Dagblaðið - 11.12.1978, Blaðsíða 25

DAGBLAÐIÐ. MÁNUDAGUR 11. DESEMBER 1978.

Iþróttif
Iþróttir
Iþróttir
Axel meiddur
Iþróttir
Iþróttir
„Ég cr talsvert smeykur 1 sambandi við þessi meiðsli
mín I ökklanum. Ég gat ekki leikið með Dankersen á laug-
ardag — kom aðeins inn á til að taka tvö víti. Ég fer til
læknis núna á eftir til að láta athuga beinið. f fyrstu var
talið að ökklinn væri aðeins bölginn eftir meiðsli, sem ég
hlaut I leiknum gegn Hofweier, en sú bólga hefði þá átt að
vera farín. Þetta er ekki nögu gott. Stórleikur við Gumm-
ersbach nk. laugardag og svo landsleikirnir við Dani.
Vona að ég geti verið með í þeim,” sagði Axel Axelsson,
þegar DB ræddi við hann i morgun.
Dankersen sigraði Jahn Gensungen á laugardag 20-14.
öruggur sigur. Busch skoraði flest mörk eða sex. Van
Open 3, Ólafur, Axel og Waltke 2 hver. Grambke komst I
4-0 á heimavelli gegn Grosswallstadt en tapaði samt 15-
17. „Ég sá leikinn i sjónvarpi og Björgvin átti mjög góðan
leik. Var hælt í lýsingunni, svo og markverði Grambke.
Björgvin skoraði fjögur mörk í leiknum,” sagði Axel enn-
fremur.
Úrslit í öðrum leikjum urðu þau, að Hofweier vann
Göppingen 24-16, Kiel vann Milbertshofen 19-16, Rint-
heim vann Hiittenberg 18-14 enLeverkusen tapaði heima
fyrir Nettelsted 14-16.
Stórsigur Dundee
Utd. á Rangers
Efsta liðið á Skotlandi, Dundce Utd. sigraöi Skotlands-
meistara Glasgow Rangers i fyrsta skipti, síðan úrvals-
deildin var stofnuð á laugardag. Þá var um stórsigur að
ræða, 3—0 i Dundee. Dodds skoraði strax á 2. mín. fyrir
United og Flemming kom heimaliðinu i 2—0 á 21. min. f
síðari hálfleik skoraði nýi skozki landsliðsmaöurinn
Narey þriðja mark Dundec-liðsins úr vitaspyrnu, sem
dæmd var á Tom Forsyth. Þá urðu leikmenn Rangers
reiðir — tveir bókaðir. Axel MacDonald og fyrirliðinn
Dcrck Johnstone.
Fimm voru bókaðir í leik Celtic og Aberdeen á Park-
head i Glasgow, Sullivan, Miller og Jarvie hjá Aberdeen,
Lynch og Alfie Conn hjá Celtic. Conn hafði komið inn
sem varamaður og varð vondur, þegar augljósri víta-
spyrnu á Berdeen var sleppt. Það urðu líka 24 þúsund
áhorfendur á Parkhead. Ekkert mark var skorað i leikn-
um.
Úrslit á laugardag í úrvalsdeildinni urðu þessi:
Celtic — Aberdeen 0—0
Dundee Utd. — Rangers 3—0
Hibernian — Motherwell 2—2
Partick — Morton 2—1
St. Mirren — Hearts 4—0
Partick Thistle skauzt upp í annað sæti með sigri á
Morton. Houston og Alec Scott skoruðu — en Hibernian
tapaði stigi gegn neðsta liðinu, Motherwell, í Edinborg.
Pettigrew skoraði bæði mörk Motherwell — hið fyrra
eftir 70 sek. en Hutchinson og Higgins skoruðu fyrir
Hibernian. St. Mirren vann stórsigur á hinu Edinborgar-
liðinu Hearts. Stark skoraði tvö af mörkum St. Mirren.
Staðan er nú þannig:
Dundee Utd. 16 7 6 3 22-14 20
Partick 16 8 3 5 17-14 19
Aberdeen 16 6 6 4 28-16 18
Celtic 16 7 4 5 25-19 18
St. Mirren 16 7 3 6 19-16 17
Rangers 16 4 8 4 16-15 16
Morton 16 5 5 6 20-24 15
Hibernian 16 4 7 5 18-21 15
Hearts 16 5 4 7 19-29 14
Motherwell 16 3 2 II 16-33 8
Valur sigraði
KRstórt
Valur vann öruggan sigur á KR I 1. deild kvenna I gær-
kvöld, 17-8. Það leit ekki út fyrír jafn mörg mörk og raun
varð á, þvi i leikhléi var staðan jöfn, 4-4. En Valsstúlkurn-
ar tóku öll völd I siðarí hálfleik og skoruðu hvert markið á
fætur öðru, öruggur sigur, 17-8.
Mörk Vals: Harpa Guðmundsdóttir 6, 2 víti, Björg
Guðmundsdóttir 4, 1 viti, Oddný Sigurðardóttir 3, Erna
Lúðvíksdóttir og Ágústa Dúa Jónsdóttir 2 hvor. Mörk
KR: Arna Garðarsdóttir 3, Hansina Melsted 2, Olga
Garðarsdóttir, Margrét Krístmannsdóttir og Karólina
Jónsdóttir 1 mark hver.
- HJ
Haukar og Breiðablik
skildu jöf n
Brciðablik og Haukar skildu jöfn i 1. deild fslandsmöts-
ins i handknattleik kvenna um helgina, 10-10. Haukar
höfðu náð yflrburðastöðu i leikhléi, 7-3, en Blikarnir
mættu ákveðnir til leiks og tókst að jafna metin.
Mörk Hauka skoruðu: Margrét Thcódórsdóttir, Svan-
hildur Guðlaugsdóttir 3, Halldóra Mathiesen 2, Kolbrún
Jónsdóttir og Guðrún Gunnarsdóttir 1 mark hvor. Mörk
BreiðabUks: Hrefna Snæhólm 4, Hulda HaUdórsdóttir og
Alda Helgadóttir 2, Sigurborg Davfðsdóttir og Ása Al-
freðsdóttir 1 mark hvor.
-HJ
reception
UPPLÝSINGAR
Samningafundir voru á Hótel Loftleiðum í gær — framkvæmdastjóri La Louviere ræddi þá við Keflvlkinga. Talið frá vinstri: Heiman, La Louviere, Guðgeir Leifsson,
Bjarni Albertsson, faðir Þorsteins, Árni Þorgrímsson, Þorsteinn Bjarnason og Hafsteinn Guðmundsson. DB-myndir Bjarnleifur
Janus skoraði með
varaliði Standard
—og miklar líkur á aft hann gerist atvinnumaður hjá félaginu. Standard keypti í
síftustu viku vestur-þýzka landsliftsmanmnn Kostedde
„Ég hef trú á þvi að Janus Guðlaugs-
son geti náð góðum árangri I atvinnu-
mennsku hvort sem það verður hjá
Standard, La Louviere eða einhverju
öðru félagi I Belglu. Hann er ákveðinn
að fara út I atvinnumennsku en ég veit
ekki hvernig máUn standa hjá honum og
Petit, framkvæmdastjóra Standard,”
sagði Ásgeir Sigurvinsson, þegar DB
ræddi við hann i gær.
Þórvann ÍR
á Akureyri
Þór vann ÍR með eins stigs mun I æsi-
spennandi leik I úrvalsdeildinni í körfu-
knattleik á Akureyri á laugardag 76—75
eftir að ÍR hafði haft tvö stig yfir i hálf-
leik, 38—36. Mark Stewart, Banda-
ríkjamaðurinn i liði ÍR, meiddist í upp-
hitun fyrir leikinn og gat ekki leikið.
Greinilegt að hann ætlaði sér oft inn á en
gat það ekki. Það munaði miklu fyrir ÍR.
í fyrri hálfleiknum var aðeins einu
sinni jafnt, fyrir utan byrjunina, en ann
ars hafði lR alltaf yfir. Mest 10 stig. 1
byrjun s.h. komst Þór yfir, 42—40 á 3ju
mín. en ÍR komst fljótt yfir aftur. Mest í
sjö stig. En Þór seig framúr undir lokin.
Komst i 74—71 og þá voru 37 sek. eftir.
Þór var með knöttinn — missti hann og
ÍR minnkaði muninn i 74—73. 11 sek.
eftir og Þór fékk tvö víti. Jón Indriðason
skoraöi úr báðum — en þegar 2—3 sek.
voru eftir fékk ÍR tvö viti og Kolbeinn
Kristinsson skoraði úr þeim. Lokatölur
76-75.
Flest stig Þórs skoraði Mark Christ-
iensen 32. Birgir Rafnsson 16, Eiríkur
Sigurðsson 12, Jón Indriðason 10, Karl
Ólafsson 4 og Þröstur Guðjónsson 2.
Stig lR skoruðu Kristinn Jörundsson 26,
Kolbeinn, bezti maður liðsins 25, Jón
Jörundsson 16, Erlendur 6 og Stefán
Kristjánsson 2. -StA.
,Ég sá Janus leika með varaliði Stand-
ard hér i Liege á laugardag gegn Molen-
beek. Hann stóðsig ágætlega. Lék tengi-,
lið og skoraði annað mark Standard í
leiknum og liðið sigraði Molenbeek 2—
I. Ég er ekki í vafa um að Janus getur
unnið sér sæti í aðalliði Standard. Hann
er það sterkur leikmaður og komst prýði-
lega frá þessum leik þó hann hafi ekki
æft knattspymu síðustu mánuðina — og
það þó völlurinn væri mjög erfiður. Ég
veit að hann á að tala við Petit nánar á
morgun — mánudag — og þá kemur
væntanlega niðurstaða í málið. Mér er
kunnugt um að Petit vildi hafa Janus
áfram þessa viku í Liege en Janus verður
að fara heim til íslands fyrr — sennilega
á þriðjudag,” sagði Ásgeir ennfremur.
Eins og kemur fram hér á öðrum stað
í opnunni bauð La Louviere Janusi
samning fyrir nokkrum dögum úti í
Belgíu. Janus hafnaði þeim samningi á
þeirri forsendu, að því er DB hefur frétt,
að hann hefði fengið betra tilboð frá
Standard Liege. Það mál átti hins vegar
að skýrast betur í morgun en ekki tókst
að ná sambandi við Petit eða Janus til að
fá nánari fréttir af málinu. Þess má geta
— eins og reyndar hefur komið fram hér
í blaðinu — að Janus leitaði til Alberts
Guðmundssonar, sem siðan kom honum
á framfæri við Standard. Þegar DB
ræddi við Albert í morgun hafði hann
heldur ekki náð símasambandi við Petit,
framkvæmdastjóra og eiganda Standard
— en bjóst við að ná sambandi við hann
siðar I dag.
„Það var ágætt stig sem við hjá Stand-
ard náðum í Brússel gegn Molenbeek —
lékum upp á jafntefli og það var lítið um
tækifæri í leiknum,” sagði-Ásgeir, þegar
DB spurði hann um leik Molenbéek og
Standard i 1. deildinni i Belgiu I gær.
„Annars snérist allt um úrslitin óvæntu í
Liege, þar sem FC Liege vann stórsigur
á meisturum Anderlecht, 4—0. Það var
óvænt eftir hinn góða sigur Anderlecht
fyrr i vikunni á Liverpool I stórbikar
Evrópu. Hins vegar veit ég lítið hvað
skeði I leiknum. Honum var ekki sjón-
varpað. Lokeren gerði jafntefli á útivelli.
Arnór Guðjohnsen hefur staðið sig
ágætlega í leikjum sinum með Lokeren
og fengið lof í belgisku blöðunum. Hann
er bráðefnilegur leikmaður,” sagði Ás-
geir ennfremur.
„Spenna er mikil í 1. deildinni hér i
Belgíu og um næstu helgi verður stór-
leikur hér í Liege. Þá kemur efsta liðið i
1. deild, Beveren, í heimsókn. Það
verður áreiðanlega troðfullur völlur
áhorfenda. Með Standard leikur þá í
fyrsta sinn vestur-þýzki landsliðsmaður-
inn Erwin Kostedde. Hann var keyptur
frá Borussia Dortmund í síðustu viku.
Kostedde er svertingi, 32ja ára að aldri,
og er fyrsti og eini svertinginn, sem val-
inn hefur verið í vestur-þýzka landsliðið
í knattspyrnu. Snjall leikmaður að sögn,
sem Standard bindur miklar vonir við —
enda þörf á því að hressa upp á framlín-
una. Auk þess eru tveir aðrir útlending-
ar á bókum Standard en ég telst ekki
lengur til útlendinga, þar sem ég hef
verið lengur en fimm ár í Belgíu. Hinir
tveir eru Dematos frá Portúgal, sem er
fastur maður I liði Standard, og Onal,
vestur-þýzkur leikmaður, sem Standard
fékk frá Bayern MUnchen. Hann hefur
litið leikið I aðalliðinu vegna meiðsla.
Þrír útlendingar mega lejka í liðum í
Belgíu,” sagði Ásgeir að lokum.
Staðan
Staðani l.deild er nú:
Valur
Vikingur
FH
Haukar
Fram
ÍR
Fylkir
HK
99-84 9
133-122 9
120-102 8
146-145 6
119-126 6
105- 117 4
107-116 3
106- 122 3
Anderlecht steinlá
Það var talsvert um óvænt úrslit 11.
deildinni belgísku I gær en ekkert þó á Beveren 16 20-11 23
við stórsigur FC Liege gegn Anderlecht Antwerpen 16 20—13 20
4—0. Standard gerði jafntefli I Brussel Anderlecht 16 39-22 19
við Molenbeek — og Lokeren gerði FC Brugge 16 22-16 19
einnig jafntefli á útivelli. Ekkert mark Beringen 16 20-17 19
skorað I þessum leikjum. La Louviere Standard 16 22-16 18
vann sigur á heimavelli og fékk ekki á sig Waterschei 16 19-13 18
mark, sem þykir tiðindum sæta. Molenbeek 16 22-18 18
Úrslit urðu þessi: Lokeren 16 19-17 18
Antwerpen—Beerschot 2-2 Beerschot 16 22-21 16
Beveren—Courtrai 5-0 Lierse 16 21-23 14
Molenbeek—Standard 0-0 Winterslag 16 20—22 14
FC Brugge — Lierse 2-1 Waregem 16 13-21 14
FC Liege—Anderlecht 4-0 Charleroi 16 16-24 13
Waregem—Lokeren 0-0 La Louviere 16 23—36 12
Beringen—Berchem 3-0 Beerschem 16 11-24 11
Waterschei—Charleroi 0-0 FC Liege 16 19-28 11
La Louviere—Winterslag 2-0 Coutrai 15 7-24 8
Staðan er nú þannig:
DAGBLAÐIÐ. MÁNUDAGUR 11. DESEMBER 1978.
25
Iþróttir
Iþróttir
íþróttir
íþróttir
i
Framkvæmdastjóri La Lou-
viere kominn til samninga
- Ræddi við Karl Þórðarson og Þorstein Bjarnason um helgina—og heldur
áf ram viðræðum í dag. Hins vegar stendur tilboð La Louviere í Janus
Guðlaugsson ekki lengur. Janus f ékk betra tilboð f rá Standard
„Það hefur gengið taistvert saman og
málinu miðar vel áfram. t dag verða
aftur fundir með Heiman, framkvæmda-
stjóra La Louviere en ég get ekki alveg
fullyrt að það verði gengið frá samningi
minum við belgiska félagið,” sagði Þor-
steinn Bjarnason, landsliðsmarkvörður i
knattspyrnunni, þegar DB ræddi við
hann í gær. Heiman kom til íslands á
laugardag ásamt Guðgciri Leifssyni en
eins og kunnugt er hefur belgíska félagið
boðið þremur íslenzkum knattspyrnu-
mönnum atvinnumannasamning hjá
félaginu — þeim Þorsteini, Karli Þórðar-
syni og Janusi Guðlaugssyni.
„Ég er ákaflega spenntur vegna þess-
ara mála — en mun ekki gera neitt í
sambandi við La Louviere fyrr en Gylfi
Þórðarson, formaður knattspyrnuráðs
Akraness, kemur aftur frá Hollandi. Það
verður væntanlega á þriðjudag en Gylfi
fór til Hollands á föstudag til viðræðna
við Stephan, framkvæmdastjóra Feyen-
oord,” sagði Karl Þórðarson, þegar DB
ræddi við hann í gær. Karl kom til
Reykjavíkur á laugardag og ræddi þá við
Heiman, framkvæmdastjóra La Louvi-
ere, sem bauð Karli samning. Heiman
skyldi vel aðstöðu Karls — og ekkert
verður því frekar gert í málinu fyrr en í
fyrsta lagi á þriðjudag.
„Það var talsvert gert úr því i hol-
lenzku blöðunum á föstudag að Feyen-
oord hefði fengið atvinnuleyfi fyrir Karl
I Hollandi og þvi slegið upp að hann
myndi koma til Feyenoord," sagði Pétur
Pétursson, þegar DB ræddi við hann í
sima i Rotterdam í morgun. Að öðru
leyti sagðist Pétur ekkert vita um málið
— og Karl sagðist ekki vita annað um
málið en að Feyenoord hefði unnið að
því að útvega honum atvinnuleyfi í Hol-
landi. Hins vegar kæmi væntanlega í
Ijós hvað er að ske í sambandi við
Feyenoord, þegar Gylfi kemur heim.
Hann fór frá Hollandi í gær til
Lundúna.
Eftir þvi sem DB hefur frétt fór Gylfi
til Rotterdam til að ræða um þjálfara-
mál í A við Feyenoord — og fréttin um
að Karl væri væntanlegur til Hollands
birtist í hollenzku blöðunum áður en
Gylfi kom þangað. Það er greinilegt að
Stephan, framkvæmdastjóri Feyenoord,
hefur haft sama hátt á og þegar hann
réð Pétur til sín. Fréttin hafði birzt í hol-
lenzku blöðunum um að Pétur hefði
skrifað undir samning áður en til þess
kom í Reykjavík. Það var þó i samráði
við forustumenn á Akranesi — en nú
lætur hann birta frétt um Karl án þess
að hafa nokkuð rætt málið við Akurnes-
inga. Hins vegar gengur honum áreiðan-
legaekki nema gott til.
Eins og áður segir kom Heiman til
Reykjavíkur á laugardag — eða sex dög-
um fyrr en hann ætlaði sér — og hóf
strax viðræður við Karl og Þorstein. 1
fyrstu hafði verið ákveðið að Þorsteinn
og jafnvel Karl — færu næstkomandi
miðvikudag til La Louviere og kæmu
aftur til Islands á föstudag ásamt fram-
kvæmdastjóranum til samninga Ýmis-
legt hefur skeð í sambandi við þessi mál
og Heiman hraðaði þvi för sinni til Is-
lands. Hann ræddi við forustumenn
Armann vann
Ármann sigraði Fram 99—93 í 1.
deildinni I körfuknattleiknum á laugar-
dag. Steve Johnson, svertinginn 1 liði Ár-
manns, var stigahæstur Ármenninga I
leiknum með 36 stig — en John Johnson
skoraði mest fyrir Fram, eða 41 stig.
Fram hefur kært úrsUt leiksins, þar sem
Framarar telja að Steve Johnson sé ekki
löglegur leikmaður hjá Ármanni.
Óvænt úrsUt urðu i 1. deildinni i blaki
á laugardag, þegar LaugdæUr sigruðu ÍS
— stúdenta — með 3—0. Einstakar
hrínur fóru þannig 15—8,15—7 og 15—
6. Þá sigraði Þróttur Mimi i blakinu 3—
0,15—10,15—8 og 15—2.
Keflvikinga og Þorstein í gær — en þeir
höfðu haft samráð við Albert Guð-
mundsson um samning Þorsteins. í
morgun hófust viðræður að nýju.
Eins og DB skýrði frá í síðustu viku
lagði La Louviere tilboð fyrir Janus
Guðlaugsson i Belgíu en hann er sem
kunnugt er staddur í Liege hjá Standard.
La Louviere vildi fá ákveðið svar frá
Janusi og samkvæmt áreiðanlegum
fréttum, sem DB hefur fengið, hafnaði
Janus tilboði La Louviere. Hann hafði
þá fengið betra tilboð frá Standard, sem
nú er í frekari athugun. La Louviere dró
sig þá til baka I málinu og tilboð þess til
Janusar stendur nú ekki lengur.
Væntanlega getur DB skýrt betur frá
gangi þessara mála á morgun og næstu
daga — og þá hvort fleiri íslenzkir leik-
menn koma inn I myndina hjá La
Louviere. . þsim
Guðgeir Leifsson, Þorsteinn Bjarnason og Heiman á Loftleiðahótelinu i gærkvöld.
DB-mynd Bjarnleifur.
Njarðvíkingar léku
af kappi og forsjá
—og sigruðu stúdenta með miklum mun, 117-95
Körfuknatttaikur, Úrvatadoild, UMFN - IS, 117-
95(48-441
„ÚrsUt leiksins sanna að UMFN
hefur sterkasta Uðinu á að skipa i Úr-
valsdeildinni nái það saman,” sagði Þor-
steinn Bjarnason, sem nú sat á áhorf-
endabekkjunum og horfði á félaga sina
blátt áfram mala tS-liðið mélinu smærra
I Njarðvfk á laugardaginn og UMFN
hefur svo sterkum einstaklingum á að
skipa að ekkert munar um þótt einn
vanti.” Vonandi verða þessi orð Þor-
steins, sem verið hefur einn af máttar-
stólpum liðsins, Njarðvikingum til hug-
hreystingar, en hann segir að öllum Uk-
indum skilið við körfuknattleikinn að
fullu þar sem hann er á förum til Belgíu
sem atvinnumaður í knattspyrnu. í
kveðjuskyni og sem þakklætisvott af-
henti form. UMFN, Bogi Þorsteinsson,
Þorsteini fagra styttu, körfuknattleiks-
mann úr bronsi.
Hvort sú stemmning sem afhendingin
vakti örvaði UMFN til dáða skal ósagt
látið, en liðið hefur sjaldan leikið af
meira kappi og einnig með meiri forsjá.
Áður en ÍS-leikmenn áttuðu sig, voru
Njarðvíkingar komnir með tuttugu stiga
forustu í fyrri hálfleik, 40-20, þegar mest
var. Jónas Jóhannesson réði lögum og
lofum í fráköstunum, sem hann gómaði
16 áður en hálfleik lauk og sex bætti
hann við í þeim seinni, en alls urðu stig
hans 19 í leiknum, svo að hann var
maður dagsins I UMFN-Iiðinu. Hilmar
Hafsteinsson lét reyndustu mennina
hefja leikinn, Ted Bee, Gunnar Þorvarð-
arson, Geir Þorsteinsson og Guðstein
Ingimarsson. Þegar munurinn var orð-
inn tveir tugir stiga setti hann yngri pilt-
ana i eldlínuna, um miðjan fyrri hálfleik,
en þá náðu ÍS-ingar mjög góðum leik-
kafla og söxuðu óðum á forskotið. Skor-
uðu þeir 24 stig, gegn 8 heimamanna, á
seinustu mínútum fyrri hálfleiks. Dun-
bar og Bjarni Gunnar voru þar drýgstir,
en sá fyrrnefndi sýndi frábæra hittni all-
an leikinn út og var langstigahæstur
með 40 stig, þó svo að hann væri eigin-
lega á öðrum fætinum, vegna meiðsla.
Njarðvíkingar hófu seinni hálfleikinn
með sömu og byrjuðu í hinum fyrri, og
sagan endurtók sig. Innan stundar var
bilið orðið 20 stig að nýju, mest fyrir at-
beina Ted Bee, Jónasar og Gunnars Þor-
varðarsonar, sem átti mjög góðan leik.
Aftur var yngri mönnum UMFN gefinn
kostur á að sýna getuna og nú tókst
þeim að halda i horfinu og örlítið betur,
gegn þreyttum IS-ingum sem greinilega
þoldu ekki hraða UMFN-liðsins. Stiga-
munurinn varð því orðinn 22 þegar yfir
lauk, 117-95.
Ted Bee var að vanda sá sem drýgstur
var hjá UMFN, bæði í spili og skori, en
Jónas er að verða betri en nokkru sinni
fyrr. Gunnar Þorvarðarson lék oft
snilldarlega í sókninni, gegnumbrotun-
um. Geir var drjúgur í vörninni, en mis-
hittinn. Guðsteinn bætir sig með hverj-
um leik, en Július Valgeirsson, Jón
Viðar og Guðjón Þorsteinsson, yngri
liðsmennirnir, stóðu vel fyrir sínu I
leiknum.
ÍS-ingum gengur yfirleitt illa í Njarð-
vík og þessi leikur var engin undantekn-
ing í þeim efnum. Annars er breiddin
ekki nægileg hjá þeim. Dunbarog Bjarni
Gunnar báru liðið uppi, en Jón Odds-
son, sem er mjög fljótur og snöggur leik-
maður, gerði UMFN marga skráveif-
una. Ingi Stefánsson kom einnig vel frá
leiknum.
Dómarar voru þeir Erlendur Eysteins-
son og Helgi Hólm. Dæmdu þeir prýði-
lega — en Helgi mun hafa hlaupið í
skarðið, vegna forfalla en hann hefur
lítið eða ekkert dæmt á þessum vett-
vangi, — en ekki var hægt að greina það
á úrskurðum hans.
Stig UMFN: Ted Bee 28, Jónas 19,
Gunnar Þorv. 18, Guðsteinn 13, Geir
10, Július V. 10, Guðjón Þorst. 6, Stefán
Bjarkason 5, Jón Viðar 4, Brynjar Sig-
munds. 4.
ÍS: Dunbar 40, Bjarni Gunnar 20, Jón
Oddsson 13, Ingi Stefáns 9, Steinn
Sveinsson 6, Ólafur Bragason 2, Þórður
Óskarsson 2. . GM
Geir hættur
með íslenzka
landsliðinu
Geir Hallsteinsson, einn snjall-
asti handknattleiksmaður íslands í
gegnum árin hefur nú endanlega
dregið sig i hié frá islenzka lands-
liðinu. Hann hefur tilkynnt Jó-
hanni Inga Gunnarssyni, einvaldi
islenzka landsliðsins, að hann leiki
ekki framar með islenzka landslið-
inu. Þar er skarð fyrír skildi, þar
sem Geir hverfur nú af sjónarsvið-
inu.
ísland leikur tvo landsleiki við
Dani um næstu helgi, og Ijóst er að
Víkingarnir i landsliðinu munu
ekki leika fyrri leikinn vegna
Evrópuleiks Vikings og Ystad.
Hins vegar munu þeir leika síðari
leikinn gegn Dönum, á mánudags-
kvöldið.
Staðan í úr-
valsdeildinni
Eftir lciki helgarinnar er staðan
þannig i úrvalsdeildinni i körfuknattleik.
KR 8 6 2 726-636 12
UMFN 9 6 3 888-843 12
Valur 8 5 3 674-604 10
ÍR 8 4 4 679-670 8
ÍS 8 2 6 682-738 4
Þór 9 2 7 710-812 4
Stefán bjargvættur
Hauka gegn Fylki
—Haukar misstu niður forskot en kraftur Stefáns
Jónssonar kom sigri í höfn
Haukar forðuðu sér af hættusvæði 1.
deildar með sigri á nýliðum Fylkis i
Laugardalshöll I gærkvöld, 23—19. En
Haukar geta þakkað Stefáni Jónssyni
sigurinn gegn Fylki. Þegar 15. minútur
voru eftir kom Stefán inn á, og Fylkir
hafði yfir tvö mörk, 16—14. Stefán skor-
aði þrjú mörk I röð, breytti stöðunni í
17—16 og hann fylgdi þessu eftir með
tveimur mörkiim á lokakaflanum, — alls
5 mörk á 15 mínútum og sigurinn var
Hauka.
Haukar geta þakkað Stefáni bæði stig-
in, með ósérhlífni sinni og leikreynslu
beinlínis dró Stefán aðra leikmenn með
sér, einmitt þegar Haukar virtust vera
að missa leikinn úr höndum sér. Haukar
byrjuðu stórvel — skoruðu hvert markið
á fætur öðru og eftir 15 minútur höfðu
Haukar náð yfirburðastöðu, 7— 1. Síðan
11—4, og engum blandaðist hugur um
að Haukar myndu fara með öruggan sig-
uraf hólmi.
En eins og oft áður í vetur féll allur
leikur Hauka saman, mistök á mistök
ofan. Fylkir náði að minnka muninn í 4
mörk fyrir leikhlé, 12—8.
Og leikmenn Fylkis létu ekki staðar
numið — þeir komust yfir og á sjöttu
mínútu siðari hálfleiks skildu tvö mörk
Árbæjarliðinu í vil, 14—12! Fylkir hafði
þá skorað átta mörk gegn engu Hauka!
Haukar virtust vera að falla saman,
eftir 15 minútna leik skildu enn tvö
mörk Fylki í vil, 16—14. En þá hófst
Stefáns þáttur Jónssonar. Hann kom þá
inn á og reyndist sú driffjöður er Hauk-
ana hafði vantað. Á siðustu 15 minútun-
um skoraði Stefán 5 mörk af 8 mörkum
Hauka. Með þremur mörkum sínum
kom hann Haukum yfir, 17— 16 og Árni
Hermannsson jók forustu Hauka í tvö
mörk, 18—16. Jón Ágústsson minnkaði
muninn í eitt mark, 18—17. En þeir
Stefán 2 og Árni komu Haukum í 21—
17. Fylkir náði að minnka muninn í
21 — 18 en Þórir Gislason svaraði með
tveimur mörkum, og gulltryggði sigur
Hauka,23—19.
Furöulegt lið Haukar. Hafnarfjarðar-
liðið hefur sannarlega nógum mannskap
yfir að ráða. En alla festu og yfirvegun
vantar í liðið. Haukar blanda sér ekki í
baráttuna um meistaratign í vetur, en
nú hefur liðið yfirgefið botnbaráttuna og
þó Haukar nái ef til vill ekki að blanda
sér i baráttuna í ár þá á tími Hauka eftir
að koma — gefi leikmenn ekki eftir.
Fylkir hefði vafalitið sigrað, hefði
Stefán Jónsson ekki komið Haukum til
bjargar. Leikmenn Fylkis leggja aldrei
árar í bát og það eru vissulega meðmæli.
En það háir Fylki illa hve breidd vantar i
liðið.
Mörk Fylkis skoruðu: Einar Einars-
son, Guðni Hauksson 4, Einar Ágústs-
son, Gunnar Baldursson 3 hvor —
Gunnar 3 viti. Halldór Sigurðsson, ög-
mundur Kristinsson 2 mörk, Jón
Ágústsson 1 mark.
Mörk Hauka: Hörður Harðarson 5, 3
víti, Stefán Jónsson 5,2 viti. Þórir Gísla-
son 5, Andrés Kristjánsson 2, Árni
Svercisson 2, Svavar Geirsson, Ingimar
Haraldsson, Árni Hérmannsson og Ólaf-
ur Jóhannesson 1 mark hver.
Þeir bræður Bjarni Gunnarsson og
Gunnar Gunnarsson dæmdu leikinn.
HJ.