Ársrit Ræktunarfélags Norðurlands - 01.01.1970, Blaðsíða 14

þó voru sæddar á árinu 1948 alls 2.551 kýr, og fengu 71%
kálf við fyrstu sæðingu. Á aðalfundi S. N. E. í maí 1949 var
talið óhjákvæmilegt að minnka svæðið, sem kýr voru sæddar
á, en þó skyldi öllum bændum gefin kostur á, að fá I. flokks
kýr sæddar hvar sem væri á svæðinu. Sæðingagjöldin voru nú
hækkuð og stöðin lokuð á sunnudögum, en nautum var hins
vegar fjölgað á þeim svæðum, þar sem sæðingum var fækkað.
Þessi samdráttur í þjónustu sæðingastöðvarinnar olli
nokkrum vonbrigðum og óánægju hjá bændum, einkum hjá
þeim, sem lengst voru í burtu. En nokkrum árum síðar, eftir
að sæðingum fjölgaði á hinum nærliggjandi svæðum og sæð-
ingjagjöldin voru hækkuð og fjárhagur S. N. E. tók að batna,
var byrjað aftur að sæða á sunnudögum svo og að þjóna öllu
sambandssvæðinu yfir sumartímann og á meðan akvegir
reyndust greiðfærir.
Eins og áður var getið var aðstaðan á Grísabóli fyrir sæð-
ingastöðina, ekki til frambúðar. Varð því að leita nýrra úr-
ræða til bættrar aðstöðu, ekki einungis vegna reksturs sæð-
ingastöðvarinnar heldur einnig fyrir nautgriparæktarstarfið
í heild.
STOFNUN OG STARF BÚFJÁRRÆKTARSTÖÐVAR S. N. E.
Árið 1954 var runnið upp og hafði S. N. E. þá starfað í
25 ár. Þátttaka hændanna í skýrsluhaldi og félagsstarfi innan
nautgriparæktarfélaganna var af ýmsum ástæðum ekki mjög
almenn fyrstu 15 árin. En allt krefst síns aðlögunar- og þró-
unartíma. Vissulega hafði alltaf miðað dálítið í rétta átt
fyrstu 15 árin, en ýmsir voru þeirra skoðunar, að ekki hefði
verið nema um litla kynbckalega framför að ræða, heldur
aðallega um hetri fóðrun og meðferð, enda hafði kjarn-
fóðurgjöfin aukist á þessum árum um 141 kg á fullmjólka
kú. Að sjálfsögðu krefst aukið mjólkurmagn og fita aukins
fóðurs, þar sem venjulegt heyfóðurmagn með lítilli kjarn-
fóðurgjöf nægir ekki til mikilla afkasta hjá kúnum. Hins
vegar var það skoðun stjórnar S. N. E., svo og margra
16