Ársrit Ræktunarfélags Norðurlands - 01.01.1970, Page 81

kalsíumáburð á kalsíumsnauðum jarðvegi í Suður-Þingeyjar-
sýslu. Niðurstöður þessara tilrauna á fyrsta ári sýndu þó ekki
neinn uppskeruauka fyrir kalsíum, en ætlunin er að halda
þeim áfram nokkur ár og reyna að fá úr því skorið hve
kalsíumfátæk íslenzk gróðurmold má vera svo ekki hljótist
af uppskerutjón. Þá voru einnig á liðnu sumri hafnar nokkr-
ar tilraunir með fosfór og kalíáburð í Eyjafirði, Skagafirði
og Austur-Húnavatnssýslu. Er með þeim ætlað að treysta
grundvöllinn undir leiðbeiningar út frá jarðvegsefnagrein-
ingum.
FRAMTÍÐARVIÐHORF
Á síðasta aðalfundi Ræktunarfélags Norðurlands voru horn-
ar fram nokkrar tiliögur um aukna og víðtækari starfsemi hjá
Rannsóknarstofu Norðurlands. Voru þessar tillögur þá lagð-
ar fyrir sérstaka nefnd, sem um þær fjallaði, þær síðan rædd-
ar á fundinum og samþykktar. Við starfsmenn Rannsóknar-
stofunnar, ásamt stjórn Ræktunarfélagsins, höfum á liðnu
ári reynt að fylgja jressum tillögum eftir. Sótt var um það til
fjárveitinganefndar Alþingis síðastliðið liaust að fá hækkað-
an ríkisstyrk til rekstrar stofunni. Með aðstoð góðra manna
fékkst sá styrkur hækkaður um kr. 100.000.00 eða í kr.
250.000.00, sem var sú upphæð, sem farið var fram á. Er von-
andi að við mætum velvilja Alþingis áfram þar sem sífelldar
hækkanir launa og annars reksturs kalla á síhækkandi fjár-
veitingar svo þessi stofnun okkar megi lífi halda.
Þar sem svo vel rættist úr með peningamál um áramót
1969—70 lögðum við ótrauðir út í það að athuga önnur
atriði, sem samþykkt voru á síðasta aðalfundi. Eins og þá var
gert ljóst, er húsnæði það, sem stofan liefur í btiið frá upp-
hafi, mjtig lítið og bíður ekki upp á neina aukningu á starf-
seminni. Því var það grundvallaratriði fyrir aukinni starf-
semi að fá stærra húsnæði. Ljóst var að ekki kom til greina
að byggja frá grunni, heldur yrði að leysa húsnæðisvanda-
málið með því að leigja. Nú er hentugt húsnæði til þessarar
84