Dagblaðið - 10.11.1980, Blaðsíða 7
DAGBLAÐIÐ. MÁNUDAGUR 10. NÓVEMBER 1980.
7
Börn giftra og foreldra í sambúð fá 10% af dagheimilisrými:
„Öll börn eiga að hafa sama
rétt á dagheimilisplássi”
—segir Gerður Steinþórsdóttir
Gerður Steinþórsdóttir, fulltrúi Fram-
sóknarflokksins í félagsmálaráði.
DB-mynd: Bjarnleifur
„Við viljum stefna að því að börn á
dagheimilum séu blönduð, þ.e.a.s. að
þau séu bæði börn einstæðra foreldra
og giftra og i sambúð,” sagði Gerður
Steinþórsdóttir fulltrúi Framsóknar-
flokksins í félagsmálaráði aðspurð um
breytingartillöguna sem samþykkt var
á fundi ráðsins nýverið um að börn
giftra og í sambúð á aldrinum 3—6 ára
fái inngöngu á dagheimili.
„Við vorum að hugsa um að af-
marka aldurinn við tveggja ára. Niður-
staðan varð hins vegar sú að taka ekki
yngri börn en 3ja ára og gera dvölina
sem stytzta. Auk þess er meiri ásókn
fyrir yngri börn,” sagði Gerður.
Giftir foreldrar og foreldrar í
sambúð eiga að greiða tvöfalt gjald á
dagheimilin og Gerður var spurð hvers
vegna. „Nefndin sem fjallaði um þetta
mál kom með þá tillögu að gjaldskráin
yrði sveigjanleg eftir efnahag foreldra.
Þar sem þetta verða aðeins 10% þótti
það of flókið kerfi og þótti rétt að mis-
munur yrði gerður með tvenns konar
gjaldskrá.
Það hefur verið mikil niðurgreiðsla
fyrir einstæða foreldra og námsmenn
eða 70%, bæði á dagheimilum og á
einkaheimilum. Núnaeru 150börnein-
stæðra foreldra á einkaheimilum og
ekki nema 82 þeirra á biðlista fyrir dag-
heimili.”
— En er hægt að bæta þessum 10%
við ádagheimilin?
„Þetta er nokkurs konar kvótakerfi.
Kvótinn er sá að börn einstæðra for-
eldra eru 60%, námsmanna við Há-
skólann 18%, annarra námsmanna
10%, giftra og í sambúð verður 10%,
börn fóstra og barna frá erfiðum heim-
ilum 4%. Það verður að vera einhver
ákveðin viðmiðun sem farið verður
eftir. Þetta er spor í þá átt að öll börn
eigi rétt á að vera á dagheimilum,”
sagði Gerður.
-ELA
Bessí Jóhannsdótfir, fulltrúi
Sjálf stæðisf lokksins í f élagsmálaráði:
Aðeins sýndar-
mennska að opna
dagheimilin
„Ástæðan fyrir því að við sjálf-
stæðismenn sátum hjá er mjög einföld.
Þetta er allt saman einungis sýndar-
mennska, vegna þess að það hefur ekki
verið hægt að anna þörfum svokallaðra
forgangshópa, þ.e.a.s. einstæðra for-
eldra og námsmanna. Við höfum haft
þá stefnu að miða að því að fullnægja
þörfunum áður en biðlistarnir verði
opnaðir,” sagði Bessí Jóhannsdóttir,
fulltrúi Sjálfstæðisflokksins í félags-
málaráði. Fulltrúar Sjálfstæðisflokks-
ins sátu hjá í atkvæðagreiðslu um
breytingartillögu dagvistunarheimila.
„Þetta verður aðeins til að auka enn
meira á biðlistana. Börn giftra verða
10% við þessa breytingu. Staðreyndin
er sú að þetta er aðeins til að auka
erfiðleikana hjá starfsfólki því sem
vinnur við innritun á dagheimilin. Það
má búast við mikilli ásókn.
Ég tel persónulega að allir sem vilja
eigi að geta hafj börn sín á dagheimil-
um. En á meðan við búum við þau skil-
yrði sem eru núna þá er þetta alveg út í
bláinn. Það eru núna börn giftra á dag-
heimilum. Börn fóstra hafa fengið inni,
en það er aðeins 2% svo það er lítill
hópur. Það þyrfti að stefna að því að
einstaklingar geti valið og hafnað.”
-ELA
Bessi Jóhannsdótdr, fuDtrúi Sjálfstæðte-
flokksins i félagsmálaráði.
DB-mynd: EinarÓlason.
„Allt fyrir gluggann” eru orð að sönnu. Nú bjóðum við einnig ýmsar gerðir af
gardínuköppum úr furu, Ijósri og dökkri eik, hnotu, svo og plastkappa með
viðarlíkingu. Alls konar gardínubrautir, einfaldar, tvöfaldar og þrefaldar ásamt
nauðsynlegum fylgihlutum. Afgreiðslufrestur er u.þ.b. ein vika. Við mælum og
setjum upp brautir.
j
. _______:i ■ -g-y-ga
1 ■ 1 -.• ' 1
• .
Hikið ekki við að hringja og leita frekari upplýsinga, sem starfslið okkar veitir
með glöðu geði. Við sendum í póstkröfu um land allt.
„Allt fyrir gluggann í Álnabæ.”
Siðumúla 22 - Tjarnargotu 17,
Sími 31870 Keflavik Sími 2061