Frjáls verslun - 01.11.1967, Qupperneq 41

IFRJÁL5 VERZLUN
41
á innflutningskvótum á yfirstand-
andi ári, eru þessar (kvótaupp-
hæðir í svigum): Heilsokkav
kvenna úr gerviefnum (16 millj.),
húsgögn (15 millj.), byggingar-
plötur úr viðartrefjum eða öðr-
um jurtatrefjum (13 millj.), Port-
landssement (10 millj.), vopn og
skotfæri (6 millj.), brennt kaffi í
smásöluumbúðum (2.5 millj.) og
burstagerðarvörur (2 millj.). Auk
þess eru á innflutningskvótum á
þessu ári færi og línur til fisk-
veiða (80 tonn) og kaðlar til fisk-
veiða (400 tonn). í sambandi við
auglýsingu um innflutningskvóta
fyrir árið 1967 var sú breyting
gerð að auglýsa ekki kvóta fyrir
sykur, kartöflur, kol og koks og
"tyggigúmmí. Fyrir síðastnefndu
vörutegundinni eru nú veitt frjáls-
lega leyfi. Innkaupum á hinum
vörutegundunum, sem nefndar
voru hér að framan, er áfram
beint til Austur-Evrópu. T. d. er
innkaupum á sykri að verulegu
leyti beint til Tékkóslóvakíu og
Póllands, en með því að Tékkósló-
vakía og Pólland eru nú orðin
frjálsgjaldeyrislönd, hafði ekki
þýðingu að hafa vörutegundir,
sem beina ætti til þessara landa,
áf ram á innf lutningskvótum. (Inn-
flutningskvótarnir eru eingöngu
fyrir innflutning í frjálsum gjald-
eyri). Engar magntakmarkanir
eru á innflutningi vara frá Aust-
ur-Evrópu. Auk þess, sem nú hef-
ur verið getið, er rétt að taka það
fram, að ekki er leyfður neinn
innflutningur á ýmsum landbún-
aðarafurðum, svo sem kjöti og
kjötvörum, og einnig er bannaður
innflutningur á sælgæti og gos-
drykkjum.
ERFITT AÐ AUKA MEIRA
VIÐ FRÍLISTANN.
Með því að meginhluti innflutn-
ingsins er nú frjáls, en vilji er
fyrir því að vernda áfram við-
skipti okkar við Austur-Evrópu-
ríkin, er orðið mjög erfitt að
stækka frílistann meira. Mesti
hluti leyfisvaranna er nú sem fyrr
segir olíur og benzín, en einnig er
strásykur stór liður meðal leyfis-
varanna og útlit er fyrir, að inn-
kaupum á þessum vörum verði
áfram beint til Austur-Evrópuríkj-
anna á næstu árum vegna mark-
aða okkar þar eystra. En ekki er
útlit fyrir, að neinar breytingar
verði gerðar á frílistanum um
næstu áramót, bæði af þeim
ástæðum, sem nú hafa þegar ver-
ið taldar, svo og vegna erfiðleika
iðnaðarins um þessar mundir.
REGLUR UM GREIÐSLUFREST
ERLENDIS.
Önnur atriði, sem haft geta
áhrif á vöruinnflutninginn, en
veiting gjaldeyris- og innflutn-
ingsleyfa, eru reglur um erlendan
greiðslufrest og innborganir í
banka. Árið 1960 var ákveðið að
leyfa þriggja mánaða greiðslu-
frest á öllum vörum, sem fluttar
voru til landsins. Árið 1963 var
gefin út auglýsing um takmörkun
á hinum erlenda greiðslufresti og
árið 1964 var erlendi greiðslu-
fresturinn enn takmarkaður nokk-
uð. Meginreglan er þó sú, að er-
lendur greiðslufrestur er leyfður,
sé ekki um bankaábyrgð að ræða
(þ. e. 3mánuðir). Frekari greiðslu-
frestur en þrír mánuðir er leyfð-
ur við innflutning nokkurra mik-
ilvægra hráefna til iðnaðar í sam-
bandi við útflutningsatvinnuveg-
ina, við innflutning á síldarnótum
og á nokkrum öðrum mikilvægum
vörutegundum, svo sem dýrum
vélum. Fyrir nokkru var ákveð-
ið, að hækkaðar yrðu innborg-
anir í banka við vöruinnflutn-
ing, og var sú ráðstöfun gerð
til þess að draga úr gjaldeyris-
eftirspurn vegna vöruinnflutnings.
Meginbreytingarnar, sem gerðar
voi'u, eru þær, að innborganir voru
hækkaðar úr 10% í 25%, þegar
um innflutning með greiðslufresti
er að ræða, og ákveðið var að taka
upp innborganir, þegar um stað-
greiðslu væri að ræða, þ. e. 15%
af andvirði vörunnar, og skal sú
upphæð vera bundin í banka í
þrjá mánuði. Undanþegnar þess-
um breyttu innborgunarreglum
eru ýmsar vörutegundir, svo sem
mikilvæg hráefni til iðnaðar,
nauðsynjavörur, svo sem kaffi,
sykur og fleira, fóðurvörur, veið-
arfæri, einkasöluvörur og nokkr-
ar fleiri vörur.
HERT Á REGLUM.
Eins og skýrt var frá í upphafi
þessarar greinar, hafa einnig ver-
ið gerðar ráðstafanir til þess að
herða á gildandi reglum um veit-
ingu gjaldeyrisleyfa fyrir ýmsum
duldum greiðslum, en einnig hafa
verið settar nokkrar nýjar, strang-
ari reglur um veitingu slíkra yfir-
færslna. Til dæmis hefur ríkis-
stjórnin nú bannað að taka á leigu
erlend vöruflutningaskip án þess
að fá áður leyfi gjaldeyrisyfir-
valdanna til þess, hert hefur ver-
ið á reglum um leyfisveitingar
fyrir skipaviðgerðum erlendis,
strangari framkvæmd er á úthlut-
un áhafnargjaldeyris, svo og á yf-
irfærslu erlendra vinnulauna.
Er það von ríkisstjórnarinnar,
að þessar ráðstafanir muni draga
úr gjaldeyriseyðslunni og að ekki
þurfi að grípa til skerðingar frí-
listans.
Munið
Niðursuðuverksmiðjan
ORA H.F.
Kársnesbraut 86
Símar 41995-41996