Ársrit Ræktunarfélags Norðurlands - 01.01.1970, Page 46

ar jurtir. Vantar í rauninni upplýsingar um hvaða bóráburð
hægt væri að nota, hvað mikið, á hvers konar landi og við
hvaða kringumstæður mestar líkur eru á bórskorti. Ekki
hefi ég fundið hérlendar ráðleggingar um notkun á bór-
áburði á aðrar nytjajurtir landbúnaðarins en þær, sem að
framan getur. Kemur þar einkanlega til, að bórþörf annarra
nytjaurta hérlendis er álitin mjög lítil, sérstaklega eru grös
mjög nægjusöm hvað þetta næringarefni snertir. Kartöfiur
eru einnig mjög sparneytnar á bór, en niðurstöður rann-
sókna á erlendri grund sýna, að vöntun á þessu efni getur
valdið uppskerutapi (6). Hérlendis er sem fyrr fátt um rann-
sóknir. Þó má í Skýrslum tilraunastöðvanna 1961—1964 (7)
sjá, að á Hvanneyri er bór notað sem grunnáburður í kart-
öflutilraun. Af því verður að vísu ekkert ráðið um uppskeru-
auka fyrir bór. Einnig má í sömu skýrslu sjá, að á Tilrauna-
stöðinni á Sámsstöðum var í einni tilraun með kartöflur,einn
liður með bóráburð. Uppskerutölur úr tilraun þessari sýna ó-
verulegan uppskeruauka, og í skýrslunni er engin umsögn
um niðurstöður af þessum bórreit.
AÐDRAGANDI OG FRAMKVÆMD TILRAUNAR
Vorið 1969 var sjerð tilraun í nokkura ára kartöflugarði á
Teigi í Hrafnagilshreppi. í tilraun þessari var áætlað, sem
aðalrannsóknarverkefni, að kanna gæði tækis, sem sett er á
niðursetningarvélina og fellir áburðinn niður jafnóðum og
kartöflurnar eru settar niður. Er tæki þetta bið mesta þarfa-
þing, en eins og önnur þægindi, kostar það peninga og
þyrfti því belzt að gefa eitthvað í aðra bönd í aukinni kart-
öfluuppskeru. Nú urðu niðurstöður þessarar tilraunar þær,
að notkun á umræddu tæki gaf engan uppskeruauka. Ekki
er þó ætlunin bér að kveða upp endanlegan dóm um tæki
þetta, til þess þyrfti að gera fleiri tilraunir. En í umræddri
tilraun var fleira reynt en tæki þetta. Svo bafði til borið
undangengin ár, að uppskera liafði farið minnkandi í garði
4
49