Dagblaðið Vísir - DV - 05.10.2002, Page 25

LAUGARDAGUR 5. OKTÓBER 2002
25
f* '
Helgorbloö X>"V
DV-myndir E.Ól.
Hunang og lime fer vel saman.
Sætubragðið í hunanginu og
sýran í ávextinum mynda
ákveðið jafnvægi. Hér er Lárus
að steikja limesneiðar, eftir að
þær hafa fengið að liggja stutta
stund í legi úr hunangi og
vatni.
Sveppirnir steiktir eftir að þeir
liafa verið látnir marinerast í
tvo tíma. Lárus notar porto-
bellosveppi en segir að hver og
einn geti notað þá sveppi sem
hann vilji og þeir sem hafa ver-
ið svo forsjálir að safna svepp-
um í haust grípa að sjálfsögðu
til þeirra.
Lárus roðflettir bleikjuna með
einu handtaki eftir að hún hef-
ur verið ofnsteikt í nokkrar
mínútur. Síðan er hunangs-
kardimommugljáinn settur á
hana.
Milt Rioja vín og ávaxta-
ríkt hvítvín frá Argentínu
- er val Guðrúnar Gunnarsdóttur hjá Eðalvínum ehf.
Það getur verið snúið að velja vín með mat, t.d.
vegna margslunginnar samsetningar á kryddi.
Margir eru nokkuð sleipir í þessari kúnst eins og
t.d. starfsmenn vínheildsala sem gefið hafa með-
mæli sín á þessum vettvangi. Þá eru ónefndir vín-
þjónar sem hafa sérhæft sig í að velja vín með mat,
farið í sérstakt nám og gengist undir ströng próf.
Slíkur þjónn kallast þá sommelier eins og veitinga-
húsið góða. Krásirnar hér á síðunni eru ekki auð-
veldar þegar kemur að vali á vinum sem helgast
helst af kryddinu. Guðrún Gunnarsdóttir hjá Eð-
alvínum ehf. lét þó ekki slá sig út af laginu og
valdi spænskt rauðvín frá Rioja annars vegar og
hvítvín frá Mendoza í Argentínu hins vegar.
Beronia Crianza er ættað frá Beronia-vínhúsun-
um i Rioja-héraðinu en það hérað er oft nefnt Bor-
deaux Spánar. Rioja skiptist í þrjú svæði: Rioja
Alvesa, til vesturs, Rioja Baja til austurs og siðan
Rioja Alta sem liggur hæst og er í héraðinu miðju.
Almennt eru vínin frá Rioja Alta talin þau bestu
frá Rioja. Beronia-víngerðin, stofnuð 1973, er
einmitt staðsett þar. Fyrirtækið var stofnað af vín-
áhugamönnum sem vildu framleiða gæðavín sem
ekki færi á markað fyrr en það væri tilbúið tO
neyslu. Beronia Crianza er látið þroskast í 14 mán-
uði í amerískum eikartunnum. Af víninu leggur
létta blómaangan og milt eftirbragð einkennist af
dökkum skógarberjum. Þetta er vín sem nýtur sín
með afar fjölbreyttum mat. Það ræður við erfiðar
kryddtegundir, gengur bæði með mikið krydduð-
um fiski og léttum kjötréttum. Kjörhitastig vínsins
við neyslu er 16 gráður. Það fæst í sérverslun
ÁTVR og kostar 1.400 krónur.
Þar sem krydd setja sterkan svip á matinn að
þessu sinni leitaði Guðrún einnig til argent-
ínskra víngerðarmanna, þeirra hjá Trivento-
víngerðinni í Mendoza-héraðinu. Þaðan
kemur Trivento Viognier, ávaxtaríkt
hvitvín með angan af suðrænum blóm-
um. Trivento merkir þrjá vinda: Polar-
vindinn sem ræðst á vínviðinn á vet-
urna og gerir hann harðgerðan, Zonda-
vindinn sem kemur með hlýja strauma
ofan af Andes-fjöllunum úr vestri, vekur
vínviðinn svo brumin byrja að skjótast út
og loks Sudestada sem kemur úr austri, rak-
ur en samt hlýr sumarvindur sem hjálpar
vínberjunum að þroskast. Vínuppskeran í ár
er ein sú besta í Argentínu síðastliðin 10 ár.
Það var einfaldlega fullkomið vor í Argent-
ínu. Trivento Viognier er ávaxtaríkt eins og
áður sagði, með fyllingu og smjörkenndan
keim sem er nauðsynlegur þegar um er að
ræða mikið kryddaðan mat. Þetta vín er
einnig gott eitt og sér eða með sjávarréttum
og köldum salatréttum. Kjörhitastig við
neyslu er 7-10 gráður. Trivento Viognier
fæst í ÁTVR og kostar 1.160 krónur.
Umsjón
Haukur Lárus
Hauksson