Ársrit Ræktunarfélags Norðurlands - 01.01.1970, Blaðsíða 25

geymt það árum saman með þessum hætti. Með vaxandi
þekkingu á þessari aðferð og með notkun viðeigandi tækja
er gert auðveldara og ódýrara að framkvæma rannsóknir á
kynbótagildi ungnauta, og með djúpfrystingunni er hægt
að geyma sæði úr góðum nautum og nota það mörgum árum
eftir að þeim hefir verið fargað.
A aðalfundi S. N. E. 1959 var fyrst rætt um þessa nýju
frystiaðferð. Á aðalfundi 1962 var samþykkt að láta athuga
um kaup á þessum djúpfrystitækjum og í ársbyrjun 1963
sendi S. N. E. forstjóra sæðingarstöðvarinnar, Hermann
Jónsson, til búnaðarháskólans í Kaupmannahöfn og einnig
til Svíþjóðar til að kynna sér þessi mál og athuga um kaup
á nauðsynlegum tækjum hér að lútandi. Niðurstaða þessara
kynnisferða var sú, að heppilegast væri fyrir S. N. E. að
fresta þessum aðgerðum eitthvað, þar sem ekki lá lyrir næg
athugun á því hvernig bezt mundi að haga framkvæmdum
hér á landi varðandi þetta mál. Búnaðarfélag íslands ákvað
nú að vinna að athugun þessari með aðstoð norsks sérfræð-
ings. Niðurstaða sérfræðingsins var sú, að heppilegast mundi
fyrir okkur íslendinga að stofna og reka eina nautastöð fyrir
allt landið, þar sem djúpfryst yrði sæði úr I. flokks nautum
og einnig úr ungnautum, sem hverju sinni væru tekin til
afkvæmarannsókna. Þetta djúpfrysta sæði yrði síðan ýmist
sent sæðingastöðvunum í landinu til afnota eða geymt til
ráðstöfunar síðar. Þetta mál hefir þróast þannig á síðustu
tveimur árum, að Búnaðarfélag íslands hefir stofnað og rek-
ur nú nautastöð að Hvanneyri í Borgarfirði, og er henni
ætlað að geta þjónað í þessu efni öllum nautgriparæktarfé-
lögum í landinu, eftir því sem þau kunna að óska eftir.
Samstarf Búnaðarfélags íslands og S. N. E. hér að lútandi
hófst árið 1969. Á þessum tíma hefir Nautastöð Búnðarfé-
lags Islands að Hvanneyri fengið keypt frá Brifjárræktarstöð
S. N. E. sex fullorðin naut, sem öll höfðu áður fengið 1.
verðlaun. Ennfremur keypti Nautastöðin á Hvanneyri sex
naut frá S. N. E., sem hafa nú þegar verið tekin til afkvæma-
prófunar. Auk þess keypti Nautastöðin tíu önnur ungnaut í
uppeldi.
28