Dagblaðið - 11.12.1978, Blaðsíða 9

DAGBLAÐIÐ. MÁNUDAGUR 11. DESEMBER 1978.
9
Fjárhagsvandræði Félagsstofnunar stúdenta:
Framlag ríkisins hefur minnk-
að mjög
hlutfallslega
segir Skúli Thoroddsen
framkvæmdastjóri og telur það
kjarna vandamálsins
„Aðalvandamálið er hvað við höfum
fengið hlutfallslega litla fjárveitingu,”
sagði Skúli Thoroddsen, framkvæmda-
stjóri Félagsstofnunar stúdenta, er DB
hafði samband við hann og spurði í
hverju vandi stofnunarinnar væri
einkum fólginn, en athygli vakti að
lokað var fyrir rafmagn þar sl.
miðvikudag vegna gjaldfallinna skulda.
Skúli sagði að stofnunina vantaði
raunverulega 58 milljónir fram að ára-
mótum til þess að hún gæti staðið við
gjaldfallnar skuldir. Hann sagði að
opinber fjárveiting til stofnunarinnar
hefði minnkað mjög sl. ár og hefði hún
sl. fjögur ár aðeins fengið um 30% af
umbeðinni fjárveitingu. Þannig hefðu
vandræði stofnunarinnar hafizt fyrir
alvöru en með þvi að láta opinber gjöld
sitja á hakanum hefði verið hægt að
halda starfseminni gangandi.
Tekjustofnar Félagsstofnunar eru
ákveðnir með lögum frá 1968. Þar er
gert ráð fyrir að þeir séu: 1. Árleg
skráningargjöld stúdenta, 2. Framlag úr
ríkissjóði, 3. Gjafir sem stofnuninni
kunna að berast, 4. önnur úrræði sem
stofnunin gripur til hverju sinni.
Skúli sagði að undir fjórða liðnum
væru m.a. háskólafjölritun og bóksala
stúdenta, en þær hafa báðar skilað stofn-
uninni umtalsverðum tekjum.
Mötuneytið hefði hins vegar gengið
mjög illa vegna „dauðu mánaðanna” og
Hótel Garður, sem lengst af hefur verið
stofnuninni drjúg tekjulind, hefur
gengið mjög illa siðustu tvö ár.
En aðalskýringuna á vandanum taldi
Skúli þá að framlag rikisins hefði lækkað
svo mjög hlutfallslega þrátt fyrir at-
hugasemd með frumvarpinu á sínum
tíma þar sem segir m.a.: „Gera verður
ráð fyrir að framlög ríkissjóðs til Félags-
stofnunar hækki á næstu árum. 1 Noregi
t.d. tíðkast að ríkissjóður leggi fram fé i
hlutfalli við framlag stúdenta. Greiði
hver stúdent 500 kr þá greiði ríkissjóður
1500 kr.”
Skúli sagði að þetta væ. i hugmyndin
að baki lögunum, þ.e. að framlag ríkisins
færi hækkandi þó svo að raunin hefði
veriðalltönnur.
Ef gerður er samanburður á framlagi
ríkisins á hvern stúdent og framlagi
stúdentsins sjálfs miðað við verðlag
1969 þá kemur i .ljós hve þetta hlutfall
hefur raskazt. Árið 1969 var fjárveiting
ríkisins 3.328 kr. á móti 383 kr. frá
stúdentinum. 1970 var fjárveiting
ríkisins 3.794 kr. á móti 437 kr.
stúdentsins. 1978 var fjárveiting rikisins
516 kr. á móti 588 kr. frá stúdentinum.
Framlag stúdentsins er þannig komið
fram yfir fjárveitingu ríkisins þrátt fyrir
að hugmyndin að baki lögunum hnigi í
allt aðra átt. Það taldi Skúli kjarna
vandamálsins.
Fjármálaráðherra hefur nú lýst þvi
yfir að hann vilji skipa sérstaka nefnd
til að fara ofan í saumana á rckstri stofn-
unarinnar með það fyrir augum að
koma á aukinni hagræðingu. -GAJ-
Hjónagarðar við Suðurgötu eru meðal þess er fellur undir rekstur Félagsstofnunar stúdenta.
DB-mynd Ragnar Th.
FJOLVA
UTGAFA
Fegurstu gjafirnar á bókamarkaönum
Fjölvi býður fjölbreytt úrval af listaverkabókum.
í fyrsta lagi:
Stóra listasaga Fjölva. Sígilt verk í 3 bindum.
Allt á einum stað. — Pýramídalist til popplistar.
í öðru lagi:
Listasafn Fjölva. Sjálfstæðar ævisögur fremstu meistara.
Allt forkunnarfagrar bækur með ógrynnum listaverka í
fullum litum.
Út eru komnar 6 bækur um meistarana Leonardó, Rembrandt,
Goya, Manet, Matisse og hinn furðulega Duchamp, frumkvöðul nútímalistar.
Leonardó, höfundur Mðnu Lisu og
síðustu kvöldmáltíðarinnar.
Rembrandt, höfundur
Næturvarðanna og margra
Bibliumynda.
Goya, höfundur Nöktu Maju og
Svörtu myndanna Heyrnarlausi
meistarinn.
Vandið valið. Þessar bækur eru tíl sýnis í bókabúðum um allt
land. Veröið er ótrúlega hagstætt. Listaverkabók frá Fjölva
verður varanleg vinargjöf. Uppspretta fróðleiks og ánægju og
prýði á hverju heimili.
FJÖLVI
Skeifan 8, Rvk.
Sími 3-52-56.
Manet, höfundur Litlaskatts á engi.
Byltingarmaður í listum.
Matisse, óargamálari, málaði
Dansinn og Tónlistina. Lærifaðir
Jóns Stefánssonar.
Furðufuglinn Duchamp,
brautryðjandi popplistar. Einnig
fjallað um Dali.
ENDURSKIIMS-
MÉRKI ERU
NAUÐSYNLEG
FYRIR ALLA
umferdarrAð