Dagblaðið Vísir - DV - 28.06.1997, Side 2

LAUGARDAGUR 28. JÚNÍ 1997 3^‘V
2 ' fréttir
----
Fargjaldalækkun íslandsflugs sem sprengja inn á markaðinn:
Stórsókn okkar er hafin
- segir Sigfús Sigfússon, markaðsstjóri íslandsflugs
„Stórsókn okkar á þessum mark-
aöi er hafln. Við ætlum okkur meiri
hlutdeild en áður og stefnum ákveð-
ið að því að né henni,“ segir Sigfús
Sigfússon, markaðsstjóri íslands-
flugs, um fyrirhugaða fargjaldalækk-
un félagsins þann 1. júlí sem valdið
hefur uppnámi á markaðnum. Allar
símalínur íslandsflugs voru rauðgló-
andi og nýtt símakerfi félagsins, sem
sett var upp fyrir örfáum dögum,
sprakk. í gærmorgun streymdu inn
bókanir hjá félaginu og á fyrstu
tveimur tímunum var búið að selja
58 miða á hinu nýja verði.
Spara 10 þúsund
Lækkun sú sem íslandsflug boðar
eftir 1. júlí og út mánuðinn er ekk-
ert smáræði. Þannig mun það að-
eins kosta íbúa á Egilstöðum 6.900
krónur að fljúga með íslandsflugi til
Reykjavíkur og heim aftur. Samvar-
andi ferðalag kostaði áður með
sama félagi 16.330. Með hinu nýja
Flugfélagi íslands kostar ferðalagið
17.330 krónur. Ferðalangurinn fær
því um 10 þúsund krónur í bónus.
Sá sem vill ferðast á milli Akureyr-
ar og Reykjavíkur þarf að greiða
fram og til baka 14.130 með Flugfé-
lagi íslands. Á hinu nýja fargjaldi
íslandsflugs sparast rúmlega helm-
ingur þar sem fargjaldið kostar það
sama og til Egilsstaða. Svipaða sögu
er að segja af Ísafjarðarílugi. Þar
greiða farþegar nú 11.800 krónur
með íslandsflugi og 12.930 með Flug-
félagi íslands. Á nýja fargjaldinu
sparast því tæpur helmingur.
Gífurleg viöbrögö
Sigfús segir viðbrögðin vera gíf-
urleg og það sé greinilegt að fólk
Ómar Benediktsson, framkvæmdastjóri Islandsflugs, og Sigfús Sigfússon
markaðsstjóri við eina af vélum félagsins. Þeir félagar vörpuðu sprengju
inn á fargjaldamarkaðinn þegar þeir tilkynntu að fargjöld til allra helstu við-
komustaða yröu 6.900 krónur. DV-mynd þök
18.000 kr.
16.000
14.000
12.000
10.000
8.000
6.000
4.000
2.000
0
Verðsprenging
- 5oðu5“fargjöld og núverandi - “
kunni að meta þetta útspil félagsins.
Hann segir að markmið félagsins sé
að ná fram varanlegri lækkun far-
gjalda með því að hagræða í flug-
rekstrinum.
„Við ætlum okkur aö ná fram
betri sætanýtingu með því að hag-
ræða. Það liggur alveg fyrir að
lægri fargjöld en áður hafa sést eru
komin til að vera. Ef markaðurinn
tekur þessu vel munum við ekki
bregðast,“ segir hann.
Það er eftir miklu að slægjast fyr-
ir íslandsflug sem fram undir þetta
hefur haft um 10 prósenta hlutdeild
í heildarfarþegafjölda innanlands.
Alls er um að ræða 350 þúsund sæti
sem seld eru árlega. Sigfús segir ís-
landsflug vera í stakk búið til að
mæta stórauknum farþegafjölda.
„Við erum með rúman og sveigj-
anlegan flugflota og getiun því ann-
að mikilli aukningu. Ef allt fyllist
þá munum þá einfaldlega setja upp
fleiri vélar," segir hann.
Flugfélag Islands hefúr enn ekki
boðað mótleik vegna hinnar gífur-
legu fargjaldalækkunnar en þess er
þó vænst. Margir hafa orðið til að
fagna boðaðri lækkun og telja hana
verða til að færa höfuðborgina nær
landsbyggðinni. Þá er það skoðun
margra að flugfarþegum muni fjölga
ef lækkunin verður varanleg.
Þannig myndi markaðurinn
stækka, öllum til góðs. Helgi Hall-
dórsson, bæjarstjóri á Egilsstöðum,
er ekki í vafa um að lækkun far-
gjalda sé til góðs.
„Auðvitað fognum við því þegar
lækkun verður á fargjöldun innan-
lands. Það hefur mikil áhrif að geta
ferðast á ódýran hátt innanlands. Ef
engar kvaðir eru á þessu er þetta
mjög jákvætt. Það eru margir sem
ferðast og koma til okkar. Þetta auð-
veldar mönnum að komast á milli
staða,“ segir Helgi Halldórsson. -rt
Pétur Ármann Jónsson.
Pétur Ármann Jónsson:
Mun feröast
meira
„Mér líst mjög vel á þetta. Ég vil
ferðast á sem ódýrastan máta og
þetta verður til þess að ég ferðast
oftar í flugi með fjölskylduna," seg-
ir Pétur Ármann Jónsson, sjómaður
frá ísafirði, um lækkun flugfar-
gjalda. Pétur var á leið frá Vest-
mannaeyjum, þar sem hann stundar
humarveiðar, heim til ísafjarðar
þegar DV ræddi við hann. -rt
Stuttar fréttir
: Áfrýjaö í máli Hrafns
I Ríkissaksóknari hefúr áfrýj-
að sýknudómi Héraðsdóms
| Reykjavíkur yflr Hraíhi Jökuls-
| syni til Hæstaréttar. Hra&i var
5 kærður er hann skrifaði að
Haraldur Johannessen væri
ekki forstjóri fangelsismála-
stofhunar heldur glæpamanna-
ffamleiðandi ríkisins.
Landsvirkjun velur tilboð
Stjórn Landsvirkjunar hefur
ákveðið að taka tilboði Sulzer
| Hydro GmbH frá Þýskalandi og
I ESB Intemational frá írlandi í
Svél- og rafbúnað Sultartanga-
virkjunar. Tilboðiö nemur 3.275
milljónum króna sem er 79,7%
af kostnaðaráætlun. -vix
tmmmmmmmmmmmmmmmmmmmmmmmamm
Hrafnhildur Halldórsdóttir.
Hrafnhildur Halldórsdóttir:
Hitti vinina oftar
„Mért finnst alveg frábært hjá
þeim að lækka þetta. Ég á vini hér
og þar um landið sem mér gefst nú
kostur á að hitta oftar. Þó að það sé
gaman að keyra um landið þá hefur
mér fundist það alltof dýrt,“ segir
Hrafnhildur Halldórsdóttir úr
Reykjavík sem var á leið út á land
þegar DV ræddi við hana um fyrir-
hugaða lækkun flugfargjalda.
„Það hefur hingað til verið alltof
dýrt aö fljúga, sérstaklega fyrir fjöl-
skyldur. Varanleg lækkun mun
leiða til þess að ég ferðast meira
með flugi,“ segir Hrafnhildur
-rt
Anthony Wales.
Anthony Wales:
Kann vel aö meta framtakið
„Ég á heima á Flateyri en er á
skipi sem rær frá Þorlákshöfh. Það
verður ódýrara að ferðast á milli og
ég fagna því,“ segir Anthony Wales,
skipverji á línubátnum Styrmi ÍS,
sem var á leið heim til Flateyrar
þegar DV talaði við hann í af-
greiðslu fslandsflugs á Reykjavíkur-
flugvelli.
„Ég kann virkilega vel að meta
þetta framtak þeirra," segir An-
thony. -rt
Heiðar Bragason:
Hætti kannski við
aö keyra
„Þetta mun helst koma mér til
góða á styttri leiðunum og til Akur-
eyrar. Ég ætlaði að keyra með fjöl-
skylduna til Akureyrar í sumar en
mun nú endurskoða það,“ sagði
Heiðar Bragason þar sem DV ræddi
við hann í afgreiðslu íslandsflugs
um fargjaldalækkun félagsins sem
hann sagði vera fagnaðarefni.
-rt
Heiöar Bragason kaupir farmiða af starfsmanni íslandsflugs.
Dómhildur Eiríksdóttir:
Einfald-
lega
glöð
„Mér list mjög vel á þetta og félag-
iö hefur þjónað okkur mjög vel,“
segir Dómhildur Eiríksdóttir, fram-
kvæmdastjóri í Vesturbyggð, um
boðaða fargjaldalækkun íslands-
flugs.
Hún segist hafa verið ánægð með
félagið fyrir og fargjaldalækkunin
sé aðeins kærkomin viðbót.
„Ég er einfaldlega mjög glöð,“ seg-
ir hún. -rt
Dómhildur Eiríksdóttir.