Frjáls verslun - 01.09.1942, Page 36

25 ára verslunarafmæli
Skóverslun B
Þann 1. okt. s.l. afhenti frú Oddný Stefáns-
son, ekkja Björgólfs heitins Stefánsosnar kaup-
raanns, Verzlunarskóla Islands 25 þús. kr. sjóð
til þess að styrkja efnilega verzlunarmenn til
frekara náms, og heitir sjóðurinn „Verðlauna-
sjóður Björgólfs Stefánssonar“. Þann 1. okt.
var einnig 25 ára afmæli Skóverzlun B. Stef-
ánsson.
Sjóðstofnun þessi er gerð af mikilli rausn og
er Verzlunarskólanum mikill fengur í að hafa
fengið þetta fé til umráða.
Björgólfur heitinn Stefánsson stofnaði árið
1917, ásamt Theodór Bjarnar frá Rauðará, fyr-
irtækið Skóverzlun B. Stefánsson & Bjarnar,
og höfðu þeir félagsskap um verzlunina í 8 ár,
en árið 1925 varð Björgólfur einkaeigandi
verzlunarinnar, og rak hana síðan einn undir
nafninu Skóverzlun B. Stefánsosn. Var verzl-
unin vinsæl undir stjórn hans, enda var Björg-
ólfur með afbrigðum áhugasamur og duglegur
verzlunarmaður.
Steíá nssonar
Björgólfur fæddist á Þverhamri í Breiðdal
12. marz 1885 og var hann af góðri og vel
þekktri ætt á Austurlandi. Björgólfur átti við
mikla fátækt að búa í æsku og hafði fá tæki-
færi, til þess að leita sér menntunar, en til þess
langaði hann mjög. Hann vann fyrir sér við
ýms störf til sjávar og sveitar, og gat með því
aflað sér fararefna til þess að komast í Verzl-
unarskóla Islands 1906, sem þá var nýstofnað-
ur. Lauk hann þar námi og vann eftir það í
nokkur ár sem starfsmaður í Leðurvöruverzlun
Jóns Brynjólfssonar. Á tímabilinu, sem hann
var hjá Jóni Brynjólfssyni fór hann til Kaup-
mannahafnar til frekara verzlunarnáms og var
þar um tíma. Björgólfur menntaðist mikið og
var tungumálamaður góður. Auk Norðurlanda-
málanna, ensku og þýzku, kunni hann góð skil
á frönsku og spænsku. Kom honum þetta vel,
því eins og kunnugt er fluttust viðskiptin á
seinustu áratugum frá landi til lands, og Björg-
ólfur hafði það fyrir sið að ferðast sjálfur til
Björgólfur Stefánsson.
Oddný Stefánsson.
36
FRJÁLS VERZLUN