starfsmenn
saka yfirvöld
um stefnuleysi
„Síðastliðin ár hefur embætti
Húsameistara tekið að sér. ákveð-
in þjónustuhlutverk fyrir ráðu-
neytin og ýmsar stofnanir þeirra.
Menntun og störf arkitekta miða
að því að þeir hafi yfirsýn yfir
alla helstu þætti hönnunar og
framkvæmda við byggingar. Arki-
tektar eru menntaðir til að sinna
störfum á sviði forhönnunar.
Arkitektafélag íslands hefur lýst
yfir stuðningi við þetta breytta
hlutverk embættis Húsameistara
ríkisins, eins og stefnt hefur verið
að af ríkisvaldinu undanfarin 2-3
ár,“ segir í yfirlýsingu frá starfs-
mönnum húsameistara.
Skref aftur á bak
Þar kemur jafnframt fram að
samkvæmt byggingarreglugerð sé
arkitekt skylt að annast heildar-
samræmingu allra hönnuöa sem
að verki koma og að starfssvið
hans krefjist innsæis á öðrum
verksviðum. í ljósi ákvörðunar
forsætisráðherra hins vegar um
að auka ekki þetta þjónustu-
hluverk húsameistara hafa starfs-
menn embættisins áhyggjur af
því hvernig hin einstöku ráðu-
neyti muni taka á þessum málum
í framtíðinni. Þeir telja ástæðu til
að ætla að ekki verði staðið fag-
lega að undirbúningi bygginga-
framkvæmda hjá hinu opinbera.
Með því að fækka starfandi arki-
tektum hjá ríkinu um nærri
helming sé því verið að stíga stórt
skref aftur á bak.
Vilja ekki leggja niður
heldur breyta
Arkitektafélag íslands lýsir
einnig yfir þungum áhyggjum
vegna málsins en félagið er þeirr-
ar skoðunar að ekki eigi að leggja
embætti húsameistara niður sem
slíkt.
„Þvert á móti bæri að efla og
leggja áherslu á þá þætti í starfi
stofnunarinnar er lytu að heildar-
yfirsýn, stefnumörkun, áætlana-
gerð, undirbúningi og stjórnun
hönnunarmála, með svipuðum
hætti og raunin hefur orðið hjá
embætti Skipulagsstjóra ríkis-
ins,“ segir í fréttatilkynningu frá
félaginu.
Félagið telur skipulag bygging-
armála ríkisins óskýrt og heildar-
sýn og markvissa stefnumótun
vanta. Það er þeirrar skoðunar að
taka verði byggingarmál ríkisins
til ítarlegrar endurskoðunar.
-brh
Seyðisfjörður:
Krafa um um-
hverfismat
DV, Seyðisfirði:
Hópur manna á Seyðisfirði hefur
sent skipulagsstjóra ríkisins, Stefáni
Thors, bréf og vakið athygli hans á að
vinna og framkvæmdir viö lagningu
raflínu yfir Fjarðarheiði sé ekki sam-
kvæmt úrskurði hans frá 15. júní 1995.
Hópurinn bendir á að úrskurður segi
ótvírætt að linan skuli lögð í jörð frá
Ytri-Hádegisá til aðveitustöðvarinnar
við Garðarsveg.
RARIK hafði hinn 22.12. 1995 sent
bæjarráði bréf og beðið þar um að fyr-
irtækinu yrði hlíft við að leggja þenn-
an hluta strengsins i jörð þar sem
kostnaður við það sé hátt í fjórar
milljónir króna. Hópurinn telur að
bæjarráð hafí „séð aurnur" á RARIK
og heimilað fyrir sitt leyti að leggja
loftlínu alla leið til aðveitustöðvarinn-
ar. Samþykktin var skilyrt þannig að
RARIK skuli grafa strenginn i jörð,
þyrfti kaupstaðurinn að nýta landið.
Þetta erindi var hvorki sent skipu-
lagsnefnd né umhverfisnefnd til um-
sagnar.
Þessi hluti rafstrengsins liggur á
byggingarreit aðalskipulags kaupstað-
arins og inn i íbúðarhúsahverfi. Hóp-
urinn harmar að mál skuli hafa þró-
ast á þennan veg og telur framkvæmd-
ina bæði óásættanlega og óviðunandi
og biður um annað umhverfismat
byggt á þessum breyttu forsendum.
-JJ
DV
DV-mynd GVA
Reykjanesskóli við ísafjarðardjúp. Nú eru uppi hugmyndir um að loka skólanum alveg.
Sveitarfélögin yfirtaka grunnskólana
Hugmyndir um að
loka Reykjanesskóla
-sveitarfélaginu þykir reksturinn of dýr
Hreppsnefnd Hólmavíkur hefur
sent skólastjórnendum Reykjanes-
skóla og foreldrum barna í skólan-
um bréf þess efnis að skólanum
verði hugsanlega lokað í lok þessa
skólaárs þar sem reksturinn á skól-
anum verði of dýr þegar sveitarfé-
lagið verður búið að yfirtaka rekst-
ur grunnskólans í haust.
Rekstur Reykjanesskóla er til um-
fjöllunar hjá Súðavíkurhreppi, ísa-
firði og Hólmavíkurhreppi og segir
Salvar Baldursson, formaður skól-
anefndar, að engin ákvörðun hafi
verið tekin. Hann bíði rólegur þang-
að til.
Um tíu börn á aldrinum 7-14 ára,
þar af nokkur úr þeim hluta hins
sameinaða sveitarfélags sem áður
var Nauteyrarhreppur, hafa sótt
Reykjanesskóla í vetur.
Verði Reykjanesskóla lokað verða
börnin að fara í heimvist á Hólma-
vík næsta vetur. Samkvæmt heim-
ildum DV telja nokkrir bændur
börnin of ung til að fara í heimavist
á Hólmavík og því er hætta á að
þeir bregði búi.
„Ég get náttúrlega ekki svarað
fyrir aðra en maður hefur heyrt
þetta. Byggðin hérna stendur ekkert
mjög sterkt. Ef skólinn fer þá er það
langt í frá að vera gott mál en það er
ekki búið að finna neina aðra leið
til að leysa þetta,“ segir Salvar.
-GHS
Flugferðir með Flugleiðum milli Keflavíkur og Kaupmannahafnar:
Dýrara fyrir Islendinga
að kaupa flugfar j Kaup-
mannahöfn en á íslandi
- segir Pétur Stefánsson, Islendingur búsettur í Svíþióð
„Við erum mjög óánægðir með
það, íslendingarnir í Svíþjóð, að
þurfa að borga um 37 þúsund krón-
ur fyrir að fara heim frá Kaup-
mannahöfn og til baka. Fyrir þá
sem búa á íslandi og eru í verka-
lýðsfélagi kostar um 20 þúsund fram
og til baka sömu leið,“ segir Pétur
Stefánsson, íslendingur sem býr í
Svíþjóð.
„Við erum mjög óhressir með
hvernig Flugleiðir koma fram við
okkur. íslendingar hafa haft smáaf-
slátt en ekkert meira. Flugleiðir eru
að bjóða ferðir frá Kaupmannahöfn
til Bandaríkjanna fyrir um 2000
krónur íslenskar meira en kostar að
fara til íslands og í þessu verði er
innifalin gisting eina nótt í Reykja-
vík. Þetta er skömm og óskipulag.
Ég vinn hjá ferjufyrirtæki og hitti
marga og veit að fólk vill gjarnan
fara til íslands en gerir það ekki
vegna þess að það er svo dýrt. Við,
íslendingarnir sem búum hér, fær-
um líka heim einu sinni á ári ef
þetta væri ekki svona.
Það eru um 6000 íslendingar í Sví-
þjóð. Okkur er sama með hvaða
flugfélagi við íljúgum en ég veit að
þegar SAS byrjaði að fljúga fékk það
ekki leyfið nema bjóða sama verð og
Flugleiðir. Flugleiðir eru verndað
félag.
Við forum héðan frá Svíþjóð til
Spánar á verði sem er um 20 þúsund
krónur íslenskar. Svo er verið að
tala um að íslendingar vilji fá ferða-
menn, það er bara ekki rétt. Einok-
unin hjá Flugleiðum stoppar það.
Fólk fer frekar í mánuð til Rúmeníu
eða eitthvað annað heldur en að
fara til íslands," sagði Pétur.
Mikið magn sæta
Einar Sigurðsson, upplýsingafull-
trúi Flugleiða, sagði að skýringin á
þessu lága verði verkalýðsfélaganna
héðan að heiman til Kaupmanna-
hafnar og til baka væri sú að verka-
lýðsfélögin keyptu mikið magn
sæta, á þeim grundvelli væri hægt
að ná verðinu niður. Þetta væri
sértilboð sem Samvinnuferðir-Land-
sýn seldu með flugvélum Flugleiða
og takmarkað framboð sæta. íslend-
ingafélögin erlendis hefðu samið við
Flugleiðir og fengju afslátt en hann
væri ekki svona mikill.
Þá sagði Einar að almenn fargjöld
milli Kaupmannahafnar og Kefla-
víkur væru á svipuðu verði hvort
sem þau væru keypt hér heima eða
í Kaupmannahöfn. Lægsta fargjald
sem hægt væri að kaupa frá Kaup-
mannahöfn til Keflavíkur og til
baka í sumar með því að vera í
mánuð í ferðinni og kaupa farið
núna er um 28.000 krónur, að sögn
Einars. Hann sagði að hægt vegar
að kaupa far á 37.000 krónur. Af-
sláttarfargjald verkalýðsfélaganna
gegnum Samvinnuferðir-Landsýn
væri 20.600 krónur en yröi 24.800
krónur eftir 1. mars. -ÞK
Stefán Hilmarsson meö
Milljónamæringunum
„Þaö er rétt, ég verð gestur með
þeim nokkur skipti en það er ekk-
ert ákveðið enn um framhaldið.
Þeir hafa áður verið með gesta-
söngvara. Við byrjum í Ingólfs-
kaffi á laugardaginn. Mér líst
ágætlega á þetta, ég var á æfingu
með þeim,“ sagði Stefán Hilmars-
son poppari þegar hann var spurð-
ur um samstarf sitt viö Milljóna-
mæringana.
Eins og kunnugt er er hljóm-
sveitin Sálin hans Jóns míns kom-
in í frí. Stefán sagðist vera að
vinna að sólóplötu og væri stefnt
að því aö hún kæmi út í haust.
-ÞK